10/07/2025
===== දසිස් 27 ============
+ අභය දවී මුකී රුද්‍රාව කුරුලු ගෝත්‍රයට අයිති බව නුඹ පැවසුවා ඒසේම
මේ රුද්‍රාව පාලනය කරනු ලබන්නේ චන්ද්‍රයා බවද කීවා . චන්ද්‍රයාගේ පාලනය කෙසේද ?
- රජුනි මෙය මහා දීර්ඝ විස්තරයක් වනු ඇත. ඒක් මුකී රුද්‍රාව සූර්යයා පාලනය විසින් පාලනය කරනවා සේම ද්වී මුකී රුද්‍රාව චන්ද්‍රයා පාලනය කරනු ලබන්න සත්‍යකි. එසේම ඒය හෙල නීතියයි
+ ඒ කිමෙක්ද ?
- ඉර හද පවතින තුරු හෙලයද රැකෙන්නේමය. සූර්යයාගේ ශක්තියත් චන්ද්‍රයාගේ ශක්තියත් නිබඳවම හෙල ජාතියට ලබෙනේනේය.
+ අනෙකුත් ග්‍රහයන්ට වඩා මේ ප්‍රභල වනුයේ ඇයි අභය.
- කෙටියනේම කිවහොත් මේ යනු ලෝපාලක ධර්මතා දෙකකි
+ ඒ නම්
- ඒ නම් මේය. චන්ද්‍රයා යනු මේ අපට ලගම අහසහෙි සිටිනා වස්තුවයි. සත්තවයකුගේ සාමාන්‍ය දින චර්යයාව සූර්යයා විසින් පාලනය කරනු ලබන අතර චන්ද්‍රයා විසින් එසේ නොවන අසාමාන්‍ය දින චර්යයාවන් පාලනය කරනු ලබයි.
+ ඒ කෙසේද ?
- රජුනි අප සිටන මේ පොලෝ තලයේ සිදුවන සියලුම වෙනස් කම් වලට මේ හිරු සහ සඳු දෙදෙන සෘජුව බලපාන ලබයි. ඒ නිසාම ඇත අතීතයේ සිටම දේවත්වයෙන් ගෙන පුද සත්කාර සිදු කරනු ලබයි. හෙලයන් විසින් අවුරුද්දක කාලයක් ගනිනු ලබන්නේ සූර්යයාගේ ගමනය අනුව වන අතරම මසක කාලයක් ගනිනුයේ චන්ද්‍රයාගේ කාලය අනුවය. ඒ බුදුන් වහන්සේ හා ද බැඳී පවතින්නකි.
+ ඔහ් ඉපදීම බුදු වීම පිරිනිවන පමණක් නොව අනෙකුත් විශේෂ කාර්යයන්ද සිදු කර ඇත්තේ චන්ද්‍රයා පූර්ණ වන දින වලදීය.
- ඒය බුදු දහමේ නොව මනු ලොව බොහෝ අගම් වල හැටිය. චන්ද්‍රයාට සුවීශේෂී ස්ථානයක් ආගම් වල හිමිව තිබේ.
+ හ්ම්
- ඔබ වහන්සේ සිතනාකාරයට මෙලොව සදාකල් පැවැත්ම අදුරද එලියද ?
+ ඒ කිමෙක්ද
- මේ විශ්වය තුල සදාතනික පැවැත්ම ඇත්තේ අදුරද ? ආලෝකයද ?
+ එහ් මෙතෙක් නොසිතු ගැටලුවකි....
- අඳුරය රජුනි අඳුරය ..! ලොව සදාතනික සත්‍ය එසේත් නැතිනම් මුලු විශ්මයම නිතරම පවතින්නේ අඳුරකය. ඒ අඳුර පලවා හරින්නට තැන් තැන් වල ඇති කුඩා පන්දම් වැනි සූර්යයන් බොහෝ සිටිති . අප සූර්යයාද එකකි. අඳුරෙහි ශක්තියක් නැත .. වරදවා නොගන්න. ශක්තියක් යොදවා අඳරු කල යුතු නැත ඒ නිබදවම පවතී..
එහෙත් එලියක් ලබාදීමට ශක්තියක් උවමනාය.. සූර්යයාද ශක්ති ජනනයකි. ඒ ශක්තිය අපටද ලැබේ එයින් අප ජීවත් වන්නෙමු. මේ පොලෝ තලයේ වන්නා වු භ්‍රමණයක් නිසා අපට හිරු නැග ඒමත් බැස ඒමත් දැනේ .. එහෙත් එසේ කිසිවක් නැත සිදු වන්නේ අප භ්‍රමනය වෙමින් ගමන් කිරීම පමනි. එසේ සූර්යයා අපට මුවාවක් වන විට චන්ද්‍රයාගේ සහය ලැබේ. එනම් සූර්යයාගේ චන්ද්‍රයා මතට වැටෙන ආලෝකයේ පරාවර්තනයක් නිසා විශ්වයේ පවතින සදාතනික ඝන අදුරුන් අප වැසේන්නේ නැත.
+ එසේ නම් අමාවක ?
- රජුනි ඔබ දන්නේදැයි නොදැන්නෙදැයි නොදන්නෙමි. එහෙත් අමාවක , ඉරරාහු ගිලීම - සඳු රාහු ගිලීම ලෙසින් හදුන්වන මේ පොලවට පතිත වන සූර්යය ශක්තිය ගිලිහී යන්නා වූ රැයක් නොව ඉතා කුඩා මොහොතක හෝ පවා තුන් ලොව තුල බිහිසිසු සිදුවීම් සිදුව්නනේමය. බොහෝ විට නපුරු බලවේග , දුුෂ්ට ආත්මයන්, සක්වල යුද්ධ , අවධිවීම් , ආරම්භ වීම් - බලවත්වීම් වන්නේ මේ මොහොතයන් වලදීය.
+ අමාවක දිනට එතරම් භයංකාර නැත .. ඔබ පවසන අන්දමට මහා බියකුරු විශ්වීය අදුරක් නොදැනේ.
- හහ් හහ් හ්හ හ්හ රජුනි ඔබ තවම එය දැක නැත. ඒ ගැන සිතාවත් නැත.
+ කුමක්ද ?
- ඔබට පුලුවනිද මවා ගැනුමට ඔබ සිටිනා ස්ථානයෙන් එහා මෙහා තියා ඔගේ මහපටැගිල්ලක් වත් අතැගිල්ලක් වත් ඔබට නොපෙනෙන කලුවරක්. අදුරේ කෑ ගසන මැඩියෙකු, රැහැයියකෙු නොහඩන හෝරාවක් . හිවලෙකුද හූ නොතියන බල්ලෙකුද උඩු නුබුරන රැයක්, රජුනි කෑ ගැසූවත් පිලිතුරු දීමට කිසිවෙක් නොමැති ගසක කොලයකුදු නොසෙල්වන හූම් හඩක් වත් නැති මොහොතක්....
+ නැත
- අදුර යනු එයයි රජුනි. විශ්වීය අදුර යනු එයයි. ඔනෑම බල සම්පන්නයෙකු - වීර සම්පන්නයෙකු ඒ මහා මූසල අදුරට බියයි රජුනි.. ඔබ වහන්සේටත් කිසිදු දිනයක එවැනි රැයක් උදා නොවේවායි මාගේ පැතුමයි
+ රැය අමාවක වුද මාලිගයෙහි විලක්කු, පන්දම් හෝ මේ කාමරයෙහි ඇති පහන නිසාවෙන් හෝ අදුර ගැන එතරම් බියක් දැනි නැත.
- එසේය ඒ සියල්ලම ශක්තීන්ය.. ඒ අදුර නැසීමටය.. රජුනි නැවත පවසමි ලොව නිබඳවම පවතින සදාතනික සත්‍ය අඳුරය ! එය නැසීමට නම් ශක්තියක් අවැසිමය... ! බිය නොවන්න අප තුලද ඒ ශක්තිය ඇත.!
+ එසේද ?
- එසේය මා පැවසුවාක් මෙන් මේ ලෝ තලයම නිතරම අදුරින් වැසි පවති, ඒ දෑසට පෙනන ආලොකය ලෙසින් වත් දිවා රෑ ලෙසින් වත් නොගන්න, ගුණ හා නුගුන - හොද හා නරක - ශිෂ්ට හා අශිෂ්ට ලෙසින් ලෝ වැස්සක් කෙරෙහි දකින්න.. ආන්න එවිට ඔබ වහන්සේට මේ ලොවහි වැඩි පුරම ඇත්තේ ගුණ ද නුගුදැයි දැක ගත හැකිය. අප කෙසේ සිතුවත් සම විටම සෘනාත්මකය මේ ලොව වසා ගෙන සිිටියි, අප සිත වසාගෙන සිටියි...
එනම් ,
නපුර - නුගුන - අශිෂ්ට - අධරෛ්ය- අධර්මික - උදාසීනය - තණ්හාව ආදී දේය...!
එ් නසා දමා මේ ලොව එලිය කිරීමට නම් ශක්තියක් අවශ්‍ය වන්නේමය , ඒ අදුර එලවා දමා සූර්යයා නැග එන්නා සේය.
මේ ලෝකයෙහි පවත්නා අදර නැති කිරීමේ ශක්තිය අප තුල ද ඇත ඔබ තුලද ඇත සෑම මනුශ්‍යයකු තුලද අනෙකුත් ලෝ වැස්සවුන් තුලද ඇත .. අවශ්‍ය ය වන්නේ ශක්තියක් පමණි....
මේ සියල්ල ඉන් ඒකාලෝක කර මුදවා ගත හැකිය...
සෑම මනුශ්‍යයෙක් තුලම දෙවියෙකු හා යක්ෂයෙකු ඇතැයි පිරුළක් පවතියි ඒ මා මේ කියන්නවු අදුර සහ ආලෝකයයි..! ඔබ තෝරාගන්නේ අඳුරද ආලෝකයද යන්න ඔබට බාරයි.. එහෙත් අදුර නසා ආලෝකමත් කිරීම මෙලොවටත් එලොවටත් වැඩදායී වෙයි.
+ එසේය අභය එසේය පිළිගනිමි
--------------------------- කුරුළු--
#කුරුළු #දසිස්
