30/08/2026
උපුටා ගැනිමකි.....................................................
මේ මොන වගේ කෙනෙක්ගේ කකුලක් වෙන්න ඇත්ද..? හරි කැතයි නේද.?
ඇසළ පෙරහැරත් ඉවර උනා නේ. ඉතින් ලස්සනට තිබුනා නේද.? අපි ඒ වගේ ලස්සන පෙරහැරක් දැක්කේ පෙරහැරේ ගමන්කරපු සියලුම දෙනාගේ කැපකිරීමෙන්. ඒ හැමෝටම ස්තූතියි.
හැමෝම දැක්කේ පෙරහැරේ ලස්සන පැත්ත උනාට මේ පැත්ත ගැන හිතන්න අමතක උනා වත්ද.? ඒ වෙනුවෙන් මහන්සි උන අලි ඇතුන්ගේ, නැට්ටුවන්ගේ, තූර්‍ය වාදන ශිල්පීන්ගේ මහන්සිය මටත් වැඩිය ගානක් තිබුනේ නෑ මගේ නංගි මේ පෙරහැරට සහභාගි වෙනකන්. එයාගේ මේ කකුල් දකිනකන්. එයාගේ මහන්සිය කැපකිරීම් දකිනකන්. ඒ දේවල් හොඳටම තේරුම් යන්න මේවා දකින්නම උනා.
අපිත් පැය ගානක් පෙරහැර බලන්න ආසාවෙන් කට්ට කනවා තමා. හැබැයි එයාලගේ කැපකිරීම ගැන කියන්න වචන නෑ. උදාහරණයක් කියන්නද අපේ ගෙදරින්ම.
ඔක්කොටම කලින් කියන්නම් මේ කකුල් දෙකේ හිමිකාරිය මගේ චූටි නංගී. එයා අවුරුදු 16ක චූටි කෙල්ලෙක්. එයාගේ ටීම් එකම පළවෙනි කුඹල් පෙරහැරේ ඉදන්ම නැටුවා. හැබැයි එක ළඟ දවස් වල නැටුවේ නෑ. දවසක් ඇර දවසක් වගේ නැටුවා. පොඩි ළමයි නේ. හැබැයි සිව්වෙනි හා අවසන් රන්දෝලි දෙකේම එකළඟ නැටුවා.
ඉතින් අහන්නකෝ. සිව්වන රන්දෝලි දවසේ රෑ ගෙදර ඇවිත් ගත්ත ෆොටෝ 3 තමා ඉස්සෙල්ලම තියෙන්නේ. දියපට්ට දාලා කැඩිලාත් ගිහින්. සිලම්බු වලට කැපිලා. කෙන්ඩත් පෙරලිලා අමාරුවෙන් නටපු කෙල්ල ගෙදර එද්දී පාන්දර 2.30යි. වොශ් දාලා කාලා 3 වෙද්දී එදා නිදාගත්තා. ආයේ 4ට නැගිට්ටා. ඒ කියන්නේ පැයක වගේ පොඩිම පොඩි වෙලාවක් නිදාගත්තේ. ඇයි..? එයාට උදේ 5 ට්‍රේන් එකේ වේයන්ගොඩ තිබ්බ නැටුම් තරඟ වගේකට යන්න තිබුනා. (අම්මා නිදාගත්තෙම නෑ. උයලා එහෙමම ලෑස්ති උනා නංගි එක්ක තරඟවලට යන්න)
උදේ නැගිටලා කෙල්ල කියනවා කකුලට උනලු. බලද්දී කකුල ටිකක් ඉදිමිලා. ඉතින් මේ ෆොටෝවල තියෙන කකුලේ තුවාල පිටින් තරඟවලටත් ගිහින් ආවා. තරඟ වලට ගිහින් ඉන්නකොට උදේ 8.30 කෝල් එක ආවා අද අවසන් රන්දෝලි නටන්න එන්න කියලා. පෙරහැර ID එක පෙන්නලා කලින් තරඟ ඉවර කරලා ගෙදර එද්දි දවල් 1.30යි. 2.30 වෙද්දී ආයේ ගියා ඒ ඉදිමිච්ච කකුල් නිදිමර!පු ඇස් එක්ක අවසන් රන්දෝලි වලට ලෑස්ති වෙන්න. ඉතින් අවසන් රන්දෝලිත් නැටුවා. ගෙදර එද්දී පාන්දර 3යි. අද දවල් පෙරහැරත් නැටුවා. දවල් පෙරහැරට යන්න කලින් ගත්ත කකුලේ ෆොටෝ එක තමා අන්තිමට තියෙන්නේ.
ඒ වගේම නටපු කුඹල්, රන්දෝලි පෙරහැරවල්වලටත් අතරින් පතර එයා ගියෙත් උදේ ඉදන් හවස 4-5 වගේ වෙනකන් තියෙන එයාගේ පන්තිවලටත් ඉදලා. ඒ වැඩත් මිස් නොකර එහෙමම ඇදුම් දාගෙන පෙරහැරට නටන්න දිව්වා.
ඉතින් මම දැක්කා චූටි උනත් තවත් හිත හයිය කෙල්ලෙක්.❤️
ඉතින් මම මේක කියන්න උදාහරණයකට අපේ නංගි ගැන කිව්වට මේ විදියේ කැපකිරීම් දාහක් පෙරහැරේ ගමන් කරන සියලුම දෙනා මේ පෙරහැර වෙනුවෙන් කරනවා. ඒක ගැන පෝස්ට් එකකින් කියන්න තරම් මම පොහොසත් නෑ.❤️
ඉතින් ආදරෙයි ආදරණීය ස්නේහයේ නගරයට. 🥰❤️ හැමෝටම දළදා සමිඳු පිහිටයි. 🙏
🖊️ Shani Deviduni Deviduni Vlogs
