Madu Sampatha මාදු සම්පත

15/01/2025

උත්සාහයේ සතුටු කඳුළු .....

මාදු පුර ඇඟලුම් කර්මාන්ත ශාලාවේ අද වන විට තත්ත්වය ❤👌☝

05/01/2025

සුන්දර සිහිනයක් මැව්වා .....
සුන්දර සිහිනයක් මැව්වා .....
මාදූ ගං තෙරේ .....
මාදු ගඟ ආශ්‍රිතව පරිසර හිතකාමී නිෂ්පාදන ප්‍රචලිත කිරීමේ භාරදූර කර්තව්‍යය සඳහා උරදෙමින් මාදු ගඟ අභය භූමිය හැඩ ගැන්වීමට සැරසෙන " මාදු සම්පත " පාවෙන අලෙවිසැල ඉදිකිරීම් කටයුතු ආරම්භ කිරීම අද දින සිදුකර ඒ සුන්දර මොහොත .....

මාදු සම්පත පාවෙන අලෙවිසැල බලපිටිය ප්‍රදේශයේ ස්වයං ව්‍යවසායකයන් 15කට වැඩි පිරිසකගේ නිෂ්පාදන අලෙවි කරගැනීම සඳහා නොබෝ දිනකින් සේවා සපයනු ඇත.

අවසාන ඡායාරූප පෙළ ස්වයං නිෂ්පාදකයන්ගේ නිෂ්පාදන වන අතර පාසල් දරුවන් වෙනුවෙන් සකස් කරන ලද පරිසර හිතකාමී රෙදි බෑග් ඡායාරූප ද , ඇතුළත් වේ. ඇණවුම් පවතින්නේ නම් ව්‍යවසායකයන්ගේ නිෂ්පාදන ඔබ අතට පත්කිරීමට අප ව්‍යවසායන් සූදානමින් පසු වේ.

රටට බරක් නොවී ස්වයං ව්‍යවසායකයන් තුලින් විදේශ විනිමය මෙරට ගෙන ඒමට හා පරිසර හිතකාමී නිෂ්පාදන ප්‍රචලිත කිරීමට වෙහෙසෙන බලපිටිය " මාදු සම්පත ස්වයං ව්‍යවසායකයන්ගේ එකමුතුව " වෙනුවෙන් ජය පතමි.

දිරිය මිනිසුන් වෙනුවෙන් ඔබේ අතහිත ලබාදීමට හැකි නම් .....
අමතන්න - 0715631146 ( දුමිඳු )

13/12/2024

මාදු සම්පත ස්වයං ව්‍යවසායකයන්ගේ නිෂ්පාදන සඳහා ගුණාත්මක නිමාවක් ලබාදීම වෙනුවෙන් සංවිධානය කළ දෙදින පුහුණු වැඩසටහන 2024/12/12 සහ 13 දෙදින බේරුවල The palms හෝටල් පරිශ්‍රයේදී පැවැත් වූ අතර කැමරා කාචයේ සටහන් වූ එහි විශේෂ අවස්ථා. 👌❤

ප්ලාස්ටික් පොලිතීන් භාවිතය අවම කිරීම වෙනුවෙන් විකල්ප නිෂ්පාදන බලගැන්වීම අපගේ මූලික අරමුණයි. ☝👌❤

03/12/2024

04/11/2024

මාදු ගඟ අභය භූමියේ , සංචාරක කලාපය ආශ්‍රිතව ජීවිකාව ගෙවන දිරිය මිනිසුන්ගේ පරිසර හිතකාමී දේශීය නිෂ්පාදන අලෙවි කරගන්න අවස්ථාව නිර්මාණය කරන්න , සකස් කරමින් පවතින " මාදු සම්පත " පාවෙන අලෙවිසැල ඉක්මනින් සාර්ථක කරගන්න ඔබේ කාරුණික සහයෝගය ලබාදෙන්න.

සරණක් ඇවැසි මිනිසුන් වෙනුවෙන් භාණ්ඩ මළු පරිත්‍යාග වෙනුවට , ඔවුන්ගේ දිරිය ශක්තියෙන් නිෂ්පාදන සිදුකර ඒවා අලෙවි කරගන්න අවස්ථා නිර්මාණය කර , ඔවුන්ගේ ජීවනෝපාය සරිකර ගැනීමට අවශ්‍ය මගපෙන්වීම මෙම ව්‍යාපෘතියේ සාර්ථකත්වයයි.

මේ තුලින් ,
1. පරිසර හිතකාමී දේශීය නිෂ්පාදන අලෙවි අවස්ථා පුළුල් වීම.
2. ක්ෂුද්‍ර පරිමාණ ස්වයං ව්‍යවසායකයන්ගේ සුළු හා මධ්‍ය පරිමාණ ව්‍යවසායන් බවට පත් කිරීමට හැකි වීම.
3. විදේශ විනිමය මෙරටට ලබාගත හැකි නිෂ්පාදන ආර්ථිකයක් බිහි කිරීම.
4. සරණක් අවශ්‍ය මිනිසුන්ට භාණ්ඩ මල්ලක් වෙනුවට වසර පුරා අවශ්‍ය භාණ්ඩ මිලට ගත හැකි ආර්ථිකයක් නිර්මාණය වීම.
5. ප්ලාස්ටික් පොලිතීන් භාවිතය වෙනුවට විකල්ප නිෂ්පාදන බිහිකිරීම.
6. කාන්තා මූලික පවුල් රැසකට ස්ථීර ආදායම් මාර්ග උත්පාදනය.
7. පරිසර හිතකාමී සංචාරක කර්මාන්තයක් නිර්මාණය කිරීම.

සුන්දර මාදු ගඟ අභය භූමිය ආරක්ෂා කරගෙන මිනිසුන් සහ ගහකොළ මෙන්ම සතා සිව්පාවුන්ගේ පැවැත්ම සමහන් කිරීමට කාලෝචිත වූ මෙවන් ව්‍යාපෘති තව තවත් බිහිකිරීමට ඔබේ මාහැඟි ආධාර උපකාර ලබා දෙමු.

වැඩිදුර තොරතුරු සඳහා ඇමතුම් 0715631146 Whtsapp / Contacts

11/09/2024

නවතම බෑග් විලාසිතා.

☝අමුරෙදි ආශ්‍රයෙන් නිමැවූ බතින් සහ පින්තාරු බෑග්. මාදිලි රැසකින්.

☝පරිසර හිතකාමී දේශීය නිෂ්පාදන. පරිසර හිතකාමීන්ගේ එකම තේරීම.
" මාදු products " ❤🔥💪😘

☝කාන්තා මූලික පවුල් කිහිපයක දිරිය කාන්තාවන් අතින් නිමැවෙන දුෂ්කර එහෙත් සුන්දර මාදු පුරයේ නිෂ්පාදන ඉතා උසස් නිමාවක් සමඟ ඔබ අතට. ඔබත් ශක්තියක් වෙමු. 💪

☝හැඩට වැඩට අරන් යන්න 👌🔥❤

දැන්ම ඇණවුම් කරන්න. අමතන්න 0715631146 Whtsapp / Normal

11/08/2024

ස්වයං ව්‍යවසායන් කියන්නේ රටට බරක් නොවන රටේ ජීවනාලිය බඳු කණ්ඩායමක්. සුළු පරිමාණ හා මධ්‍ය පරිමාණ ව්‍යවසායන් බිහිවන්නේ ඔවුන්ගෙන්. එවන් වූ ස්වයං ව්‍යවසායකයන් පිරිසක් එකමුතුවක් ලෙස ගොඩනැගෙමින් , බලපිටිය මාදු ගඟ ආශ්‍රිතව සිය ජීවනෝපාය සංවර්ධනය කරගැනීම උදෙසා සිදුකරන ව්‍යාපෘතියක් තමයි මේ " මාදු සම්පත ".

මේකේ විශේෂත්වය තමයි පාවෙන අලෙවිසැලක් විදිහට " මාදු සම්පත " මාදු ගඟ ආශ්‍රිතව පරිසර හිතකාමී අයුරින් ස්ථාපිත කිරීම. මේකේ අලෙවි කරන්නෙත් දිරාපත් වන අමුද්‍රව්‍ය ඇසුරින් නිෂ්පාදන කරන ලද පරිසර හිතකාමී නිෂ්පාද.

මේ නිෂ්පාදන කරන්නේ බලපිටිය ප්‍රාදේශීය ලේකම් කොට්ඨාසයේ විසිරී සිටින ව්‍යවසායන් 30 දෙනෙක් එකතු වෙලා. ඒ අයගේ ස්වයං ව්‍යවසාය කටයුතු තුලින් ජීවනෝපාය සරිකර ගන්නා 30කට වැඩි තවත් පිරිසක් ඉන්නවා. ඉතින් මේ ව්‍යාපෘතිය තුලින් සෘජුව පවුල් 60ක පමණ කුසගිනි නිවෙනවා. දුවා දරුවන් 60ක් පමණ පෝෂණය වෙන්න පිටුබලය සපයනවා. ඊට අමතරව වක්‍ර ආදායම් අවස්ථා තුලින් තවත් පවුල් 200කට වැඩි පිරිසකට සෙත සැලසෙනවා.

ඉතින් මේ ව්‍යාපෘතිය ක්‍රියාත්මක වීම කොච්චර දෙයක් ?
1. මේකෙන් ලැබෙන සමාජ ප්‍රතිලාභ.
2. රටේ ආර්ථිකයට මෙන්ම ව්‍යාපෘතිය හා සම්බන්ධ පවුල් වලට ලැබෙන ආර්ථික ප්‍රතිලා.
3. පරිසරය රැකගන්න ලැබෙන පාරිසරික ප්‍රතිලාභයන්.
සංචාරක පුරවරයක් වන සුන්දර මාදු ගඟ ආරක්ෂා කරගෙන , බලපිටිය පුරවරයේ උත්සාහවන්තව සිය ජීවනෝපාය සරිකර ගැනීමට වෙහෙසෙන ආර්ථික දුෂ්කරතා වලින් පෙළෙන පවුල් රැසකට ස්ථීර ආදායම් මාර්ග සපයන මෙම ව්‍යාපෘතිය සාර්ථක කරගැනීමට ඔබේ ආධාර උපකාර ලබා දෙමු.
මෙම " මාදු සම්පත " පාවෙන අලෙවිසැල ස්ථාපිත කිරීම සඳහා සමස්ත වැය ඇස්තමේන්තුව රුපියල් ලක්ෂ 25කට ආසන්න වේ. මෙම කටයුත්ත සාර්ථක කරගැනීමට යන පිරිවැයෙන් හරි අඩක් සම්පත් බැංකුව මගින් පරිත්‍යාගයක් ලෙස පිරිනමනු ලබන අතර , ව්‍යාපෘතියේ ප්‍රවාහන වියදම් ඇතුළු ව්‍යවසායන්ගේ නිෂ්පාදන ගුණාත්මකභාවය සංවර්ධනය සඳහා ව්‍යවසායන් බලගැන්වීම වෙනුවෙන් සියලු බරපැන usaid ආයතනය මගින් දරණු ලැබේ. ඒ ආයතන වගේම තවත් පරිත්‍යාගශීලීන් අපේ ව්‍යවසායන් නගාසිටුවීම වෙනුවෙන් උදව් උපකාර සිදුකරමින් සිටින අතර " Roshan Architectural " මගින් කිසිඳු මුදලක් අය කිරීමකින් තොරව සැලසුම් නිර්මාණය සිදු කර දෙන ලදී.
මෙම ව්‍යාපෘතිය යථාර්ථයක් කරමින් රටේ ආර්ථිකයට ශක්තියක් වීමට කැපවන මිනිසුන්ට ඔබත් ශක්තියක් වෙමු. ඇමතුම් 0715631146

29/02/2024

There is a # She is a # We all need to # them. Try to do it as a #

ඇය යන්න ගියා මැකිලා. ඇයත් මවකි ජීවයකට පණ පොවන. ❤❤❤

ඉස්සරහට ආරක්ෂා කර නොගතහොත් මේ සත්තු බලන්න වෙන්නේ මෙහෙම තමයි.🤔

22/02/2024

ගමනාගමනය දුෂ්කර මාදූව දූපතේ සුන්දර දූ පුතුන් හැමෝම හිනා වුනු දවසක්. දුෂ්කර වසමක් වූ සුන්දර මාදූවේ ජීවත් වන පවුල් දෙසීයක දුවා දරුවන් අකුරු කරන මාදූව කණිෂ්ඨ විද්‍යාලයේ සියලු පන්ති කාමර අළුත් වැඩියා කරලා , ජල පිරිපහදු පද්ධතියක් එක්ක සිසු අයිතියට පත් කරන්න අපිට අද හැකි වුනා.

ලක්මාල් ඇන්තනී සහෝදරයාගේ ආරාධනයෙන් , Zillione පෞද්ගලික ආයතනයේ පූර්ණ අනුග්‍රහයෙන් රුපියල් මිලියන 1.5 කට වැඩි ප්‍රජා දායකත්වය සහිත ව්‍යාපෘතියක් සාර්ථක කරගන්න අපිට හැකි වුනා.

පාසලේ සියලු දරුවන්ට පොත් පත් හා පාසල් උපකරණත් , විද්‍යාලයට අවශ්‍යව තිබූ කාර්යාල උපකරණ සහ ක්‍රීඩා හා සංස්කෘතිකාංග සඳහා අවශ්‍ය උපකරණත් ලබාදෙන්න අපිට පුළුවන් උනා.

දරුවන්ගේ අධ්‍යාපනයට , රටේ පුරවැසියන්ගේ සෞඛ්‍යයට සහ රටේ සුළු පරිමාණ ව්‍යවසායන් වෙනුවෙන් සිදුකරන උදව් උපකාර කියන්නේ අනාගත ආයෝජන. සහනාධාර මානසිකත්වයට මිනිස්සු ඇද දාන ව්‍යාපෘති වෙනුවට මේ වගේ දේවල් තමයි රට තුල බෝ වෙන්න ඕනෙ.

මාධ්‍ය වල පට්ට ගහන කුප්‍රකටයි , ජාවාරම්කාරයන්ගේ ප්‍රවෘත්ති වෙනුවට මෙන්න සමාජ ගතකරන්න ඕනෙ නියම වැඩ.

අද දින පැවති වැඩසටහනේ welcome එකට දෙන්න ලණු වලින් වැඩ දැමූ බිත්ති සැරසිල්ල හදා දුන්නෙත් වසමේ ග්‍රාම නිලධාරී විදිහට මම හදපු දක්ෂ සහ උනන්දු ව්‍යවසායිකාවක්.

සිනා බෝ වේවා. රටේම මේ වගේ වැඩට උපන් හපන් පුද්ගලයන් , ආයතන බෝ වේවා. සුභ අනාගතයක් වේවා 🔥👌❤🥰😍 respect 🔥 Zillion csr team 🔥

22/02/2024

ඕනෙම ව්‍යාපෘතියක පසුවිපරම කියන්නේ අත්‍යාවශ්‍ය දෙයක්. දැන් එයාලට අවුරුදු දෙකකට වැඩියි. උණ බම්බු වල අප විසින් කාලය ශ්‍රමය කැපකරලා බොහෝම ආසාවෙන් සිටවපු කඩොලා පැළ. අද වන විට තත්ත්වය .....