https://www.facebook.com/132161649991646/

මා දුටු ලෝකය, Polhena Road, Kohalwila (2025)

05/09/2025

2025 ගිම්හාන සංචාරයේ මතක සටහන් - 6 🌎

අද කතාව Sound of Music ගැන. 1965 අවුරුද්දේ විකාශය වෙච්ච අමෙරිකානු ගීතමය චිත්‍රපටයක් තමයි Sound of Music කියන්නෙ. 🎬 මව අහිමි දරුවන් හත්දෙනෙකුගේ භාරකාර ගුරුතුමිය හැටියට සේවය කරන සංගීත ගුරුවරියක් වටා තමයි මේ චිත්‍රපටය නිර්මාණය වෙන්නෙ. 💁‍♀️

1949 ප්‍රකාශයට පත්වෙන The Story of the Trapp Family Singers කියන පොත ආශ්‍රිත කරගෙන තමයි මෙහි තිරපිටපත ලියවෙන්නෙ. මේ චිත්‍රපටියෙ ප්‍රධානතම රූගත කිරීම් සිදුවෙන්නෙ අමෙරිකාවේ ලොස් ඇන්ජලිස් සහ ඔස්ට්‍රියාවේ සැල්ස්බර්ග් නගරවල. 📽️

ලොව පුරා අතිශයින්ම ජනාදරයට පත්වෙන මේ Sound of Music චිත්‍රපටය, බොක්ස් ඔෆිස් වාර්තා පිහිටුවමින් ප්‍රදර්ශනය කෙරෙනවා. 1966 දී Academy Awards සම්මාන 5ක් මේ චිත්‍රපටයට හිමිවෙනවා. 🏆️

Sound of Music නිසාම ඔස්ට්‍රියාවේ සැල්ස්බර්ග් නගරය ලොව පුරා වඩාත් ප්‍රචලිත වෙනවා. චිත්‍රපටය රූගත කරපු තැන් බලන්න සංචාරකයින් එන්න පටන් ගන්නවා. අදටත් ඒ අයගෙ අඩුවක් නැහැ. මේ හින්දම film location බලන්න වෙනම සංචාර පවා සැල්ස්බර්ගවලදි දකින්න පුලුවන්. 🚍

අපේ මේ ගමනෙදිත් Sound of Music film location කීපයකටම යන්න අපි අමතක කළේ නෑ.

මේ පහළ වීඩියෝවලින් චිත්‍රපටියෙ දර්ශන කීපයක් බලන්න පුලුවන්. අද ඒ තැන් ටිකක් පින්තූවල අඳුරගන්න පුලුවන් ද බලන්නකො.

1. https://youtu.be/drnBMAEA3AM?si=6S2jIqQhCW7CN0Xl

2. https://youtu.be/pLm07s8fnzM?si=Avb_y4KXrhDI4CT-

අපේ සංචාර බලන්න ඔයාල කැමතිනම් මෙන්න මේ Youtube Channel (www.youtube.com/) එකට ගිහින් බලන්න පුලුවන්. 🙏❤🌹

04/09/2025

Hunas Falls Hotel Kandy...... ⛰️🌫️

03/09/2025

පොළොන්නරුව ගල් විහාරය 🪷🙏....

02/09/2025

2025 ගිම්හාන සංචාරයේ මතක සටහන් - 5 🌎

වර්ග කිලෝමීටර් 66ක් විතර විශාල මේ සැල්ස්බර්ග් නගරය තමයි ඔස්ට්‍රියාවේ හතරවෙනියට විශාලම නගරය. කිලෝමීටර් 227ක් දිග Salzach ගංගාව මේ නගරය මැදින් ගලාගෙන යනවා. 🏞️

අපේ හිතවතෙක් අහල තිබ්බා මේ Padlocks දාලා තියෙන පාලම ගැන.🔐 යුරෝපෙ ගොඩක් රටවලදි මම මේ වගේ ඒව දැකල තියෙනවා. අලුත විවාහ වුණු ජෝඩු හරි පෙම්වතුන් පෙම්වතියන් හරි තමයි මේ වැඩේ කරන්නෙ. තමන්ගෙ ආදරය ස්ථිරයි නොවෙනස් කියල පෙන්නන්න මේ විදිහට Padlocks දාලා යතුර ගඟට වීසි කරනවා. ❤️ තම තමන්ගේ නම් ගහල, විවාහ අවුරුද්ද ගහල, විවිධ වර්ණ, විවිධ හැඩ, විවිධ ප්‍රමාණවලින් මේවා තියෙනවා.

ඒ වගේම ඩොප්ලර් ආචරණය කියන සිද්ධාන්තය ලෝකයට හඳුන්වන්වා දුන් ක්‍රිස්ටියන් ඩොප්ලර් කියන භෞතික විද්‍යාඥයාගේ උපන් නිවස තියෙන්නෙත් මේ සැල්ස්බර්ග් නගරයේ.

ගඟෙන් එක් පැත්තක තියෙනවා UNESCO ලෝක උරුමයක් වෙච්ච Historic Center එක හෙවත් පැරණි නගරය. මේ පැරණි නගරයට මීටර් 500 ක වගේ උසකින් තියෙනවා Hohensalzburg බලකොටුව 🏰. 1077 අවුරුද්දෙ තමයි මේ බලකොටුව ඉදිකිරීම ආරම්භවෙලා තියෙන්නෙ. නගරයේ තියෙන Funicular කියල හඳුන්වන කේබල් කාර් එකෙන් බලකොටුවට ළඟාවෙන්න පුලුවන්. ඒකෙ වීඩියෝ එකක් ඔයාලට බලන්න මම දාල තියෙනවා. මීට අමතරව විවිධ කලා නිර්මාණ රැසක්ම මේ පැරණි නගරයේ දී දැක ගන්න පුලුවන්. Getreidegasse (Grain Lane) කියල හඳුන්වන සැල්ස්බර්ග්වල ප්‍රසිද්ධම shopping street එක තියෙන්නෙත් මේ පැරණි නගරයේ.

සැල්ස්බර්ග්වල තියෙන තවත් ප්‍රසිද්ධ දෙයක් තමයි මේ අශ්ව කරත්තවල ගමන. පැරණි නගරය පුරා සංචාරකයන්ට මේ අශ්ව කරත්ත tour එකක් යන්න පුලුවන්.

හරි මේව තමයි අපේ සැල්ස්බර්ග් නගර සංචාරයේ තොරතුරු. ඊළඟට ගේන අන්තිම කොටසින් මම ඔයාලට කියනවා Sound of Music චිත්‍රපටිය සැල්ස්බර්ග්වල රූගත කිරීමට අදාලව අපි දැකපු විස්තර.

අපේ සංචාර බලන්න ඔයාල කැමතිනම් මෙන්න මේ Youtube Channel (www.youtube.com/) එකට ගිහින් බලන්න පුලුවන්. 🙏

ඔයලගෙ අදහසුත් පහළ කොටාගෙන යන්න. ❤🌹

02/09/2025

අසර්බයිජානයේ බකු අගනුවර Heydar Aliyev මධ්‍යස්ථානය...🏢🌟

29/08/2025

2025 ගිම්හාන සංචාරයේ මතක සටහන් - 4 🌎

අද කතාව Wolfgang Amadeus Mozart එහෙම නැත්නම් "මොසාට්" ගැන. 1756 ජනවාරි 27 දා මොසාට් උපත ලැබුවේ අපි මේ ඇවිල්ල ඉන්න ඔස්ට්‍රියාවේ සැල්ස්බර්ග් නගරයේ. 🏙️

බටහිර සංගීතයේ විශිෂ්ටතම නිර්මාපකයෙක් හැටියට මොහුව පිළිගැනෙනවා. අවුරුදු 35ක් වගේ කෙටි ජීවිතයක් ගතකරපු මොසාට්, ඒ කාලය තුළ කරපු සංගීත නිර්මාණ අති විශිෂ්ටයි. අවුරුදු 5ක වගේ වයසක ඉඳල සංගීත ක්ෂේත්‍රයට පය තියපු මොහු සංගීත නිර්මාණ 800කට වැඩි ප්‍රමාණයක් කරල තියෙනවා.🎶🎼

සැල්ස්බර්ග්වල අපි ඉස්සෙල්ලම ආවෙ මොසාට් පදිංචි වෙලා හිටපු ගේ ගාවට. ඊළඟට මොසාට් ඉපදුනු ගේ ගාවට. 🏠️ මේ තැන් දෙකම සැල්ස්බර්ග්වල ඉහළ සංචාරක ආකර්ෂණය දිනාගත්ත තැන් දෙකක්. වර්තමානයේ මේ තැන් දෙකේම කෞතුකාගාර පවත්වාගෙන යනවා.

ඒ වගේම සැල්ස්බර්ග් පැරණි නගර මධ්‍යයේ මොසාට් ගේ ප්‍රතිමාවකුත් ඉදිකරල තියෙනවා.🗽

තවත් දෙයක්, මොසාට් කියන්නෙ ලෝකයම ගරු කරන වටිනා පුද්ගලයෙක්. මොසාට් නිසා අදටත් ඔස්ට්‍රියාවේ සැල්ස්බර්ග් නගරයට සංචාරකයින් දහස් ගණනක් එනවා. මොසාට් කියන්නෙම සැල්ස්බර්ග්වල symbol එකක්. මොසාට් චොකලට්, මොසාට් ගේ රූපය තියෙන ඇඳුම්, බෑග් වගේ විවිධ සමරු උපකරණ, මොසාට් ගෙ පිළිම නගරය පුරා විකුණන්න තියෙනවා. මොසාට් ගෙ නම තියෙන කඩ සාප්පු, ආපනශාලා පවා සැල්ස්බර්ග් නගරයේ දකින්න පුලුවන්. ඉතිං ඔස්ට්‍රියා ජාතිකයො හරි වෙන කවුරු හරි මේ තරම් ප්‍රසිද්ධ වටිනා පුද්ගලයෙක්ව විකුණං කනව කියල විරෝධතා නම් කරන්නෙ නෑ. Tourism නම් Tourism. 😁

ඊළඟ කොටසින් මම ඔයාලට සැල්ස්බර්ග් නගරය ගැන විස්තර කියන්නම්. අපේ සංචාර බලන්න ඔයාල කැමතිනම් මෙන්න මේ Youtube Channel (www.youtube.com/) එකට ගිහින් බලන්න පුලුවන්. 🙏

28/08/2025

හෙට හවස 6.30 ට ශ්‍රී ලංකා වේලාවෙන්... ජර්මනියේ ඇල්ප්ස් කඳු පාමුල ලස්සන ගම්මානය... "මා දුටු ලෝකය" Youtube චැනල් එකෙන්.....

26/08/2025

2025 ගිම්හාන සංචාරයේ මතක සටහන් - 3 🌎

ඔස්ට්‍රියාවේ සැල්ස්බර්ග් නගරයේ මිරාබල් මාළිගාව සහ උද්‍යානය (Mirabell Palace and Gardens) තමයි අපේ පළවෙනියටම බලන්න ගිය තැන. Prince-Archbishop Wolf Dietrich von Raitenau කියන සැල්ස්බර්ග් නගරයේ හිටපු පාලකයා තම බිරිඳ වෙනුවෙන් විනෝදකාමී මාළිගාවක් විදිහට තමයි මේක හදල තියෙන්නෙ. ඒ 1606 අවුරුද්දේ.

මේ මාළිගාව ඇතුළෙ තියෙන Marble Hall එක වර්තමාන ලෝකයේ තියෙන ලස්සනම wedding hall එකක් හැටියට පිළිගැනෙනවා. අපි ආපු වෙලාවෙත් මෙතන wedding එකක් තිබ්බා (වීඩියෝ එකක් දාලා තියෙන්නෙ) 💍. මේ මාළිගාවත් සැල්ස්බර්ග් UNESCO ලෝක උරුම කළාපයේ කොටසක්.

17 වන සියවසේ තමයි මුල් භාගයේම ඉදිකිරීම් ආරම්භ කරපු මේ මාළිගාවේ උද්‍යානය 1690 දී නැවත සැලසුම් කරල තියෙන්වා. Pegasus Fountain, Grand Fountain, Rose Garden, Dwarf Garden වගේ විශේෂ ලක්ෂණ මේ උද්‍යානයේ දකින්න පුලුවන්. අද මම දාල තියෙන ඡායාරූවල මේ තැන් ඔයාලට බලාගන්න පුලුවන්. 🌹⛲

මේ මිරබල් මාළිගාව ලෝකය පුරා ප්‍රසිද්ධ වුනේ 1965 තිරගත වෙච්ච Sound of Music චිත්‍රපටය නිසා. ඒ චිත්‍රපටියෙ දර්ශන සඳහා පසුතලයක් හැටියට මෙතන යොදාගෙන තියෙනවා. 🏔️ මේ වීඩියෝවෙ තියෙන Do-Re-Mi කියන චිත්‍රපට ගීතයේ මේ තැන් දකින්න පුලුවන්. (https://youtu.be/pLm07s8fnzM?si=lq6Bx1bTMwA-ZSHo)

එහෙනම්, සැල්ස්බර්ග් නගරයේ අනිත් තොරතුරු එක්ක ඊළඟ කොටසින් හමුවෙමු. අපේ සංචාර බලන්න ඔයාල කැමතිනම් මෙන්න මේ Youtube Channel (www.youtube.com/) එකට ගිහින් බලන්න පුලුවන්. 🙏

24/08/2025

2025 ගිම්හාන සංචාරයේ මතක සටහන් - 2 🌎

ඔන්න අද ඉඳල අපේ 2025 ගිම්හාන යුරෝපා සංචාරයේ විස්තර ඔයාලට කියන්න තමයි මේ සූදානම. ❤️

අපේ ගෙවල් තියෙන්නෙ බෙල්ජියමේ බ්‍රසල්ස් නගරයේ. අපේ පළවෙනි නැවතුම හැටියට අපි තෝරගත්තෙ ඔස්ට්‍රියාවේ සැල්ස්බර්ග් නගරය. Google map එකේ හැටියට කි.මී. 900ක විතර දුරක් පැය 9කින් විතර Drive කරගෙන යන්න පුලුවන්. 🌐 එක දිගට මේ ගමන අමාරු නිසා අපි කලින් දවසේ දවල් ගෙදරින් පිටත් වෙලා කි.මී. 500 ක් විතර drive කරල ජර්මනියෙ නතරවෙලා පහුවෙනිදා තමයි සැල්ස්බර්ග් නගරයට ආවෙ.

ඇයි අපි සැල්ස්බර්ග් තෝරගත්තෙ ? සැල්ස්බර්ග් කියන්නෙ ඇල්ප්ස් කඳු ආශ්‍රිතව තියෙන ලස්සන නගරයක්. 🏞️ ඒ වගේම රෝම ශිෂ්ඨාචාරය දක්වා දිවයන අතීතයක් සැල්ස්බර්ග්වලට තියනවා. ජර්මනියේ දේශසීමාවට ඉතාම ආසන්නයේ පිහිටල තියෙන මේ නගරය මධ්‍යතන යුගයේ යුරෝපයේ වැදගත් ස්ථානයක්. තවත් කාරණයක් තමයි Wolfgang Amadeus Mozart කියන ලෝක ප්‍රසිද්ධ සංගීතඥයාගේ උපන් නගරයත් මේ සැල්ස්බර්ග්. 🎶

ඒවගේම 1965 තිරගත වෙච්ච Sound of Music කියන ඉතාම ප්‍රසිද්ධ වෙච්ච ඇමෙරිකානු චිත්‍රපටියෙත් බොහෝ රූ ගත කිරීම් සැල්බර්ග් නගරය ආශ්‍රිතව කරල තියෙනවා. UNESCO ලෝක උරුම ලැයිස්තුවටත් ඇතුල්වෙලා තියෙන මේ නගරය, ඇල්ප්ස් කඳු ආශ්‍රිත පිහිටීම නිසා තවත් ආකර්ෂණීය වෙලා තියෙනවා. 2024 අවුරුද්දේ ඔස්ට්‍රියාවේ මේ සැල්ස්බර්ග් නගරයට විතරක් ආපු overnight tourists ගාන මිලියන 3.14 ක්.

හරි ඔන්න ඔය නිසා තමයි අපිත් සැල්ස්බර්ග් නගරයට එන්න හිතුවෙ මුලින්ම. හැබැයි මෙහෙ ටිකක් ගණන් වැඩි. කෑම බීම, නවාතැන් එහෙම මිල ඉහළයි. ගිම්හාන කාලයේ සංචාරකයො එනව වැඩි නිසා තවත් මිල ගණන් ඉහළ ගිහින් තියෙන්නෙ. ඒ වගේම හෝටලයක් වෙන්කරගන්න එකත් ලේසි නෑ ඉල්ලුම වැඩි නිසා. අපිට කාර් එක තිබ්බ නිසා අපි නතරවුනේ නගරයෙන් ටිකක් දුරින් ගොවිබිම් ආශ්‍රිත ප්‍රදේශයක බොහොම නිස්කලංක cottage house එකක.🛖

එහෙනම්, සැල්ස්බර්ග් නගරයේ අනිත් තොරතුරු ඊළඟ කොටසින්. අද දාල තියෙන්නෙ සැල්ස්බර්ග් නගරයේ ප්‍රධාන තැන් කීපයක ඡායාරූප. මේ තැන්වල විස්තර මම ඉදිරියේදී කියන්නම්.

අපේ සංචාර බලන්න ඔයාල කැමතිනම් "මා දුටු ලෝකය" Youtube චැනල් එකෙන් ඔයාලට බලන්න පුලුවන්. 🙏

මෙන්න ලින්ක් එක : www.youtube.com/

21/08/2025

2025 ගිම්හාන සංචාරයේ මතක සටහන් -1

යුරෝපයේ ගිම්හාන කාලය, විශේෂයෙන්ම ජූලි - අගෝස්තු කියන්නෙ නිවාඩු කාලේ. රාජකාරි කෙරන්නෙ ගොඩක් අඩුවෙන්. මිනිස්සු හැමෝම වගේ නිවාඩු දාලා සංචාරය කරන්න තමයි මේ කාලේ යොදාගන්නෙ.

අපිත් ගත්තා සති දෙකක නිවාඩුවක්. මේ සැරේ අපි ගියේ කොහෙද ? 🏞️🏛️🌎

1. ඔස්ට්‍රියාවේ සැල්ස්බර්ග් නගරය
2. ඉතාලියේ වැනිස් නගරය
3. ස්ලෝවේනියාවේ ලුවියානා නගරය
4. ක්‍රොඒෂියාවේ සැග්රබ් නගරය
5. පෝලන්තයේ ක්‍රකොව් නගරය

බෙල්ජියමේ බ්‍රසල්ස් නගරයේ ඉඳල අපි මේ ගමන ගියේ කාර් එකෙන්. ගමන ඉවර වෙලා ගෙදරට ආවට පස්සෙ කාර් එකේ විතරක් සම්පූර්ණ ගමන කිලෝ මීටර් 5,700 ක්. 😀

ඉතිං, අපේ මේ යුරෝපා සංචාරයේ විස්තර මම ටික ටික ඔයාලට කියන්නම්....

තොරතුරු දැන ගන්න විස්තර කතා කරන්න කැමති අය "මා දුටු ලෝකය" පේජ් එක follow කරල එකතුවෙන්න. ❤️

20/08/2025

Shout out to my newest followers! Excited to have you onboard! Ranga Damith, Gamineesenadheera Irugalbandara, Amarasena Kay, Punsara Nirmal Nandasiri, Prasadi Prasadi, Upsekanayaka Ekanayaka, Sandaya Athula, Lalani Suraweera, Sampath Kumara, Ranjani Senavirathna, Gamini Namasinha, Thushari Mendis, Gihan Samitha

මා දුටු ලෝකය

05/09/2025

04/09/2025

03/09/2025

02/09/2025

02/09/2025

29/08/2025

28/08/2025

26/08/2025

24/08/2025

21/08/2025

20/08/2025

Address

Website

Alerts

Shortcuts

Share

Category