10/03/2024
"නියඟලා කියලා කියන්නේ වෙන අල ගෙඩියකට"
පීඩනයකින් තොරව සම්බන්ධකම් පවත්වා ගැනීමේ කලාව දන්නවද 👇👇👇
විනාඩියක් අරන් කියෙවුවට පාඩු නෑ ජිවිතයට
ඔව් ඇත්ත ඒක හරිම විනෝදයි😊😊😊
🔔සතුටෙන් බොරු අහන්න
බොහෝ යාළුකම් බිඳෙන්න හේතුව බොරු කීම සහ කියපු බොරු මාට්ටු වීම ,
යහමින් ලුණු ඇඹුල් දාපු අතේ පැලවෙන බොරුවකට උනත් හිතේ සතුටෙන් සවන් දෙන්න ..ඔබ බොරුකාරයන්ට අකමැති වුනු පමණින් මිනිස්සු බොරු කියන එක නවත්තන්නේ නැහැ ,සමහර මිනිස්සුන්ගෙ ජීවිතේම තනිකර බොරුවක් ,අනේ එයා මට බොරු කිව්වා කියලා දුක් වෙන්න ගත්තොත් මැරෙනකම්ම දුක් වෙන්න වෙනවා .මොකද හැමෝම බොරු කියනවා ..මේ කියන්නෙ බොරු බව මනා සේ දන්නවා උවත් ගොනා සේ අහගෙන ඉන්න පුරුදුවෙන්න ,එතකොට ප්‍රශ්න අඩුයි ..
🔔මතයන් දරාගන්න.
'' නියඟලා කෑවොත් මැරෙනවා ''මේක ඔබත් දන්නවා , මමත් දන්නවා , මොන මිස්සුද නියඟලා මම උයලා කාලා තියනවා ..ඔබේ යාලුවෙක් එහෙම කියන්න පුළුවන් , ඉතින් තරහ යන එක සාදාරණයි ,
හැබැයි ඔබ වැරදියි , ඔබට නියඟලා වස උනාට ඔහුට රස වීමට පුළුවන් , තවත් සමහරවිට ඔහුට නියඟලා ඔරොත්තු දෙනවා වෙන්නත් පුළුවන් , නැත්තම් ඔවුන් නියඟලා කියලා කියන්නේ වෙන අල ගෙඩියකට වෙන්නත් පුළුවන් ..මොන තරම් ඇත්ත දන්නවා උනත් අනිත් අයට ඔවුන්ගේ මතය පිළිගන්න ඉඩ දීලා නිහඬ වෙන්න ..ඔබ හිටගෙන ඉන්න පැත්ත අනුව මේ අංකය 6 (හය ) උනාට ඔහු හිටගෙන ඉන්න පැත්ත අනුව මේ 9 ( නමය ) වෙන්න බැරි නැහැ ..ඕන කෙනෙකුට තමන්ගේ මතයේ පිහිටන්න ඉඩ දීමෙන් සම්බන්ධතා වලදී ප්‍රශ්න අඩුයි ..
🔔 බලපෑම් කිරීම නවතාදමන්න.
ඔබේ ලඟම හිතවතා , ඔබේ ලොකුම හතුරා සමග සතුටු සාමිචියේ ඉන්නවා දැකීම ඔබට පීඩනයක් වෙනවනම් සමාජ සම්බන්ධකම් වලදී ඔබ ෆේල් ..ඔබට දූරියන් අමුර්ත්ය වූ පමණින් අනෙකා දූරියන් පිළිකුල් කිරීම නවතා දැමිය යුතු නැත , ඔබ කසාද බැඳපු පලියට හැමෝම කසාද බැඳිය යුතු නැත , ඔබට දරුවන් දෙදෙනෙකු සිටි පමණින් හැමෝටම දරුවන් දෙදෙනෙකු සිටිය යුතු නැත , ඔබ යනු ඔබය , සම්බන්ධතාවක් නිසා ඔබ අනෙකාව පාලනය කරන්නට උත්සාහ දැරීම නිසා ඔබට හිමිවන්නේ දුකක් කලකිරීමක් පමණි ..බලපෑම් නොකරන සම්බන්ධකම්වලින් දුක දැනෙන්නේ නැහැ .
🔔රිදෙන තැන් හංගන්න
සමාජ සම්බන්ධතා වලදී අපි ගොඩක්ම දුක් විඳින කාරණය තමයි මේ ..අපි හැමෝගෙම දුර්වල තැන් තියනවා , තමන් දුර්වල වෙන්නේ කොතනදීද කියලා දන්නේ තමන් විතරයි , ජීවිතේට ලඟම හිත් වලට මිසක් , හම්බෙන හම්බෙන හැමෝටම තමන්ගේ දුර්වලතා හඳුන්වා දීම ,ලොකු අවධානමක් , රිදෙන තැන් හොඳටම දන්නා මිනිස්සු රිද්දන්න ඕන විදිහත් හොඳටම දන්නවා, සමාජ සම්බන්ධතා වලට විවුර්ත වීමේදී සීමා සහිත වෙන්න ..එතකොට රිදෙනවා අඩුයි .
🔔ආයුධ හංගගන්න
බොහෝවිට අපිට වරදින්නේ මෙතැනදී ,හිත අතට අරගෙන මනුස්සකම වචන වල පෙරලෙනකොට අපි ඉතින් වෙච්ච දේවල් ,වෙන්න තියනදේවල් , විතරක් නෙමෙයි ඉපදෙන්න ඉන්න දරුවන්ගේ නම් පවා කියනවා , තමන් විතරක් දැනගන්න ඕන දේවල් , තමන් දැනගත්තම ඇති , රහස් කියන්නෙ මුවහත්ම ආයුධ , ඕවා එහෙ මෙහෙ එළියේ දාන එකෙන් තමන්ගේ ජීවිතේම තමයි අවධානමේ වැටෙන්නේ..කෙනා හොඳින්ම හඳුනාගන්නා තුරු ඔබේ යටිහිත ඔබ ලඟම තියාගන්න .එතකොට සම්බන්ධතා පවත්වාගැනීමේදී සහ බිඳවැටීමේදී ඇතිවෙන පීඩනය අඩුයි .
🔔වෙනස් වීම් වලට ගරු කරන්න
අද ඉන්න මම හෙට වෙනස් , හෙට ඉන්න මම ලබන සතියෙ වෙනස් , අපි පිළිගත්තත් නැතත් ශාරීරිකව වගේම මානසිකවත් අපි වෙනස් වෙනවා ..ඉතින් හැමදාම ආදරේ කරපු කෙනා වෙනස් වුනා , ලඟම හිටපු මිතුරා සතුරා වීම ,තුල පුදුම වෙන්න දෙයක් නැහැ , එහෙම වෙන්න පුළුවන් දෙයක් ..අද රහ ට දැනිච්ච දෙයක් හෙට වහ වගේ දැනෙන්න පුළුවන් ,මොන තරම් තදට බැන්දත් සම්බන්ධතා ලෙහෙන්න පුළුවන් ..මිනිස්සු වෙනස් වෙනවා.. ඉතින් , උපේක්ෂාවෙන් දරාගන්න ..
🔔කෙලෙහි ගුණ කියල වචනයක් නැහැ.
ඔබ මිනිස්සුන්ට හොඳින් සැලකුව පමණින් ඔවුන් ඔබට හොඳින් සැලකිය යුතු නැහැ , එහෙම වෙන්නෙත් නැහැ ,කාට හෝ උදව්වක් කරලා ඔබත් යමක් බලාපොරොත්තුවෙනවා නම් ඒ ගනුදෙනුවක් මිසක තවදුරටත් උදව්වක් වෙන්නේ නැහැ , පුළුවන් හැමෝටම උදව් කරන්න හැබැයි හිනාවක්වත් බලාපොරොත්තු වෙන්න එපා ..කෙනෙකු ගුණ මකු වූ පමණින් ඔබේ හොඳ ගති නවත්තන්න එපා ..කොටින්ම කිව්වොත් වර්තමානයේ කෙලෙහිගුණ කියලා වචනයක් නැහැ , ඒ වචනේ අමතකම කරලා දාන්න ..
🔔තනිවෙන්න හුරුවෙන්න ..
ජීවිතේ කියන්නේ අම්බලමක් ,තමන්ගේ වැඩේ කරගෙන හැමෝම යනවා , එහෙම නොයන අයත් ඉන්නවා , හැබැයි කව්රු ගියත් කව්රු නැවතුනත් ඔබට ඔබේ ගමන යන්නම වෙනවා ,ඒ නිසා පෙරපුහුනුවක් විදිහට හරි තනිවෙන්න හුරුවෙලා ඉන්න එක වටිනවා,
👇👇👇
එකිනෙකාට වෙනස් මිනිස්සු අතර එකිනෙකට වෙනස් ගැටළු මතුවීම සාදාරණයි ,
ඔබත් මමත් අපි හැමෝම විටක වැරදියි වගේම විටක නිවැරදියි ..
එහෙමයි කියලා,ගෝලීයකරණය වුනු සමාජයක අපි කාටවත් හුදකලා වෙන්න බැහැ , ඒක ප්‍රායෝගිකත් නැහැ, කැමැත්තෙන් හෝ අකමැත්තෙන් අපි හැමෝටම සමාජය සමග සම්බන්දතා පවත්වන්න ම සිද්ධවෙනවා .
හැබැයි ඔයාගේ මනස යතාර්ථයට සුදානම් නම් කිසිම කෙනෙකුට, කිසිම සම්බන්ධයකට ඔබව රිදවන්න ලේසි වෙන්නේ නැහැ.
මේක මුලදී ටිකක් අමාරුයි වගේ දැනුනට පුරුදු උනාම හරිම විනෝදයි , වගේම ප්‍රතිඵලදායකයි ..දිගින් දිගටම ප්‍රගුණ කළා කියන්නෙ ඉතින් ගේමක් නැතුව හෙනහුරා ව උනත් හොඳම යාලුවෙක් කරගෙන ආශ්‍රය කරන්න පුළුවන් ... 👌
මේක ලිව්වට ස්තූතියි අනීශා..
මගෙත් අදහස මේකමයි❤
Copied
