03/10/2026
கனேமுல்ல சஞ்சீவ கொலை: சந்தேகநபர்களிடம் குரல் பரிசோதனைக்கு நீதிமன்ற அனுமதி கோரல்
‘கனேமுல்ல சஞ்சீவ’ கொலை தொடர்பான விசாரணையில், ‘கேஹெல்பத்தர பத்மே’ மற்றும் இஷாரா செவ்வந்தி ஆகியோரின் குரல் மாதிரிகளை அரச பகுப்பாய்வாளரிடம் பரிசோதனைக்கு உட்படுத்த கொழும்பு குற்றப்பிரிவு நீதிமன்ற அனுமதி கோரியுள்ளது.
இவர்களுக்கிடையிலான உரையாடல்கள் அடங்கிய குறுந்தகடு ஏற்கனவே அரச பகுப்பாய்வாளரிடம் சமர்ப்பிக்கப்பட்டுள்ளதாக விசாரணை அதிகாரிகள் தெரிவித்தனர். மேலும், கேஹெல்பத்தர பத்மேவின் கைபேசி தொடர்பான தடயவியல் பரிசோதனைகள் நிறைவடைந்துள்ளதாகவும், குற்றச் செயல் திட்டமிடல் தொடர்பான தகவல்கள் கிடைத்துள்ளதாகவும் நீதிமன்றில் தெரிவிக்கப்பட்டது.
சந்தேகநபர்கள் எதிர்வரும் 16ஆம் திகதி வரை விளக்கமறியலில் வைக்கப்பட்டுள்ளனர்.
#கனேமுல்லசஞ்சீவ #கனேமுல்லசஞ்சீவகொலை #கேஹெல்பத்தரபத்மே
