28/07/2025
رواية العوض❤️.
Part 1 :
اول يوم ع ابطالنا الجُدد الساعه 10:00
سعاد : يا سند نوض وقت ع العمل الفطور واتي
سند : تمام ي امي هي مصبي
سعاد : نوضو وانتو نوم ووكال وصياعه
ناض سند غسل وطلع يفطر
ساره : سند راك تطلع وتنساني ماشيه للجامعه غير ميار مش ماشيه
سند : تم
سفيان : يا وليه قوليلي شن تبيني نجيب من برا عشان هلك جايين
سعاد : غير يمشو هالصياع اساع نطلع معاك نجيبو حاجتنا
وناض سالم يهزب عشان ساره مش غاسله السروال متاعه
——————
عند محمد وعياله
مقمعزين يفطرو بس ميار راقده عشان مريضه
واوس سهور للصبح وفالصبح راقد
مروه : ماما شرايك نطلعو مشرق
فاطمه : مش وقته نبي نمشي ل هلي
منار : حكت ل مروه خوالي الي مش قابلينه حتى بالكذب
فاطمه : سمعتكن نوضن لمن السفره ووعن احمد يشيل ميار
محمد : لا ميار قالت مش ماشيه مريضه
——————
عند سند وساره حطها فالجامعه وتوكل للعمل متاعه نسيت نقوللكم هوا شرطي وح نتعرفو عليه اكثر فالروايه
نزلت ساره : خليك فاطن للتليفون نرن عليك تجيني
سند : الساعه كم تكمل محاظرتك
ساره : 12:30 بس نبي نفطر مع البنات قبل
سند : تم 1 تلقيني مدرس هنا وعندك فلوس ؟
ساره : عندي اها لكن زيدني
سند : ضحك وعطاها 20 وعدا
——————
ساره : ميرال خير شخبارك
ميرال : تمام ياقلبي وانتِ
ساره : تمام بس مجابنيش احمد 😞
ميرال : اسكتي الي يسمعك يقول تحبو بعضكم وهو مش داري عليك حتى بالكذب يشيل فيك عشان اخته بس
ساره : زعلت بس مبينتش قالت نبصر اصلا وهي للمحاضره
خشن للمحاضره والدكتور يشرح وساره سارحه لعند طلعت البنات وطلعت
ميرال ، سهام ، حياه : هي ساره نفطرو
ساره : مخاطريش نبي نروح سند شوي ويجيني
جا سند وروحت ساره ارقدت ووعت ع المغرب تعيط
ساره : ماما ي ماما
سعاد : ها انعني بلاكم ديما تعيطو
ساره : وين خوالي ع اساس جايين ؟
سعاد : لا بكرا الصبح يكونو هنا
وعا اوس : صبحخير
سعاد وساره : اي صبحخير مغرب توا
اوس : خساره فيكم قولة صبحخير وشتشت ل ساره شعرها
ساره : اوس يبارد مش وقتك كيف واعيه
اوس : ديريلي فطور 5 نجوم اهم شي متحرقيش الدحي
ساره ضحكت : باهي لكن 5 نجوم متمسكهش عليا
ضحك سند وعدا يغسل وامهم ع الاخبار
——————
طبعًا سند واوس وسالم يشبهو بعضهم بكل اطوال وسمر شوي نقشهم ع الاسود وجميلين بكل عكس اختهم ساره بيضه وعيونها عسليات وشعرها برضو بني فاتح ومش طويله ومش قصيره واهم شي عندها انها رقيقه 🤣🤣
———-
نردو ع احمد اسمر وطويل وطبعًا مشترك فصاله عظلات وجو وغالي عليه البصاره ويحب ساره بس خايف يعترفلها واهم شي عنده امه وخواته وهوا وسند يشتغلو فلشرطه
————-
اما ميار ف بيضه بكل وعيونها لونهن اخضر وشعرها اشعل وقصيره شوي وهي دلوعه هلها وحتى خواتها زيها بس هي احلى وحده
————
عند ساره بعد دارت وكال ل اوس وروح سند وسالم دارت هي وامها عشاء
تعيط ي سند ي اوس ي سالم ي بابا هيا عشاء
قمعزو لقوها دايره
مكرونه امبوخه وسلاطات ومصير وشاورما لان سند يحبها
سند : وين ساره راضيه علينا
اوس : اسكت يرا اساع تكبرها في خشمها
سالم : اكتفى ان ضحك وخلاص
سفيان : خلو بنتي عنكم وسمو هي
اما ساره فكانت فعالم ثاني مش مدورتهم عقلها في احمد اذا يبادلها نفس الشعور او لا
اوس : ساره اوي وين رحتي ؟
ساره : معاكم غير ننعس
سعاد : عدي ارقدي توا نغسلهن نا العوايز
ساره صبت : هي تصبحو ع خير
دزت مسج ل ميار : قتلك شن تحسي روحك احسن ؟
ميار : بخير حمدالله
ساره : باهي حمدالله ، بكرا ماشيه ؟
ميار : اها بنرقد توا عشان نوعا مصحصحه
ساره : تمام تصبحي ع خير ، وسكرت نت ورقدت
—————
عند احمد : فتش صفحته اخته ع الانستا وطلع حساب ساره وتردد اكثر من مره يخش او لا بس فالنهايه سكر التليفون ورقد
———
الحلقه الي فاتت لخبطت كتبت خوال احمد هما خوال سند
جا الصبح الباب يدق الساعه 8:00
وعا سفيان : ان شاء الله خير من يدق فالوقت هذا
وعت معاه سعاد وطلعت : اسمالله
طلع لقا اوس سابقه وفاتح الباب
خشو خوالهم
امينه : اضبطت فاطمه خير شخباركم لكم وحشه
وخشت فاتن وعيالها وخالد وعياله قعدو يسلمو
سعاد : توعي في ساره نوضي ديري فطور خوالك جو
ساره : اوف ي ماما الساعه 8 نبي نرقد
سعاد : نوضي يسمعوك يزعلو
ناضت ساره راقيلها سلمت وخشت هي ابتهال وابتهاج دارن فطور
سعاد : ساره تليفونك يرن
ساره : هي جايه ، صبحخير ميار
ميار : صبحنور واتيه ؟
ساره : لالا مش ماشيه جايين خوالي قاعده ندير في فطور
ميار : باهي ياقلبي هي باي
——————
طلعت ميار ركبت مع احمد
احمد : وينها ساره طولت
ميار : يييي نسيت نقولك
احمد : شنفي
ميار : مش ماشيه عندهم خوالهم جوهم الصبح
احمد : اها به
رد سالها : حتى شباب العيله جايين ؟
ميار : مسألتش بس اكيد
احمد : رقاله وقرر اليوم ضروري يحكي معاها خايف حد ياخذها منه
ومعش رد عليها
—————
عند ساره تحكي ل ابتهاج وابتهال
ساره : ……..
ابتهاج : ……..
————
هذي كانت بدايه لو لقيت تفاعل ح نكمل 💕.
