TV Supreme News

  • Home
  • TV Supreme News

TV Supreme News ''TV Supreme News'' Sri Lanka's leading news source, delivering unbiased, factual reporting.
(3)

We focus on the voice of the people, providing news without gossip or political bias. Supreme News, your trusted platform for clear, accurate information.

03/09/2026

පැයෙන් පැය පුවත් | Hourly News | 2026-09-03 | 9.57 | TV Supreme News

03/09/2026

🔴 Digi First | LIVE | Tv Supreme - 2026.09.03 -TV Supreme

02/09/2026

22 ගැන ශ්‍රේෂ්ඨාධිකරණයේ උණුසුම් තර්ක විතර්ක සහ SJB හෙට පාරට! | 22nd Amendment Sri Lanka | Tv Supreme New

ශ්‍රේෂ්ඨාධිකරණයේ අද පැවති පෙත්සම් විභාගයේදී උණුසුම් තර්ක විතර්ක ඉදිරිපත් වුණා. පූජ්‍ය බලංගොඩ කස්සප හිමියන් ධර්ම කරුණු ඔස්සේ තර්ක කිරීමට උත්සාහ කළ අවස්ථාවේදී අගවිනිසුරුවරයා පෙන්වා දුන්නේ මෙම අවස්ථාවට අදාළ වන්නේ නීතිය බවයි. මේ අතර, පනතට සහාය දක්වන අතරමැදි පෙත්සම්කරුවන් වෙනුවෙන් පෙනී සිටි ජනාධිපති නීතිඥවරුන් වන නයිජල් හැච් සහ මොහාන් වීරකෝන් පෙන්වා දුන්නේ ජනතාවගේ ආයු කාලය වර්ධනය වීම මත විනිසුරුවරුන්ගේ විශ්‍රාම වයස ඉහළ නැංවීම කාලෝචිත බවත්, ඒ සඳහා ජනමත විචාරණයක් අවශ්‍ය නොවන බවත්ය.

#22වනසංශෝධනය

02/09/2026

ඩයමන්ඩ් ලීග් පිටිය දෙවනත් කළ රුමේෂ් තරංග & ආසියානු කුසලානයේ චමරිගේ ගැම්ම! | Tv Supreme News

2026 ඩයමන්ඩ් ලීග් (Diamond League 2026) මලල ක්‍රීඩා තරගාවලියේ පිරිමි හෙල්ල විසි කිරීමේ අවසන් මහා තරගය සඳහා සුදුසුකම් ලැබූ ක්‍රීඩකයින් අතර පෙරමුණ ගැනීමට ශ්‍රී ලංකාවේ රුමේෂ් තරංග සමත්ව තිබේ. සූරිච්හි පැවති තරගයේදී මීටර් 92.07ක දුරක් වාර්තා කළ රුමේෂ්, ලබන සැප්තැම්බර් 4 සහ 5 දෙදින බෙල්ජියමේ බ්‍රසල්ස් නුවරදී පැවැත්වෙන අවසන් තරගයේදී ඉන්දියාවේ නීරාජ් චොප්රා (Neeraj Chopra), ඇන්ඩර්සන් පීටර්ස්, කේෂෝන් වොල්කට්, කර්ටිස් තොම්සන් සහ ජුලියස් යේගෝ වැනි ලෝක මට්ටමේ ප්‍රබල ක්‍රීඩකයින් සමග තරග වැදීමට නියමිතයි.

මේ අතර, එක්සත් අරාබි එමීර් රාජ්‍යයේ ඩුබායි ජාත්‍යන්තර ක්‍රීඩාංගණයේදී පැවැත්වෙන කාන්තා ආසියානු කුසලාන විස්සයි20 තරගාවලියේදී ශ්‍රී ලංකා කාන්තා කණ්ඩායම අද ඉන්දුනීසියාවට එරෙහිව තරග බිමට පිවිසෙයි. චමරි අතපත්තුගේ නොදැවී ලකුණු 48 සහ මිතාලි අයෝධ්‍යා, චේතනා විමුක්තිගේ පන්දු යැවීමේ දස්කම් හමුවේ පළමු තරගය කඩුලු 9කින් ජයගත් ශ්‍රී ලංකා කණ්ඩායම B කාණ්ඩයේ පෙරමුණ තවදුරටත් තහවුරු කරගැනීමට බලාපොරොත්තු වේ.

02/09/2026

එල් නිනෝ එනවෝ එනවෝ කිය කියා බලන් ඉන්නවා ද? | Tv Supreme News

ශ්‍රී ලංකා කාලගුණ විද්‍යා දෙපාර්තමේන්තුවට අනුව, 2026 ඔක්තෝබර් සිට දෙසැම්බර් දක්වා ඉතා ප්‍රබල එල් නිනෝ තත්ත්වයක් ඇතිවීමේ සම්භාවිතාව 81% ක් බවට පුරෝකථනය කර තිබෙනවා. දැනට පවතින වියළි කාලගුණයෙන් පසුව, හදිසි අධික වර්ෂාපතනයක් සමග දැවැන්ත ගංවතුර, පස් ඛාදනය සහ වගා හානි සිදුවිය හැකි බවට අනතුරු අඟවා ඇත. පානීය ජල ගැටලු, ජලාශ කළමනාකරණය සහ ආහාර මිල ඉහළ යාම පාලනය කිරීම සඳහා රජය විසින් කැබිනට් අනුකමිටුවක් පත් කර ඇති අතර, මෙම සැලසුම් ප්‍රායෝගිකව ග්‍රාමීය මට්ටමින් ක්‍රියාත්මක වේද යන්න පිළිබඳව අප විමසා බලමු.

02/09/2026

මාලිමාවේ මන්ත්‍රීවරු 159ට රු. මිලියන 400ක චෝදනාවක් & 5 ශිෂ්‍යත්ව ප්‍රතිඵල මෙන්න | Tv Supreme News

ජාතික ජනබලවේගයෙන් පාර්ලිමේන්තුවට තේරී පත්වූ මන්ත්‍රීවරුන් 159 දෙනා රුපියල් මිලියන 400ට වැඩි මුදලක් අවභාවිත කර ඇති බව පවසමින්, "නිදහස් සටන් මධ්‍යස්ථානයේ" නියෝජිතයින් අද අල්ලස් කොමිසමට පැමිණිල්ලක් ඉදිරිපත් කළා. මේ අතර, රාජ්‍ය බුද්ධි සේවයේ හිටපු අධ්‍යක්ෂ, විශ්‍රාමික මේජර් ජෙනරල් සුරේෂ් සලේ මහතාගේ වත්මන් සෞඛ්‍ය තත්ත්වය පිළිබඳ අධිකරණයට වාර්තාවක් ඉදිරිපත් කරන ලෙස කොටුව මහෙස්ත්‍රාත්වරයා කොළඹ ජාතික රෝහලේ අධ්‍යක්ෂවරයාට නියෝග කර තිබෙනවා.

02/09/2026

ප්‍රවීණ කලාකරු ප්‍රියංකර පෙරේරා දැයෙන් සමුගනී | Veteran Artist Priyankara Perera Passes Away | Tv Supreme News

ප්‍රවීණ ගායන ශිල්පී ජේ. ඒ. මිල්ටන් පෙරේරා මහතාගේ පුත්‍රයෙකු වන ප්‍රියංකර පෙරේරා මහතා, මෙරට සංගීත සහ රංගන ක්ෂේත්‍රයට සුවිශේෂී දායකත්වයක් ලබා දුන් කලාකරුවෙකි. ප්‍රවීණ රංගන ශිල්පිනී දිල්හානි අශෝකමාලා මහත්මියගේ ආදරණීය ස්වාමිපුරුෂයා වූ ඔහු, “සුපුන් සඳක්”, “සඳුන් ගසේ සමන් වැලක්”, “සිකුරුලියා”, “අගාධ සාගරයේ” සහ “සදානා පෙම් මාලිගා” වැනි අමරණීය ගීත තුළින් රසික හදවත් දිනා ගැනීමට සමත් විය. තම පියාණන්ගේ ගීත නැවත ගායනා කරමින් නව පරපුරට ද එම මිහිර සමීප කළ ඔහු, චිත්‍රපට සහ ටෙලිනාට්‍ය රැසකට රංගනයෙන් දායක වෙමින් විවිධ චරිත හරහා ප්‍රේක්ෂක ආදරය දිනා ගත්තේය.

02/09/2026

හම්බන්තොට හිටපු නගරාධිපති එරාජ් ප්‍රනාන්දුගේ සැක කටයුතු මරණය | Eraj Fernando Death | Tv Supreme News

පොලිසිය මූලික වශයෙන් සැක කරන්නේ 57 හැවිරිදි වියේ පසුවූ ඔහු සියදිවි හානිකරගෙන ඇති බවයි. 2014 වසරේ එක්සත් ජනතා නිදහස් සන්ධානය නියෝජනය කරමින් හම්බන්තොට නගරාධිපති ධුරයට පත්වූ ඔහු, මෙරට දේශපාලන ඉතිහාසයේ දැඩි ආන්දෝලනයකට තුඩු දුන් චරිතයක් විය. විශේෂයෙන් 2014 වසරේදී හම්බන්තොට වරාය නිරීක්ෂණයට පැමිණි සමගි ජන බලවේගයේ මන්ත්‍රීවරුන් පිරිසකට පිස්තෝලයක් පෙන්වා තර්ජනය කිරීමේ සිද්ධිය හේතුවෙන් ඔහුට වසර 5ක සිර දඬුවමක් ද නියම කෙරුණි.

02/09/2026

අපේ පුරාණ ගොවිතැන ගැන අගමැතිනිය භූතානයේදී කියූ කතාව | Harini Amarasuriya in Bhutan | Tv Supreme News

අග්‍රාමාත්‍යවරිය මෙහිදී අවධාරණය කළේ ශ්‍රී ලංකාවේ පුරාණ ආහාර පද්ධති සහ කෘෂිකාර්මික පිළිවෙත් ස්වභාවධර්මයට එරෙහිව නොව, එය සමඟ මනා සමතුලිතතාවයෙන් සහ තිරසරභාවයෙන් යුක්තව ගොඩනැගී තිබූ බවයි. භූතාන රජය, සවිඥානික ආහාර පද්ධති සන්ධානය සහ එක්සත් ජාතීන්ගේ සංවර්ධන වැඩසටහන (UNDP) එක්ව සංවිධානය කළ මෙම සමුළුවේදී, අතීත ශ්‍රී ලංකාවේ ආහාර නිෂ්පාදනයේ සෑම අදියරකදීම සොබාදහම සමඟ පවත්වාගෙන ගිය සහයෝගීතාවය ඇය විසින් ලෝකයටම සිහිපත් කරනු ලැබුවා.

02/09/2026

තලවතුගොඩ කෝටි 6ක මහා මංකොල්ලය: සුදු ඇල්ටෝ එකෙන් ආ කොල්ලකරුවන් | Thalawathugoda Robbery | Tv Supreme News

ඊයේ පස්වරු 6:05 ට පමණ තලංගම පොලිස් වසමේ, පන්නිපිටිය පාර, තලවතුගොඩ පිහිටි “නිව් සෙරෙන්යා ට්‍රැවල් ඇන්ඩ් ටුවර්ස්” (New Serenya Travel and Tours) ආයතනයට සුදු පැහැති ඇල්ටෝ මෝටර් රථයකින් පැමිණි පුද්ගලයින් සිව්දෙනෙකු විසින් මෙම කොල්ලය සිදු කර තිබේ. මන්නා පිහි පෙන්වා එහි සිටි පිරිස බියගන්වා, ආයතනයේ තිබූ මුදල් සහ හිමිකරු පැළඳ සිටි රන් මාල 4ක් සහ රන් මුදු 3ක් ඔවුන් විසින් කොල්ලකා ඇත. මෙම සම්පූර්ණ සිදුවීම එහි තිබූ CCTV කැමරාවල සටහන් වී තිබෙන අතර, සැකකරුවන් පන්නිපිටිය දෙසට පලාගොස් ඇති බව තලංගම පොලිසිය පවසයි

#තලවතුගොඩ #මංකොල්ලය

Address


Website

Alerts

Be the first to know and let us send you an email when TV Supreme News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TV Supreme News:

Shortcuts

  • Want your business to be the top-listed Media Company?

Share