13/09/2024
මම රාජ්‍ය සේවිකාවක්, අධ්‍යාපන පරිපාලන නිලධාරීවරියක්
මං මගේ තැපැල් ඡන්දය දෙන්න ගියේ අනුරට, ඒත් මොකක්දෝ බලවේගයක් විසින් මගේ ඡන්දට රනිල් වෙනුවෙන් පාවිච්චි කළා..
"පොඩ්ඩක් ඉන්න. මං මොකක්ද මේ කරන්න හදන්නෙ? බෑ මට ඒක කරන්න බෑ. කමක් නෑ ඔන්න ඔහේ එයාටම දෙනවා. මොකද මේක නිකන්ම නිකන් ඡන්දයක් නෙවෙයි. මගෙ පොඩි එකීගෙ අනගතය. මට බෑ මගෙ පොඩි එකී නූතන බංගලාදේශෙක ජීවිත් කරන්න." එක එක විකාර හිතෙනවා.
මට මේක කියන්නම ඕනා කියලා හිතුණා. මං 2019 ඡන්දෙ දුන්නෙ අනුරට. මොකද මං කොහොමත් ජාතිවාදී රාජපක්ෂ රෙජිමයට කැමති නෑ. අනිත් පැත්තෙන් රනිල්, සජිත් නඩය ඒ වෙනකොට මට අනුව නම් ජෝකර්ලා.
මං මාලිමාවට ඡන්දෙ දෙන්න තීරණය කළේ අද ඊයෙක නෙවෙයි. මගේ පවුලෙ හැමෝමත් මාලිමාවට. මගේ හස්බන් ජපුරෙ කැම්පස් කාලෙ ඉඳන්ම කාඩර් කෙනෙක්. මේ වෙලාවෙ මාලිමාව ඇරෙන්න කිසිම විකල්පයක් නැහැ. එහෙමයි හිතුවෙ.
ඒත් අද තැපැල් ඡන්දය මම දැන්මෙ රනිල්ගෙ ගෑස් සිලින්ඩරයට. මේක කියවන අය හිතයි මට මානසික ලෙඩක් කියලා. නැහැ. ඒ බර ඔයාලා හැමෝටම දැනෙයි 21 වෙනිද ඡන්ද පොළට ගියාම. ඒක මාර බරක්. හැබැයි මගේ දෙවැනි මනාපය අනුර වෙනුවෙන් දෙන්න අමතක කළේ නෑ.
ඡන්දෙ කොළේ අතට ගත්තෙත් මං මාලිමාවට ඡන්දෙ දෙනවා කියන තැන ඉඳන්. ඒත්! අනේ මන්දා.. මට ඒ හැඟීම කියන්න තේරෙන්නෙ නෑ. මට ඒ තත්පර කීපය ඇතුලෙ ගොඩක් දේවල් හිතුණා දැනුනා. ඇත්තටම මට කියන්න තේරෙන්නෙ නෑ ඒක. මට ලොකුවටම මතක් උනේ මගෙ මේ පාර ශිෂ්‍යත්වය ලියන පොඩි දුවව. ඒත් එක්කම නිව්ස් වල යන බංගලාදේශයේ තත්ත්වය. මේ රට සැප්තැම්බර් 21න් පස්සෙ මොන වගේ තැනකට යයිද? මට බයයි.
ඔව් මං රනිල්ට ඡන්දෙ දුන්නා. කවදාවත් ආස කරපු නැති, හැමදාම විවේචනය කරපු රනිල්ට මගේ ඡන්දය දුන්නා.
"මට සමාවෙන්න මං කලෙ වැරැද්දක් නම්. ඒත් ඒ හැඟීම මට කියන්න තේරෙන්නෙ නෑ ශාන්. මං රනිල්ට දුන්නා"
හස්බන්ට මං කිව්වා ගෙදර ආපු ගමන්. මොකද අපි අතර කවදාවත් රහස් තිබ්බෙ නෑ. ඇත්තටම මං එයාගෙන් බලාපොරොත්තු වුණේ ගොඩක් දරුණු ප්‍රතිචාරයක්. හැබැයි එයා මට කිව්වෙ මං හිතලාවත් නැති දෙයක්.
"ඉෂූ, ඔයා කරලා තියෙන්නෙ ඒ වෙලාවෙ ඔයාට දැනිච්ච ෆීලින්ග් එකට අනුව ඔයාගෙ මනාපය පවිච්චි කරපු එක. මිනිහෙක් මැරෙනකොට උනත් අවසානෙට හිතන ඡේතනාව තමයි එයාව සුගතියට යනවද දුගතියට යනවද කියලා තීරණය කරන්නෙ. ඔයා කරපු දේ හරි වැරැද්ද අපි බලමු ඉස්සරහදි. ඔයාට මොකක්ම හරි පසුතැවීමක් තියෙනවා නම් මං මෙන්න මේ කියන දෙ හිතන්න.
අපේ ජීවිතේ ජවිපෙ එක්ක ගතවුණේ. ඒක ඇත්ත. ඒ අපි ගරුකරන සමාජවාදි මතවාදය වෙනුවෙන්. හැබැයි ඔයා ඔය ඡන්දට දීපු රනිල් කියන්නෙ ලිබරල් කාරයෙක්. මට එතනින් එහා මිනිහා එක්ක ඇරියස් එකක් නෑ. මිනිහා මේ රටට කරලා තියෙන සේවය ගැන වෙනම පොතක් උනත් ලියන්න පුළුවන්. කොටින්ම ඔයා ඔය අද කරන ජොබ් එක "අධ්‍යාපන පරිපාලන සේවය" ඇති කළේ කවුද? විද්‍යාපීඨ? ගුරු සේවය? තරුණ සේවා සභාව?.. ඉෂූ රනිල් කියන්නෙ ඔතනින් ජනාධිපතිවෙන්න සුදුසුම අපේක්ෂකයා මේ රටට කරලා තියෙන වැඩ ටික ගත්තොත්. ඒකෙ විවාදයක් නෑ.
ඔයාට අවුලක් හිතන්න දෙයක් නෑ. මං මගේ දෙවෙනි මනාපය රනිල්ට තමයි දෙන්නෙ. මොකද අනුරට මේ පාර බැරි වුණොත් රනිල් තව අවුරුදු 5ක් මේ රට ගෙනියන එක හොඳයි පිස්සෙක් රට කරනවට වඩා. සමහරවිට ඔයාට වගේ මටත් ඕක මාරුවෙන්න පුළුවන් 21 වෙනිදාට. මොකද සමාජවාදය, ලිබරල් වාදයට වඩා මොනා උනත් මට වටින්නෙත් මගෙ පොඩි එකීගෙ අනාගතය "
ඇත්තටම මට ඒ වචන ටික ලොකු හයියක්. මට මේ දැනෙන හැඟීම ඔයාලා ඡන්ද කොළේ අතට ගත්තාම දැනෙයි.
ඉෂානි අමරසූරියගෙන් උපුටාගැනීමක්
