17/10/2026
හැමදාම කෑම විතරයිනේ. අද ඒ කෑම අරන් එන මාව චුට්ටක් බලලා යන්නකෝ එහෙනම් 🫣
මේ ටිකේම වැඩියේ පේන්න උන්නේ නැත්තේ අසනීප නිසා අප්පා....
දැන් ඉතිං ලෙඩ සීසන්නේ. ගිය බදාදා ඉඳන් හෙම්බිරිස්සාව ඔළුව උස්ස ගත්තා කොහොම හරි සිකුරාදා ඒ උනාට තාම නහයෙන් ගලනවා. හැබැයි ගෙදර අනිත් දෙන්නාට මම ඉවර කරද්දි පටන් ගත්තා 🥴
ඒ උනාට අපි අද, සෙනසුරාදා මේ ගමන දාගෙන කලින්ම සල්ලි ගෙවලා තිබ්බ නිසා ගියා. මේ pumpkin patch එකට අපි මේ ගිය හතරවෙනි අවුරුද්ද. ෆ්‍රේයාට අවුරුදු එකාහාමාරෙන් අපි මේ තැනට යන්න පටන් ගත්තේ. දැන් හැම ඔක්තොම්බර් මාසේම family tradition එකක් වගේ අපි මේ pumpkin patch එකට ගිහින් ෆොටෝ අරන්, සෙල්ලම් කරලා, කාලා බීලා විනෝද වෙලා එන එක පුරුද්දක් වෙලා.
මේ අවුරුද්දේ ගත්ත මගේ පින්තූර ටිකක් ශෙයා කරන්න හිතුනා 🙊
ඉස්සර අපි දෙන්නා විතරක් ඉන්න කාලේ මේවා පස්සේ වැඩියේ ගියේ නෑ. කොච්චර වෙලා තිබුණාත් මේ වගේ වැඩ කරන්න හිතුනේ නෑ. ඒ උනාට ෆ්‍රේයා හම්බ උනාට පස්සේ මම හරි වෙනස් උන. මට ඕනා උනා එයාට ලස්සනම මතක් විතරක් එකතු කරලා දෙන්න. එයා එක්ක මතක ගොඩාක් අපි දෙන්නාටත් එකතු කරගන්න. ඉතිං උදාවෙන හැම විශේෂ දවසක්ම මම තව විශේෂ කරන්න පුරුදු උනා. මතක එකතු කරන්න පුරුදු උනා. දැන් ෆ්‍රේයා උනත් දන්නවා ඔක්තොම්බර් වෙනකොට අපි මේ ගමන මොන අමාරුකම තිබුණාත් යනවා කියලා.
මම හරි ආසයි දවසක ෆ්‍රේයා එයාගේ යාළුවෝන්ට එයාගේ ළමයින්ට කියනවාට "අපේ අම්මා, අපේ තාත්තා මාව මෙහේ එක්කන් ගියා, මට මෙහෙම දේවල් අරන් දුන්නා" වගේ ලස්සන දේවල් විතරක් කියනවාට. මට ඕනා එයාට ලස්සන දේවල් විතරක් කතා කරන්න ඉතුරු වෙන ළමා කාලයක් හදලා දෙන්න. මොකද මම කෑම ගැන ලස්සන මතක කතා කලාට හිත් රිදෙන මතක, ළමා කාලයක් තියෙන දරුවෙක් මම. ඉතිං අදටත් ඉඳහිට ඒවා මතක් වෙනකොට හිත් රිදෙන්නේ පොඩියට නෙමේ කියන එක මම දන්නවා. අපි කොච්චර වයසින් වැඩුනත් අතීත මතක ආවර්ජනය කරනකොට නොදැනීම අපි ඒ මොහොතේ නොදරුවන්, තරුණියන් බවට පත් වෙනවා. එදාට වැඩිහිටියෝ වෙලා අතීත මතක ආවර්ජනය කරනකොට හිත් රිදෙන්නේ දෙතුන් ගුණයකින් වැඩි වෙලා. අන්න ඒකයි මම හැම වෙලේම කියන්නේ "දරුවෝ හරියට මල් වගේ හරි සියුම්, වීදුරු වගේ හරි ඉක්මනටම බිඳෙනවා" ඒ හින්දා ඒ හිත් එක්ක ගණුදෙනු හරි පරිස්සමෙන් කරන්න ඕනා. අද බැරි උනාට තේරෙන කාලෙට ඔයාව විනිශ්චය කරන්න ගත්තම එයාලා යකඩ වගේ දරුණු වෙනවා.
මේ ලෝකේට ඔයා වෙනුවෙන් ගෙනාපු ඒ පුංචි ජීවත හැම වෙලේම සතුටින් තියන්න පුළුවන් වෙන සාමකාමී හිතක් හැම තත්පරේම ඔයාට ලැබෙන්න කියලා ප්‍රාර්ථනා කරනවා ♥️
