Nãdiv Dulnith

22/03/2026

“Excuse me…! May I know whether you are single or not?”

අවසානයේ විශ්වය බොහෝ කලක සිට සැලසුම් කල එම රෝමාන්තික නිමේෂය උදා විය. ලොව සියළුම උණුසුම් හාදු වල පහස රඳවා ගෙන හමා ආ සිහිල් සුළං රැළි පවසන්නට වුවේද එයම ය. එම විශ්වීය මොහොත දෙස දෑස් දල්වා ගෙන සෙනෙහෙබර ආලෝකයක් විහිදමින් සිටි තාරකා ද ඔවුන්ට ආශීර්වාද කරන්නට විය. එලෙසම සියුම් තාරකාමය දිලිසුම් ඔවුන්ගේ දෑස් තුළ ඒ මේ අත පා වෙමින් තිබුනේ කුමක් දෝ රහසක් සඟවා ගෙනය.

“I’m single. But why? Who are you?” එම වික්ෂිප්ත ගත මොහොතේ ආශ්වාදය ද, තැතිගැන්ම ද යුතුව ඇය ඇසුවා ය.

“I’m… someone who got lost in your magical eyes!”

🤍

20/02/2026

14/11/2025

06/10/2025

04/09/2025

No regrets let’s Love!💚

පාසල් ජීවිතේ කියන්නේ අපි හැමෝගෙම නොස්ටැල්ජියානු මතක පිරුණු සාගරයක්. ඒ මතක සාගරයට ආදරයත් මුසු වුනාම ආදරයේ සුවඳින් වර්ණවත් වෙනවා. No regrets let’s Love පොත ලියවිලා තියෙන්නේ ඒ සුන්දර පාසල් කාලය ගැන. මේ පොතේ පෙරවදනේ තියෙන වචන කිහිපයක් මම මෙහෙම ඉදිරිපත් කරන්නම්. “ජීවිතය තුළ ඇතැම් කාලයන් පිරී පවතින්නේ ප්‍රේමයෙන් ය. ඇතැම් කාලයන් පිරී පවතින්නේ හිස් කමකින් ය. ඇතැම් කාලයන් පිරී පවතින්නේ දොම්නසින් ය. මේ සියළු හැඟීම් එකවර විඳ ගත හැකි කාලයක් වේ නම් ඒ යෞවනයම පමණක් ය.”

Z පරම්පරාව මූලික කොට ගෙන ලියවුනු මෙම ග්‍රන්ථයේ ජීවිතයේ අපට හමුවන යහළුවන් ගැන ලියවිලා තියෙන්නේ මේ විදිහට. “ජීවිතයේ අපට හොඳම යහළුවන් හමු වන්නේ අප එකිනෙකා මුහුණ දෙන්නා වූ ප්‍රශ්න වල ස්වභාවය සමාන වන විටය. එවැනි මිතුරන් අපගේ ජීවිත කාලයේ එක් එක් පරිච්ඡේද වලදී පැමිණ අපව සුන්දර මතක ගොන්නක උරුමකරුවන් බවට පත් කරනු ලබයි. එපමණක් නොව…..”

Alnilam තාරකාමය පුරාවෘත්තයක් සමගින් දිව යන මේ පාසල් ආදර කතාවේ ආදරේ ගැන ඉතුරු කරලා තියෙන වචන පේළිය සටහන් වෙලා තියෙන්නේ මේ විදිහට. “මෙලොව මිනිසුන් බිලියන අටකට අධික ආසන්න ගණනක් ජීවත් වේ. නමුත් අප සොයන්නේ එම බිලියන අටෙන්ම එක් අයෙකුගේ ආදරය පමණි. එය ප්‍රේමයේ සාහසිකත්වය සහ සුන්දරත්වය යි. ‘ආදරය අන්ධයි’ යැයි පවසන්නේ ඒ නිසාය.”

ඉතින් මේ ප්‍රේමණීය ආදර අන්දරයේ ප්‍රේමණීය හෝරාවන්ට දෙඇස් අවධි කල සියළු ආත්මයන්ට මේ පොත එක්ක රැදුණු මතකයක් පහළින් එක් කරලා යන්න කියලා මම ආරාධනා කරනවා.

Nadiv Dulnith
💚

27/08/2025

ඔයා Gen Z කෙනෙක් නම් තමන්ගෙම කියලා වාහනයක් ගන්න හිතා ගෙන ඇති. එහෙනම් මේක ඔයාට!

ශ්‍රී ලංකාවේ වාහනයක් මිලදී ගන්න සාමාන්‍ය Process එක තමයි Leasing Company එකක් Through වාහනයේ වටිනාකම ගෙවලා ඊට පස්සේ වාරික වශයෙන් ගෙවන එක. වර්තමානයේ Leasing පොලිය 15%ක් කියලා අපි අනුමාන කරමු. සාමාන්‍යයෙන් ඒ ආසන්න අගයක තමයි Leasing පොලිය පවතින්නේ. ශ්‍රී ලංකාවේ ඒක පුද්ගල මාසික වියදම wise Web අඩවියට අනුව රු. 61,973.38 ක්. ඒ අගය ආසන්න වශයෙන් රු. 62,000.00 ලෙස අනුමාන කරමු. ලංකාවේ සාම්ප්‍රදායික අධ්‍යාපන සංස්කෘතියට අනුව ඉගෙන ගත් කෙනෙක් නම් ආදායම් ලබන්න ආරම්භ කරන්නේ වයස අවුරුදු 25න් කියලත් අපි තව අනුමානයක් කරමු.

වර්තමානය වෙද්දි Brand New Bike එකක මිල ආසන්න වශයෙන් සටහන් වෙන්නේ රු. මිලියන 1ක් විදිහට. අපි රු. මිලියන 1ක යතුරු පැදියක් අවුරුදු 5කට Lease කරලා ගත්තොත් මාසික වාරිකය විදිහට ආසන්න වශයෙන් රු. 25,000.00ක් ගෙවන්න සිදු වෙනවා. එතකොට මාසික වියදමයි Leasing වාරිකයයි එකතුවක් විදියට ගත්තොත් රු. 87.000ක්. වයස අවුරුදු 25න් Bike එකක් ගන්න හිතා ගෙන ඉන්නවා නම් ඔයා වයස අවුරුදු 25 වෙද්දි ආසන්න වශයෙන් රු. 100,000.00ක ආදායම් පැවතිය යුතු වෙනවා. ඒ වගේම වයස අවුරුදු 25න් Bike එකක් ගත්තොත් ගෙවලා ඉවර වෙන්නේ වයස අවුරුදු 30 වෙද්දි.

Car එකක් නැත්නම් රෝද හතරේ සාමාන්‍ය Brand New වාහනයක මිල වර්තමානයේ ආසන්න වශයෙන් සටහන් වෙන්නේ රු. මිලියන 10ක් විදියට. (බොහෝ විට ඊට වඩා වැඩි.) අපි රු. මිලියන 10ක වාහනයක් අවුරුදු 5කට Lease කරලා ගත්තොත් මාසික වාරිකය විදිහට අපිට රු. 250,000.00 ක් ගෙවන්න සිදු වෙනවා. එතකොට අපිට මාසික වියදමයි Leasing වාරිකයයි එක්ක රු. 312,000.00 ක මුදලක් අවශ්‍ය වෙනවා. ආසන්න වශයෙන් ගත්තොත් අපිට රු. 320,000.00 ආදායම් පැවතිය යුතු වෙනවා.

මම ඉහත සටහන් කරලා තියෙන්නේ ආසන්න වශයෙන් අනුමාන කරපු අගයන්. ඒ වගේම තමයි Gen Z එකේ අපි, හීන මවන වාහන වල මිල මීට වඩා 10 ගුණයක් විතර වැඩියි. ඉතින් මොකද හිතන්නේ? අපේ හීන, හීන විතරක්ම වෙයිද?

Nadiv Dulnith
27.08.2025

26/08/2025

“Chemistry of Love!” මොකද්ද මේ පොත? Chemistry පොතක් ද? කවි පොතක් ද?

නැහැ. මේක Novel එකක්. Love story එකක්. ෆැන්ටසිමය සාමාන්‍ය ආදර කතාවක්. ඒ වුනාට මේක තවත් එක ආදර කතාවක් විතරක් නෙවෙයි. පොතේ Content එක ගැන සරලව කිව්වොත් Relationship stages තමයි මම මේ පොත ලියන්න පාදක කර ගත්තේ. ඒ ගැන තවදුරත් පැහැදිලි කලොත් ඕනෙම Relationship එකක් අපිට Stages කිහිපයකට බෙදලා අධ්‍යයනය කරන්න පුලුවන්. ඒවා අතරින් ආදර සම්බන්ධතාවයක් ප්‍රධාන වශයෙන් Stages 3කට බෙදන්න පුලුවන්. Honeymoon Era (Romantic Love), Adjustment Era (Power Struggle) & Stability Era (Mature Love) මේවා තමයි ඒ ප්‍රධාන අවධි තුන.

‘Honeymoon Era’ කියන්නේ ආකර්ෂණයක්, ආදරයක් බවට පරිවර්තනය වන කාලය. ගොඩක් අයට හිතෙන්නේ මේ Stages එක තමයි ආදර සම්බන්ධතාවයක ලස්සනම කාලය කියලා. ඒක ඒ තරම්ම ලස්සන කාල පරිච්ඡේදයක්. නමුත් ඒක නෙවෙයි ආදර සම්බන්ධතාවයක සුන්දරම කාලය. Honeymoon Era එකෙන් පස්සේ ඊලඟට එන්නේ Adjustment Era එක. මේ Stage එකේදි තමයි Relationships ඇතුලේ ප්‍රශ්න එන්න පටන් ගන්නේ. ඒ වගේම Relationship එකක අමාරුම කාලෙත් මේක. ගොඩක් Relationships, Break Up වෙන්නෙත් මේ Stage එකේදි. මේ Stage එක පහු කරන්න ගොඩක් අමාරුයි. Adjustment Era එක සාර්ථකව පහු කරන අය ඊලඟට ලඟා වෙන්නේ Stability Era එකට. මේක තමයි ආදර සම්බන්ධතාවයක සුන්දරම අවධිය. Relationship එකක් මේ අවධිය දක්වා පවත්වා ගෙන එන්න ඒ Relationship එකේ ඉන්න දෙපාර්ශවයටම විශාල පරිශ්‍රමයක් දරන්න සිදු වෙනවා.

Fantasy ලෝකයක් ඇතුලේ Fantasy චරිත යොදා ගෙන යථාර්ථවාදී සංකල්ප කිහිපයක් පාඨකයන් හමුවට ඉදිරිපත් කිරීමෙන් මම බලාපොරොත්තු වුනේ වර්තමාන සමාජයේ අර්බුධයක් වුන ප්‍රශ්න කිහිපයකට ආමන්ත්‍රණය කරන්න. ඒ වගේම තව දෙයක් තමයි මේ පොත අලුත් හැඩයකින් පාඨකයන් අතට පත් වෙන පොතක්. මම මේ පොත Design කලේ අපි ආදරේ කරන කෙනෙක්ට Gift එකක් විදිහට දෙන්න පුලුවන් පොතක් විදියට. ඒ ගැන පොත කියවපු අය හොදටම දන්නවා. ඉතින් මේ ෆැන්ටසිමය ආදර කතාවත් එක්ක Relationship stages ගැන කියවන්න කියලා මම මගේ පාඨකයන්ට ආදරයෙන් ආරධනා කරනවා. ඒ වගේම මේ පොතේ තියෙන කරුණු ඔයාලගේ ආදර සම්බන්ධතා වලට එකතු කර ගෙන පොතට වටිනාකමක් එක් කරන්න කියලත් මම ඔයාලගෙන් ඉල්ලනවා…!

Nadiv Dulnith

23/08/2025

“මොනවද ඔය ඈත බලාගෙන කල්පනා කරන්නේ?”

“මේ මල් ගැන සාරා...”

“මල්?” ඇය, ඔහුගේ හදවතට ලංව හැඟීම් පිරී ගිය සුසුම් පොදි කිහිපයක් පිට කරමින් ඇසුවා ය.

“ඔව්. මෙතැන හැම පාටම මල් තියෙනවා. රතු පාට මල් පෙති වල, රෝමාන්තික හාදු හැංගිලා තියෙනවා. සුදු පාට මල් පෙති ඇතුලේ, අහිංසක ආදරයක් හැංහිලා තියෙනවා. කොල පාට මල් පෙති අස්සේ, විශ්වාසවන්ත පොරොන්දු හැංගිලා තියෙනවා. දම් පාට මල් පෙති අතරේ, ශුංගාර හැඟීම් හැංගිලා තියෙනවා. මේ හැම මලකටම කතාවක් තියෙනවා. මේ මල් වලින් හමන සුවඳ ඒ මලට අයිති කතාව මොන වගේද කියනවා. මේ මල් වත්තේ තියෙන ඔක්කොම මල් අතරේ එක දුර්ලභ මලක් මගේ ලඟ ඉන්නවා. ඒ මලේ පෙති අතරේ ලෝකේ තියෙන හැම හැඟීමක්ම හැංගිලා තියෙනවා. ඉතින් සාරා…..!”

🩵🦋

10/08/2025

ජීවිතේ අපිට ඕනෙම දෙයක් සාර්ථකව නිම කරන්න අවශ්‍යම දෙයක් තමයි අභිප්‍රේරණය කියන්නේ. එහෙමත් නැත්නම් Motivation කියන්නේ. Motivation කියන දේ අපිට ආදරය තුළින් වගේම වේදනාව තුළින් නුත් හමු වෙනවා. ආදරය තුළින් අපට ලැබෙන අභිප්‍රේරණය, පහසු කලාපයක් (Comfort zone) නිර්මාණය කරනවා. නමුත් වේදනාව තුළින් අපට ලැබෙන අභිප්‍රේරණය නිර්මාණය කරන්නේ ඊට හාත්පසින්ම වෙනස් වටපිටාවක්. එය ඉතාමත් ශක්තිමත්. සීමා මායිම් බිඳ දමන්න, වෙහෙස යටපත් කරන්න එයට හැකියාව පවතිනවා.

ආදරයට වඩා වේදනාව ප්‍රබලයි. ඒ නිසා කිසිම වෙලාවක වේදනාවට ඔයාව විනාශ කරන්න ඉඩ දෙන්න එපා. ඔයාගේ Targets Achieve කරන්න වේදනාව Use කරන්න!

09/08/2025

ආදර කතා හරියට සමනලයෙක් වගේ. සමනලයින්ට වගේම මේ ආදර කතා වලටත් ජීවන චක්‍රයක් පවතිනවා. සමනලයෙක් බිහි වෙන්න යම්කිසි කාලයක් ගත වෙනවා. අවධි කිහිපයක් පසු කරන්න සිදු වෙනවා. ඒ වගේම තමයි පරිණත ආදර සම්බන්ධතාවන් බිහි වෙන්නත් අපසහු සේම සුන්දර අවධි කිහිපයක් ගෙවී යා යුතු වෙනවා.

සමහර ආදර කතා රතු පාටයි. තවත් සමහර ආදර කතා සුදු පාටයි. ඒ අතර තවත් ආදර කතා පාට පාටයි. තේරුම් ගන්න බැරි මොහොතවල් පිරුණු, විසිරුණු චිත්‍රයක් වගේ. ආදරේ හරියට සමනලයින්ගේ පිහාටු වගේ. සමනල පිහාටු හරිම සිනිඳුයි. එක පියාපතකට සිදුවෙන සියුම් හානියකට පුලුවන් සමනලයෙක්ට පියාසර කිරීමේ හැකියාව නැති කරන්න. ඒ වගේම තමයි සියුම් විශ්වාස පලුදු කිරීමකට පුලුවන් ආදර සබඳතාවයක් සුනු විසුනු කරලා දාන්න. ඒක පාර්ශවීය ආදර කතා තනි තටුවකින් පියාසලන්න හදන සමනලයෙක් වගේ. ඒක අසම්පූර්ණ ආදරයක්. සමනලයෙක්ට තටු සලලා සමබර ලෙස පියාසර කරන්න තටු යුගලයක් අවශ්‍ය යි. ඒ වගේම තමයි සම්පූර්ණ ආදර කතාවක් නිර්මාණය වෙන්නත් දෙපාර්ශවයක් අවශයි. සුන්දර ආත්ම දෙකක එකතුවකට පුලුවන් සමනල තටු වගේ පාට පිරුණු සුන්දර ආදර සබඳතා නිර්මාණය කරන්න.

🩵🦋