13/09/2025
MESHA E PSINYETSANE KOMITING EA BACHA EA RFP
Komiti ea bacha ea Letšolo (RFP) ebohloko ba Bethe e senang materase hoo e ngolletse komiti e kholo ea RFP lengolo leo ka lona e supang ha mongoli e moholo oa RFP, mohlomphehi Nthati Moorosi a ikentse ntšunye-khare litabeng tsa bacha, 'me taba eo e bonahala e baka likhohlano ka hare ho bacha.
Lengolo le ngotsoeng le ho tekeneloa ke mongoli oa bacha, monghali Bokang Molelle le supa ha Moorosi a na le lithatohatsi tsa hae tsa bacha ka hare ho RFP tseo a li fang matla le mesebetsi e lokelang ho etsoa ke komiti ea bacha.lengolo le baleha tjena:
"Mohlomphehi,
Ngongoreho ea RFP Youth League
Ho fihlile tlhokomelong ea rona, ka mokhoa oa tšebetso ea hau malebana le litaba tse amang bacha.
Mohlomphehi, letsoalo la rona ke h**e ha ngata u sebetsa khahlanong le khetho ea bacha. Taba ena e thefula tšebetso ea komoti ea rona habohloko. Bacha ba khethile boemeli ba bona 'me tšepo ea bona ke h**e bo ba sebeletse.
Ka chebo ea rona, boholo ba nako u fa bao bacha ba sa ba supang ho ba etella pele, matla linthong tse ngata tseo kutluisiso ekabang h**e li tsoele bacha molemo. U etsa liqeto ho latela naa uena u khahloa joang u sa natse ho etsa komiti ea bacha karolo ea liqeto tse joalo, sena se baka letlere kahara bacha.
Mohlala; Ho bile le kopano ea Cabinet le li youth league tsa li-party tse pusong, moo u ileng ua khetha h**e kopanong eo ho ee bao eseng litho tsa RFP youth league. Re bile ra imema kopanong e joalo. Mohlala oa bobeli ho bile le maeto a bacha moo u ikhethetseng bao u nang le thahasello ho bona. Ena ke e meng ea mehlala eo re ka e supang.
Mohlomphehi, ha u lokela ho haha le ho bopa bonngoe, u arola bacha. Taba ena e sitisa komiti ho sebetsa. Liketso tsena li thefula lerato la bacha ho RFP le ho ba hlokisa tšepo ho rona re le komiti ea bona. Liketso tsena li boela li sitisa kholo ea party le ho timetsa lipolotiki tsa rona re le bacha ba let’solo.
Ntlha-kemo ea rona ho uena ke h**e u sebeletse ho bopa bonngoe ba bacha ba RFP. Menyetla eohle e amang bacha, e fetele ho bacha ka komiti ea bacha.
Rea leboha, rona ba tsena; Motlatsi oa molula-setulo, Mongoli, Motlatsi oa mongoli, Ramatlotlo, Phala,
Setho-moeletsi."
Le ha ho le joalo, ha ho tsebahale h**e na lengolo lena le se le fihlile ho mohlomphehi Moorosi kapa che.
