09/12/2025
•Krishan kavinda
•Gampaha
•21
~ආදරෙයි රසවතිය~
ඇත්තටම හිතවතුනි මම කියන රසවතිය
ඒ තරම් උසක් නැති චූටි මිටි කෙල්ලෙක්ය
හිනාවෙන් වල ගැසෙන මත්කරන කම්මුල් ය
වශීකෘත ඒ දෙයැස් සිත නළවනා සුලුය...
තෙමසකට පෙර පිපුණු රතුරෝස ආදරය
පරවෙලා යන්න පෙර කියන්නම ඕනෑය...
වියරුවෙන් ඇදහැලී බිම තෙමපු වැහිදාක
තෙමී නොතෙමී රැදුණු මහ විසල් ගහ අසළ
මතකයිද පාවඩය රතු පාට මැයිමාර
සීතලෙන් පෙගුණු ඇගෙ කම්මුලත් ඒ පාට...
ඇස් අගින් මා දෙසත් බලන් අත් ගුලිකරන
ඇත්තමයි හා පැටව් පවා දැන් පරාදය
දෙකම්මුල් අඟ රැදුණු හිරිකඩය විදගන්න
දෙතොල් පෙති අහනවා අනන්තය විදගන්න...
තෙමසකට පෙර පිපුණු රතුරෝස ආදරය
පරවෙලා යන්න පෙර කියන්නම ඕනෑය...
රතු පාට මල් කිණිති හැඩ මැව්ව කහ ගවුම
දඟකාර සුළං රැළි මෙහෙයවන කෙහෙරැල්ල
ඇත්තටම හිතවතුනි මම කියන රසවතිය
ඒ තරම් උසක් නැති චූටි මිටි කෙල්ලෙක්ය...
"ගහක් තිබුණට මදිය , ගහට මල් විය යුතුය
මලක් පිපුණට මදිය , බඹරු දැනගත යුතුය...
හිතක් තිබුණට මදිය, දෙහිතක්ම විඳි යුතුය
පෙමක් තිබුණට මදිය, ඉතින් පෙම් කළ යුතුය...
තෙමසකට පෙර පිපුණු රතුරෝස ආදරය
පරවෙලා යන්න පෙර කියන්නම ඕනෑය
ඉතින් හිතුවට මදිය, එය වචන කළ යුතුය!
කනට කර කෙඳිරුවෙමි "ආදරෙයි රසවතිය..!"
~krish~
