Ashen saranawarige

14/12/2025

ඉතිහාසගතවන ඌව පරණගම මිනිස්සුන්ගේ එකමුතුකම!!!
මේ ඌමා ඇල කඩාගෙන ගිය තැන…
බලධාරීන් කිව්වා මාස ගාණක් යයි කියලා…
ඌවපරණගම ජනතාව ඔප්පු කළා - අපි එකතු වුනොත් කිසිම දෙයක් අපිට නවත්තන්න බෑ! ✊

සති දෙකක් ඇතුළත…
✅ 5,500 පස් කොට්ට දාලා
✅ ප්‍රජාව එකතු වෙලා
✅ යක්කු වගේ වැඩ කරලා
✅ ඒ කඩාගෙන ගිය තැන ආරක්ෂා කර ගත්තා! 💪

මේක ඉංජිනේරු විද්‍යාව නෙමේ… මේක ජන බලය! 🇱🇰
මේක තාක්ෂණය නෙමේ… මේක දෛර්යය! 💚
යම් දිනක මේ වැඩේ ඉතිහාසගතවෙනවා නියතයි!

13/12/2025

13/12/2025

එක ගෑනු කෙනෙක් මහණ වෙන්න කියල ගෙදරින් ගිහින් .අවුරුදු දෙකක් සිල් මාතාවක් වෙලා ඉඳලා..

පස්සෙ එයාට මහණකම සහ ආරාමය එපා වෙලා ආපහු ගෙදර ඇවිත්.

දැන් දුව කියනවා අම්මව ගෙදරට ගන්න බෑ කියලා..

සුදු ඇඳගන සිල් මාතාවක් වගෙ ඉඳලා සිවුරු ඇරලා ආවා වාගේ ආවම පිළිගන්න බෑලු..මිනිස්සු මොනව නොකියයිද..පාරෙ බැහැලා යන්නෙ කොහොමද වගේ ප්‍රශ්ණ ගොඩාක් ඒ දුවට..

මේක ඇහුවම මට පරණ සිද්ධියක් මතක් වුණා.

මේක වෙලා අවුරුදු දහයක් විතර ඇති.නැත්තං ඊට වැඩි...

දඹුල්ල කිට්ටුව නගරෙකදි කොල්ලෙක් බස් එකකට යට වෙලා තිබුණා..

කොල්ලා පාර පනිද්දි මෙහා පැත්තෙන් ආව බස් එකේ වැදුනා කියලා තමයි දැකපු අය කියලා තිබුණෙ.

කොල්ලගෙ කොණ්ඩෙ සහ ශරීරයෙ හැටියට ආමි එකේ කියලා හිතපු මිනිස්සු වහාම කොල්ලව හොස්පිට්ල් අරන් ගියත් බේරගන්න ලැබිලා නෑ.

වව්නියා හෝ යාපනේ බස් වල වේගය අමුතුවෙන් කියන්න ඕන නෑ, සහ වරද තරුණයාගේ..

කොහොම හරි රෝහල් පොලිසීය මළ මිනිය පරීක්ෂා කළාම ලැබෙන්නෙ හාමුදුරු කෙනෙක්ගෙ හැඳුනුම්පතක්...

ඔව් ..ඒ හාමුදුරුවො තමයි...
වයස තිස් දෙකයි 25 වසරක් මහනකම දරා
සිවුරු ඇරලා යනගමන් පාර පනිද්දි හැප්පිලා මැරුණා.

පන්සලේ ලොකු හාමුදුරුවන්ට මිනිය බාරගන්න දායකයින්ගෙන් තහංචි වැටුණා.(ඒක හරි හෝ වැරදි කීම නෙවෙයි මේ ලිවිල්ලේ අදහස)
නමුත් ලොකු හාමුදුරුවෝ කඳුලක් හෙලලා රෝහලෙන් පිටවුන බව නම් ආරංචි වුණා.

දැන් මිනිය බාරගන්න කිසි කෙනෙක් නෑ.

රෝහලෙන් වළලන්න තීන්දු වෙලා.

ඒත් එතනදි වත් පාංශකූලේ දෙන්න හාමුදුරුවො කෙනෙක් එන්නෙ නෑ..

මැරුණ කෙනා මහණවෙලා හිටියෙ උපන් ගමේ පන්සලේමයි.

ගම්මු එදා ඉඳන් දානෙ දීපු බත් ඇටයක් ගානේ දෙස් දෙවොල් දොස් තිය තියා හිටියා.

ඔන්න ඔය වෙලාවෙ රෝහලට ගිය වයයක ගෑනියෙක් මේ මිනිය ඉල්ලනවා.

ඒ තමයි අම්මා.හාමුදුරුවන්ගෙත් ගිහි කාලෙ කොල්ලගෙත් අම්මා..ඒ එකම අම්ම..

ඇයගේ අනිත් දරුවන්ගෙත් විරුද්ධතාවය මත ඇය මිනිය ගෙදර ගේනව..

ඔව් ඔව් කලිසම් කමිස අන්ඳලා..

ඇය හන්දියට ගිහින් කොල්ලන්ට කියනවා "මයෙ පුතා වළලාගන්ඩ උදවු කරන්ඩ" කියලා..

මෙන්න මෙතනදි අර හන්දියෙ හිටි කොල්ලො ,ඒ කියන්නෙ ගමේ හිටිය රස්තියාදුකාරයො ටික උන්දැට උදව් කරනවා.

(ඒ තමා හැම ගමකම ඉන්න කිතුලා,ජගා ,පතෝලයා කූරා,චූටි අයියා,ලොක්කයියගෙ නියෝජනය.ඒක වෙනම කතාවක්.)

මේක ලොකු ලොකු ඈයො එක එක සංස්කෘතික සදාචාර නීති රීති ගරු නම්බු රකින්න ඕන නිසා,සමහර වෙලාවට කැත කුනු ජරාව ගෑවෙන නිසා,වග කියන්න වෙන නිසා මඟාරින තැනක්.

එක එක හේතු හදන් මහත්තුරු සහ උපාසක මහත්තුරු මනුස්සකම හංගන හුඟාක් වෙලාවට,, එලියට ඇවිත් මනුස්සකම වෙනුවෙන් හිටගත්තෙ ඔය රස්තියාදුකාරයො කියලා කාඩ් ගැහිච්ච එවුන් ..

කොහෙත් කවදත් මහත්තුරුන්ට වඩා මනුස්සකම තිබ්බෙ රස්තියාදුකාරයො ගාව.මට අනුව නම් ඒක සදාකාලිකම ඇත්තක්...

කොල්ලො වල කැපුවා.සාමකාමීවම නෙවෙයි.කනත්ත දෙන්න බෑ කියපු එවුන්ව කනත්තෙම කපනව කියලා වලි දාගන.

පාංශුකූල නෑ..සහෝදරයොත් නෑ.. ගෑනියෙක් දෙන්නෙක් හොරාට ඇවිත් ගියා ,එකත් මිනියට අන්ඳලා තිබ්බෙ මොනවද බලන්න.

අම්මා තනියෙන් මිනිය ඉස්සරහා තියාගන බුදු පහන ගාවට ගියා.

"මං ගෙදර බුදුන් නම් මට පව් නෑ බුදුහාමුදුරුවනේ "

අම්මා තනියෙන් පැන් වැඩුවා

"ඉච්චිතං පච්චිතං තුය්හං.."

කොල්ලො මිනිය අරන් ගිහින් වැළලුවා.

අර අම්මා පස්සෙ දවසක තමන්ට අයිති කුඹුර පන්සලට ලියනවා..

ඒ ඔප්පුව ලොකු හාමුදුරුවන්‍ට දීලා මෙහෙම කියනව.

"හාමුදුරුවනේ ඒ මගෙ එකා..අංගුලිමාල වුනත් මගෙම බඩින් වදාපු මගේ එකා මට අතාරින්ඩ බෑ..ඒ වුනාට මගෙ හිත වාවන්නෑ හාමුදුරුවනේ .
මේ කුඹුර පූජා කරන්නෙ දරුවට පිං සිද්ධ වෙන්ඩ නෙවේ..දරුවාට ගම්මු දුන්න දානෙ ඇටයක් ඇටයක් ගානෙ පව් ගෙවෙන්ඩ.."

අම්මලා එහෙමයි.මොන අපරාදෙ කළා වුනත් මළාට පස්සෙවත් අතාරින්නෑ..

අපරාධකාරයෙක් සාන්තුවරයෙක් කියල වෙනසකුත් නෑ.මොන තත්වෙන් වුනත් ගෙදර ආවම බාර ගන්නවා.

අංගුලිමාල ට හැමොම විරුද්ධ වෙනකොට අම්මා සහයට යනවා ලෝකෙට අංගුලිමාල මිනිමරුවෙක් උනාට අම්මාට රත්තරං පුතෙක්

ඒත් දරුවො දෙමව්පියො අතින් වරදක් හෝ අපරාධයක් වුනොත් ආපහු බාරගන්න එක ගැන සෑහෙන්න හිතනවා.

වැරදි සිදුවීම මනුස්ස ගතියක් නම් අපේ අම්මලා තාත්තලාත් මිනිස්සු නම් ඉතිං සාමාන්‍යයිනෙ.
දරුවන්ට වගේම දෙමාපියන්ටත් වරදිනවා..

ඇත්තටම අපිට බැඳීම් ඕන හැමදේම හරියට තියෙද්දි සුබ පතන්න නෙවෙයි වැරදුනාම සහය දෙන්න..

දිනුවාම සමරන්න නෙවෙයි පැරදුනාම බාරගන්න ..
====
මෙය සත්‍යය සිදුවිමකි, තෙරුවන් සරනයි ස්තූතියි

උපුටා ගැනිමකි. මෙම සටහනේ අයිතිකරුට සියලු ගෞරවය🙏

13/12/2025

🍚අජිනමොටෝ යනු ජපන් සමාගමක් වන Ajinomoto විසින් වෙළඳපොළට නිකුත් කරන ලද සන්නාම නාමයකි. මෙහි අඩංගු ප්‍රධාන රසකාරකය වන්නේ මොනොසෝඩියම් ග්ලූටමේට් (Monosodium Glutamate - MSG) ය.

🍲 මොනොසෝඩියම් ග්ලූටමේට් (MSG) යනු කුමක්ද?

ග්ලූටමික් අම්ලය: MSG යනු ස්වභාවිකව ප්‍රෝටීන් බහුල ආහාරවල (මස්, මාළු, චීස්, සමහර එළවළු වැනි) දක්නට ලැබෙන ඇමයිනෝ අම්ලයක් වන ග්ලූටමික් අම්ලයේ සෝඩියම් ලවණයයි.

උමාමි (Umami) රසය: මෙය 'උමාමි' ලෙස හඳුන්වන පස්වන මූලික රසය (ලුණු, පැණි, ඇඹුල් සහ තිත්ත හැරුණු විට) ලබා දෙයි. එය ආහාරවලට වැඩි දියුණු කළ මාංසමය, සැර රසයක් (savoury/meaty flavour) එක් කරයි.

නිෂ්පාදනය: වාණිජමය වශයෙන්, MSG සාමාන්‍යයෙන් උක්, බඩ ඉරිඟු හෝ වෙනත් භෝග වලින් ලබා ගන්නා අමුද්‍රව්‍ය ක්ෂුද්‍ර ජීවීන් යොදා ගනිමින් පැසවීම (fermentation) මඟින් නිපදවනු ලැබේ.

⚕️ ශරීරයට හිතකරද? ලෝක සෞඛ්‍ය සංවිධානයේ මතය

✅MSG හි ආරක්ෂාව පිළිබඳව වසර ගණනාවක් තිස්සේ මතභේද පැවතුනද, බොහෝ ප්‍රධාන සෞඛ්‍ය ආයතන සාමාන්‍ය ආහාර මට්ටමින් MSG පරිභෝජනය ආරක්ෂිත බව නිගමනය කර ඇත.

✅ලෝක සෞඛ්‍ය සංවිධානය (WHO):
එක්සත් ජාතීන්ගේ ආහාර හා කෘෂිකර්ම සංවිධානය (FAO) සමඟ එක්ව ක්‍රියාත්මක වන ආහාර ආකලන පිළිබඳ ඒකාබද්ධ FAO/WHO විශේෂඥ කමිටුව (JECFA) විසින් MSG ආරක්ෂිත බව සලකනු ලබයි.

✅JECFA මගින් MSG සඳහා පිළිගත හැකි දෛනික පරිභෝජනය (Acceptable Daily Intake - ADI) සීමාවක් නියම කර නොමැති අතර, එය ආරක්ෂිත ලෙස පොදුවේ හඳුනාගෙන ඇත (Generally Recognized As Safe - GRAS).

✅ඔවුන් නිගමනය කර ඇත්තේ සාමාන්‍ය ආහාර මට්ටමින් පරිභෝජනය කරන විට MSG කිසිදු සෞඛ්‍ය ගැටලුවක් ඇති නොකරන බවයි.

⚠️️අනෙකුත් මත:
සමහර අතීත වාර්තා සහ උපකල්පන මඟින් MSG හිස කැක්කුම, ඔක්කාරය, හෝපපුවල තෙහෙට්ටුව (චීන අවන්හල් සින්ඩ්‍රෝමය - Chinese Restaurant Syndrome/MSG Symptom Complex ලෙස හැඳින්වේ) වැනි රෝග ලක්ෂණ ඇති කළ හැකි බවට චෝදනා කළද, දැනට ඇති විද්‍යාත්මක සාක්ෂි මඟින් මෙම රෝග ලක්ෂණ සහ සාමාන්‍ය MSG පරිභෝජනය අතර ස්ථිර සම්බන්ධයක් සොයාගෙන නොමැත.

කෙසේ වෙතත්, ඉතා කුඩා පිරිසක් MSG වලට සංවේදී විය හැකි අතර ඔවුන් සුළු හා තාවකාලික රෝග ලක්ෂණ අත්දැකීමට ඉඩ ඇත.

☝️ඕනෑම ආහාර ආකලනයක් මෙන්, අධික ලෙස පරිභෝජනය කිරීම (සාමාන්‍ය ආහාරවල යොදන ප්‍රමාණයට වඩා බෙහෙවින් වැඩි) නිර්දේශ නොකරයි.

✅අජිනොමොටෝ පිළිබදව ලෝක සෞඛ්‍ය සංවිධානය හා එක්සත් ජාතීන්ගේ ආහාර සංවිධානය එකට සම්බන්ධව පැවත්වූ පරීක්ෂණ වල වාර්තා👇

https://www.sciencedirect.com/science/article/pii/S002231662214037X

✅එක්සත් ජාතීන්ගේ ආහාර හා කෘෂිකාර්මික සංවිධානය මගින් සිදුකල විග්‍රහය 👇

https://openknowledge.fao.org/server/api/core/bitstreams/598c01fd-2ea5-4957-959d-adb1e04f87d1/content

09/12/2025

❤️

06/12/2025

දකුනේ ඉන්නෙත් මම බර කිලෝ 95 මේ වසරෙ අප්‍රේල්

වමේ ඉන්නෙත් මම ඊයෙ ........... 75

දන්නෙ මෙච්චරයි

" නොහැක්කක් නොමැත " ❤️

04/12/2025

මෙච්චරයි අවසානෙදි🥺
අයිතිකාරයොත් නෑ..පොදි ගහලා තේරුමක් නෑ අපි ජීවත් වෙන්නේ හෙටක් නැති අදක..
ඉන්නකම් පුලුවන් විදියට බෙදා හදා ගෙන ජීවත්වෙමු..පිං කරමු...කාලා බීලා අනුන්ට කරදරයක් නැතුව ලස්සනට ජීවත් වෙමු...🙏

04/12/2025

උතුම් සිරිපා වාරය ආරම්භ වන උදුවප් පොහෝදිනය
අදයි
😀

03/12/2025

ගංවතුර බැහැලා ගිහින් දවස් දෙකයි. ගෙදර තාම මඩ ගඳයි. අම්මයි තාත්තයි හරි හරියට ගේ ඇතුළේ පිරුණු මඩ හෝදනවා. බඩු මුට්ටු එළියට අදිනවා.
මේ කලබලේ අස්සේ කාටවත් දරුවා ගැන බලන්න සිහියක් නෑ. දරුවාටත් හරිම මහන්සියි, රස්නෙයි. "අම්මේ... ෆෑන් එක දාන්නද?" පුංචි පුතා අහනවා.

අම්මා මඩ හෝදන ගමන්ම, "හා හා.. දාගන්න පුතේ, පරිස්සමින්" කියලා උත්තර දෙනවා.

අම්මා හිතුවේ, "දැන් වතුර බැහැලනේ තියෙන්නේ, කරන්ට් එකත් ඇවිල්ලා, ඉතින් ප්‍රශ්නයක් නෑනේ" කියලා.

පුතා දුවගෙන යනවා බිත්තියේ තියෙන ස්විච් එක ළඟට. බැලූ බැල්මට බිත්තිය වේලිලා වගේ පේනවා. ස්විච් එකෙත් වතුර නෑ. පුතා එයාගේ පුංචි ඇඟිල්ල ස්විච් එකට තිබ්බා විතරයි...

"දඩස්!"

මහා හයියෙන් යමක් බිම වැටෙන සද්දයක් ඇහුණා. අම්මා දුවගෙන එනකොට දැක්කේ, තමන්ගේ රත්තරන් පුතා, ෆෑන් එකේ ස්විච් එකට අඩි ගාණක් එහායින්, ඇස් උඩ දාගෙන බිම වැටිලා ඉන්නවා.

"අනේ දෙවියනේ... වතුර බැහැලනේ තිබුණේ!"
මේක තමයි හැමෝම අහන ප්‍රශ්නය. "ගේ ඇතුළේ වතුර තිබුණේ නෑනේ, බිත්තියත් වේලිලා වගේනේ පෙනුනේ... එහෙනම් කොහොමද කරන්ට් එක වැදුණේ?"

මේක තමයි අපි නොදන්න "තෙත බිත්තියේ විද්‍යාව".

ඔබ හිතන් ඉන්නේ ගංවතුර බැස්ස ගමන් බිත්ති වේලෙනවා කියලාද? නෑ. අපේ ගෙවල්වල ගඩොල් සහ සිමෙන්ති කියන්නේ හරියට "ස්පොන්ජ්" (Sponge) එකක් වගේ දෙයක්.

ඇතුළ තාම තෙතයි: පිටතින් පාට වේලිලා වගේ පෙනුනට, බිත්තිය ඇතුළේ (ගඩොල් මැද) වතුර ලීටර් ගාණක් රැඳිලා තියෙනවා. මේ වතුර වේලෙන්න සති ගාණක්, සමහරවිට මාසයක් යනවා.

වයර් එකේ පරිවරණය (Insulation) ඉවරයි: වතුර පිරුණාම, බිත්තිය ඇතුළේ තියෙන වයර්වල ආරක්ෂිත ආවරණ (PVC) බාල වෙනවා.

ස්විච් එක ඕන නෑ: හොඳට මතක තියාගන්න. බිත්තිය තෙත නම්, ඔබට කරන්ට් එක වදින්න ස්විච් එකේ හිලට ඇඟිල්ල දාන්නම ඕන නෑ. ස්විච් එක වටේ තියෙන බිත්තිය ඇල්ලුවත්, තෙතමනය හරහා විදුලිය කාන්දු වෙලා (Leakage Current) දරුවාට වදිනවා.

දරුවෙක්ගේ සම හරිම සියුම්. ඒ වගේම එයාලා බිම (පොළව) උඩ පාවහන් නැතුව හිටගෙන ඉන්න නිසා, මේ විදුලි සැර වැදීම මාරාන්තික වෙන්න පුළුවන්.

අදම මේ දේ කරන්න (ප්‍රමාද වෙන්න එපා)
ගෙදර සුද්ද කරන එක හොඳයි. ඒත් ජීවිතේ ඊට වඩා වටිනවා.

මේන් ස්විච් (Main Switch) එක ගැන හිතන්න: ගෙදර වතුර යට වුණා නම්, වතුර බැස්ස පලියට මේන් ස්විච් එක ඔන් කරන්න එපා. අඩුම තරමේ දවස් කිහිපයක්වත් යනකල් විදුලිය පාවිච්චි නොකර ඉන්න.

පහළ ප්ලග් (Low Sockets) තහනම්: බිම ඉඳන් අඩි 2-3ක් උසින් තියෙන ප්ලග් පොයින්ට්ස් (TV, ෆ්‍රිජ් ගහන ඒවා) තමයි භයානකම. මේවා හොඳටම වේලෙනකල්, ඒවට "ටේප්" (Tape) අලවලා වහලා තියන්න. දරුවන්ට ඒවා අල්ලන්න දෙන්න එපා.

"ට්‍රිප් ස්විච්" (Trip Switch/RCD) එක විශ්වාසද?: වතුර ගැලුවට පස්සේ ට්‍රිප් ස්විච් එක ඇතුළේ මඩ පිරිලා හිරවෙලා තියෙන්න පුළුවන්. එතකොට කරන්ට් එක වැදුණත් ඒක ඕෆ් වෙන්නේ නෑ. ඒ නිසා, විදුලිය ගන්න කලින් දන්නා කෙනෙක් ලවා ට්‍රිප් ස්විච් එක වැඩද කියලා බලාගන්න.

රබර් සෙරෙප්පු: ගෙදර සුද්ද කරන මේ දවස් ටිකේ, ගේ ඇතුළේ වුණත් දරුවන්ට සහ ඔබට රබර් සෙරෙප්පු (Rubber Slippers) දාගෙන ඉන්න පුරුදු වෙන්න.

ඔබේ ගෙදර තාම තියෙන්නේ "අනතුරු කලාපයක". බිත්ති වේලෙනකල් ඉවසන්න. ඒ "ෆෑන් එකේ හුළඟ" නැති වුණාට කමක් නෑ, දරුවගේ හුස්ම ටික රැකගන්න.

මේ පණිවිඩය ගංවතුරෙන් පීඩා විඳින හැමෝම අතරේ බෙදාගන්න.

ස්තූතියි.

උපුටා ගැනීමකි.