08/04/2024
නලුවෙක්ට චරිතය වෙනුවෙන් මේ තරම් කැපවීමක් කරන්න පුළුවන්ද?
මේ ඉන්නෙ මළ්‍යාලම් නළු කේ.ආර්. ගෝකුල්, ඔහු ප්‍රිත්විරාජ් සුකුමාරන් ගේ අළුත් ම චිත්‍රපටය වන "අධු ජීවිදම්" මළයාල චිත්‍රපටයේ රංගනය වෙනුවෙන් සිය පෙනුම වෙනස් කර තිබෙන අයුරුයි...!!
"මට මෙහි නිර්මාණකරුවන් ඇමතුම දුන්නෙ 2017 ඒ මම යැවූ ඡායාරූප කිහිපයක් දැකලා . මම ඔඩිශන් ගිය වෙලාවෙ ඔවුන් මට කිව්වා හකීම් චරිතය වෙනුවෙන් ලොකු කැපකිරීමක් කරන්න කැමතිද කියලා..මම හා කිව්වා..."
ඔහු ඒ වෙනුවෙන් දවසක ආහාරය එක් ඇපල්.ගෙඩියකට සහ කෝපි කෝප්පයකට පමණක් සීමා කර තිබෙනවා..
"චිත්‍රපටය සඳහා ගිවිසුම් අත්සන් කරද්දි මගේ බර කිලෝ 68 ක්.. ඒත් රූගත කිරීම් පටන් ගද්දි මට බර කිලෝ 43 කට අඩු කරගන්න සිද්ධ වුනා..!!"
" මේ සඳහා මම ක්‍රිස්ටියන් බේල් ගේ "The Machinist" හි ආභාශය ලබා ගත්තා.. ඒ වගේම ඔහුගේ ක්‍රම කිහිපයක්ම අනුගමනය කළා..!!"
කේරළයේ සිට ගල්ෆ් කලාපයට ගොස් දුශ්ඨ හාම්පුතුන් යටතේ අනේකවිධ දඬුවම් මැද කර්කෂ ජීවිතයක් ගෙවන 18 වියැති හකීම් නම් තරුණයෙකුගේ චරිතයක් ඔහු මේ චිත්‍රපටයේ නිරූපණය කරනවා.
"අධූ ජීවිදම් - The Goat Life" චිත්‍රපටය මේ වන විට ලෝ පුරා සාර්තකව තිරගත වන අතර එය මළයාලම් සිනමා ඉතිහාසයේ වේගවත්ම කෝටි සීයේ ආදායම පසුගියදා වාර්තා කළා.. ඒ දින හතක් ඇතුලත කෝටි සීයක් උපයා ගනිමින්..!!
ඉන්දියානු සිනමාවේ නළු නිළියන් මෙවැනි කැපකිරීම් කළ අවස්ථා නම් අති විරලයි.. ආමිර් ඛාන්, රන්දීප් හූඩා, භූමි පෙඩ්නේකාර් වැනි නළු නිළියන් ගෙන් මෙවැනි අවස්ථා කිහිපයක් අපි දැක තිබෙනවා..
ඒත් මේක නම් මහ පුදුමයක්..!!
✍️ Charith Moragoda
