01/10/2016
සැබෑ ලෝකයේ ආදරය සිනෙමාපටයක දකින කඩවසම් තරුණයෙකු හා සොඳුරු තරුණියක් අතරම ඇති වන්නක් නොවේ. ඒ පිළිබඳව ජීවමාන සාක්ෂි ඕනෑ තරම් අප ජීවතවන සමාජය තුළින් සොයාගැනීමට හැක.ආදරය පිළිසිඳ ගැනීමට රූපය බල නොපාන අවස්ථාවන් හීදී සමාජය එය " ඇපල් ගෙඩියක පණුවෙක්, තැඹිළි ගෙඩියට වහපු කපුටෙක්" වැනි මුග්ධ වදන් වලින් හැඳින්වුවද ආදරය යන මානුෂීය හැඟීම හා ඉන් ජනනය වන්නා වූ වියෝව අපේ හදවත් රිදවන්නේ දෙවිදිහකට නොව එක ලෙසමය.
මැද මාවතේ සිනෙමාකරු එච් ඩී ප්රේමරත්නයන් ගේ සිකුරුළියා සිනෙමාපටයට ධර්මසිරි ගමගේ ශූරීන්ගේ පද රචනයෙන් හා ක්ලැරන්ස් විජේවර්ධනයන්ගේ සොඳුරු සංගීතයෙන් ජේ. ඒ මිල්ටන් පෙරේරා ගේ අපූර්ව ගැයුමෙන් නිර්මිත වූ
සිකුරුළියා
ගීතය විරහව තුළ විවිධ වචනයන්ගෙන් ප්රකාශ කිරීමට උත්සාහ කරන විප්රලම්භ සෘංගාරය ද කැටි කොට සරළ සාමාන්ය ප්රේමවන්තයෙකුට දැනෙන වියෝ දුක අපුර්ව ලෙසින් අරුත් ගැන්වූ නිර්මාණයකි.
අප විඳි යම් වටිනාකමක් තවත් පරපුරකට අපට හැකි අයුරින් දායාද කොට ලැබෙන්නාවූ ආත්ම තෘප්තියට එහා කිය කිසිඳු හිමිකාරීත්වයක් මේ නැවත ගැයුම තුළින් අපි බලාපොරොත්තු නොවන අතර සියළු හිමිකාරීත්වය හා ගෞරවය මුල් නිර්මාණකරුවන්ට බිඳකදු අඩු නොවී මතුවටද හිමි වනු නො අනුමානය.
අපි Machan
