Météo Boulaide

21/12/2025

Wecker: Mëllen Dag mat frëndlechen Zich
21.12.2025 - 05:00

Schéine gudde Moien am Wecker! 😁☕ Haut um Sonnde weist sech de Reen net méi esou oft, och d'Sonn ka sech wärend enger Zäit mol weisen.

De Moien ass et am Ufank nach meeschtens bedeckt, laanscht de Weste besteet nach eng minimal Warscheinlechkeet vu Nidderschléi. D'Temperature leien tëscht 4 a 6 Grad a klammen am Virmëtten op tëscht 9 an 10 Grad erop. No a no solle Wolleken a Niwwel manner ginn. Mëttes an am Nomëtte si Maximaltemperature vun tëscht 9 an 12 Grad ze erwaarden, de Wand bléist schwaach bis liicht spierbar aus Ost-Nordost. An de Spëtzten ass e mat 30 km/h ënnerwee. Et zéie lokal nach e puer Wolleken a potenziell Niwwelfelder duerch, mee d'Zeechen op frëndlech a sonneg Ofschnëtter sinn op alle Fall do. Daumen drécken, dass et klappt! Um Owend an an der Nuecht kënnt de Niwwel zréck, d'Temperature pendele sech tëscht 0 a 7 Grad an.

Vu muer u setzt den ugekënnegten Temperaturréckgang an. Den Détail fannt Dir an der GRATIS App an och ënner https://meteoboulaide.com/wiederprognosen
📉🌡

Iech all e flotte Sonnde gewënscht! 😁

Philippe Ernzer

20/12/2025

Météoflash: Temperature wäerte spierbar zréckgoen
20.12.2025 - 18:11

Schéine gudden Owend am Météoflash! 😁🌦 Den Dag vu muer huet d'Chance en Tick besser ze ginn wéi deen vun haut, duerno wäerten d'Temperaturen awer egal wéi zréckgoen.

Den Owend an an der Nuecht ginn d'Temperaturen op tëscht 5 a 9 Grad zréck, et sinn ëmmer nach vill Wolleken ënnerwee resp. et ass dréif inkl. eenzelne schwaache Nidderschléi.

Muer um Sonnde si Maximaltemperature vun tëscht 9 an 12 Grad dran. A wann dat mat der Opléisung vun de Wolleken- a Niwwelfelder geléngt, erwaart eis esouguer e frëndlechen Ofschnëtt mat Sonn.

E Méinde kéint sech d'Sonn dotëscht och nach deels weisen, mee et kënnt erëm op déi lokal Konditiounen un, wou de Niwwel weiderhin e "Problem" ka sinn. 4 bis 6 Grad.

En Dënschde geet et mat 3 bis 5 Grad virun. Am Ufank ass et dérif, duerno ka sech d'Sonn mat Chance tëscht e puer kompakte Wolleke weisen. Fest domat rechne sollt een awer net, well d'Modeller sech absolut onsécher sinn.

An den Deeg drop geet et domat weider, dass d'Temperature weider falen. Deels kann och markante Nuetsfrascht en Thema ginn. Den Détail fannt Dir an der GRATIS App an och ënner https://meteoboulaide.com/wiederprognosen 🌡📉

Iech all e schéine Rescht vum Weekend gewënscht! 😁

Philippe Ernzer

20/12/2025

Weider geet et mam Bilan vum meteorologesche Fréijoer 2025: An der Gemeng Bauschelt war d’Joreszäit liicht ze mëll ausgefall, mee op d’Zäit zanter 2012 gekuckt war et liicht manner naass wéi soss. 📊👇

Weider geet et mam Bilan vum meteorologesche Fréijoer 2025: An der Gemeng Bauschelt war d’Joreszäit liicht ze mëll ausgefall, mee op d’Zäit zanter 2012 gekuckt war et liicht manner naass wéi soss. Déi hei thematiséiert Donnéeë bezéie sech engersäits op d’Wiederstatioun v...

20/12/2025

Haut um Samschde leie mir weiderhin ënner Déifdrockafloss, an dat mierke mir och gutt hei an eisem Reen-Check. All ze vill ass awer weiderhi net dobäi. An de nächsten Deeg hëlt et erëm of. 🌦

Iech all weiderhin e flotte Weekend gewënscht! 😁

Philippe Ernzer

20/12/2025

Wecker: Vill Wolleken, zäitweis a lokal naass
20.12.2025 - 05:00

Schéine gudde Moien am Wecker! 😁☕ Haut dominéieren d'Wolleke weiderhin, iwwert e bësse Reen ass sech och net ze wonneren.

De Moien ass et gro, d'Temperature leien tëscht 3 a 6 Grad a klammen am Virmëtten op tëscht 7 an 10 Grad erop. Lokal ass liichte Reen net ausgeschloss. Mëttes an am Nomëtte si Maximaltemperature vun tëscht 9 an 11 Grad ze erwaarden, de Wand bléist schwaach bis liicht spierbar aus Südosten. An de Spëtzten ass e mat 30 km/h ënnerwee. Et bleift weiderhi meeschtens bedeckt, plazeweis sinn eenzel Schauere net ausgeschloss. Um Owend an an der Nuecht ännert sech net besonnesch vill, un der Zomm kënnt awer net vill Reen zesummen. D'Temperature pendele sech tëscht 4 an 10 Grad an.

Muer um Sonnden ergi sech zumools am Nomëtte liicht besser Chancen op e méi frëndlechen Ofschnëtt. Den Détail fannt Dir an der GRATIS App an och ënner https://meteoboulaide.com/wiederprognosen 🌥

Iech all e schéine Weekend gewënscht! 😁

Philippe Ernzer

19/12/2025

Météoflash: Temperaturréckgang vum Méinden un
19.12.2025 - 17:58

Schéine gudden Owend am Météoflash! 😁 De Weekend gi mir mol nach vun ze mëlle Loftmasse beaflosst, mee d'Situatioun soll sech vum Méinden u lues a lues normaliséieren.

Den Owend an an der Nuecht ginn d'Temperaturen op tëscht 3 an 8 Grad zréck, et si vill Wolleken ënnerwee a plazeweis kann et mol nach zu liichte Nidderschléi kommen.

Muer um Samschde geet et och esou virun: Et ass meeschtens gro, geleeëntlech gëtt et e bësse naass. Vill kënnt awer, wat d'Zommen ugeet, net vun do uewen erof. 7 bis 10 Grad.

E Sonnde packe mir et nach op 10 bis 11 Grad, d'Chancen fir e méi frëndlechen Ofschnëtt am Nomëtte sinn ëmmer nach do.

E Méinde mécht sech den Temperaturréckgang spierbar: Mir starte viraussiichtlech lokal mat liichtem Frascht an den Dag, als Héchstwäert si nach 4 bis 6 Grad dran. E Sonn-Wollekemix & Niwwelfelder stinn zur Optioun.

An den Deeg drop geet et mat den Temperature weider biergof. Den Détail fannt Dir an der GRATIS App an och ënner https://meteoboulaide.com/wiederprognosen 📉🌡

Iech all e schéine Weekend gewënscht! 😁

Philippe Ernzer

19/12/2025

De Reen-Check fir haut weist eis de Passage vun der Kalfront un. Zumools laanscht de Weste soll dat meescht erofkommen, mee ob sech z.B. de geschatene Maximum vun 8 l/m² op der lëtzebuergescher Säit oder awer an der Belsch weist, muss ofgewaart ginn. All ze vill steet allefalls néierens un. 💧

Iech all weiderhin e flotte Freide gewënscht! 😁

Philippe Ernzer

19/12/2025

Wanterwieder u Chrëschtdag schéngt awer nach net ganz vum Dësch ze sinn... ❄️📉

19/12/2025

Wecker: Eng Kalfront zitt duerch
19.12.2025 - 05:00

Schéine gudde Moien am Wecker! 😁☕ Haut passéiert eis eng Kalfront a suergt entspriechend och fir Reen. All ze vill kënnt an der Zomm awer net zesummen.

De Moien ass den Himmel bedeckt, aus Westen kënnt eng Kalfront eran. Duerch dës gëtt et vum Moien un a Richtung Mëtten ëmmer méi naass. D'Temperature leien am Ufank tëscht 4 a 7 Grad a klammen am Virmëtten op tëscht 9 an 11 Grad erop. Mëttes an am Nomëtte si Maximaltemperature vun tëscht 9 an 11 Grad ze erwaarden, de Wand bléist schwaach aus Südwest. An de Spëtzten ass e mat 25 km/h ënnerwee. Et ass weiderhi gro an et gëtt och naass, tendenziell am meeschten am Westen a Nordwesten. Um Owend an an der Nuecht ass et ëmmer nach wollekeg a plazeweis naass, eréischt a Richtung Samschdemoie gëtt et méi dréchen. D'Temperature pendele sech tëscht 3 a 9 Grad an.

Muer mécht sech den Déifdrockafloss nach bemierkbar, mee e Sonnde besteet temporär d'Chance op eng Besserung. Den Détail fannt Dir an de GRATIS App an och ënner https://meteoboulaide.com/wiederprognosen 🌥

Iech all e flotte Freide gewënscht! 😁

Philippe Ernzer

19/12/2025

Et ass de 19. Dezember 2025 kuerz viru 4 Auer moies an un eiser Partnerstatioun vum Maacher Lycée ginn 10,8°C gemooss.

Fir de Kontext: Un der Wiederstatioun vum staatleche Wiederdéngscht um Findel läit déi duerchschnëttlech Dezembertemperatur bei 2,3 Grad, baséierend op der Referenzperiod vu 1991 bis 2020. Un eiser Météo Boulaide-Statioun zu Baschelt läit de Wäert, baséierend op der Zäitspan vun 2012 bis 2022, bei 3,29 Grad. Zwar leie mir keng bis ewell lafend Duerchschnëttsdonnéeë fir de Mount Dezember vum Findel vir, mee un eise Statiounen an der Gemeng Bauschelt leie mir bis elo an dësem Dezember +3,27 Grad iwwert der Moyenne vum Findel an +2,28 Grad iwwert eisem interne Referenzwäert. Dat kléngt fläit net no vill, mee ech ënnersträichen, dass et sech heibäi ëm Duerchschnëttswäerter handelt.

Dem aktuelle Stand no soll et d'nächst Woch awer ufänke, méi kal ze ginn. 📉🌡️

Dës Kaart ass Deel vun engem villfältege Projet, un dem mir momentan schaffen. D'Netz besteet geschwënn aus 10 Statiounen - wann Iech dat als Veräin, Entreprise, Gemeng, Schoul, etc. interesséiert, da schreift eis roueg ënner [email protected] 🌈🌡🌦

18/12/2025

Météoflash: Mat Chance e Sonnden erëm besser
18.12.2025 - 20:00

Schéine gudden Owend am Météoflash! 😁⛅ D'Sonn huet hiert Potenzial haut genotzt a sech gewisen. Elo steet awer erëm eng Kalfront un.

Den Owend an an der Nuecht pendele sech d'Temperaturen tëscht 4 a 9 Grad an. A Richtung muer de Moie gëtt et ëmmer méi bedeckt an d'Warscheinlechkeet vu Reen hëlt vu Westen hier zou.

Muer um Freiden ass et meeschtens bedeckt, ëmmer erëm ass mat Reen ze rechnen. Tendenziell laanscht de Weste weist sech d'Kalfront am meeschte bei Maximaltemperature vun tëscht 9 an 11 Grad.

E Samschde geet et mat ville Wolleken an och mol Niwwel virun, nëmme kuerz ka sech dotëscht d'Sonn och mol weisen. Et gi Maximaltemperature vun tëscht 8 an 10 Grad erreecht, eenzel Schauere sinn och méiglech.

E Sonnde gesäit et no engem dréiwe Start mat lokalem Gefisems aus, ier et dann am weidere Verlaf vum Dag zu enger Chance vun engem Sonn-Wollekemix ka kommen. D'Temperature packen et op e Maximum vun tëscht 9 an 10 Grad.

An den Deeg drop stellt sech d'Wiederlag lues a lues ëm, primär gëtt et méi kal. Den Détail fannt Dir an der GRATIS App an och ënner https://meteoboulaide.com/wiederprognosen 📉

Iech all e schéinen Owend a muer e flotte Freide gewënscht! 😁

Philippe Ernzer

18/12/2025

Ech ginn zou, dat kënnt e bëssen iwwerraschend: https://youtu.be/uZIhk_a5Q0k ❄️📉