Lesotho Digital News Bulletin

16/09/2025

Thato Mohapi a lilemo li 16yrs ontse a batloa

KA: Molisa Ea Molemo Fm

16/09/2025

Breaking News

Israel has launched a series of airstrikes on Yemen’s Red Sea port city of Hodeidah. The attacks targeted key facilities, raising concerns over regional security and shipping routes through the Red Sea. Casualties and damage reports are still emerging.

16/09/2025

MOSUOE O RE MOSHEMANE OA TEFA


Sehloho "Feresa" Ramolula (36) oa Ha Mokhasi Tšakholo, Mafeteng eo e leng mosuoe mophatong oa Ha Maine Tšakholo, o hlahile Lekhotleng la 'Maseterata Mafeteng, ka la 12 Loetse 2025; a qosoa ka ho khakhatha le ho ntša moshemane likotsi tse mpe.

Puisanong le Detective Police Constable (D/P/C) Khethang Phokeng ho hlaha Sepoleseng sa Mafeteng, o re ba ile ba fumana monyenyetsi ka la 5 Loetse 2025 bosiu, o reng ho na le moshemane ea khakhathuoeng hampe ke mosuoe mophatong ka la 27 Phato 2025.

D/P/C Phokeng o re ba ile ba tsohella mophatong oo ka la 6 Loetse 2025,ba se ba e-na le mooki ea sebetsang ka kotloloho le litaba tsa thaba Sepetlele sa Mafeteng. A re ba fumane lehlatsipa ka maqeba a mabe, eaba mooki ha a qeta ho le hlahloba, o re ba le ise sepetlele, moo le ileng la fetisetsoa Sepetleleng sa Sehopotso sa Mofumahali ‘Mamohato, moo le ntseng le loanela bophelo ba lona teng, ka ha le puo e se e le sieo.

O re liphuputso li supa h**e mosuoe o ile a teneha ha moshemane a mo hlalosetsa bothata ba hae ba maoto le letheka, ke moo mosuoe a ileng a roma eo empa a oela ha a le tseleng, eaba o mo fereletsa ka majoe le ho mo bata ka molamu hloohong, ka le reng oa tefa.

Mosuoe o ile a lleloa ke litšepe ka la 11 Loetse 2025, o emetse nyeoe a le ka Setsing sa Tlhabollo ea Batšoaruoa, o tla boela khotla hape ka la 25 Loetse 2025.

Lance Sergeant (L/Sgt) Molefi Ralentsoe o khalemme ka bohale basuoe ho lesa ho senya seriti sa lebollo ka ho etsa litlolo tsa molao. A re ba ke ke ba lumella h**e moetlo oa Basotho o senyehe seriti ka boomo.A phethela ka h**e ha ho na moo lebollo le kopanang le litlolo tsa molao.

LMPS

16/09/2025

16/09/2025

TLHALOSO EA MAEMO A LEHOLIMO (16-09-2025)

Le koahetse ka ho khetha libaka, haholo-holo ka melatsitsi, ho pholile ho isa ho bata, ka moea o bobebe le o mahareng ho hlaha leboea-bophirima. Ho ka lebelloa le koahele ka ho khetha libaka, haholo-holo ka melatsitsi, ho be mahareng empa ho phole ka maloting ha le ntse le phahama. Moea o ka lebelloa ho foka o le mahareng le matla ho hlaha leboea-bophirima.

LMS

15/09/2025

O RE O TLA MO SELAKHA KA THIPA HA KA BOLELA

Tšitso Masoetsa (20) oa Ha Pita Qeme, Maseru, o hlahile Lekhotleng la ’Maseterata Maseru, ka la 10 Loetse 2025, a qosoa ka tlhekefetso ka motabo. O tla boela a hlaha lekhotleng ka la 12 Loetse 2025, a tsoa ka Setsing sa Tlhabollo ea Batšoaruoa.

Puisanong le Detective Woman Police Constable (D/W/P/C) Thapelo Mahoholi ho tsoa Ofising ea Tšireletso ea Bana le Tekano Maseru e ka Thoko ho Toropo, o re ka la 6 Loetse 2025, ho fihlile tlaleho ofising ea habo e bolelang h**e ngoanana (9), o hlekefelitsoe ka motabo.

O re ba ile ba thakhola lipatlisiso tse utullotseng h**e ngoana o ne a le habo a tsoa sekolong, ke moo Masoetsa a ileng a mo bitsa h**e a tlo nka simili ea lifariki.

A tsoela pele h**e ngoana o ile a ea, ke moo e itseng ha a tlameha ho mo fa simili, eo a ileng a e liea fatše, a tšoara lehlatsipa letsoho le ho lekoala molomo, a le hulela ka mor'a ntlo.

D/W/P/C Mahoholi o re ke moo moqosuoa a ileng a hlekefetsa lehlatsipa ka motabo. A re ba boetse ba fumane h**e ha se lekhetlo la pele moqosuoa a hlekefetsa lehlatsipa.

O re lipatlisisong, ba fumane h**e moqosuoa o ne a tšosa ngoana ka thipa h**e o tla mo selakha molala ha a ka bolella motho.

Inspector (Insp) Nteboheleng Rakhoboso-Makalo o ipilelitse ho banna ho qoba lintho tse ba kenyang litlolo tsa molao. A re ba khaotse ho hlekefetsa basali le bana ka ha e le bona ba tšepetsoeng ho ba sireletsa.

LMPS

14/09/2025

TLHALOSO EA MAEMO A LEHOLIMO
Kajeno (14/09/2025): Leholimo le hlakile ka maru a fokolang, ho mahareng ho isa ho futhumala empa ho pholile libakeng tse ling ka maloting, ka moea o fokang o le bobebe ho isa o eba mahareng ho hlaha boroa-bophirima. Bosiu, ho ka lebelloa le hlake, ho phole ho isa ho eba mahareng empa ho bate libakeng tse ling ka maloting, ka moea o fokang o le bobebe ho isa o eba mahareng ho hlaha boroa-bophirima.

Hosane (15/09/2025): Ho ka lebelloa le koahele ka ho khetha libaka ka melatsitsi, ho be mahareng ho isa ho futhumala, empa ho phole libakeng tse ling ka maloting, ka moea o fokang o le bobebe ho isa o eba mahareng ho hlaha leboea-bophirima., ‘me o ka eba matla ka linako tse ling.

LMS

14/09/2025

O HLEKEFETSA NGOANANA KA MOTABO HA MO HANA

Mohlalefi Khusu (21) oa Liphofung o hlahile Lekhotleng la ‘Maseterata Leribe, ka la 10 Loetse 2025, a qosoa ka tlhekefetso ka motabo. O fuoe beile ea M1, 000.00 eo a atlehileng ho e lefa. O tla hlaha khotla hape ka la 23 Loetse 2025.

Sergeant (Sgt) ’Maleeto Letṣ̌ela ho tsoa Motebong oa Sepolesa Ha Lejone, o re tlaleho e fihlile ofising ea habo ka la 4 Loetse 2025, e reng moqosuoa o hlekefelitse ngoanana (19) ka motabo.

O re liphuputso ha li phethetsoe, li ile tsa supa h**e moqosuoa o ile a kopana le lehlatsipa le ilo ropolla liphoofolo tsabo, ke moo eo a ileng a le fereha, eare ha le hana, a le tšoara le ho le hlekefetsa ka motabo.


Sergeant Lechesa Lefielo o re ho bonahala taba ea banna ea tlhekefetso ka motabo, e se e khahla le bacha, ‘me ha se taba e thabisang. A re bacha ba senyeheloa ke bokamoso empa e le bona moloko oa kamoso.

LMPS

13/09/2025

RUA TSEBO KA SEPOLESA SA LESOTHO

Sepolesa sa Lesotho se thehiloe ka selemo sa 1872, e leng lilemo tse peli ka mor’a lefu la morena Moshoeshoe. E ne e le batho ba 110 bao e mong le e mong a neng a tla ka pere eabo, e bile e le bana ba marena, ke ka ho na le ho na joale, batho ha ba bitsa mapolesa ba re: ke ‘marena’.

Har’a bona, e ne e le Tlali Moshoeshoe eo e neng e le Mohlahlobi (Inspector), Sofonia Moshoeshoe le Tšekelo Moshoeshoe bao e neng e le Bahlahlami ba Mohlahlobi (Sub Inspectors). Tlalinyane Moshoeshoe eena, e ne e le Sajene, a isoa Kolonyama moo e leng Ha Tlalinyane kajeno.

Nakong eo, ho ne ho se na thupelo eo ba neng ba e fumana, e le h**e ba bonahale ba ntse ba etsa mosebetsi oa bona oa letsatsi ka leng.

Sekolo sa Koetliso ea Mapolesa, se qalile ho ba teng ka selemo sa 1946, se le moo e leng Liahelo tsa Sesole sa Lesotho, Ha Ratjomose; se neng se bitsoa “Training Institution for Police Officers (TIPO)” ka senyesemane. Nakong eo, Molaoli oa Sepolesa e ne le Major A.H. Smith.

LMPS

13/09/2025

O HLOKOMELOA A SA LOKELA HO KENA TLUNG

Teboho Makututsa (42) Ha Motseki Polateng, Ha Ramabanta, Maseru o hlahile Lekhotleng la ’Maseterata Maseru, ka la 8 Loetse 2025; a qosoa ka tlhekefetso ka motabo.

Puisanong le Sergeant (Sgt) Motšelisi Theko ho tsoa Motebong oa Sepolesa Ha Ramabanta, o re ka la 5 Phupu 2025, ho fihlile monyenyetsi ofising ea habo, o reng moqosuoa o hlekefelitse ngoanana (16) ka motabo.

O re ba ile ba etsa lipatlisiso tse utullotseng h**e moqosuoa o qalile ho hlekefetsa lehlatsipa ho tloha ka Tlhakubele 2024, a ntse a le etsetsa litšoso, ho fihlela nakong eo ba fumanang monyenyetsi.

O re ke moo ba ileng ba boela ba fumana h**e lehlatsipa e se e le mokhachane.
O theohetse ka Setsing sa Tlhabollo ea Batšoaruoa, 'me o tla boela khotla ka la 16 Loetse 2025.

Inspector Khahliso Leisanyane o ipilelitse ho banna ho hlokomela bana, ba tlohelle liketso tse mpe tse hlabisang lihlong.

LMPS

13/09/2025

O KENYA BA BANG KA HARE KA MOR’A HO KOPA POLEKE SEPOLESENG


Moeketsi Kose (32) oa Bokhoasa Linakeng, Mokhethi Koaile (34) oa Ha Tjope, Motlatlapa Motlatlapa (41) oa Bokhoasa Linakeng, Halekhethe Motšepe (65) oa Pitseng Linakeng le Teboho Kose (28) oa Bokhoasa ba Thaba-Tseka, ba hlahile Lekhotleng la 'Maseterata Thaba-Tseka, ka la 10 Loetse 2025, ba qosoa ka ho rekisa liphoofolo ntle ho litokomane; ha Teboho Kose a qosoa ka ho tsamaea ka liphoofolo tse se nang litokomane.

Police Constable (P/C) Molise Maqelepo ho tsoa Ofising ea Toantšo le Thibelo ea Bosholu ba Liphoofolo Thaba-Tseka, o re ka la 3 Loetse 2025, Teboho Kose o fihlile ofising ea sepolesa a khanna lipoli tse 15 a kopa boroko, ke moo ba ileng ba mo batla babeisi a tsona, 'me a fana ka a tse 6 a hlalosa h**e ho na le batho ba ntseng ba tla le a tse ling.

Ho sa le joalo, Teboho Kose o ile a qetella a hlalositse h**e lipoli tseo tse se nang babeisi, ha se tsa hae, o li rekile ho baqosuoa 'moho le eena, 'me ha ba mo fa babeisi.

P/C Maqelepo o re ke ha ba tla tšoara baqosuoa bao ba 4 ka la 9 Loetse 2025.

Teboho o theohetse ka Setsing sa Tlhabollo ea Batšoaruoa ka mor'a ho hloleha ho itefella beile ea M5, 000.00 le ho beha paneng thepa ea boleng ba M10, 000.00. O tla boela a hlaha khotla ka la 24 Loetse 2025.

Baqosuoa ba bang bona ba ahlotsoe ho hoehla Likhoeli tse Tharo kapa ho itefella M500.00 eo ba atlehileng ho e lefa.

Inspector (Insp) Tsebisang Nyai o re sechaba se hlokomele h**e ho rekisetsana liphoofolo ntle ho babeisi ke tlolo ea molao. A re tlakana tšooana ke tokomane e pakang h**e liphoofolo ke tsa mang, 'me ha e lumelle mong'a liphoofolo ho tsamaea ka liphoofolo ho tloha sebakeng se seng ho ea ho se seng.

LMPS

12/09/2025

Leoto lena u bona eka ke la mang ho CHABA le DUDUKWE?🤔