18/07/2025
අනතුරු වැළැක්වීම සහ ප්‍රථමාධාර පිළිබඳ එක්දින දැනුවත් කිරීමේ වැඩසටහන
2025.07.22
කොළඹදී
සංවිධාන කරන්නේ :සෞඛ්‍ය හා ජනමාධ්‍ය අමාත්‍යාංශය
ඔබේ කැමැත්ත දැන්මWhatts app කරන්න
ශ්‍රී ලංකාව තුළ රෝහල්ගත කිරීම් වලට ප්‍රධානතම හේතුව හදිසි අනතුරුයි. මේ හේතුවෙන් වසරකට රජයේ රෝහල්වලට අභ්‍යන්තර ප්‍රතිකාර සඳහා මිලියනයකට අධික වින්දිතයින් සංඛ්‍යාවක් ඇතුළත් කරන අතර, ඉන් දහස් ගණනක ප්‍රමාණයක් ස්ථිර ආබාධ සහිත තත්ත්වයකට පත්වේ. ශ්‍රී ලංකාවේ සෑම වසරකම හදිසි අනතුරු හේතුවෙන් වින්දිතයින් 12000 ක් පමණ මිය යන අතර, ඔවුන්ගෙන් වැඩිදෙනෙක් ආර්ථික වශයෙන් ඵලදායී වයස් කාණ්ඩයට අයත් වේ. කෙසේ වෙතත්, අවශ්‍ය පියවර සහ නිවැරදි ක්‍රියාමාර්ග ගනු ලැබුවහොත් සෑම අනතුරක්ම පාහේ වළක්වා ගත හැකි බව ගෝලීය වශයෙන් පිළිගැනේ.
සුරක්ෂිත සහ සෞඛ්‍යමත් අනාගතයක් සඳහා හදිසි අනතුරු වැළැක්වීමේදී පශ්චාත් ප්‍රතිකාර වලට ඇතුළත් ප්‍රථමාධාර වැදගත් සාධකයක් වේ. අනතුරු වාර්තා කරණයේදී මාධ්‍ය වශයෙන්, බලපෑමට ලක් වූවන්ගේ සංඛ්‍යාව වාර්තා කිරීම වැදගත් වනවාසේම, ඔවුන්ගේ රැකියාව හා සම්බන්ධ අනතුරු සහ හදිසි අනතුරු පිළිබඳව ගොඩනැගෙන අවදානම පිළිබඳ සැලකිල්ලට ගනිමින් ප්‍රථමාධාර පිළිබඳ කුසලතා වර්ධනය කිරීම වැදගත්වේ.
එබැවින්, ඉහත කරුණු සැලකිල්ලට ගනිමින්, සෞඛ්‍ය අමාත්‍යාංශයේ අනතුරු වැළැක්වීම සඳහා වන ජාතික කේන්ද්‍රස්ථානය වන බෝ නොවන රෝග අධ්‍යක්ෂ මණ්ඩලය (NCD) විසින් අනතුරු වැළැක්වීම සහ ප්‍රථමාධාර පිළිබඳ එක්දින පුහුණු වැඩසටහනක් 2025 ජූලි 22 වන දින පෙ.ව. 9.00 සිට ප.ව. 4.30 දක්වා කොළඹ 10, ශ්‍රී ලංකා පදනම් ආයතනයේ දී පැවැත්වීමට කටයුතු සුදානම් කර ඇත.
ඒ සඳහා, ඔබ / ඔබේ ආයතනය නියෝජනය කිරීම සඳහා මාධ්‍යවේදීන් 02 දෙනෙකු සහභාගි කරවිය හැකි නම් එය බෙහෙවින් අගය කරනු ලැබේ. සෞඛ්‍ය අමාත්‍යාංශය සමඟ සහයෝගයෙන් ඔබේ ආයතනය තුළ ප්‍රථමාධාර කණ්ඩායම් පිහිටුවීමට ද එය ඔබට තවදුරටත් සහාය වනු ඇත.
මේ පණිවුඩය සෞඛ්‍ය අමාත්‍යාංශයේ අනතුරු නිවාරණ අංශයෙනි.
වැඩි විස්තර වි වෛද්‍ය සමිත සිරිතුංග මහතා..
ජූලි 22 වැඩමුළුවට එක් වීමට කැමති අය whatts app පණිවුඩයක් එවන්න
0714327387 (Suneth)
