25/03/2026
අපේ බන්දුල කවියා කියනවා වගේම ලියුමක් කියන්නේ පියුමක්...සුගන්ධය විහිදුවන...
ඉතිං පියුන් අතින් වඩමිමන පියුමි සුලබ එදවස ඇහැළියගොඩ පැත්තෙන් ආ ලියුමක් මට සුවිශේෂී වුණේ ඉස්කෝලෙ යන කොළු පැටියෙකුගෙන් හින්දයි.
උත්තරයක් නොයවා කොහොමද...
මාත් ඉස්කෝලෙ යන සන්දියේ පොත් කියවා පොත් ලිව්ව ඇත්තන්ට ලියුම් ලියා නැතෑ කොච්චරවත්..
අනේ පෙළක් ඇත්තො උත්තර එව්වා...
කොච්චර පුදුමද...සංතෝසය නිමක් නෑ..ගම වටකර දුවන්නමයි හිත උඩ පැන පැන...
ප්රදීප් ඉඳුනිල් පියරත්න සිසුවා මට ලියුම් ලිවිවෙ මගේ වරා මල් කියවා ...අපි දෙන්නගෙ ලියුම් ගණුදෙනුව දිගින් දිගටම...
සරසවි වරම් ලද ප්රදීප් පුතා පස්සෙ කාලෙක චරණ රූපවාහිනීයේ අපේ සුමුදු චතුරාණි නංගිගේ ඇරයුමින් පොතයි හිතයි වැඩ සටහනට සහභාගි වුණා මගේ වාලුකා ගැන කතා කරන්න අපේ චම්පා වීරපුර නංගිත් එක්කම ...කොච්චර ලස්සන අහම්බද...
උත්තරයක් ලියයි ලැබෙයි කියා නොහිතා ලියුමක් එව්ව කොලු පැටියා අද අධ්යාපන දෙපාර්තමේන්තුවේ නියෝජ්ය කොමසාරිස්වරයෙකු විදියට පොතක් එව්වාම මට...ඒ පොත ඔහුගේ ජීවිතයෙන්.... මතකයෙන් ඇබින්දක්...ඒ මතක මල් පැස ...ඊට වඩා වටිනා තෑග්ගක් තවත් කොයින්ද...
සුගන්ධයෙන් උතුරා යන මතක මල් පැස අකුරක් පාසා ප්රතිභා සම්පන්න ලේඛකයෙකුගේ සේයා රඟ දෙනවා....අවංක වගේම අව්යාජ ආවර්ජනයක්...! පහන් හැඟුම් උපද්දවන ...!
හෙට දවසේ තවත් නිර්මාණ සමුච්චයක් එක්ක අප හමුවට එන්නටයි මේ සෙනෙහෙබර ආරාධනාවත් ඇගයීමත් ආශිර්වාදයත්....!
ඇහැළියගොඩ මධ්ය මහා විද්යාලයේ සිසුවෙකු විලසත් ..කොළඹ විශ්ව විද්යාලයේ විද්යාර්ථීයකු විලසත් මට ලියුම් ලියූ ප්රදීප් ඉඳුනිල් පියරත්න පුතාට අපමණ ආදරයෙන් සුබ පතනවා ...
මතක මල් පැසක සුවඳ විඳින්නට ආදරණීය ඔබට ඇරයුම් කරනවා ආදරයෙන්...!
