The Marketista - الماركيتيستا

The Marketista - الماركيتيستا Contact information, map and directions, contact form, opening hours, services, ratings, photos, videos and announcements from The Marketista - الماركيتيستا, Digital creator, Tripoli.

فريق من الشباب الطموح يحرص على نشر ماينفع ومايُفيد | مهتم بتناول مواضيع الدراسة والحياة الجامعية ومابعدها | شغف كبير بالعلم والعمل واهتمام بوظائف المستقبل | نُساعد الطلبة ومن يحتاجنا | نقدّم خدمات التصميم والكتابة بمختلف أنواعهم.

25/06/2025

لو قبل 10 سنوات جي وسألنا حد شن هي أهم مهارة أو مهارات نقدر نكتسبهم 🤔

راهو ذكرنا عدة مهارات ناعمة وصلبة من اللي نعرفوهم كلنا

لكن لو السؤال هذا كان في السنين الأخيرة هذه
فالإجابة حتكون هي إنك " تركّز " 🔇

إي نعم، مهارة التركيز 😎 واهو نقولولكم علاش ⬇️

لأننا حاليا قعدين في مناخ عالمي مُشتِّت بامتياز 💯
في ساعات معدودة يقابلك 100 خبر ومحتوى وفيديو وقصة وصدمة وفرحة ومشاعر متخلطة 🤦🏻‍♀️🤦🏻‍♂️

فأفضل حاجة ممكن ادّيروها ياأصدقاء هي إنكم تواجهوا التشتيت هذا بالتركيز ⚔️

بأنك تكون حاط أولويات وهدف أو أهداف تهمك شخصيًّا وتركّز عليها، وتحاول بقدر الإمكان أنك ماتلهاش في حاجات غيرهم أو حاجة تسرق وقتك ومافيهاش فايدة ليك أو لغيرك ✅

25/06/2025

أهم قائمة بعد قائمة مستلزمات الحوش 📝

هي قائمة بالفيديوات اللي نبو نتفرجوا عليها أثناء الأكل🍿

مش معقولة الواحد هكي يقعد يدوّر عالفيديو المناسب لين الماكلة إتّم 🤦🏻‍♀️🤦🏻‍♂️

لازم تكون في قائمة واتية، وفيديو جاهز يراجي فيك 🤝🏼

24/06/2025

مش عارف احني نركزوا وله هي مستفزة بالرسمي 😣

لكن هي الكلمة في الأساس "الحصيلة "

علاش في الهدرزة في ناس تقول "الحصيلو " 🙃

قلب التاء المربوطة إلى واو شن الغرض منه 🤔

24/06/2025

أكتر جملة نحبوها بعد جُملة " المعدل العام ممتاز "

هي جُملة " عن بُعد " 🤩

قراية عن بُعد، عمل عن بُعد، اجتماع عن بُعد….

المرونة والراحة في الجملة ↖️↖️↖️ 🫶🏼

23/06/2025

كم كان عمرك لما عرفت أن طلبة السعودية عندهم تخصص"المَلَكيّة الفِكرية " 🤔⁉️

يقروا فيه كدبلوم عالي وكبرنامج ماجستير

احني الملكيّة عندنا اسم مول 🙂

+ أن هذه البرامج اللي تفتح النفس والواحد يجيه شغف أن يبي يتعلم عليها لأنها شيء عصري وجديد🤩

أما برامج النسخ لصق اللي معش في مكان ومادارهمش وحفظناهم هما نفسهم بنفس محاورهم ومجالاتهم فخلاص إستُهلكوا، هاتوا غيرهم 🤝🏼

من زيارة طلبة كلية الهندسة قسم المدنية لمحطة معالجة مصنع النسيم - مصراتة 🏭 زيارة علمية تخصصية بحثة 💯لاقت استحسان وثناء ك...
23/06/2025

من زيارة طلبة كلية الهندسة قسم المدنية
لمحطة معالجة مصنع النسيم - مصراتة 🏭

زيارة علمية تخصصية بحثة 💯
لاقت استحسان وثناء كبير من الطلبة

وجمعت بين الاستفادة الكبيرة والاطّلاع عن قُرب على جزء من منهجهم كانوا يشوفوا فيه في أسطر الشيتات 🖋️
وبين الترويح عن النفس والاستمتاع كرحلة 🤩

سيمسيتر دراسي مُرهق جدًا 😪فخور بالمجهود والمحاولة أيّاً كانت النتيجة ✅🤝🏼
22/06/2025

سيمسيتر دراسي مُرهق جدًا 😪
فخور بالمجهود والمحاولة أيّاً كانت النتيجة ✅🤝🏼

مش حنتكلموا على ترتيب الجامعة، حنتكلموا على دخولها في التصنيف من حيث الإيجابيات والخطوات القادمةالإيجابيات💡:🔸بداية تُعتب...
22/06/2025

مش حنتكلموا على ترتيب الجامعة، حنتكلموا على دخولها في التصنيف من حيث الإيجابيات والخطوات القادمة

الإيجابيات💡:
🔸بداية تُعتبر كويسة وتُحسب لا تُحبِط، وتدل على أن في شغُل.
🔸أن الجامعة أصبحت مرئية دوليًا وعليها العيون
🔸مجرد الظهور على خارطة التصنيفات يعني أننا على الطريق، وأن في أساس نقدروا نبنوا عليه.
🔸أن في عالأقل حد أدنى من الشروط تم تحقيقه (وجود أبحاث منشورة، بيانات رسمية، سمعة أكاديمية)

التحديات والخطوات القادمة🌟 :
🔹الاستمرار والتحسين وإثبات أن الخطوة هذه ماكانتش صدفة وأن التصنيف مش مجرد وسام دعائي مؤقت
🔹تطوير فعلي للمناهج والبحث العلمي
🔹دعم الكفاءات داخل الجامعة
🔹محاربة الفساد الإداري والبيروقراطية التعليمية
🔹إعادة بناء الجامعة فكريًا ومؤسسيًا

طلعت البنت المستقبلية لهلبا ناس 😶عالحال هذا المفروض احني حاليًا بلد المليون "سيبويه"والمليون "الكِسائي" لكن وين هذا، ماش...
21/06/2025

طلعت البنت المستقبلية لهلبا ناس 😶

عالحال هذا المفروض احني حاليًا بلد المليون "سيبويه"
والمليون "الكِسائي"

لكن وين هذا، ماشفنا شيء 🙃
طبعًا تبارك الرحمن عليها البنيّة، مُبدعة ومُتقِنة 👏🏼

21/06/2025

خيركم مع الكركم ياقوم تو يزيدولنا سعره 🥲

بالشوية عليه، حتى ترند بنص كاشيك ساد
مش لازم التبزعيق 👍🏼

21/06/2025

طبعًا تابعنا كلنا خبر تصنيف QS ودخول جامعة طرابلس لقائمته اللي تضم 1500 جامعة من 106 دولة

قبل مانتكلموا على موضوع دخول الجامعة ليه، خلّي في المنشور هذا لازم نعرفوا قبل، شن هو أصلا تصنيف QS ؟ هل هو تصنيف مهم وليه مكانة ؟ وله مشّي حالك وأيّ كلام ؟ بيش نعرفوا هل نفرحوا وله مانعبروش الموضوع 🙃

تصنيف QS 🌟 يا أصدقاء يُعتبر من أهم 3 تصنيفات عالمية للجامعات، مع تصنيف (THE) وتصنيف ARWU

والـ3 تصنيفات هادم يشكلوا ما يُعرف بـ “التصنيفات الكبرى” اللي يعتمد عليها الطلاب والباحثون وصنّاع السياسات والجهات المانحة للمنح الدراسية، وحتى الحكومات، لما بيقيّموا الجامعات عالميًا ولما بيختاروا الشّراكات الأكاديمية 👌🏼

كذلك يعتبر تصنيف مهم بسبب المعايير اللي يعتمد عليها
واللي تشمل، السمعة الأكاديمية، سمعة صاحب العمل، النشر العلمي، نسبة الأساتذة للطلاب، وعدد الطلاب الدوليين 💫

عليْه نقدروا نقولوا أنه دخول جامعة طرابلس لتصنيف QS حاجة تفرّح وخطوة ممتازة كان لابد منها كأول دُرجة في رحلة التحسين والتطوّر ✅

20/06/2025

سلسلة [ كشف الحقيقة للحركات والمنشورات الركيكة
لأن طفح الكيل ] :

1️⃣ نوع المنشورات اللي تلقى فيهم صورة فيها شعار تطبيق معروف أو موقع مشهور وزعميتا توفى ومكتوب عليه RIP
وكيف قاعد تستخدم فيه وإنك لازم تستخدم التطبيق هذا

منشورات هُراء وتجارية وتفاعلية وولا ليها ستين لزمة
فوتها لأن غرضها تحسسك بأنك متأخر وفايت عليك 🤝🏼

Address

Tripoli

Website

Alerts

Be the first to know and let us send you an email when The Marketista - الماركيتيستا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category