10/06/2024
Bhathiya Arthanayake මහතාගේ බිත්තියෙන් උපුටා පරණ ලියනගේ තිලක් දයාසිරි මහතාගේ බිත්තියේ එතුමා විසින් පළකල ලිපිය ඔහුගේ බිත්තියෙන් උපුටා මෙසේ ඔබගේ කියවීම උදෙසා පළකරමි. 👇👇👇
ශ්‍රී ලංකා ක්‍රිකට් ගැන මගේ අන්තිම සත පහ
🔺 ක්‍රීඩකයින්ගේ දක්ෂතා
මේ ගැන මම මහේල ජයවර්ධන හමුවූ වෙලාවේ කිව්වා. ඒ වගේ ම මහේල ඒවා පිළිගත්තා. නමුත් ඒවා වර්කවුට් වුණේ නෑ. ක්‍රීඩකයින්ගේ දක්ෂතා නැතිවෙලා නෑ. ඒවා යටපත්වෙලා තියෙනවා. ඇයි?
මම මහේල අයියට කිව්වා ඔය ලමයින්ගේ Vision Strength එක චෙක් කරන්න කියලා. හේතුව ක්‍රිකට් ගහන ලමයින්ගේ විතරක් නෙවෙයි, ක්‍රීඩා කරන, මේ ජෙනරේෂන් එකේ හැම ලමයට ම ප්‍රශ්නයක් තියෙනවා. ඒක වෙන්නේ මොබයිල් ෆෝන් එක නිසා. මහා රාත්‍රිය වෙනකම් ඔන්ලයින් ඉන්නවා. අඳුරේ ඉදගෙන මොබයිල් ෆෝන් Usage එක වැඩි වෙද්දි ඒක කෙනෙකුගේ ඇස්වලට විතරක් නෙවෙයි, බ්‍රේන් සෙල්ස්වලට බලපානවා. වේගය හඳුනා ගැනීමේ දී, Reaction speed හදද්දි මේ දෙකම වැදගත්. පන්දුව එන්න කලින් ගහනවා. පන්දුව ගියාට පස්සේ ගහනවා. Timing ගැන ප්‍රශ්නය මතුවෙන්නේ එතැනින්. අභියෝගයක් කරනවා. මෙයාලගේ විෂන් ස්ට්‍රෙන්ත් චෙක් කරන්න. ඔයාලට අඩුපාඩු ටික පෙනෙයි.
මම ගාවට ජාතික කණ්ඩායමට ඔන්න මෙන්න ඉන්න ක්‍රීඩකයෙක් ආවා. ඔහු කිව්වේ එක දිගට ඉනිමක් ගහගෙන යන්න බෑ. Concentration lost වෙලා අවුට් වෙනවා කියලා. මම ඇහුවා ඔයා වැඩිපුරම කරන්නේ ඉන්ටග්‍රෑම් රීල්ස් බලන එක නේද කියලා. ඒ වගේ ම ඔයාට ෆිල්ම් එකක් වුණත් එක දිගට බලන්න බෑ, ස්කිප් කර කර බලනවා නේද කියලා. ඒ ළමයා ඇස් දෙක උඩ තියාගෙන කිව්වා “ අයියේ ඔයා කෝචින් නවත්තලා දේවාලයක් දාගන්න” කියලා. දේවාලයක් දාගන්න දෙයක් නෑ, ඔයාගේ බ්‍රේන් එක ට්‍රේන් කරන විදියටයි ඔයා හැම විටම වැඩ කරන්නේ. ඔයා එදිනෙදා ඔයාගේ අනික් ක්‍රියාකාරකම් හරහා ඔයාගේ මනස පුහුණු කරන්නේ ඉවසිලිමත්ව Concentrate කරලා එක වැඩක් ඉවර වෙනකම් කරන්න නෙවෙයි, ස්කිප් කර කර යන්න, ඒක තමයි ග්‍රවුන්ඩ් එකේදිත් ඔයාට වෙන්නේ කියලා මම පෙන්වලා දුන්නා. මේ තත්ත්වයෙන් මිදෙන්න මම එයාට අභ්‍යාසයක් දුන්නා. දැන් ඒ ළමයා ඉතාමත් හොදින් දක්ෂතා අතරට එමින් ඉන්නවා. (අභ්‍යාසය මොකක්ද කියලා ලියන්නේ නෑ. ඒවා බලන් ඉන්න මිනිස්සු අපිට ප්‍රශ්නය තේරෙනවා අපි කරන්නම් කියලා ප්‍රසන්ටේෂන් දාලා, කිසිම ස්කිල් එකක් නැතුව ශ්‍රී ලංකා කණ්ඩායම එක්ක වැඩ කරනවා දැක්ක නිසා සහ ඔවුන් ඒ කරපු දේවල්වලින් ඔවුන්ට විනා ක්‍රීඩකයින්ට යමක් වුණා කියලා දැනෙන්නේ නැති නිසා.)
මේ වගේ අටෝරාසියක් කාරණා තියෙනවා. ලියන්නේ නෑ. හේතුව ඒවා එයාලා හොයාගත්තා වගේ ගිහිල්ලා කියන මිනිස්සු ඒවගෙන් වැඩ ගන්න නිසා. ඒවගෙන් උන්ට මිසක් රටට වැඩක් නැති නිසා.
මේ මොබයිල් ෆෝන් ඇඩික්ෂන් එකේ ප්‍රශ්න ගැන මේ පෝස්ට් එකෙන් පස්සෙ එක දිගට කෝල් සහ මැසේජ් එනවා. එයාලට උපකාරී වෙන ලින්ක් එකක් මෙතන මම යොදනවා. බලන්න.
https://youtu.be/iRzj1Fvbb5A?si=nwIYmk_rBcer3ghO
🔺පුහුණුකරුවන්
අනාගතයට ලංකාවට පුහුණුකරුවන් තෝරා ගැනීම ප්‍රශ්නයක් වෙයි. හේතුව මිනිස්සු වැරදි ඇප්ලිකේෂන් වෙන තැන්වල වැඩ භාරගන්න කැමති නෑ. අවශ්‍ය දේ කරන්න දෙනවා නම් විතරක් පුහුණුකරුවෝ ඒවි. ඉස්සරහට පුහුණුකරුවෝ ලබාගැනීම අභියෝගයක් වෙනවා. අනික අද පලවෙනි වතාවට මම මේක ප්‍රසිද්ධියේ ලියනවා. මොකද මේවා හැදෙන්න ඕනේ. ජූනියර් ටීම් එකට මම සෙෂන් එකක් කරපු වෙලාවක පිටිපස්සේ හිටපු පුහුණුකරුවෙක් ඉලෙක්ට්‍රික් සිගරට් එකක් උරනවා මට නෝට් වුණා. ඒක මම ඒ ටීම් එකේ කෝච්ට පර්සනලි පැමිණිලි කලා. ඔය නෝට් වුණ ඒවා විතරයි. අනෙක්වා මම දන්නේ නෑ.
🔺ප්‍රවීණ ක්‍රීඩකයින්
ඔවුන් එලියේ ඉන්නකම් විවේචනය කරනවා. විවේචකයින් බහුතරයකට තියෙන්නේ තමන්ට ඇතුලේ රස්සාවක් හදා ගැනීමේ උවමනාවක් බව පේනවා. ඒක හරියන වැඩක් නෙවෙයි. සිස්ටම් චේන්ජ් කරනවා විනා ක්‍රීඩකයින්ට බැනලා වැඩක් නෑ. දැන් එක ප්‍රවීණ ක්‍රීඩකයෙක් එලියේ ඉන්නකම් ක්‍රීඩාව විවේචනය කලා. දැන් එයා කණ්ඩායම ඇතුලේ ඉන්නවා. දැන් එයා බැනුම් අහනවා. ප්‍රශ්නෙට උත්තරය දැන් ඉන්න ස්ටාෆ් අයින් කරලා එයාලා ඒකට රීප්ලේස් වෙන එක නෙවෙයි. මේ ප්‍රශ්න තේරුම් අරන් සිස්ටම් එකේ වෙනසක් ඉල්ලන එක. නැත්නම් ඔය එලියේ ඉදන් විවේචනය කරන හැම හිටපු ක්‍රීඩකයම ඇතුලෙදි ෆේල් වෙනවා. එයාලා ක්‍රීඩකයෝ විදියට උපයපු ජනප්‍රියත්වයත් විනාසයි.
🔺ප්‍රධාන මාධ්‍ය සහ සමාජ මාධ්‍ය
එයාලගේ හැසිරීම ගැන කියන්න දෙයක් නෑ. එයාලට දිනුවත් පැරදුනත් කල්ල මරේ. දිනනකොට ඒක අවුස්සලා විව්ස් ගන්නවා. පරදිනකොට වෛරය, ක්‍රෝධය පතුරවලා වීව්ස් ගන්නවා. දිනුවත් මුරලි කියපු “ මම කියන්නේ මේක හදන්න බෑ” කියපු එකෙන් පෝස්ට් හදලා මුරලිට ගහලා රීච් එක ගන්නවා. පරදිනකොට ඒකට යූස් කරලා බෝඩ් එකට ගහලා රීච් ගන්නවා. ඕක අපේ ප්‍රේක්ෂකයින්ට තේරෙන්නෙත් නෑ. එයාලා ඒක උස්සන් දුවනවා.
🔺ප්‍රේක්ෂකයෝ
උන් ගැන කියන්න තියෙන්නේ එක වචනයයි. දුකයි.
🔺එතකොට මේක හදන්නම බැරිද?
මං කියන්නෙත් බෑ. දැන් ඉදන් 17 න් පහල, 19 න් පහල කණ්ඩායම්වල ඉන්න දක්ෂ ක්‍රීඩකයින්ට Personal and professional transformative coaching පටන් ගත්තොත්, මේ වැඩේ ගොඩදාගන්න පුළුවන්. බොරු බකපණ්ඩිතයෝ නෙවෙයි, හරි මිනිස්සු තෝරලා වැඩේ කරන්න. අපේ ක්‍රිකට් අඩුම තරමේ අවුරුදු ගාණකින් හරි, හරි පාරට එයි.
🔺දැන් මේක ලිව්වේ ඇයි? ඔයාට එතන වැඩ කරන්න ඕනේ වෙලාද?
කිසිසේත්ම නෑ. මට එයාලත් එක්ක වැඩ කරනවාට වඩා පාසල් ටීම් එක්ක වැඩ කරන එක පහසුයි. හේතුව ඒ පරිපාලකයෝ වගේ ම ජූනියර් ක්‍රීඩකයෝ දෙයක් කිව්වාම ඒක පිළිපදිනවා.
සමහර ක්‍රීඩකයෝ මාත් එක්ක වැඩ කරන්න ආවේ එයාලගේ නරක ම වෙලාවේ. හැබැයි එයාල පර්ෆෝම් කරනකොට ගැලවුණා. හේතුව අදටත් මම දන්නේ නෑ. මතක තියාගන්න මම ඔවුන් එක්ක වැඩ කලේ සත පහක්වත් ගන්නේ නැතුව. සමහරවිට නොමිලේ දුන් නිසා අගයක් දැනෙන්න නැතුව ඇති. ඒ වෙලාවේ ආලෝකය දකින්න මම ඔවුන්ට උදව් කලේ කොහොමද කියලා ඔවුන්ගේ හෘදය සාක්ෂිය සහ මගේ හෘදය සාක්ෂිය දන්නවා. ඒ ඇති.
ප.ලි - කෙනෙක් කමෙන්‍ට් එකක අහල තිබුණා ඇයි පරිපාලනය ගැන මුකුත් නැත්තේ කියලා. පෝස්ට් එක පුරාම තියෙන්නේ එයාලගේ හපන්කම් තමයි.
භාතිය අර්ථනායක
සම්මානලාභී අභිප්‍රේරක/ Transformative life coach
ඵලදායි වීම සඳහා නිසි මානසික ඒකාග්‍රතාවයකින්, අවධානයකින් ඔබගේ වැඩ කටයුතු පවත්වාගෙන යාම අතිශයින් ම වැදගත්. නමුත්, .....
