The Skullverse

10/08/2022

Fact 10: Kevin Snow

🖤 අපි දහවෙනි Fact එක විදියට ගෙනාවේ, ClicK චිත්‍රපටයේ අවසානයේ දී දක්නට ලැබෙන කළු පැහැති Hoodie වර්ගයේ කමිසයක් ඇඳගත් තරුණයා ගැන.

🖤 Sean ආපනශාලාව තුලදී Kate ගෙන් අහනවා " ඔයාගෙ අයියාත් එනවා ද? " කියලා. ඔහු ඒ විමසන්නේ Kevin Snow ගැන.

🖤 අවසන් සටන් ජවනිකාවට එක්වුනු Kevin Snow ගෙ හැකියාවන් යන්තමින් දැකගන්න අවස්ථාවක් ඔයාලාට ලැබුණා.

🖤 ඒ වගේ ම Skull සිනමා විශ්වයේ ප්‍රධානතම චරිතයක්වන Kevin Snow, ලබන අවුරුද්දෙ රිලීස් වෙන අපේ අලුත් Projects වලින් ඔයාලට බලාගන්න පුළුවන්.

09/08/2022

Fact 09 : Kate Snow

🖤 අපි ClicK කෙටි චිත්‍රපටය තුලින් ඔයාලට අපේ සටන්කාමී චරිත කිහිපයක් tease කරන්න, එයාලගේ first looks ගේන්න තීරණය කළා.

🖤 Sean ආපනශාලාව තුලදී යම්කිසිවෙකුට දුරකථන ඇමතුමක් ගන්නවා ඔයාලාට මතක ඇති. ඔහු ඒ කතා කරන්නේ Kate Snow සමඟයි.

🖤 අවසන් සටන් ජවනිකාවට එක්වුනු එකම කාන්තා චරිතයත් මේ Kate Snow ම තමයි.

🖤 Skull සිනමා විශ්වයේ ප්‍රධාන තැනක් ගන්න මේ චරිතයට රංගනයෙන් දායක වෙන්නේ Chamadi Gimhani සහෝදරිය. ඒ වගේම මේ චරිතයත් ලබන අවුරුද්දෙ රිලීස් වෙන අපේ අලුත් Projects වලින් ඔයාලට බලාගන්න පුළුවන්.

08/08/2022

Fact 08: Franklin Morgan

🖤 අපි ClicK කෙටි චිත්‍රපටය තුලින් ඔයාලට අපේ සටන්කාමී චරිත කිහිපයක් tease කරන්න, එයාලගේ first looks ගේන්න තීරණය කළා.

🖤 ශෝන් සහ ඈන් අතර ඇතිවන දුරකථන සංවාදයක දී Morgan කෙනෙක් ගැන සඳහන් වෙනවා ඔයාලාට මතක ඇති.

"Anne: ඔයා හරි ලොකේෂන් එක හොයා ගත්තා ද?

Sean: ඔව්. Morgan මට උදව් කළා. මම දැන් මිනිහාට උදව්වක් ණයයි."

🖤 අන්තිම සටන් ජවනිකාවෙදි සටනට අවතීර්ණ වෙන පිරිස අතරේ හිටපු උස, ටිකක් හැඩි දැඩි පෙනුමැති පුද්ගලයා තමයි Franklin Morgan නම් චරිතය. ඔහුට රංගනයෙන් දායකත්වය ලබා දෙන්නෙ Pradeep Dharmadasa. ඒ වගේම මේ චරිතය, ලබන අවුරුද්දෙ රිලීස් වෙන Projects වලින් බලාගන්න පුළුවන්.

07/08/2022

Fact 07: Spirit

🖤 ClicK කෙටි චිත්‍රපටය තුළ සුදු පැහැයට හුරු අළු පැහැති Hoodie වර්ගයේ ඇඳුමක් ඇඳගෙන සිටින පුද්ගලයෙක් ඔයාලා දකින්න ඇති. ඔහුව Spirit ලෙස හඳුන්වන අතර ඔහු Skull සංවිධානයට විරුද්ධව සටන්කරන සටන්කාමියෙක්.

🖤 Spirit ශෝන් ට නිතරම උදව් කරනවා වගේ පෙනුනත්, ඔහු තමන්ගේ රාජකාරිය සිදුකරනවා විතරයි. ඒ කියන්නෙ Sean, යුද්ධයක අතර මැදි පාර්ශවයක්.

06/08/2022

Fact 06: Hidden Detail No.03

🖤 ClicK කෙටි චිත්‍රපටයේ අවසන් දර්ශනයේදි දක්නට ලැබෙන ලිපියේ මාර්තෘකාව " When Asclepius was corrupted by Atë " කියලා ඔයාලා දකින්න ඇති.

🖤 Asclepius කියන්නෙ පුරාණ ග්‍රීක ආගමේ සහ පුරාවෘත්තවල එන වීරයෙක්. ඒ වගේම වෛද්‍ය විද්‍යාවට අධිපති දෙවියා. මොහු Apollo දෙවියන්ගේ පුත්‍රයෙක්.

🖤 Atë කියන්නෙ මිනිසුන් විනාශයේ මාවතට ගෙන යන අනර්ථය, මායාව හා විනාශය වගේ දේවල් වලට අධිපති දෙවඟනයි.

🖤 එතකොට මේ කෙටි චිත්‍රපටයේ සම්පූර්ණ තේරුම ගන්න නම් මේ ඩීටේල් එක තේරුම් ගන්න එක අත්‍යවශ්‍ය කාරණයක්.

🖤 ඒ අනුව ClicK හි සිදුවීම, අවයව ජාවාරමේ නිරතවන වෛද්‍යවරයෙකු හා කණ්ඩායමක් වටා ගෙතිලා තියනවා කියන එක පැහැදිලි වෙන්න මේ ආටිකල් එක තේරුම්ගැනීම වැදගත් වෙනවා.

05/08/2022

Fact 05: Hidden Detail No.02

🖤 කලින් කිව්වා වගේ ම නික් ග්‍රාන්ට් පැරණි මිත්‍යා කතා සම්බන්ධව දැඩි උනන්දුවක් දක්වන අයෙක්.

🖤 ඔයාලා අවධානයෙන් බැලුවනම් ඔහුගේ Laptop පරිගණකයේ Wallpaper එක ලෙස පැස්බර පිහාටුවක් ( An Ostrich Feather ) දකින්න ඇති. පැස්බර පිහාටුව කියන්නෙ ඊජිප්තුවේ සත්‍යයට හා යුක්තියට අධිපති Ma' at දෙවඟනගෙ සලකුණක්.

04/08/2022

Fact 04: Hidden Detail No.01

🖤 ClicK නිර්මාණය කරද්දි අපි පොඩි Hidden Details කීපයක්ම ඇතුල් කරන්න උත්සහා කළා. මේ ඒවගෙන් එකක්.

🖤 ශෝන් නිකලස් ග්‍රාන්ට් කියන්නෙ විනෝදාංශයක් විදියට ග්‍රීක, රෝම, ඊජිප්තු සහ නෝර්වීජියානු මිත්‍යා පිළිබඳව හදාරන අයෙක්.

🖤 ඔහුගේ දුරකථනයේ Wallpaper එක ලෙස ලෙස Ma' at දෙවඟන එහෙමත් නැත්නම් ඊජිප්තුවේ සත්‍යයට හා යුක්තියට අධිපති දෙවඟනව දැකගන්න පුළුවන්.

03/08/2022

Fact 03: Nick Grant

🖤 Sean Nickolas Grant කියන්නේ ClicK කෙටි චිත්‍රපටයේ ප්‍රධාන චරිතය. Merolees නගරයේ මාධ්‍යවේදියෙක් (Journalist) විදිහට ක්‍රියාකරන මොහු සාමාන්‍ය ප්‍රවෘත්‍ති පස්සේ යන කෙනෙක් නෙවෙයි. මෙයා අපරාධ පස්සේ පන්නන මාධ්‍යවේදියෙක්.

🖤 තමන්ගේ නම විදිහට මෙයා පත්තරවලදි යොදා ගන්නේ Nick Grant කියලා. ඒවගේම අපරාධ පස්සේ පන්නන පුරුද්ද මෙයාට DNA වලින්ම ආපු දෙයක්.

02/08/2022

Fact 02: Frostford City

🖤 Frostford දිස්ත්‍රික්කයේ ප්‍රධාන නගර සහ කළාප 13 ක් තුළ ස්කල් සිනමා විශ්වය (Skull Cinematic Universe) ගලායන අතර ඒ ඒ කළාපයට අදාල විශේෂ පුද්ගලයින්, සතුරන්, අපරාධ මෙන්ම පරිසර ස්වභාවයන්ද ඉදිරියේදී Dark Reveal Studio යූටියුබ් නාලිකාව හරහා නිකුත් වීමට නියමිත Projects තුලින් ඔයාලට දැකගැනීමට හැකිවේවි.

🖤 ඒ වගේම ClicK සිනමා පටය Frostford දිස්ත්‍රික්කයේ සාමාන්‍ය නගරයක් වන Merolees (මෙරොලීස්) තුළ සිදුවෙයි.

01/08/2022

Fact 01: Parallel Universe Theory

🖤 ස්කල් ප්‍රබන්ධ විශ්වය ලොව පුරාවට පැතිරුනු චිත්‍රකතා සහ ප්‍රබන්ධ එකතුවක් වුවද ස්කල් සිනමා විශ්වය, සමාන්තර විශ්වයක ඇති ශ්‍රී ලංකාවක පිහිටි Frostford (ෆ්‍රොස්ට්ෆෝඩ්) නම් දිස්ත්‍රික්කය තුළ ඇති විසිර පවතියි. එහි නගර සහ කළාප 13ක් ඇත.

🖤 පහළ ඡායාරූපය අවධානයෙන් නිරීක්ෂණය කලවිට සමාන්තර ශ්‍රී ලංකාවේ වෙනස සහ ෆ්‍රොස්ට්ෆෝඩ්හි දළ පිහිටීම ඔබට දැකගත හැකිවේවී.

🖤 ස්කල් සිනමා හා ප්‍රබන්ධ විශ්ව අතර වෙනස සහ ClicK කෙටි සිනමාපටයේ නොදත්, නොදුටු තතු පිළිබඳව ගෙන එන Facts ලිපි පෙල අපි අදින් අරඹනවා. රැඳීසිටින්න අප සමඟම.

27/07/2022

WELCOME TO THE SKULLVERSE

ස්කල්වර්ස් කියන්නේ හරියටම මොකක්ද?
මොකක්ද මේ ස්කල් සිනමටික් යුනිවර්ස් එක? අපේ පසුබිම මොන වගේද?
මේ ප්‍රශ්න ඔයාලටත් තියනවනම්... මේ අපි ලියන්නේ ඒවට පිළිතුරු. කෙටියෙන් ලියන්න බලාපොරොත්තුවෙන මේ ලිපිය ආරම්භ කරන්න කලින් ඔයාලා හැමෝටම ආරාධානාකරනවා මේ ලිපිය සම්පූර්ණයෙන් කියවන්න කියලා.....

ස්කල්වර්ස් කියලා අපි මේ නම්කරලා තියෙන්නේ ලෝකය පුරා විහිදුන අපරාධ , පාතාලය , දේශපාලනය වගේ ක්ෂේත්‍ර ගණනාවක් පිටුපස ඉන්න විශාල සංවිධනයක් වටා ගෙතුනු කතා මාළාවක්. රටවල් දහතුනක් කේන්ද්‍ර කරගෙන අපි මේ සම්පූර්න කතාමාලාව, ඒ ඒ රටවල් වලට අදාල සංස්කෘතිය, ඉතිහාසය ගැන හොඳට අධ්‍යනය කරලා අදාල කාළවකවානු වල සිදුවීම් සියල්ලම එක්ක හරිම සංකීර්ණ හා සිත් ඇදගන්නාසුළු විදිහට එකතු කරලා ඔයාලා වෙතට ගේන්න සැළසුම් කරලා තිබුනේ මුහුණු පොත හරහා පලකල කතා මාළාවක හා චිත්‍ර කතා මාලාවක එකතුවක් විදිහට. නමුත් ආවාසනාවකට අපිට මේ කතාමාලාව ඔයාලා වෙතට ගේන එක ටික කාළයකට කල් දාන්න සිද්ද වුනා. ඒත් ඒ හැම දේකටම වඩා ඔයාලා අතරට මේ ස්කල් විශ්වය සමීප කරන්න පුලුවන් ක්‍රමයක් අපිට හමුවුනා. ඒ වගේම කියන්න සතුටුයි ඒ වෙනුවෙන් අපි තියපු පළමු පියවර ඉතාමත් සාර්ථක වුනා.

ඒ ක්‍රමය තමයි ස්කල් සිනමා විශ්වය. තේරෙන භාෂාවෙන් කිව්වොත් Skull Cinematic Universe එක. මේ යුනිවර්ස් එකේ පළමු පියවර විදිහට තමයි මීට ටික කාළයකට කලින් Dark Reveal Studio යූටියුබ් නාළිකාව හරහා Click කෙටි සිනමාපටය ඔයාලගේ ඇස් ඉදිරියට ආවේ. මේ කෙටි සිනමාපටයට ඔයාලා පෙන්නපු කැමැත්ත , ආදරය සහ යහපත් ප්‍රතිචාර සමඟ මේ සිනමා විශ්වය අපි කලින් සැලසුම් කරපු ලෝක ව්‍යාප්ත ස්කල් සංවිධානය ශ්‍රී ලංකාවට ගැලපෙන විදිහට වෙනස්කරලා සමාන්තර විශ්වයක පවතින ශ්‍රී ලංකාවක Frostford කියලා හඳුන්වන ගෝතම් , මෙට්‍රොපොලිස් වගේ මනඃකල්පිත දිස්ත්‍රික්කයක් ඇතුලේ සිදුවන කතාමාලවක් විදිහට කෙටි චිත්‍රපට හා වෙබ් සීරීස් හරහා ගේන්න අපි තීරණය කළා.

ඉතින් මේ කාර්යයේදි අපි මූනදීපු එක ගැටළුවක් තමයි මේ කතාමාළාවේ පසුබිම ඔයාලට ගේන්නේ කොහොමද කියන එක ගැන. ඒවගේම අපේ ClicK නිර්මාණය රසවිඳපු, නමුත් ඒ පිටුපස තියන කරුනු කාරණා ඔයාලට ගේන්නේ කොහොමද කියන එක. අපේ ඉදිරියට එන ප්‍රොජෙක්ට් කිහිපයකින් මේ ස්කල් එක ගැන ඔයාලට මූලික දැනුම ලබා දෙයි. ඒත් ඊට කලින් අපි තීරණය කරා පොඩිවට මේ දේවල්වල පැහැදිලි කිරීමක් ඔයාලට දෙන්න.

මේ සංවිධානය ඔබ මම ක්‍රීඩාකරන්න මැජික් පෙන්නන්න බහුලව භාවිතා කරන කාඩ්පැක් එකක් මත ගොඩ නැගුන ව්‍යූහයක් සහිත සංවිධානයක්. ඔවුන් ෆ්‍රොස්ට්ෆෝඩ් දිස්ත්‍රික්කයේ කළාප 13ක විවිධාකාරයේ අපරාධ ක්‍රියා පවත්වාගෙන යන්නේ අනාදිමත් කාළයක ඉඳලා. ඒත් සෙවණැලි පිටුපස සිටි මේ පුද්ගලයන් එකිනෙකා හඹායන්න ස්කල් සංවිධානය වට්ටන්න නවයොවුන් විය පසුකරමින් ඉන්න තරුණ තරුණියෝ පිරිසක් එකතු වෙනවා ඒ වගේම ස්කල් විරෝධි සංවිධානයක සහය ඇතුව මේ තරුණයින් මේ ස්කල් සංවිධානයට එරෙහිව සටන් වදිනවා. මේ සටනෙදි මේ යෞවනයන් වටා විවිධ පිරිස් ඔවුන්ගේ සහයට එකතුවෙනවා නමුත් හැම දේකටම වගේ ස්කල් සංවිධානයට හෝ මේ යෞවනයන්ට අවසානයක් හිමිවෙනවා. සතුටු දායක හෝ අසතුටුදායක අවසානයක් දෙපිරිසට හිමිවන තුරු මේ සටන ඔබවෙත ගේන්න අපි පොරොන්දු වෙනවා. කතාමාලාව ලියන, සැළසුම්කරන අයව පෞද්ගලිකව හඳුනනවනම් ඔබ දැනටමත් දන්නවා ඇති මේ කතාව කොහොම වෙයිද කියලා.

බ්ලැක් හුඩ්, ෆීනික්ස් වගේ ප්‍රධාන චරිත ස්පිරිට්ස් එහෙම නැත්තන් ස්කල්වරුන්ට එරෙහි සංවිධානය ඒවගේම ශෝන් වගේ මේ සටනේ අතරමැදි චරිත අරගෙන ඔයාලා ඉදිරියට ක්ලික් ආවේ ස්කල් සිනමටික් යුනිවර්ස් එකේ පොඩිම පොඩි චූටි කොටසක් විදිහට. අපි ඔයාලට ආදරෙන් ආරාධනා කරනවා මේ ගමනෙදි අපිත් එක්ක එකතුවෙලා ලංකාවේ සුපිරිවීර කලාව, යූටියුබ් කලාව සහ ඩිජිටල් සෝශල් මීඩියා කලාවන්ගේ වෙනස්ම මානයක කොටස්කාරයෝ වෙන්න කියලා.....
ස්තූතියි.

අපේ ඉදිරි නිර්මාණයකින් ඉක්මනින් හමුවෙමු.

23/04/2022

☠️☠️☠️☠️☠️☠️☠️☠️☠️☠️☠️☠️☠️☠️☠️☠️

So sorry guys... මේ සතියේ The Skull Comic එක දාන්න වෙන්නෙ නෑ....😥 අද කොමික් එක වෙනුවාට 𝐎𝐫𝐢𝐠𝐢𝐧 𝐎𝐟 𝐓𝐡𝐞 𝐒𝐤𝐮𝐥𝐥 : ɪɴ ᴛʜᴇ ɴᴀᴍᴇ ᴏꜰ ᴛʜᴇ ꜰᴏᴜʀ ᴅʀᴀɢᴏɴꜱ කතාවේ 08 වෙනි කොටස අප්ලෝඩ් කරනවා.... 😁

𝐎𝐫𝐢𝐠𝐢𝐧 𝐎𝐟 𝐓𝐡𝐞 𝐒𝐤𝐮𝐥𝐥 : ɪɴ ᴛʜᴇ ɴᴀᴍᴇ ᴏꜰ ᴛʜᴇ ꜰᴏᴜʀ ᴅʀᴀɢᴏɴꜱ : Chapter 08

https://m.facebook.com/story.php?story_fbid=148413604340962&id=100075169698822&sfnsn=mo

𝐎𝐫𝐢𝐠𝐢𝐧 𝐎𝐟 𝐓𝐡𝐞 𝐒𝐤𝐮𝐥𝐥 : ɪɴ ᴛʜᴇ ɴᴀᴍᴇ ᴏꜰ ᴛʜᴇ ꜰᴏᴜʀ ᴅʀᴀɢᴏɴꜱ

Chapter 07

https://m.facebook.com/story.php?story_fbid=141973604984962&id=100075169698822&sfnsn=mo

Chapter 08 : පියෝනි මල

මම කට්සුකීට යැවූ ලියුමට ඇය මට පිළිතුරු එව්වේ පුදුමාකාර උවමනාවකින්.
ඇය ඉක්මනින් කියෝතෝවට පැමිණෙන බවත්, එතෙක් ඇය ගැන විශ්වාසයෙන් සිටින ලෙසත් ඇය කලාතුරකින් එවූ සෑම ලිපියකම සඳහන් වෙලා තිබුනා. මමත් ඇය කෙරෙහි විශ්වාසය තබාගෙන සිටියා.

මේ අතරවාරයේදි යතුරු සොයාගෙන යන මෙහෙයුම සඳහා අපි හතරදෙනා බෙදී ගමන් කළ යුතුබව හට්සුගේ අදහස වුණා.
ඔහු එයට හේතු දක්වමින් කිව්වේ සෙන්කෝජි පන්සලේ වාර්ෂික සංවස්තර උත්සව පූජාව පැවැත්වීමට නියමිත ඔක්තෝබර් දහ අට වන දිනට තවත් ඇත්තේ දින විස්සකට අඩු කාලයක් බව පෙන්වා දෙමින්. කිකුයෝවේ නමින් හඳුවපු ඒ උත්සවය ක්‍රිසන්තිමම් මලින් පූජා භූමිය සැරසෙන කියොතෝවේ ඇති දැවැන්ත සහ උත්කර්ෂවත් මහෝත්සවයක්.

ඉතින් කේන්ට අකැමැත්තෙන් වුනත් ඒ යෝජනාවට එකඟ වෙන්න සිදුවුණා. ඔහු බොහෝ වේලාවක් අපිට ලබාදුන් කාඩ්පත් සමඟ තනිවී කල්පනා කරමින් සිට අපි වෙන්වී යාමට නියමිත වූ දිනයේදී ඒවා අපිට බෙදාදුන්නා. මට ලැබී තිබුනේ "විශ්වාසය රකින්න" ලෙස සඳහන් වූ කාඩ්පතයි. මම ඍජුව කේන්ගේ දෑස් දෙස බැලුවා.

" ඇයි මට මේක?" මම ඇසුවා. එහෙත් කේන් පිළිතුරු නොදී සමච්චල් සිනහවකින් මට සංග්‍රහ කලේ මගේ ද්‍රෝහීකම ගැන ඔවුන් දැනසිටිනවා යන අදහස මහේ හිතේ තැන්පත් කරවමින්. ඒ නිසා මම සන්සුන් වීමට ප්‍රයත්න දැරුවා. " මම කිව්වේ... මේක විතරයි කිසිම ඇඟවීමක් නොදෙන කාඩ්පත. මේක අසාධාරණයි. මම කොහොමද මේ වචන ටිකෙන් යතුරක් හොයන්නේ?"

" මම ඒ ගැන හිතුවා." කේන් සැහැල්ලුවෙන් පිළිතුරු දුන්නා.

" ජේකබ් මහත්මයා සමුගන්න කලින් අන්තිම මොහොතේදි මට කිව්වා එක යතුරක් හමුවෙන්නේ අන්තිම මොහොතේදියි කියලා. ගොඩක් දුරට ඒ ඔයාගෙ යතුර. ඉතින් ඔයා එන්න මාත් එක්ක යන්න. අපි එකතුවෙලා මගේ යතුර හොයමු."ඔහු කිව්වා.

ඒ විදිහට අවසානයේදී අපි අපිට අ‍යිති යතුර සොයායන්න පිටත් වුණා.
......................................................................

කේන්ට හොයගන්න ලැබිලා තිබුනේ 'කුසුනෝකි මකාශිගේ සෙන්පතිතුමන්ගේ පියෝනි මල' ලෙසින් සඳහන් වූ කාඩ්පතයි.

කුසුනෝකි මකාශිගේ විදිහට හඳුන්වන්නේ ගෙන්කෝ යුද්ධයේදී ජපානයේ නිදහස වෙනුවෙන් සටන් කල විශිෂ්ටතම සමුරායිවරයෙක්. මියගිය පසු ඔහුව මිහිදන්කරනු ලැබුවේ කන්ෂින්ජි ප්‍රදේශයේයි. ඔහුගේ සැමරුම් ස්මාරක පිහිටුවා තිබුනේ හෝකෙන්තෝ පලාතෙයි.

කෙසේ නමුත් සෙවීමට ඇත්තේ සමුරායිවරයාට අයිති දෙයක් වුන නිසා කේන් සිටියේ බොහොම සැහැල්ලුවෙන්.
සෙන්පතිතුමෙක්ගේ මලක් ලෙස හැඳින්විය හැක්කේ අනිවාර්‍යයෙන්ම ආයුධයක් වියයුතුබවට ඔහු තරයේ විශ්වාස කළ නිසයි ඔහු සැහැල්ලුවෙන් සිටියේ. ඒත් ඒ තරම් පහසු අනුමානයක් කළ හැකි යමක් අපේ අතට ලැබී තිබෙනවා කියා පිළිගන්නට මගේ හිත ඇතුලේ තිබුනේ කම්මැලිකමක්. කේන්ට මම ඒ බව පැවසුවත් ඔහුගේ තිබුනු අධිකතර ආත්මවිශ්වාසය නිසා ඔහු මං කියන කිසිවකටත් ඇහුම්කන් දුන්නෙ නෑ.

කෙසේ හෝ අපි දෙදෙනාගේ වාද විවාද අතරින්ම අපි මුලින්ම ගමන් ආරම්භ කලේ කන්ෂින්ජි පලාතටයි. කියෝතෝවල සිට කන්ෂින්ජි වෙත යාමටම අපිට දින තුනක කාලයක් ගත වුනා.

කන්ෂින්ජිවල සමුරායිවරයාගෙ සොහොන සොයා අපි ගමන් කළා. එය තිබුනේ ප්‍රාදේශීය පන්සලක් අසලයි.
එය මිනිසුන්ගේ වන්දනාවට ලක්ව තිබූවක්. කෙසේවුවත් අපි එහි ආ මෙහෙයුම සම්බන්ධ මොනයම්ම හෝ දෙයක්වත් දැනගැනීමේ හැකියාවක් ඉන් ලැබුනේ නෑ. ඒ නිසා කුමක්ම හෝ විස්තරයක් දැනගැනීමේ අරමුණින් අපි ප්‍රාදේශීය පන්සලට ගමන්කළා. අපිව එහිදී පිළිගන්නට පැමිණියේ මහළු ගැහැණියක්.

" මේ අය ඇවිත් තියෙන්නේ වන්දනාවට නෙමෙයි නේද?" ඇය ඇසුවා.

" අපි ආවේ විස්තරයක් හොයාගෙන." මම පිළිවදන් දුන්නා. ඇය ප්‍රශ්නාර්ථයක් මුහුණේ රදවාගෙන මා දෙස බැලුවා.

" අපි ආවේ කුසුනෝකි මකාශිගේ සෙන්පතිතුමන්ගේ පියෝනි මල ගැන විස්තරයක් දැනගන්නයි." කේන් පැවසුවා.

" පියෝනි මල?" ඇය තවත් පුදුම වුණා.
" මම මේ කන්ෂින්ජි පන්සලේ ආවතේවකාරිය විදිහට ඉන්නේ අවුරුදු හතලිස් නවයක කාලයක් තිස්සෙයි.
මගෙන් මෙහෙට එන මිනිස්සු ඕනි හැටියේ මකාශිගේ සෙන්පතිතුමන් ගැන ප්‍රශ්න අහලා දැනගෙන තියෙනවා.
ඒත් මේ වගේ දෙයක් අහන් ආව පළමුවෙනියෝ ඔයාලා."

"ඔබතුමී දන්නෙ නැද්ද ඒ ගැන මුකුත්ම?"
කේන් බලාපොරොත්තු කඩ වූ බැල්මකින් ඇසුවා. ඔහුගේ ආඩම්බරකමට පහරක් එල්ල වූ බව දැක මගේ හිතේ හීන් සතුටක් ඇතිවී නැතිවී යනවා මට දැනුනා.

" සමහරවිට මේ ගැන දන්න කෙනෙක් ඉන්න පුලුවන්. ඒ මකාශිගේ පෙළපතේ උරුමක්කාරයෙක්. ඒත් ඒ පෙළපත විනාශ වුණා." ගැහැණිය කල්පනා කර පිළිතුරු දුන්නා.

" මිනිස්සු කියනවා මකාශිගේ පෙළපතේ උරුමක්කාරියක් ගැන. මමත් ඇයව දැකලා තියෙනවා. මුතුන්මිත්තන් පුදන්න දෙමව්පියෝ එක්ක ඒ දැරිවි මේ පන්සලට ආවා මීට අවුරුදු දහයකට විතර කලින්."

"කොහොම හරි ඒ දෙමව්පියෝ කහ උණට ගොදුරු වෙලා මැරිලා තියෙනවා පස්සෙ කාලෙක. ඒ දැරිවිට ප්‍රාණ භුක්තියෙන් මකාශිගේ පෙළපතට අයිතිවෙලා තිබුනු සියල්ල උරුම වෙලා."

" ඒත් ඒ දරුවා බටහිර රටකට පිටවෙලා ගිහින් තියෙනවා. එතනින් එහාට ඇය ගැන ආරංචියක් කවුරුත්ම දන්නෙ නැහැ. හොඳින් ඉන්නවද? මිය ගිහින්ද? කවුරුත් දන්නෙ නැහැ."

" එයාගෙ නම?" කේන් බලාපොරොත්තු දල්වාගෙන ඇසුවා.

" හනා මකාශිගේ... ඉර එළියෙන් උපන් තැනැත්තිය කියලයි ඇයට ඒ කාලෙ ඇගේ දෙමව්පියෝ කිව්වේ.හරි ආඩම්බර වුනා ඒ උදවිය ඒ දැරිවි ගැන. එක අතකට ආඩම්බර වෙන්න ඕනි තමයි. දැරිවි හරි පුදුම තරම් ලස්සනයි. දක්ෂයි."

" ඒ මොනවා වුනත් අන්තිමට ඇය ඉර බැහැගෙන යන පලාතෙ තිබ්බ බටහිර රටකටම යන්න ගියා."

"ජීවිතේ මොනතරම් පුදුමාකාරද?"
එසේ කියමින් ගැහැණිය සුසුමක් හෙලුවා.