06/10/2026
ගල්ගමුවේදී 🔴වනඅලි නාශක හක්කා පටස් ඇතුළු උගුල් නිෂ්පාදනාගාරයක් වටලයි!
වනඅලින්ගේ ජීවිතවලට දැඩි තර්ජනයක් එල්ල කරන හක්කා පටස් ඇතුළු විනාශකාරී උපකරණ නිෂ්පාදනය කළ රහසිගත ස්ථානයක් ගල්ගමුව ප්‍රදේශයේදී සොයාගෙන විනාශ කිරීමට පරිසර අමාත්යාංශය පියවර ගෙන තිබේ. පරිසර අමාත්‍යවරයාගේ නියෝග පරිදි ක්‍රියාත්මක වූ මෙම විශේෂ ඒකාබද්ධ මෙහෙයුම සඳහා වනජීවී සංරක්ෂණ දෙපාර්තමේන්තුව, පොලිස් විශේෂ කාර්ය බළකාය (STF) සහ සිවිල් ආරක්ෂක දෙපාර්තමේන්තුව එක්ව ඇත. අද (06) සිදුකළ මෙම වැටලීමේදී මුවහම්, හක්කා පටස් මෙන්ම වනසතුන් නීතිවිරෝධී ලෙස ඝාතනය කිරීමට යොදාගන්නා විවිධ උපකරණ රැසක් අත්අඩංගුවට ගෙන ඇති අතර, ඊට සම්බන්ධ සැකකරුවන් කිහිපදෙනෙකු ද අත්අඩංගුවට ගෙන තිබේ.
කණ්ඩායම් පහකට බෙදී නිලධාරීන් විසින් සිදුකළ මෙම විශේෂ මෙහෙයුමෙන් අත්අඩංගුවට ගත් සැකකරුවන් සහ උපකරණ පිළිබඳ ඉදිරි අධිකරණමය ක්‍රියාමාර්ග ගැනීම සඳහා මේ වන විට වැඩිදුර විමර්ශන ආරම්භ කර ඇත. මෙරට වනඅලි සම්පත ඇතුළු වනජීවීන් ආරක්ෂා කරගැනීම උදෙසා මෙවැනි විනාශකාරී උගුල් සහ මෙවලම් නිෂ්පාදනය කරන ස්ථාන මෙන්ම ඊට සම්බන්ධ පුද්ගලයින් සොයා ඉදිරියටත් අඛණ්ඩව දැඩි ලෙස නීතිය ක්‍රියාත්මක කරන බව පරිසර අමාත්යාංශය වැඩිදුරටත් සඳහන් කරයි.
News source : Aruna News paper! Some visual elements were created with AI. This is an original editorial AI illustration, not an actual photograph.
