03/08/2026
📸 Album 02 | Certificate Presentation
කළුතර දොඩම්ගොඩ ඉසුරුපුර ශ්රී සංඝරාජ මහා විහාරයේ විහාරාධිපති, දොඩම්ගොඩ ප්රාදේශීය ශාසනාරක්ෂක බලමණ්ඩලයේ ගරු නියෝජ්ය ලේඛකාධිකාරී, සිංහල මාධ්ය ශ්රී ඉන්දසර දහම් පාසලේ හා ඉංග්රීසි මාධ්ය සිරි සුමේධ දහම් පාසලේ ප්රධානාචාර්ය, බෝසත් පාරමී පදනමේ නිර්මාතෘවර හා විධායක අධ්යක්ෂක, රාජකීය පණ්ඩිත, ත්රිපිටක විශාරද, මුළු දිවයිනටම සාම විනිසුරු අතිපූජ්ය දොඩම්ගොඩ සිරි සුමේධ නායක ස්වාමීන් වහන්සේගේ යෝජනාවකට අනුව, දොඩම්ගොඩ ප්රාදේශීය ශාසනාරක්ෂක බලමණ්ඩලයේ අනුමැතියෙන්, සමස්ත ලංකා දහම් පාසල් ඉතිහාසයේ පළමු වරට සංවිධානය වන දොඩම්ගොඩ අන්තර් දහම් පාසල් එක්දින මහා ක්රිකට් තරගාවලිය රාජ්ය වර්ෂ 2026 ක් වූ ජූලි මස 26 වන ඉරුදින උදෑසන 8.00 ට ආරම්භ වීමට නියමිත වූ අතර අධික වර්ෂාව නිසා එය උදෑසන 10.00 සිට සවස 5.00 දක්වා දොඩම්ගොඩ මහජන ක්රීඩාංගනයේ දී පැවැත්විණි.
එහිදී පළමුව ශ්රී සෝමාලෝක දහම් පාසල - කදනගොඩ හා ශ්රී නන්දාරාම දහම් පාසල - බෝම්බුවල යන දහම් පාසල් තරග වැදුණු අතර ඉන් ශ්රී සෝමාලෝක දහම් පාසල - කදනගොඩ ඊළඟ වටය සඳහා තේරී පත් විය. දෙවනුව ශ්රී ඉන්දසර දහම් පාසල - ඉසුරුපුර හා චරිත වර්ධන දහම් පාසල - නෑබඩ යන දහම් පාසල් තරග වැදුණු අතර ඉන් චරිත වර්ධන දහම් පාසල - නෑබඩ ඊළඟ වටය සඳහා තේරී පත් විය. තෙවනුව ශ්රී ජිනේන්ද්ර දහම් පාසල - පුහාඹුගොඩ හා ශ්රී සාරානන්ද දහම් පාසල - තුඩුගල යන දහම් පාසල් තරග වැදුණු අතර ඉන් ශ්රී සාරානන්ද දහම් පාසල - තුඩුගල ඊළඟ වටය සඳහා තේරී පත් විය. මෙහිදී අනපේක්ෂිත ලෙස ක්රීඩා නොකර අර්ධ අවසන් පූර්ව වටය සඳහා තේරී පත්වීමේ භාග්යය මාතෘභූමි දහම් පාසල - හර්මන්වත්ත හිමි කර ගත්තේය.
ඉන් පසුව අර්ධ අවසන් පූර්ව වටයේදී පළමුව ශ්රී සෝමාලෝක දහම් පාසල - කදනගොඩ හා චරිත වර්ධන දහම් පාසල - නෑබඩ යන දහම් පාසල් තරග වැදුණු අතර ඉන් සෝමාලෝක දහම් පාසල - කදනගොඩ අවසන් පූර්ව වටය සඳහා තේරී පත් විය. දෙවනුව ශ්රී සාරානන්ද දහම් පාසල - තුඩුගල හා මාතෘභූමි දහම් පාසල - හර්මන්වත්ත යන දහම් පාසල් තරග වැදුණු අතර ඉන් මාතෘභූමි දහම් පාසල - හර්මන්වත්ත අවසන් පූර්ව වටය සඳහා තේරී පත් විය.
අවසන් මහා තරගයේදී සෝමාලෝක දහම් පාසල - කදනගොඩ හා මාතෘභූමි දහම් පාසල - හර්මන්වත්ත යන දහම් පාසල් තරග වැදුණු අතර ඉන් ශූරතාව හිමි කරගනු ලැබුවේ සෝමාලෝක දහම් පාසල - කදනගොඩ ය. අනුශූරතාව හිමි වූයේ මාතෘභූමි දහම් පාසල - හර්මන්වත්තටයි.
ත්යාග ප්රදානෝත්සවය සවස 5.30 ට ආරම්භ විය. එහිදී ශූරතාව, අනුශූරතාව, තරගයේ වීරයා, හොඳම පන්දු යවන්නා, හොඳම පන්දු රකින්නා, හොඳම පිතිකරු සඳහා වටිනා කුසලාන හා සහතික පත්ර ද, සහභාගිත්වය වෙනුවෙන් සියලුම කණ්ඩායම් සඳහා වටිනා සහතික පත්ර ද හිමි විය. පසුව මෙම දොඩම්ගොඩ අන්තර් දහම් පාසල් එක්දින මහා ක්රිකට් තරගාවලියේ සියලු කටයුතු සවස 6.00 ට නිමා විය.
සිංහල මාධ්ය ශ්රී ඉන්දසර දහම් පාසල, ඉංග්රීසි මාධ්ය සිරි සුමේධ දහම් පාසල, බෝසත් පාරමී පදනම, ඉසුරුපුර නායකත්ව සංසදය, ඉසුරුපුර මාධ්ය ඒකකය හා ඉසුරුපුර මත්ද්රව්ය විරෝධී සංගමයේ දායකත්වයෙන් මෙය සංවිධානය කරනු ලැබිණ.
පිටපත් රචනය:
ඔනාදි ජලංගනා,
ඉසුරුපුර මාධ්ය ඒකකය.
