22/01/2026
அலைமோதும் பாவக்குளம் அகலமான நீர்நிலை,
அங்கத்து மாந்தர்க்கோ அதுவே உயிர்நிலை.
பச்சைப் பசேலென வயல்வெளி சூழும் எழில்,
பார்த்தாலே பரவசமூட்டும் இயற்கையின் நிழல்.
வானுயர்ந்த தென்னை மரங்கள் வரிசையாய் நிற்கும்,
வளம் கொழிக்கும் பூமியாய் எந்நாளும் செழிக்கும்.
இந்தத் தவம் செய்த மண்ணின் தவப்புதல்வன் நீயே,
இன்பத் தமிழ் பேசும் பண்பின் உறைவிடம் நீயே.
பர்சான் மீரா எனும் பெயரே ஒரு நம்பிக்கை,
பாவக்குளத்து மக்களின் அன்பான கோரிக்கை.
இளமைத் துடிப்புடன் சமூகம் காக்க வந்தாய்,
இன்னல்கள் தீர்க்கும் இதயமாய் நீ நின்றாய்.
ஊர் நலன் ஒன்றே உன் உயர்வான நோக்கம்,
உன் உழைப்பைக் கண்டே கவிதை பிறக்கும்.
ஆலமரமாய் உயர்ந்து நீ நிழல் தர வேண்டும்,
அகிலம் போற்றும் தலைவனாய் வளர வேண்டும்.
குளத்து நீர் போல உன் குணம் குளிர்ந்து இருக்க,
குலவிக் கூத்தாடும் தென்றலாய் உன் புகழ் பரவ.
வாழ்க நீ பல்லாண்டு வளமான நலத்துடன்,
வாழ்த்துகிறோம் உன்னை நெகிழ்வான மனத்துடன்.
Thanks of lot சகோதரி R M Fathima Nasriya
