மலையோரம் செய்திகள்

31/10/2025

புதிய குடிசன தொகை மதிப்பீட்டு அறிக்கையின் படி மலையக தமிழர்களின் சனத்தொகையில் கடும் வீழ்ச்சி...!

இலங்கையில் கடந்த ஆண்டு மேற்கொள்ளப்பட்ட சனத்தொகை குறித்த கணக்கெடுப்பு தொடர்பான உத்தியோகபூர்வ அறிவிப்பை தொகைமதிப்பு மற்றும் புள்ளிவிபரத் திணைக்களம் இன்று (30.10.2025) வெளியிட்டது.

நாட்டில் பெருந்தோட்ட பகுதிகளில் சனத்தொகை வீழ்ச்சிப் போக்கைப் பதிவு செய்துள்ளதாக தொகைமதிப்பு மற்றும் புள்ளிவிபரத் திணைக்களம் தெரிவித்துள்ளது.

இதேவேளை, நாடளாவிய ரீதியில் உள்ள மலையகத் தமிழர்களின் எண்ணிக்கை குறைவடைந்துள்ளமையை அவதானிக்க முடிகிறது.

கடந்த 2012 ஆம் ஆண்டு 839,504 ஆக காணப்பட்ட மலையகத் தமிழர்கள் 2024 ஆம் ஆண்டு கணக்கெடுப்பில் 600,360 ஆக காணப்படுகின்றனர்.

மலையகத் தமிழர் சனத்தொகை சதவீதம் 2012 ஆம் ஆண்டில் நூற்றுக்கு 4.1 சதவீதமாக இருந்ததுடன் 2024 ஆம் ஆண்டின் போது 1.3 சதவீத அலகுகள் குறைந்து நூற்றுக்கு 2.8 சதவீதமாக இருந்தமை குறிப்பிடத்தக்கது.

31/10/2025

31/10/2025

பழைய அரிசி வகைகளை பிரசித்தி பெற்ற அரிசி வகை பைகளில் இ ட்டு விற்பனைக்காக வைக்கப்பட்டிருந்த அரிசி கடை ஒன்றை புறக்கோட்டையில் கண்டுபிடிக்கப்பட்டுள்ளது.

30/10/2025

மலையக மக்களை இழிவான வார்த்தைகளால் பேசுவதை கண்டித்து சமூக நல அமைப்புக்கள் அரசியல் பிரதி நிதிகள் சமூக ஆர்வலர்கள் நலன் விரும்பிகள் ஒன்றினைந்து கண்டன ஆர்ப்பாட்டம் கொட்டகலை நகரில் இன்றைய தினம் இடம்பெற்றது.

30/10/2025

தலவாக்கலை இலங்கை வங்கி. கிளையின் முகாமையாளர் .எம் ராம் தலைமையில் 2024 ஆண்டு தரம் 5 புலமைப் பரிசில் சித்தி பெற்ற 19 மாணவர்களுக்கு கற்றல் உபகரணங்கள் மற்றும் சான்றிதழ் ‌வழங்கும் நிகழ்வு தலவாக்கலையில் 29 ம் திகதி அன்று நடைபெற்றது. இந்நிகழ்வில் நுவரெலியா பிராந்திய முகாமையாளர் p. விஸ்வநாதன் பாடசாலை அதிபர் ஆசிரியர்கள் வங்கியின் வாடிக்கையாளர்கள் என பலரும் கலந்துக் கொண்டார்.

இதன்போது நுவரெலியா பிராந்திய முகாமையாளர் p விஸ்வநாதன் தெரிவிக்கையில் இலங்கை வங்கியில் வைப்பு செய்து இருக்கின்ற மாணவர்களின் கல்வி வளர்ச்சியை மேம்படுத்தும் வகையில். பல்வேறு ஊக்குவிப்பு திட்டங்கள் எமது வங்கியின் ஊடாக ஒவ்வொரு வருடமும் செய்து வருகின்றோம். இதில் ஒன்றுதான் தரம் ஐந்து புலமைப் பரிசில் பரீட்சையில் சித்தி பெற்ற மாணவர்களுக்கு கற்றல் உபகரணங்கள் மற்றும். வழங்குவதாகும்.

கடந்த காலங்களை விட பெருந்தோட்ட பகுதியில் வசிக்கும் மக்கள் எமது வங்கியின் அதிகமானவர்கள் சேமிப்பு நடவடிக்கைகளை முன்னெடுத்து வருகின்றார்கள் அத்தோடு மாதாந்தம் அவர்களின் வருமானத்தில் இருந்து சிறிய தொகையை சேமிப்புக்காக வைப்பு செய்வது பாராட்டப்பட வேண்டிய ஒரு விடயமாகும். அத்தோடு பிள்ளைகளின் எதிர்காலத்தினை கருத்தில் கொண்டும் மாதாந்தம் சேமிப்பு செய்யும் பெற்றோர்களின் எண்ணிக்கையும் நாளுக்கு நாள் அதிகரித்து வருகின்றன.

எமது வங்கியின் ஊடாக கல்விக்கு அதிக பங்களிப்பு செய்து வருகின்றோம். அத்தோடு பிரதேச மக்களின் பொருளாதார மற்றும் வாழ்வாதாரத்தை மேம்படுத்துவதற்காக கடன் உதவி வழங்குவதோடு சுய தொழில் திட்டங்கள் முன்னெடுப்பதற்கான தேவையான வசதி வாய்ப்புகளை ஏற்படுத்தி கொடுக்கின்றோம். இப்பிரதேசத்தில் 86 ஆயிரத்துக்கு மேற்பட்ட வாடிக்கையாளர்களை கொண்ட வங்கி என்றால் இலங்கை வங்கி தான் என குறிப்பிட்டார்.

30/10/2025

இன்று ஜனாதிபதி தலைமையில் இடம்பெற்ற போதைப்பொருள் கலாசாரத்தை தோற்கடிக்கும் ‘முழு நாடுமே ஒன்றாக’ தேசிய வேலைத்திட்டத்தின் அங்குரார்ப்பண நிகழ்வு

30/10/2025

மரண அறிவித்தல்

30/10/2025

ஹைபொரஸ்ட் பிரிவு 01 இனை பிறப்பிடமாகவும் வசிப்பிடமாகவும் கொண்டவரும் வ/ அருணோயா இந்து கல்லூரியின் பழைய மாணவரும் ப/அலகொல்ல தேசிய பாடசாலை மற்றும் நு/நல்லாயன் மகளீர் கல்லூரி ஆகியவற்றின் கராத்தே பயிற்சி ஆசிரியருமாகிய கனேஷன் தர்ஷன் அவர்கள் இன்றைய தினம் கொழும்பு பண்டாரநாயக்க ஞாபகார்த்த சர்வதேச மாநாட்டு மண்டபத்தில் இடம்பெற்ற சர்வதேச மனித உரிமைகள் அமைப்பின் பட்டமளிப்பு விழாவில் நுவரெலியா மாவட்ட இயக்குனர் பதவியிலிருந்து பதவி உயர்வு பெற்று தேசிய இயக்குனராகத் தெரிவு செய்யப்பட்டுள்ளார்.

அவருக்கு மனமார்ந்த வாழ்த்துக்களைத் தெரிவித்துக் கொள்கின்றோம்