Media Unit Ridee Viharaya

05/11/2025

අද දිනට (නොවැ.05) යෙදී තිබූ කුරුණෑගල-රිදීගම ඓතිහාසික රිදී විහාරස්ථානයේ 2025 වාර්ෂික කඨින චීවර පූජෝත්සවය ⁣බැතිමතුන් විශාල පිරිසකගේ සහභාගීත්වයෙන් පැවැත්විණි.

අද අළුයම කඨින චීවරය වඩමවාගත් පෙරහර ඓතිහාසික රිදී විහාරයේ බස්නායක නිළමේතුමන්ගේ නිවසේ සිට හිමිදිරි අළුයම උත්කර්ෂවත්ව කස, ගිණිබෝල, වෙස් නර්ථන සහ අලි ඇතුන් පිරිවරාගෙන රිදීගම නගරය හරහා වීදි සංචාරය කරමින් රිදී විහාරස්ථානය වෙත ලඟ වීමෙන් අනතුරුව එම කථින චීවර වස්ත්‍රය සකස් කිරීම සඳහා පූජ්‍ය හෙම්මාතගම පියදස්සී හිමිපාණන් වහන්සේ වෙත බාර දෙන ලදී.

ඉන් අනතුරුව අද දහවල් සංඝයා වහන්සේලා හැත්තෑ නමක් (70) විෂයෙහි පැවැත්වූ සංඝගත දක්ෂිණාවෙන් අනතුරුව චීවර පූජාව සහ ආනිශංස ධර්ම දේශනාව සිදු කරමින් කඨින පිංකම නිමාවට පත්විය.

ඡායාරූප : රිදී විහාර මාධ්‍ය ඒකකය

05/11/2025

ඓතිහාසික රිදී විහාරයේ කඨින චීවර පූජා මහෝත්සවය 2025

අද දිනට (නොවැ.05) යෙදී තිබෙන ඉල් පුන් පොහොය දින කුරුණෑගල-රිදීගම ඓතිහාසික රිදී විහාරස්ථානයේ 2025 වාර්ෂික කඨින චීවර පූජෝත්සවයේ කඨින චීවරය වඩමවාගත් පෙරහර ඓතිහාසික රිදී විහාරයේ බස්නායක නිළමේතුමන් චූලා බංඩාර ගුණතිලක මැතිතුමන්ගේ නිවසේ සිට හිමිදිරි අළුයම උත්කර්ෂවත්ව කස, ගිණිබෝල, වෙස් නර්ථන සහ අලි ඇතුන් පිරිවරාගෙන රිදීගම නගරය හරහා වීදි සංචාරය කරමින් රිදී විහාරස්ථානය වෙත ලඟ වීමෙන් අනතුරුව එම කථින චීවර වස්ත්‍රය සකස් කිරීම සඳහා පූජ්‍ය හෙම්මාතගම පියදස්සී හිමිපාණන් වහන්සේ වෙත බාර දෙන ලදී.

විහාරස්ථානය අවට ප්‍රදේශවාසීන් විසින් කඨින පෙරහැර වෙනුවෙන් දන්සැල් ද සංවිධානය කර තිබිණු අතර කඨින චීවර පෙරහර අවසානයේදී පෙරහරේ ගමන් ගත් ශ්‍රී දළදා මාළිගාවේ ඇත් පන්තියට අයත් මියන් රාජා හස්තියාට රිදී විහාරයේ භාරකාර පූජ්‍ය තිබ්බටුවාවේ ශ්‍රී සිද්ධාර්ථ නායක හිමිපාණන් වහන්සේ විසින් පලතුරු ලබාදීමද සිදු කෙරිණි.

04/11/2025

කුරුණෑගල-රිදීගම ඓතිහාසික රිදී විහාරස්ථානයේ හෙට දිනට යෙදෙන ඉල් පුන් පොහෝ දින පැවැත්වීමට නියමිත 2025 වාර්ෂික කඨින චීවර පූජෝත්සවයට සමඟාමීව අද සවස රිදී විහාරයේදී ආශිර්වාද පහන් පූජාවක් සහ බෝධි පූජා පිංකමක් පවත්වන ලදී. බෝධි පූජා පින්කම සිදු කරන ලද්දේ පූජ්‍ය හගුරන්කෙත ඥානරතන හිමිපාණන් වහන්සේ විසිනි.

මෙහෙයවීම හෙම්මාතගම පියදස්සි හිමියන් විසින් සිදු කරන ලදී.

03/11/2025

02/10/2025

ඔක්තෝබර් 01 ලෝක ළමා දිනයට සමගාමීව කුරුණෑගල-රිදීගම ඓතිහාසික රිදී විහාරස්ථානයේදී අද දින (ඔක් 01) පස්වරුවේ රිදීගම අවට පෙර පාසල් දරුවන් සඳහා ළමා දින සැමරුම් උත්සවයක් පැවැත්වුණු අතර ඓතිහාසික රිදී විහාරය භාරකාර පූජ්‍ය තිබ්බටුවාවේ ශ්‍රී සිද්ධාර්ථ බුද්ධරක්ඛිත නායක හිමිපාණන් වහන්සේගේ අනුශාසනාවන්ට අනුව මෙම උත්සවය සංවිධානය කර තිබුනේ රිදි විහාරස්ථ තරුණ බෞද්ධ සංගමය, රිදී විහාර සංස්කෘතික මධ්‍යස්ථානය, වයඹ පළාත් පූර්ව ළමාවිය සංවර්ධන මධ්‍යස්ථානය සහ වර්ල්ඩ් විෂන් ආයතනය, වෙන්චර් ග්‍රීන්ස් ආයතනය, ස්වාමී විවේකානන්ද සංස්කෘතික මධ්‍යස්ථානය,ඇට්ලස් සමාගම සහ වාසනා ⁣පොත් ප්‍රකාශන සමාගම ඒකාබද්ධවයි.

⁣මෙහිදී දරුවන් වෙනුවෙන් ආහාර පානයන්ගෙන් සංග්‍රහ කල අතරම ඔවුන්ගේ රසවින්දනය උදෙසා විවිධ නර්ථන වැඩසටහන්, රසවින්දනාත්මක වැඩසටහන් සහ චිත්‍ර ඇදීමේ වැඩසටහන්ද සංවිධානය කර තිබුනි.

එසේම පැමිණ සිටි දෙමව්පියන් සඳහා ද දේශනයක් පවත්වන ලද අතර වැඩසටහනේ නිමාව ලෙස බෝධි පූජාවක් පවත්වා පැමිණ සිටි දූ පුතුන් ඇතුළු සියළු දෙනාට ආශිර්වාද කර කුඩා දරුවන් වෙනුවෙන් ත්‍යාග ලබා දීමද සිදු කෙරිණි.

මේ සඳහා ශ්‍රී ලංකා ප්‍රජාතාන්ත්‍රික සමාජවාදී ජනරජයේ කාන්තා සහ ළමා කටයුතු නියෝජ්‍ය අමාත්‍ය වෛද්‍ය නාමල් සුදර්ශන මහතා සහභාගී වූ අතර රිදීගම ප්‍රාදේශීය සභාවේ ගරු සභාපතිතුමන් සහ උප සභාපතිතුමිය ඇතුළු කොට්ඨාස භාර මන්ත්‍රීතුමන් ඇතුළු දේශපාලන අධිකාරියද, වයඹ පළාත් පූර්ව ළමාවිය සංවර්ධන මධ්‍යස්ථානයේ සභාපතිතුමන්ද, රිදීගම ප්‍රාදේශීය ලේකම්තුමන් ඇතුළු ප්‍රදේශයේ රාජ්‍ය ආයතනවල නිළධාරින් ඇතුළු පිරිසක් ද සහභාගී වූහ.

Venture Greens
ICCR in Sri Lanka
Wasana Book Publishers - Pvt Ltd
Atlas Sri Lanka
World Vision Lanka

28/09/2025

චීන තානාපති කාර්යාලයේ සංස්කෘතික කටයුතු ලේකම්තුමිය "ලිලීජි" ඇතුළු නියෝජිත පිරිසක් ඊයේ දින (සැප් 28) කුරුණෑගල-රිදීගම ඓතිහාසික රිදී විහාරස්ථානයේ භාරකාර පූජ්‍ය තිබ්බටුවාවේ ශ්‍රී සිද්ධාර්ථ බුද්ධරක්ඛිත නායක හිමිපාණන් වහන්සේ බැහැදැක සුහද කතා බහක නිරත වූ අවස්ථාව

28/09/2025

එළඹෙන ඔක්තෝබර් පළමුදාට යෙදෙන ලෝක ළමා දිනයට සමගාමීව ඓතිහාසික රිදී විහාරස්ථානයේදී දරුවන් පන්සිය හැට දෙනෙකු සඳහා සංවිධානය කර තිබෙන ළමා දින සැමරුම් උත්සවයේ සැලසුම් කටයුතු පිළිබඳව අවසන් සාකච්ඡාව ඊයේ දින (සැප් 27) පෙරවරුවේදී ඓතිහාසික රිදී විහාරස්ථානය භාරකාර පූජ්‍ය තිබ්බටුවාවේ ශ්‍රී සිද්ධාර්ථ බුද්ධරක්ඛිත නායක හිමිපාණන් වහන්සේ⁣ගේ අනුශාසකත්වයෙන් පැවැත්වුණු අතර මේ සඳහා තරුණ බෞද්ධ සංගමයේ නිළධාරිතුමන්ලා සහ රිදී විහාර සංස්කෘතික මධ්‍යස්ථානය භාර දිස්නා සමරසිංහ මහත්මියත් රිදීගම ප්‍රාදේශීය සභාවේ සංස්කෘතික කටයුතු භාර නිළධාරිතුමිය ඇතුළු පිරිස සම්බන්ධ වූහ.

මෙම ළමා දින සැමරුම් උත්සවය සංවිධානය කරන්නේ වයඹ පළාත් පූර්ව ළමාවිය සංවර්ධන අධිකාරිය, රිදීගම ප්‍රාදේශීය ලේකම් කාර්යාලය, ඓතිහාසික රිදී විහාරය සහ සංස්කෘතික කටයුතු දෙපාර්තමේන්තුව ඒකාබද්ධවයි.

28/09/2025

චීන තානාපති කාර්යාලයේ සංස්කෘතික කටයුතු ලේකම්තුමිය "ලිලීජි" ඇතුළු නියෝජිත පිරිසක් ඊයේ දින (සැප් 27) කුරුණෑගල-රිදීගම ඓතිහාසික රිදී විහාරස්ථානයේ සංචාරයක නිරත වූ අතර ප්‍රථමයෙන්ම ඔවුන්ව රිදී විහාර තරඅණ බෞද්ධ සංගමයේ සාමාජික මහත්වරුන් විසින් පිළිගත් අතර පසුව රිදී විහාරය භාරකාර පූජ්‍ය තිබ්බටුවාවේ ශ්‍රී සිද්ධාර්ථ බුද්ධරක්ඛිත නායක හිමිපාණන් වහන්සේ බැහැදැක සුහද කතා බහක නිරත වූහ.

මෙහිදී රිදී විහාරස්ථානය විසින් රිදීගම සහ අවට ප්‍රදේශ කේන්ද්‍ර කරගනිමින් සිදුකරන ආගමික සමාජීය සහ සංස්කෘතික වැඩසටහන් පිළිබඳව විශේෂයෙන් සාකච්ඡා කෙරිණි.

හමුව අවසානයේදී චීන සංස්කෘතික කටයුතු ලේකම්තුමිය ඇතුළු පිරිස සඳහා සමරු තිළිණ ප්‍රදානය කිරීමද ගරු නායක හිමිපාණන් වහන්සේගේ සුරතින් සිදු කෙරිණි.

අනතුරුව පැමිණ සිටි පිරිස සඳහා අපගේ දේශීය ආහාරපාන වලින් සංග්‍රහ කිරීම සිදුකරන ලදී.