Eng.sarah ibrahim

Eng.sarah ibrahim � هدفي: أطور مهاراتي وأبني مسيرة مهنية قوية في مجال الهندسة

جامعة شني يلي مزال علاها اكثر شهر ؟ تي انسيت شن تخصصت اني
24/08/2026

جامعة شني يلي مزال علاها اكثر شهر ؟ تي انسيت شن تخصصت اني

إنك تسكّر الباب بشويّة وبهدوء باش ما تزعجش اللي راقدين، هذا عمل صالح. 🤍تلقى أكل مكشوف وتغطيه، عمل صالح. تستحمل حد وتسمعل...
19/08/2026

إنك تسكّر الباب بشويّة وبهدوء باش ما تزعجش اللي راقدين، هذا عمل صالح. 🤍

تلقى أكل مكشوف وتغطيه، عمل صالح. تستحمل حد وتسمعله للآخر باش تجبر بخاطره، عمل صالح. ترد على التلفون بنبرة سمحة وبشاشة، عمل صالح. تبتسم لطفل صغير وتلاعبه، عمل صالح.

ترحّب بضيوفك وتكرمهم في دارك، عمل صالح. تسكّر الحاجة اللي فتحتها، وتلم اللي طاح منك، وتنظف المكان اللي استخدمته وتخليه أرتب من قبل، هذا طبعًا عمل صالح.

تفتح تلفونك وتسأل على خوتك، وبوك، وامك، وقرايبك وتطمن عليهم، عمل صالح. تشرب العصير وتقعد شاد العلبة لين تلقى سلة وتحطها فيها، عمل صالح.

تشوف طفل يغلط، وتنصحه بالهداوة وتقوله: «استغفر يا ولدي "وتفهمه الصح، عمل صالح. حاجة نفعتك في حياتك؟ شاركها مع غيرك باش يستفيد منها، عمل صالح.

ما تردش حد طلب منك نصيحة أو خدمة أو مساعدة، عمل صالح. تشوف عيب في حد وتستر عليه، عمل صالح. تفتكر حد متوفي وتدعي له بالرحمة والمغفرة، عمل صالح.

الخير محاوطنا في كل خطوة، وحتى وإحنا قاعدين في ديارنا نقدروا نزيدوا في ميزان حسناتنا كل يوم، وبأبسط الحاجات اللي مرات نحسبوها عادية وهي عند ربي كبيرة. 🤍✨

19/08/2026

‏🥹❤️‍🩹

عرفوهم إن الثانوية مش نهاية الدنياوعرفوهم إن مش كل واحد جاب 99% راهو عالمومش كل واحد جاب 70% راهو فاشلوعرفوهم إن مستقبله...
14/08/2026

عرفوهم إن الثانوية مش نهاية الدنيا
وعرفوهم إن مش كل واحد جاب 99% راهو عالم
ومش كل واحد جاب 70% راهو فاشل
وعرفوهم إن مستقبلهم مش مربوط بالكلية اللي بيدخلوها
وإن مش كل واحد قرا كلية معينة لازم يخدم بيها طول عمره
وعرفوهم إن الشهادة مش هي اللي تحدد قيمة الإنسان
وإن الرزق مش بالشهادة ولا بالمعدل
وعرفوهم إن الأخلاق والتربية أهم من أي شهادة
وعرفوهم إن كل واحد ربي كاتبله طريق ورزق ووقت معين
وعرفوهم إن كليات القمة مش معناها إن اللي يخش أحسن من غيره
وإن الكلية اللي الناس تشوف فيها عادية ممكن تكون هي المكان اللي يبدع فيه شخص ويحقق روحه
وعرفوهم إن مفيش حاجة اسمها كلية ليه قيمه وكلية مالهاش قيمة
القمة إنك تكون ناجح في المجال اللي اخترته وتبدع فيه
وعرفوهم إن قيمة الإنسان مش في معدله ولا في اسم الكلية اللي قرا فيها
كل واحد عنده طريقه وظروفه ورزقه
والنجاح مش شكل واحد ومش مربوط بشهادة وحدة
فهموهم هالكلام وبلاش تزيدوا الضغط على طلبة وهما بادين حياتهم ❤️

يارب ممتاز لكل من حط قلب ودير تاق لمن تتمناله نجاح ❤️.
11/08/2026

يارب ممتاز لكل من حط قلب ودير تاق لمن تتمناله نجاح ❤️.

مافيش يوم نزلت فيه بوست إلا ويقولولي من وين مكتبك وكيف مرتبتيه 😂🤍مكتبي من Alfahd Group مجموعة الفهد في مصراتة والله يبار...
11/08/2026

مافيش يوم نزلت فيه بوست إلا ويقولولي من وين مكتبك وكيف مرتبتيه 😂🤍

مكتبي من Alfahd Group مجموعة الفهد في مصراتة والله يبارك للامانة كويس وعملي هلبا وتقدري تتحكمي في طوله وثابت ومريح هلبا للقراية والخدمة 💙
العيب الوحيد فيه إن مساحته محدودة شوية لكن بالنسبة ليا ممتاز ومناسب لاحتياجي والحمدلله 🤍

في هلبا بنات يسألوني:شن أفضل ايباد للقراية؟ وشن النوع اللي يستاهل وسعره معقول؟ 👀📚فـ قلت نرشحلكم أفضل الأجهزة اللي نشوفهم...
10/08/2026

في هلبا بنات يسألوني:
شن أفضل ايباد للقراية؟ وشن النوع اللي يستاهل وسعره معقول؟ 👀📚

فـ قلت نرشحلكم أفضل الأجهزة اللي نشوفهم مناسبين للطلبة والدراسة، خصوصًا للفئة الاقتصادية ✨

• Apple iPad 11
لو تبي جهاز يعيش معاك سنين وسلس جدًا في الدراسة والتلخيص والمحاضرات فهذا من أفضل الخيارات 🤍
سريع، عملي، والقلم فيه ممتاز جدًا… لكن يعتبر أغلى شوي من باقي الأجهزة.

• Redmi Pad 2
من أفضل الخيارات الاقتصادية ✨
شاشته مريحة للقراية وبطاريته قوية وينفع للمحاضرات والـPDF واليوتيوب والدراسة اليومية بدون مشاكل.

• Redmi Pad 2 Pro
نسخة أقوى شوية 👀
شاشة أكبر وأداء أسرع، ممتاز للي تفتح هلبا تطبيقات أو تبي تجربة أقوى في الدراسة والتنظيم.

• HONOR Pad 10
جهاز أنيق وخفيف ومريح جدًا للقراية ✨
مناسب للطلبة وسعره يعتبر كويس مقابل المواصفات.

• HONOR Pad 9
وبصراحة من أكثر الأجهزة اللي ارتحتلها 🤍
شاشة كبيرة وصوت قوي وممتاز للتلخيص والمحاضرات وتنظيم الدراسة، وشكله فخم وسعره معقول مقارنة بغيره.

وبشكل عام 👀
لو تبي أفضل قيمة مقابل السعر فـ HONOR وRedmi ممتازين جدًا للدراسة،
أما لو تبي أقوى تجربة وسلاسة طويلة المدى فـ iPad يظل من أفضل الخيارات ✨📚

بالنسبة لي نوع ايبادي هونر الحق ماشي معاي هلبا واستخدمه هلبا مريح ومناسب للقرايا عندك العيب انه ما يدعمش اي قلم ضروري قلم خاص

🏗️ شن هي الهندسة المدنية؟الهندسة المدنية تُعرف بأمّ الهندسات، وهي من أقدم وأهم التخصصات الهندسية، وتهتم بتصميم وتنفيذ وص...
02/08/2026

🏗️ شن هي الهندسة المدنية؟

الهندسة المدنية تُعرف بأمّ الهندسات، وهي من أقدم وأهم التخصصات الهندسية، وتهتم بتصميم وتنفيذ وصيانة كل ما نراه حولنا من بنية تحتية، مثل المباني والطرق والجسور وشبكات المياه والصرف الصحي والسدود وتخطيط المدن.

يعني باختصار، من أول خطوة في المشروع وهي دراسة التربة وحفر الأرض، إلى آخر مرحلة وهي تسليم المشروع، المهندس المدني يكون جزءًا من كل المراحل.

🔹 فروع الهندسة المدنية

1️⃣ هندسة الإنشاءات (Structures)
من أكثر الأقسام اللي يهابها الطلبة، لكنها من أقوى وأهم الفروع، وتهتم بتصميم المباني والجسور والمنشآت المختلفة.

من أبرز موادها:
• الاستاتيكا.
• مقاومة المواد.
• التحليل الإنشائي.
• الخرسانة المسلحة.
• المنشآت المعدنية.
• هندسة الأساسات.

📌 تعتمد بشكل كبير على الفهم والرياضيات والتحليل، أكثر من الحفظ.

2️⃣ هندسة التربة والأساسات (Geotechnical)
هذا القسم يهتم بدراسة التربة وخصائصها وتصميم الأساسات المناسبة لكل مشروع، لأن أي خطأ في الأساسات ممكن يسبب مشاكل كبيرة للمبنى.

من موادها:
• ميكانيكا التربة.
• هندسة الأساسات.
• تحسين التربة.
• الجيولوجيا الهندسية.

3️⃣ هندسة الطرق والمواصلات (Transportation)
يهتم بتصميم الطرق والمرور والمطارات وتخطيط شبكات النقل.

من مواده:
• هندسة الطرق.
• هندسة المرور.
• تصميم الرصف.
• تخطيط النقل.

📌 يتميز بكثرة العمل الميداني وفرص العمل الجيدة.

4️⃣ هندسة المياه والصرف الصحي (Water Resources)
يهتم بتصميم شبكات المياه والصرف الصحي والسدود وإدارة الموارد المائية.

من مواده:
• ميكانيكا الموائع.
• الهيدروليكا.
• شبكات المياه.
• شبكات الصرف الصحي.
• هندسة الموارد المائية.

📌 من أكثر التخصصات اللي تخدم المجتمع بشكل مباشر.

5️⃣ إدارة المشاريع والتشييد
مناسب للي يحب التنظيم والإدارة، ويهتم بتخطيط المشاريع وإدارة الوقت والتكاليف.

من مواده:
• إدارة المشاريع.
• الاقتصاد الهندسي.
• التخطيط والجدولة.
• العقود والمواصفات.

📌 يفتح المجال للعمل كمدير مشروع بالإضافة إلى العمل الهندسي.

🔹 مواد أساسية يدرسها كل طالب هندسة مدنية

في أغلب الجامعات يدرس الطالب مواد مثل:
• الرياضيات الهندسية.
• الفيزياء.
• الرسم الهندسي.
• البرمجة.
• الميكانيكا الهندسية.
• مقاومة المواد.
• المساحة (Surveying).
• مواد البناء.

بشكل عام، عدد مواد الهندسة المدنية يختلف من جامعة إلى أخرى، لكنه غالبًا يتراوح بين 45 إلى 60 مادة خلال سنوات الدراسة.

🔹 شن يميز الهندسة المدنية؟

✔️ فرص عملها واسعة داخل وخارج ليبيا.
✔️ مطلوبة في أغلب الدول.
✔️ تقدر تخدم في الموقع أو في المكتب أو في التصميم والإشراف.
✔️ تخصص عملي يعتمد على التفكير والتحليل وحل المشكلات أكثر من الحفظ.

الهندسة المدنية مش تخصص سهل، ويحتاج صبر واجتهاد، لكن بالمقابل يعتبر من أكثر التخصصات أهمية وتأثيرًا في حياة الناس، لأن كل مشروع نشوفوه حولنا كان وراءه مهندس مدني.

🤍 وإذا عندكم أي استفسار عن الهندسة المدنية اكتبوه في التعليقات، وإن شاء الله نجاوب عليه.

📚 وكل يوم إن شاء الله بنتكلموا على تخصص هندسي جديد، والمنشور الجاي غالبًا بيكون عن الهندسة الطبية.

كيف عرفتوها شهاده ثانوية :
10/07/2026

كيف عرفتوها شهاده ثانوية :

ماشي الامتحان: 1٪ قرايه99٪ايمان بالله أنه قادر على كل شئ
02/07/2026

ماشي الامتحان:
1٪ قرايه
99٪ايمان بالله أنه قادر على كل شئ

Address

بني وليد
Bani Walid

Website

Alerts

Be the first to know and let us send you an email when Eng.sarah ibrahim posts news and promotions. Your email address will not be used for any other purpose, and you can unsubscribe at any time.

Shortcuts

Share

Category