30/09/2026
😩 වැඩ ඇරිලා ආවම කෑම
හදන්නත් වෙලාවක් නැද්ද?⏰ විනාඩි 20න් රසවත් Dinner එකක් හදාගමු!
ගෙදර තියෙන සාමාන්‍ය දේවල්වලින් ඉක්මනින් හදාගන්න පුළුවන් Dinner Ideas 5ක් ම
පින්තූර 5ම බලලා, ඔයාට කැමති Recipe එක save කරගන්න.
01. Creamy Garlic Chicken + බත් + සලාද👇
අවශ්‍ය ද්‍රව්‍ය – 2 දෙනෙකුට • බෝන්ලස් චිකන් 250g – කුඩා කැබලි
• සුදුලූනු කරාබුනැටි 4ක් – සිහින්ව කපාගත්
• ලූනු ½ක් – සිහින්ව කපාගත්
• මිරිස් කුඩු ½ තේ හැඳි
• ගම්මිරිස් කුඩු ½ තේ හැඳි
• ලුණු – රස අනුව
• තෙල් මේස හැඳි 1
• කිරි 100ml
• කෝන්ෆ්ලවර් 1 තේ හැඳි + වතුර මේස හැඳි 1
• කරපිංචා ටිකක්
• වතුර මේස හැඳි 2–3
හදන විදිහ චිකන්වලට ලුණු, මිරිස් කුඩු සහ ගම්මිරිස් දමා මිශ්‍ර කරගන්න. පෑන් එකකට තෙල් දමා චිකන් එකතු කර මධ්‍යම-වැඩි ගින්දරේ විනාඩි 5–6ක් පමණ පිසගන්න. ලූනු, සුදුලූනු සහ කරපිංචා එකතු කර තවත් විනාඩි 2ක් පමණ බැදගන්න. කිරි සහ වතුර එකතු කර විනාඩි 3ක් පමණ පිසගන්න. අවසානයේ කෝන්ෆ්ලවර් දියකර එකතු කර විනාඩි 1–2ක් කලවම් කර සෝස් එක තරමක් ඝන වූ පසු ලිපෙන් ඉවත් කරන්න.
පිසූ බත් සහ පිපිඤ්ඤා, තක්කාලි, ලූනු සහ දෙහි යුෂවලින් සරල සලාදයක් සමඟ පිළිගන්වන්න.
02. Garlic Prawns + බත් + එළවළු
👇
අවශ්‍ය ද්‍රව්‍ය – 2 දෙනෙකුට • පිරිසිදු කළ ඉස්සෝ 250g
• සුදුලූනු කරාබුනැටි 5ක් – සිහින්ව කපාගත්
• ලූනු ½ක් – සිහින්ව කපාගත්
• අමු මිරිස් 1–2ක්
• මිරිස් කුඩු ½ තේ හැඳි
• ගම්මිරිස් කුඩු ¼ තේ හැඳි
• සෝයා සෝස් 1 තේ හැඳි
• ලුණු – අවශ්‍ය පමණට
• තෙල් මේස හැඳි 1
• දෙහි යුෂ තේ හැඳි 1
• කරපිංචා ටිකක්
හදන විදිහ පෑන් එකකට තෙල් දමා ලූනු, සුදුලූනු, අමු මිරිස් සහ කරපිංචා ටිකක් බැදගන්න. මිරිස් කුඩු සහ ගම්මිරිස් එකතු කර කලවම් කර ඉස්සෝ දමන්න. මධ්‍යම-වැඩි ගින්දරේ ඉස්සෝ රෝස පැහැයට හැරී හොඳින් පිසෙන තුරු විනාඩි 3–4ක් පමණ පිසගන්න. සෝයා සෝස් සහ අවශ්‍ය නම් ලුණු ස්වල්පයක් දමා කලවම් කර ලිපෙන් ඉවත් කරන්න. අවසානයේ දෙහි යුෂ ටිකක් එක් කරන්න.
උණුසුම් බත් සහ කැරට්, ගෝවා හෝ බෝංචි වැනි ඉක්මනින් පිසගත හැකි එළවළු සමඟ පිළිගන්වන්න.
03. එළවළු බිත්තර ඔම්ලට් + රොටි + පොල් සම්බෝල
👇
අවශ්‍ය ද්‍රව්‍ය – 2 දෙනෙකුට • බිත්තර 3
• කැරට් ¼ක් – සිහින්ව කපාගත්
• ලීක්ස් ටිකක් – සිහින්ව කපාගත්
• ලූනු ¼ක් – සිහින්ව කපාගත්
• අමු මිරිස් 1ක්
• ගම්මිරිස් කුඩු ¼ තේ හැඳි
• ලුණු – රස අනුව
• තෙල් තේ හැඳි 1
පොල් සම්බෝලයට • ගාගත් පොල් ½ කෝප්පයක්
• ලූනු ස්වල්පයක්
• මිරිස් කුඩු ½ තේ හැඳි
• ලුණු ස්වල්පයක්
• දෙහි යුෂ තේ හැඳි 1ක් පමණ
හදන විදිහ බිත්තර 3 බඳුනකට දමා හොඳින් ගසාගෙන ලුණු සහ ගම්මිරිස් එකතු කරන්න. එයට කැරට්, ලීක්ස්, ලූනු සහ අමු මිරිස් දමා මිශ්‍ර කරගන්න. පෑන් එකකට තෙල් ටිකක් දමා මිශ්‍රණය වත් කර අඩු-මධ්‍යම ගින්දරේ දෙපැත්තම හොඳින් පිසගන්න.
පොල් සම්බෝලයට සියලුම ද්‍රව්‍ය එකතු කර හොඳින් මිශ්‍ර කරගන්න. සූදානම් රොටි සමඟ ඔම්ලට් සහ පොල් සම්බෝලය පිළිගන්වන්න.
04. Chicken Roti Rolls + සරල සලාද
👇
අවශ්‍ය ද්‍රව්‍ය – Rolls 2ක් • සූදානම් රොටි 2
• බෝන්ලස් චිකන් 200g – සිහින් කැබලි
• ලූනු ½ක් – සිහින්ව කපාගත්
• කැරට් ½ක් – සිහින්ව කපාගත්
• ගෝවා ½ කෝප්පයක් – සිහින්ව කපාගත්
• අමු මිරිස් 1ක්
• ගම්මිරිස් කුඩු ½ තේ හැඳි
• මිරිස් කුඩු ¼ තේ හැඳි
• ලුණු – රස අනුව
• තෙල් මේස හැඳි 1
• දෙහි යුෂ තේ හැඳි 1
හදන විදිහ චිකන්වලට ලුණු, මිරිස් කුඩු සහ ගම්මිරිස් දමා මිශ්‍ර කරගන්න. පෑන් එකකට තෙල් දමා චිකන් එකතු කර වැඩි ගින්දරේ විනාඩි 5–7ක් පමණ හොඳින් පිසගන්න. ලූනු, කැරට්, ගෝවා සහ අමු මිරිස් එකතු කර තවත් විනාඩි 2–3ක් කලවම් කරගන්න. අවසානයේ දෙහි යුෂ ටිකක් දමා ලිපෙන් ඉවත් කරන්න.
රොටි ටිකක් රත් කර, මැදට චිකන් මිශ්‍රණය දමා තදින් රෝල් කරගන්න. පිපිඤ්ඤා සහ තක්කාලිවලින් සරල සලාදයක් සමඟ පිළිගන්වන්න.
05. Tuna Vegetable Rice + බිත්තර + සලාද👇
අවශ්‍ය ද්‍රව්‍ය – 2 දෙනෙකුට • පිසූ බත් කෝප්ප 3ක්
• ටින් ටූනා 1 කෑන් (ග්‍රෑම් 150–180 පමණ) – වතුර/තෙල් ඉවත් කරගත්
• බිත්තර 2
• කැරට් ½ක් – සිහින්ව කපාගත්
• ගෝවා ½ කෝප්පයක් – සිහින්ව කපාගත්
• ලූනු ½ක්
• සුදුලූනු කරාබුනැටි 2ක්
• අමු මිරිස් 1ක්
• සෝයා සෝස් තේ හැඳි 1–2
• ගම්මිරිස් කුඩු ½ තේ හැඳි
• ලුණු – අවශ්‍ය පමණට
• තෙල් මේස හැඳි 1½
හදන විදිහ පෑන් එකකට තෙල් දමා සුදුලූනු සහ ලූනු බැදගන්න. කැරට් සහ ගෝවා එකතු කර විනාඩි 2–3ක් කලවම් කරගන්න. එළවළු එක පැත්තකට කර බිත්තර දෙක කඩා දමා කලවම් කර පිසගන්න. දැන් පිසූ බත් එකතු කර හොඳින් කලවම් කරන්න. ටූනා, ගම්මිරිස් සහ සෝයා සෝස් එකතු කර විනාඩි 3–4ක් පමණ හොඳින් කලවම් කර උණුසුම් කරගන්න. අවශ්‍ය නම් ලුණු ස්වල්පයක් එකතු කරන්න.
උඩින් පිසූ බිත්තරයක් හෝ sliced boiled egg එකක් දමා, පිපිඤ්ඤා සහ තක්කාලි සලාදයක් සමඟ පිළිගන්වන්න.
ගෙදර කෑම රසට හදාගන්න, හැබැයි හැමදාම පැය ගණන් කුස්සියේ ඉන්න ඕනේ නෑ.☺️
මේ Recipes 5න් ඔයා හදන්න කැමති එකක් Save කරගන්න.
Spice Story
