ANN News

07/08/2026

சிறைக்கலவரங்களை பார்க்கும் போது சிறை பாதுகாப்பு இல்லை என்று முன் ஜாமினுக்கு தயாராகும் எதிர்க்கட்சிகள்

06/08/2026

தெளிவுபடுத்தல்

🇱🇰 ANN News 🇱🇰

சமூக வலைத்தளங்களில் தற்போது பரவி வரும் ஒரு செய்தி தொடர்பாக சில உண்மைகளை தெளிவுபடுத்த விரும்புகிறேன்.

கடந்த ஜூன் 30 ஆம் திகதி சிகரம் பிரதேசத்தில் உம்ராவுக்குச் செல்லும் ஆசிரியர் ஒருவரை வழியனுப்புவதற்காகச் சென்று விட்டு பாலமுனை வீதியால் வந்து கொண்டிருந்தேன்.

அப்போது சைக்கிளில் பயணித்த ஒரு சிறிய மாணவியை வீதியோரமாக நிறுத்தி, பாதையில் ஓரமாக செல்லுமாறு வலியுறுத்தினேன்..
அப்போது நான் மாஸ்க் அணிந்திருந்தேன்.

அந்த சமயத்தில், எனது கையில் தொலைபேசி அழைப்பு வருவதாக உணர்ந்து அதனை வெளியே எடுத்தேன்..

இவை அனைத்தும் 10 செகன்களுக்குள்ளேயே நடந்து முடிந்ததை சிசிரிவி காணொளியூடாக அவதானிக்க முடிகிறது.

பாடசாலை விட்டு வந்த பகல் நேரம், சிசிரிவி இருக்கும் இடம், பொதுவான இடம் என்ற ஒரு நிலையிலேயே இந்த நிகழ்வு இடம்பெற்றது.

இதன் பின் குறித்த மாணவி வீட்டுக்குச் சென்று இது தொடர்பாக பெற்றோரிடம் முறைப்பாடு செய்திருந்தார்.

இந்த விடயம் குறித்து மாணவி பெற்றாரிடம் கூற குடும்பத்தார் பயந்து கடத்தல் முயற்சியோ என எண்ணி மறுதினம் என்னை அழைத்து இதுபற்றிப் பேச வருமாறு அழைத்தனர்..

அங்கு குறித்த விடயத்தை தெளிவுபடுத்த முற்பட்டோம். இதனால் அசௌகரியங்களோ, தவறான புரிதலோ ஏற்பட்டிருப்பின் மன்னித்துக் கொள்ளுமாறும் கோரினோம்.

எனது விளக்கங்களை ஏற்றுக்கொண்டு பிரச்சினையை முடிப்பதாக கூறினார்..

அதன்பின் இரவு நானும் பாடசாலை அதிபரும் எனது சகோதரரும் அவர்களை சந்தித்து சென்று விடயத்தை தெளிவுபடுத்திக் கொண்டோம். எனது புறத்தில் நடந்த அசௌகரியத்துக்காக மன்னிப்பு கோரினோம்.. குறித்த பெற்றோரும் இது அமானிதம்.. இந்த விடயம் இத்தோடு முடிந்தது.. நாங்களும் அவரை பற்றி விசாரித்த வகையில் எந்தப் பிரச்சனையும் இல்லை.. சந்தேகத்துக்கு இடமாக நடந்து கொள்வதை விட்டும் தவிர்ந்து கொள்ளுமாறு ஆலோசனை கூறினார்.. இத்துடன் விடயம் முடிந்தது..

குறித்த குடும்பத்தால் வேறு எந்த நிபந்தனைகளையும் எனக்கு விதிக்கப்படவும் இல்லை..

அதன் பின் ஒரு சில நபர்கள் எனக்கு சேறு பூசும் நோக்கத்தோடு பிரச்சினையை பூதாகரமாக்கி சமூக வலைத்தளங்களில் பதிவிட்டுள்ளனர்.. இதில் எவ்விதத்திலும் சம்மந்தப்படாத
எமது குடும்ப உறுப்பினர்கள் சிலரையும் நான் பணிபுரியும் நிறுவனங்களையும் இணைத்துள்ளனர். நாம் பொய்யாக பணம் கொடுத்து ஆதாரங்களை அழித்ததாக கூறியுள்ளனர்.

இன்றும் குறித்த பெற்றாரேடன் நாம் பேசினோம்.. அவர்கள் தரப்பில் “இப்படி ஒரு வதந்தியை நாங்கள் பரப்பவில்லை. பிரச்சினை அன்றே முடிந்து விட்டது.. இது ஒரு அபாண்டமாகும்” என்று கவலையுடன் கூறினார்கள்..

மிகவும் சிறந்த முறையில் அந்தக் குழந்தையின் தந்தை முன்மாதிரியாக நடந்து கொண்டார்..

தனிப்பட்ட பழிவாங்கல்களுக்காகவும் சில குரோதங்களுக்காகவும் சிலர் இதனை பூதாகரமாக்கிக் கொண்டிருக்கின்றனர்.

எனவே இது தொடர்பாக குறி
த்த குடும்பம் முன்மாதிரியாக நடந்து கொண்டமைக்காக அவர்களுக்கு நன்றி தெரிவிக்க கடமைப்பட்டுள்ளேன்.

எனவே இந்த செய்தி குறித்த உண்மைத் தன்மையை புரிந்து கொண்டு, எனது கடந்த கால, எதிர்கால செயல்பாடுகளையும் கருத்திற் கொண்டு இந்த விடயத்திற்கு முற்றுப்புள்ளி வைக்குமாறு அனைவரையும் தாழ்மையுடன் கேட்டுக் கொள்கிறேன்.

நன்றி..
வஸ்ஸலாம்..
எம்.எஸ்.எம். நுஸ்ரி நளீமி

https://www.facebook.com/share/p/1949Wimb35/

06/08/2026

தவிறிப்போன தங்க நகை
- Chain with Pendant

🇱🇰 ANN News 🇱🇰

சராசரியாக 22 gram இடையுடைய தங்க நகையொன்று நேற்று 05.08.2027 புதன்கிழமை காத்தான்குடி கர்பலா வீதியில் இருந்து, மார்க்கட் வீதி, கடற்கரை வீதிக்குட்பட்ட பகுதி ஊடாக பயணிக்கும் போது தவறவிடப்பட்டுள்ளது.
இந் நகை விற்பனைக்கு உங்கள் கடைகளுக்கு கொண்டு வந்தால் அல்லது தகவல் தெரிந்தாலோ பின்வரும் தொலைபேசி இலக்கங்களுடன் தொடர்பு கொள்ளவும்.

077 3313338
075 0154506

https://www.facebook.com/share/p/1EN1GTemrF/

05/08/2026

காத்தான்குடி நகரசபை கழிவு சேகரிப்பு மையம் துர்நாற்றம் வீசுகிறது என்று சொன்னவர்கள் அதனை தடுக்க என்ன செய்தார்கள் என்று தெரியாது.

🇱🇰 ANN News 🇱🇰

ஆனால் காத்தான்குடியை ஒரு Smart City ஆக தரமுயர்த கடந்த 15 வருடங்களுக்கு மேலாக பாடுபட்டுக்கொண்டிருக்கும் S H M asfer அவர்கள் இதற்கு நிறைய செய்துள்ளார்கள்.

இன்று இலங்கையில் உள்ள அனைத்து சபைகளும் முன்மாதிரிக்காக வந்து பார்க்கும் இடமாக காத்தான்குடி மாறியுள்ளது..

படத்தில் இருப்பது இந்த அரசாங்கத்தில் 150 இலட்சம் செலவில் Chairman தனது சொந்த சிந்தனையில் உருவாக்கிய Plastic waste recycling unit ஆகும்.

40 இற்கும் மேற்பட்ட நாடுகளுக்கு பயணம் செய்து கற்றுக்கொண்ட அனுபவத்தின் அடிப்படையிலேயே
Chairman இப்படியான வேலைகளை தைரியமாக முன்னெடுக்கிறார்.

எந்த அரசாங்கம் வந்தாலும் அந்த அரசாங்கத்தில் எப்படி chairman உங்களால் மட்டும் Fund raise பண்ண முடிகிறது?! என்று கேட்டால் சிரித்துக்கொண்டே " நீங்கள் கொடுக்கும் proposal முழுமையானது என்றால் யாரும் நிதி செலவழிக்கத் தயாராக இருப்பார்கள்" என்று சொல்லுவார்.

ஒரு ஊர் தொடர்ச்சியாக மூன்று தடவைகள் ஒரே நபரை chairman ஆக வைத்திருக்கிறது என்றால் சும்மாவா?!

- Rila Marzook-

https://www.facebook.com/share/p/1HaunYhZRL/

05/08/2026

03/08/2026

36வது ஷூஹதாக்கள் தினம் காத்தான்குடியில் உணர்வு பூர்வமாக இடம்பெறுகின்றது...

🇱🇰 ANN News 🇱🇰

01/08/2026

தேசிய சுஹதாக்கள் தினம்:
காத்தான்குடி வர்த்தக நிலையங்களை நிகழ்ச்சி முடியும் வரை மூட வர்த்தக சங்கம் கோரிக்கை...

🇱🇰 ANN News 🇱🇰

தேசிய சுஹதாக்கள் தினத்தை முன்னிட்டு எதிர்வரும் 03.08.2026 திங்கட்கிழமை காலை காத்தான்குடி மீரா பெரிய ஜும்மா பள்ளிவாசல் மற்றும் ஹுஸைனியா பள்ளிவாசல்களில் பல்வேறு நிகழ்வுகள் நடைபெறவுள்ளன.

இந்நிகழ்வுகளில் அனைத்து வர்த்தகர்களையும், ஊழியர்களையும் தவறாது கலந்துகொள்ளுமாறு தாழ்மையுடன் கேட்டுக்கொள்கின்றோம்.

இந்நிகழ்ச்சிகள் நடைபெறுவதைக் கருத்திற் கொண்டு, அன்றைய தினம் காலை வேளையில் நிகழ்ச்சிகள் நிறைவடையும் வரை தங்களுடைய வர்த்தக நிலையங்களை மூடி, நிகழ்வுகள் சிறப்பாக நடைபெற ஒத்துழைப்பு வழங்குமாறு கேட்டுக்கொள்கின்றோம்.

https://www.facebook.com/share/p/1DJAaDoNDa/

01/08/2026

🔵 மட்டக்களப்பு பசார் தீ விபத்தில் பாதிக்கப்பட்ட கடை உரிமையாளருக்கு ரூ.766000/- நிதி உதவி

🇱🇰 ANN News 🇱🇰

கடந்த ஜூலை மாதம் மட்டக்களப்பு பசார் பகுதியில் திடீரென ஏற்பட்ட தீ விபத்தினால், ‘ஐ போன் ரிப்பேரிங்’ என்ற ஸ்தாபனம் முற்றாக எரிந்து நாசமானது. இதனால் தொழில் இழந்த அக்கடையின் உரிமையாளர் சகோதரர் இர்ஷாத் அவர்களுக்கு, மட்டக்களப்பு சலாமா பவுண்டேஷன் மற்றும் மட்டக்களப்பு வர்த்தகர்களின் பெருமுயற்சியினால் திரட்டப்பட்ட நிதி உதவி இன்று வழங்கி வைக்கப்பட்டுள்ளது.

இந்தத் துயரச் சம்பவத்தையடுத்து, பாதிக்கப்பட்ட வர்த்தக ஸ்தாபனத்தினை மீளமைக்க மட்டக்களப்பு வர்த்தகர்களும், சலாமா பவுண்டேஷனின் நிர்வாகிகளும் இணைந்து நிதியுதவி திரட்டும் பணியில் தீவிரமாக ஈடுபட்டனர்.

இதன்படி, மொத்தம் 86 தனவந்தர்களிடம் இருந்து பெறப்பட்ட ரூ. 7,66,000 (ஏழு லட்சத்து அறுபத்தாறாயிரம் ரூபாய்) நிதி திரட்டப்பட்டது.

சேகரிக்கப்பட்ட இந்த உதவித்தொகையை கையளிக்கும் நிகழ்வு, இன்று 31ஆம் திகதி ஜூலை மாதம் அஸர் தொழுகையைத் தொடர்ந்து மட்டக்களப்பு ஜாமியுஸ்ஸலாம் பள்ளிவாயலில் நடைபெற்றது. குறித்த நிகழ்வில் பாதிக்கப்பட்ட கடை உரிமையாளரான இர்ஷாத் அவர்களிடம் இந்த உதவித்தொகை முறைப்படி கையளிக்கப்பட்டது.

சம்பவத்தால் பாதிக்கப்பட்ட ஒருவரின் தொழில் நடவடிக்கைகளை மீண்டும் கட்டியெழுப்ப உதவும் வகையில், தாராள மனதோடு நிதியுதவி வழங்கிய அனைத்து தனவந்தர்களுக்கும் சலாமா பவுண்டேஷன் அமைப்பினர் தங்களது நன்றிகளை தெரிவித்தனர்.

- அட்மின் (Salama Foundation)

https://www.facebook.com/share/p/18HSCGbjx6/

01/08/2026

காத்தான்குடி முதியோர் இல்லத்தில் ஜனாஸா...

🇱🇰 ANN News 🇱🇰

காத்தான்குடி முதியோர் இல்லத்தில் இருந்த அநுராதபுரத்தைச் சேர்ந்த முகமது பிளாள் (வயது 85) இன்று சனிக்கிழமை காலை வபாத்தானார்

இன்னா வில்லாஹி வஇன்னா இலைஹி ராஜிஊன்

அன்னாரின் ஜனாஸா இன்று காலை 8 மணிக்கு முதியோர் இல்ல பள்ளி வாயலில் ஜனாஸா தொழுகை நடாதப்பட்டு புதிய காத்தான்குடி பத்ரியா ஜூம்ஆ பள்ளிவாயல் மைய்ய வாடியில் நல்லடக்கம் செய்யப்படும்..

https://www.facebook.com/share/p/1KtsB3fr5P/