10/10/2025
✨️🖤🦋හුස්ම නුඹ✨️🖤🦋
Episode 21 (බෝනස් )
" මිස් ජයන්ති වික්‍රමසිංහ යශෝදා කියන්නෙ ඔයාගෙ එකම නංගි ඒ වගේම ඔයාගෙ හස්බන්ඩ්ගේ මල්ලිගෙ වයිෆ් නේද "
" ඔව් ඉන්ස්පෙක්ටර් එයා නංගි වගේම හස්බන්ඩ්ගෙ මල්ලිගෙ වයිෆ් තමා ඇයි එහෙම අහන්නෙ "
" අපි හොයාගත්ත විස්තර කන්ෆර්ම් කර ගන්න "
" ඉන්ස්පෙක්ටර් මට දැන ගන්න පුළුවන් ද ඇයි මාව ගෙනාවෙ කියලා "
" හරි හරි මිස් ජයන්ති ඇයි ඔච්චර හදිස්සි "
" වැරැද්දක් නොකර මාව මෙහෙම තියන් ඉන්න ඔයාලට බෑ "
" වැරැද්දක් නේද ? "
බණ්ඩාර මහතා ජයන්ති මහත්මිය ඔවුන් රැදී සිටිනා නිවස වෙත ගෙන ගොස් ඇයව එහි සාලයෙහි කෑම මේසයෙහි වාඩි කර ඒ අසලින් කාන්තා නිලධාරිනිය ද තබා ගනිමින් ඔහු ඇගෙන් ප්‍රශ්න කරමින් සිටියේය .
" 2015 අප්‍රේල් 20 යශෝදා වික්‍රමසිංහ, ආමන්ත වික්‍රමසිංහ සහ ස්වාති නිම්නාවි වික්‍රමසිංහ පැමිණි රථය රාත්‍රි 12ත් පාන්දර 1ත් අතර වෙලාවෙදි අනතුරට පත් වෙනවා.ඒ අනතුරට පත් වෙන්නෙ අතුරු පාරක ඉදන් ආපු ට්‍රක් එකක් නිසා ,ඒකෙදි අවුරුදු එකොළහක් උනු ඔවුන්ගේ දියණිය වාහනයෙන් පිටතට විසික් වෙලා හිස තුවාල වෙනවා , ට්‍රක් එක වැදුණු නිසා වාහනෙ ටිකක් ඈතට විසිවෙලා ගහක වැදිලා යශෝදා සහ ආමන්ත වාහනෙ ඇතුලෙ හිරවෙනවා.ටික වෙලාවකින් වාහනෙ ගිනි අරගන්නවා ඒ දෙන්නම ඉද්දි එතනදි ඒ දෙන්නම නැති උනා වගේම ඒ දෙන්නා හොදටම පිච්චිලා අදුර ගන්නවත් බැහැ කියලා පරීක්ෂණ කරපු නිලධාරීන් කිව්වා "
ජයන්ති මහත්මිය හට ඔවුන් දන්නා කරුණු නොපවසා එම කාලයේදී පරීක්ෂණ කටයුතු කල නිලධාරීන් පැවසූ දෑ කීය.
" මිස් ජයන්ති මොනාද මේක ගැන හිතන්නෙ ඇත්තටම ඒ දෙන්නා වාහනෙ ඉදියද "
ඇගේ උවන දෙසද බලමින් ඔහු ඇසීය.
" ඒ දෙන්නා නැති උනා ඉන්ස්පෙක්ටර් අපි එයාලගෙ ෆියුනරල් එක කරා.ගොඩක් පිච්චිලා නිසා අපිට එයාලව බලන්න දුන්නෙ නෑ "
" හ්ම්...ඒකත් එහෙමද ......මිස් ජයන්ති මේ කෙනා අදුරනවද ම්ම්....."
" මං...හ්....මං...මේ...මේ..යා...ද්...ද..න්..නෙ..නෑ..හ්.."
කමල් නම් පුද්ගලයාගෙ ඡායාරූපය දුටු සැනින් ඇය බොහොඉ සේ කලබල විය.එම තිගැස්මෙන් ම ඇය ඔහු හට පිළිතුරු දෙන විට ඇය හට වචන පවා පැටළුණි.
" හොදට බලන්න මිස් ජයන්ති "
" මං දන්නෙ නෑ ඉන්ස්පෙක්ටර් ,ප්ලීස් කරුණාකරලා මට යන්න දෙන්න ඔයාලා මගෙන මේ අහන දේවල් ගැන මට තේරෙන්නෙ නෑ.මට මගෙ හස්බන්ඩ් අසංකට කතා කරන්න ඕනෙ ඔයාලා හොදටම දන්නවනෙ අසංක වික්‍රමසිංහව "
ඇය බොහෝ සේ කලබල වී සිටියහ.
" හෝ...හෝ..මිස් ජයන්ති මොකද මේ කලබල වෙලා ආ ..තාම ඔයා කතාවෙ හොදම ටික ඇහුවෙ නෑ "
" මිස් ජයන්ති දන්නවද මේ ඉන්නෙ කමල් කියන මනුස්සයා කරන්නෙ ඩ්‍රග්ස් බිස්නස් ,මනුස්සයගෙ බිස්නස් වැටුනු කාලෙක කෙනෙක් යනවා ඒ මනුස්සයා හම්බෙන්න ,දන්නවද ඒ මොකටද කියලා ,මේ තුන්දෙනාම මරන්න කන්ට්‍රෑක් එකක් දෙන්න ,බිස්නස් වැටිලා තියෙන වෙලේ සල්ලි ඕන නිසා මේ මනුස්සයා වැඩේ භාර ගන්නවා , කෝටි හයක් දෙන්නම් කිව්වා වැඩේට "
" ඉන්ස්පෙක්ටර් මොනාද මේ කියන්නෙ ඒක මර්ඩර් එකක්ද "
" ඔව් මිස් ජයන්ති සැලසුම් සහ ගත ලෙස මැරීමට තැත් කිරීම "
" කව්ද ඉන්ස්පෙක්ටර් ඒක කරලා තියෙන්නෙ "
" කරලා තියෙන්නෙ නේද ? මිස් ජයන්තිට සැක කව්රුත් ඉන්නවද"
ඇය මොහොතක් කල්පනා කර යමක් පැවසීමට සූදානම් විය.
" ස්කෝලෙ කාලෙ නංගිට කැමති කෙනෙක් ඉදියා.නංගි බදින්න දවස් කීපෙකට කලින් ඒ පිරිමි නංගිට තර්ජනය කලා නංගිව මරනවා කියලා "
" මිස් ජයන්ති එහෙනම් පොඩ්ඩක් මේ සීසීටීවී පොටොස් ටික බලන්නකො "
"මේ...මේ... "
" වචනත් පැටලෙනවා නේද, මිස් ජයන්ති. අපි එහෙනම් දැන්වත් ඇත්ත කියමු "
"ම්..මො..න..ඇත්..ත..ද..මං...මං..මු..කු..ත්..ද..න්..නෙ..නෑ"
ඇය හට ඔහු පෙන්වා තිබුනෙ රිය අනතුර සිදු වූ ස්ථානයට ඉදිරියේ ඇති ස්ථානයක ජයන්ති මහත්මිය කමල් නම් පුද්ගලයා සමගින් කතා කරමින් සිටින ඡායාරූප කිහිපයකි.ඒවා දුටු විට ජයන්ති මහත්මිය බොහෝ සේ කලබල විය.
" මිස්,ජයන්ති මං මේ බොහොම ඉවසීමෙන් කතා කරන්නෙ මිස් ජයන්ති ගැහැනු කෙනෙක් නිසා ,මට ඕනෙ නම් මෙතනට ලේඩ් ඔෆිසර්ලා දෙන්නෙක් තුන්දෙනෙක් ගෙනත් මිස් ජයන්ති ලවා ඇත්ත කියව ගන්න පුළුවන් "
බණ්ඩාර මහතා එලෙස පවසා කාන්තා නිලධාරිනිය හට එහි රැදී සිටින මෙන් පවසා ඔහු ඇමතුමක් ලබා ගැනීමට නිවසින් පිටතට ආවේය.කාලය තප්පර,මිනිත්තු ,විනාඩි ලෙස ගෙවී ගොස් සවස පහේ කනිසම පසුවී මිනිත්තු පහලොවක් ගිය විට ජයන්ති මහත්මිය බණ්ඩාර මහතා හට කතා කිරීමට අවශ්‍ය බව තමා අසල සිටි නිලධාරිනිය හට කීය.ඇය ඒ පිළිබඳව ඔහු හට දැන්වීය.විනාඩි දහයක් ගත වන විට ඔහු පැමිණියේ ය.
" මිස් ජයන්තිට මොනාද කියන්න තියෙන්නෙ "
" මං හැමදේම කියන්නම් ඉන්ස්පෙක්ටර් "
" ගුඩ් "
" ඉන්ස්පෙක්ටර් හිතුවා හරි මං තමා ඒ ඇක්සිඩන්ට් එක කෙරෙව්වෙ ඒ වගේම ,ඒකෙදි ඒ දෙන්නා මැරුනෙ නෑ .මං එතනට වෙන දෙන්නෙක්ගෙ ඩෙඩ් බොඩි දෙකක් දාලා ඒ දෙන්නව වෙන තැනකට ගෙනිච්චා ,මං එදා එතන ඇක්සිඩන්ට් එක බලපු ඉන්ස්පෙක්ටර්ට හැමදේම වෙනස් කරන්න කියලා සල්ලි දුන්නා "
"තමන්ගෙම නංගිට මිස් ජයන්ති මෙහෙම කරේ කොහොමද"
" ඒ මගෙ නංගි නෙවෙයි "
" මොකක්ද කියන්නෙ නංගි නෙවෙයි ,එහෙනම් "
" එතකොට මට වයස අවුරුදු 12 ක් වගේ ඇති එදා අප්පච්චි මගෙ නංගිව ගෙදර එක්කන් ආවෙ එයාට කව්රුත් නැහැ කියලා මං නංගිට කැමති උනේ නෑ.මොකද අම්මයි අප්පච්චියි එයාට වැඩියෙන් ආදරේ කරයි කියලා බය උනා.එයා මට වඩා අවුරුදු තුනක් බාලයි.කොහොමහරි අවුරුදු 12 ක් ගියා.අප්පච්චි එයාගෙ යාළුවෙක්ගෙ පුතෙක්ට මාව යෝජනා කරා කිව්වා.මුලින් මං ඒකට අකමැති උනත් ඒ කට්ටිය ආවම මට යාළුවගෙ පුතා එක්ක කතා කරන්න වෙලාවක් හම්බුනා ඒ කතා කරද්දී මට හිතුනා එයා හොද කෙනෙක් කියලා මං දෙපාරක් නොහිතා අප්පච්චිට කිව්වා කැමති කියලා .එදා එයාලා යන්න ටික වෙලාවකට කලින් නංගි ක්ලාස් ඇරිලා ගෙදර ආවා .ඒ කට්ටිය නංගිව දැකලා අප්පච්චිගෙන් විස්තර අහද්දි ඔක්කොම කිව්වා.අප්පච්චිගෙ යාළුවට නංගිට වඩා අව්රුද්දක් වැඩිමල් පුතෙක් හිටියා.ඉතින් එයාලා එදා නංගිව දැකලා නංගිට එයාලගෙ බාල පුතා යෝජනා කරත් අප්පච්චි කිව්වා නංගි ඉගෙනගන්නවා කියලා .එයාලා කිව්වා නංගිට හරි වයස එනකම් ඉන්නම් කියලා.මට එදා ඒකට මාර විදියට කේන්ති ගියා. මං අප්පච්චිට කිව්වත් ඒක වෙනවට මං කැමති නෑ කියලා .වැඩක් උනේ නෑ .මගෙ කසාදෙ වෙලා අවුරුදු දෙකක් වෙද්දි අප්පච්චි නංගිගෙ කසාදෙ කරා.ඒ දෙන්නා වෙනම ගෙදරක පදිංචියට ගියා."
" මිස් ජයන්තිට තව කියන්න දේවල් ඇති කියලා මං හිතනවා "
" ඔව් ඉන්ස්පෙක්ටර් ,ඊට කලින් මට වතුර ටිකක් බොන්න දෙනවද "
" නිමාලි "
බණ්ඩාර මහතා ඇය අසල සිටි නිලධාරිනිය හට වතුර වීදුරුවක් රැගෙන එනමෙන් පැවසූ පසු ඇය මුළුතැන්ගෙය වෙත පිටත් විය.
" හරි සර් "
ඇය වතුර වීදුරුවක් රැගෙන සුළු මොහොතකින් පැමිණියේ ය.එක හුස්මට එය පානය කල ඈ නැවත කතා කිරීමට ආරම්භ කලේය.
" නංගි කසාද බැදලා අව්රුද්දක් වෙද්දි මං ප්‍රෙග්නට් උනා.එදා අසංකයි.එයාගෙ පවුලෙ අයයි මගෙ පවුලෙ අයයි හැමෝම සතුටු උනා .ඒත් ඒ සතුට තිබුනෙ මාස හතරයි.එක දවසක් උදේ මගෙ බඩ ඇතුලෙන් රිදෙන්න අරන් මට අමාරු උනා .එවලෙම මාව එයාලා හොස්පිටල් ගෙනිච්චා .මාව හොස්පිටල් ගෙනියද්දිත් මට එච්චර සිහියක් තිබුනෙ නෑ.ඩොක්ටර්ස්ලා මාව ඉක්මනින් අයි.සී.යූ එකට ගත්තලු .කොහොමහරි හරි මට පැය තුනකට පස්සෙ සිහිය ආවලු .ඒ සිහිය එද්දි මං නෝමල් රූම් එකක ඉදියෙ .මගෙ අම්මා මගෙ ඔලුව අත ගගා ඉදියෙ එයා අඩලා තිබුනා.මං ඇයි ඇහුවත් කිව්වෙ නෑ.පස්සෙ මං අසංකගෙන් බල කරලා අහද්දි එයා කිව්වා මගෙ දරුවා නැතිවෙලා කියලා මට එවලෙ තේරුනෙ හැමදේම නැති උනා වගේ හැගීමක් "
ජයන්ති මහත්මියගේ දෙනෙතෙහි තම නැතිවූ දරුවා සිහි වී සිහින් කදුළු පටලයක් තිබුණි.ඒ බව දුටු බණ්ඩාර මහතා කිසිත් නොපවසා සිටියහ.
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
පේජ් එකේ රීච් එක හොදටම අඩුවෙලා ..කතාව කියවන හැමෝම කතාවට ලයික් කරන්න..කමෙන්ට් කරන්න ..ස්ටිකර් ටිකකුත් දාගෙන යන්න..ඒක ලොකු උදව්වක්..පුළුවන් අය කතාව ශෙයාර් කරන්න..
කතාවට ලයික් කරලා කමෙන්ට් එකකුත් දාගෙන යන්න ...
පේජ් එකත් follow කරන්න...🌺.. ගෲප් වලට ශෙයා කරන්න හැමෝම කතාව. ..
දර්ශි ...📝
