02/11/2025
මෙය 2012 වසරේදී ඇමරිකාවේ ,සියැටල් හිදී සිදුවූ සත්ය සිදුවීමකි!
කතාව ආරම්භ වන්නේ සියැටල්හි රාත්රී සේවකයෙකුගෙනි,ඔහුගේ නම "ඩන්සන්" ලෙස පවසමු!
ඩන්සන් තම රාජකාරි නිමවී පාන්දර 2 ට පමණ තම නවාතැන වෙත යමින් සිටියේය.
ඔහු නිහඩ පාලු වීදියට ඇතුල් වී මඳ දුරක් ගමන් කරන තෙක් වටපිටාවේ සියලුම දේවල් සාමාන්යය තත්වයේ පැවතුනි
එම වීදියෙ මඳ දුරක් ගමන් කරන විට ඔහු දුටුවේ මලානික එලියක් ඇති වීදි ලාම්පුවක් අසල පැරණි තාලයේ ඇඳුමකින් සැරසී හිස් බැල්මකින් බලා සිටින මිනිසෙකි
මෙම අත්භූත මිනිසා ඩන්සන් දෙස බලා සිට එක්වරම නටන්නට පටන්ගත්තේය. රූකඩයක් නටනවාක් මෙන් අස්වාභාවික හැසිරීමක් පෙන්වූ ඔහුගේ මුහුණේ තිබූ හිස් හැඟීම එක්වරම අතුරුදන්ව ගියේය
එක්වරම ඔහුගේ හිස පැත්තකට ඇලවී ගිය අතර ඉතාමත් අසාමාන්ය ලෙස මුව පලල් පලල් කරගෙන සිනාසෙන්නට විය. එය කොතරම් පුලුල් සිනහවක්ද යත් ඔහුගෙ මුව ඇස් ආසන්නයට යන තෙක් විවෘත වූ බව ඩන්සන් විසින් පසුව වාර්තා කර තිබුණි
මෙය දුටු ඩන්සන් වහාම වීදියෙන් ඉවතට දිව යන්නට වූ අතර ආපහු හැරී බලන විට නටන මිනිසාගෙ සිනහව අතුරුදන් වී නැවතත් පෙර ලෙසම බලා සිටින බව දකින්නට ලැබුණි
එක්වරම ඔහුගේ මුව නැවතත් සිනහවෙමින් විවර වූ අතර වේගයෙන් ඩන්සන් දෙසට දුව එන්නට විය
ඩන්සන් පැවසුවේ එය සාමාන්යය දිව ඒමක් නොවූ බවයි!
"ඔහු වේගයෙන් ගමන් කලා,හරියට ලිස්සලා යනවා වගේ,ඔහුගේ පාද බිම ස්පර්ශ වෙන බවක් මම දුටුවේ නෑ"
ඩන්සන් ලඟම ඇති මිනිසුන් ගැවසෙන වීදිය අසලට දිව ගිය විට අදාල අත්භූත මිනිසා ඈත සිට ඩන්සන් දෙස සිනාසෙමින් බලා සිට අන්ධකාරය තුල අතුරුදන් වී තිබුණි
මෙම සිදුවීමෙන් පසු තවත් අවස්ථා කීපයක මෙම අත්භූත සිනාසෙන මිනිසා දුටු බවට වාර්තා වුනි!
* චිකාගෝහි ඉන්ධන පිරවුම්හලක් අසලදී මෙවැනි අත්භූත සිනාසෙන මිනිසෙකු දැක ඇත.
*ඕස්ට්රේලියාවේදී අලුයම 3 ට පමණ බස් කවුලුවකින් තමා දෙස බලා සිටි අත්භූත මිනිසෙකු ගැන කාන්තාවක් වාර්තා කලාය
*වරක් සියැටල් හි උද්යානයක වීදි ලාම්පුවක් අසල CCTV දර්ශන වල මෙවැනි පැරණි ඇදුම් ඇඳගත් උස මිනිසෙකු පැය 4 ක් සිටගෙන සිටින වීඩියො පටයක් ලැබී තිබුණි👀
අදටත් මෙම මිනිසා ගැන පැහැදිලි න්යායක් ඉදිරිපත් වී නැති අතර ඔහු දැන් තවත් එක් නාගරික පුරාවෘත්තයක් බවට පත්වී සිටී
සිනාසෙන මිනිසා අවතාරයක්ද, නැත්තම් සාමාන්යය මිනිසෙකුද, නැතිනම් මනසේ ඇතිවූ මනෝ විකාරයක්ද යන්න කිසිවෙකු දන්නේ නැත!
නමුත් එක් දෙයක් ස්ථිරවම කිවහැක, ඔහුගේ චර්යාවන් තවමත් වෙනස් වී නොමැත..
පාලු වීදියකදි ඔහුව මුණගැසිය හැක, කිසිවෙකු බලා නොසිටින විට ඔහු නටනු ඇත,ඔබ ඔහුව දුටුවහොත්...
කිසිම විටෙක ඔහු සමඟ සිනාසෙන්නට එපා!
