The Marketista - الماركيتيستا

The Marketista - الماركيتيستا Contact information, map and directions, contact form, opening hours, services, ratings, photos, videos and announcements from The Marketista - الماركيتيستا, Digital creator, Tripoli.

فريق من الشباب الطموح يحرص على نشر ماينفع ومايُفيد | مهتم بتناول مواضيع الدراسة والحياة الجامعية ومابعدها | شغف كبير بالعلم والعمل واهتمام بوظائف المستقبل | نُساعد الطلبة ومن يحتاجنا | نقدّم خدمات التصميم والكتابة بمختلف أنواعهم.

01/12/2025

كان مستواك الكوميدي أعلى من مستواك الدراسي

نهنّوك على حس الكوميديا وحُب الضحك اللي عندك
ونشدُ على إيديك وحتى احني زيك 🫱🏻‍🫲🏼

لكن نبو نقولولك فيق لروحك
وراجع نفسك الفاينل قريب 👍🏼

29/11/2025

وصلنا لمرحلة بدينا نفضّلوا في تصفح منشورات الإنستقرام واللينكدإن، حتى وإن كانت أوڤر وذات المثالية
وحتى تلك التي تُصدّر في حياة وهمية

على الجهل والتهجم والتخوين
والطعن والتلوث يلي يقابل فينا في الفيس 😣

28/11/2025

🌟أنجح في مادة وخوذ معاها ناجح في أخرى مجانًا
🌟جيب ممتاز في مادة نسكرولك درجة النهائي لمادة ثانية
🌟اقعد ساعة يوميًا بعد الدوام وخوذ مرتبك X2 نهاية الشهر

نوعية التخفيضات اللي حتخلينا ننبهروا
ونتجاروا بيش نحصلوها 👍🏼

- الشتاء خش والجو جميل والمطر بتصب ☔️ وفرحانين في أمان الله عادي= طريق الجامعة 🙂 👇🏼:
27/11/2025

- الشتاء خش والجو جميل والمطر بتصب ☔️
وفرحانين في أمان الله عادي

= طريق الجامعة 🙂 👇🏼:

26/11/2025

أقوى حاجة لما تكون لابس البالطو وماشي وهاد بيه بسرعة في ممر المستشفى وهو يفرفر وراك زي رداء باتمان والناس يحسابوك في مهمة لانقاذ مريض 🥼 🦇

وأنت في الحقيقة ماشي بتاكل 👍🏼
الجماعة جابو الغذي وباديين عليك وتبي تلحّق 🥘

كان كل شيء عادي لين لقينا صاحب العملة مهندسوهنا كان لازم ندّخل 🤚🏽أولًا لازم نأكدوا على نقطة💡وهي أننا كرِجال، في حاجات تس...
25/11/2025

كان كل شيء عادي لين لقينا صاحب العملة مهندس
وهنا كان لازم ندّخل 🤚🏽

أولًا لازم نأكدوا على نقطة💡

وهي أننا كرِجال، في حاجات تسبِق المستوى التعليمي للبنت في مقابيس الاختيار ونشوفولها بنظرة أهم لما بنجو نختارو زوجة

ثانيًا؛ الولد مهندس 😎 يعني عنده نظرة أعمق من الناس العاديين وأكيد شاف فيها أن هي الشخص المناسب، حتى لو كانت شهادتها إعدادية ومش جميلة عادي.

ثالثًا وأخيرًا والأهم، هو مهندس يعني اللي يديره هو الصح 👍🏼

وهي قبل هذا كله
الحكاية نصيبات ياخالتي ماتغششيش روحك 🫱🏻‍🫲🏼

باهي كويستم أخذ موضوع العدوى بجديّة من أولياء الأمورالصغار اللي غايب واللي جايين هلبا منهم بالكمامة نهاية 2019 ونهاية 20...
25/11/2025

باهي كويس
تم أخذ موضوع العدوى بجديّة من أولياء الأمور

الصغار اللي غايب واللي جايين هلبا منهم بالكمامة

نهاية 2019 ونهاية 2025 🥲 🔁

الشتاء هذا الواحد بيجرب يحتسي الماتشاجنب النافذة المبللة ☔️ ساد منه السحلب الواحد يدق فيه فوق من 20 عام تواحان وقت التغي...
24/11/2025

الشتاء هذا الواحد بيجرب يحتسي الماتشا
جنب النافذة المبللة ☔️

ساد منه السحلب الواحد يدق فيه فوق من 20 عام توا

حان وقت التغيير 👍🏼

22/11/2025

في السنوات الأخيرة العديدة في حاجة من الحاجات الخطيرة اللي يلتعب عليها من خلال المسلسلات والأفلام وحتى الكرتون 🎬

لاحظناها هلبا ومش حنبالغوا لو قولنا ما نسبته أكثر من 95 ‎%‎ من الحاجات المذكورة فوق يحطوا في الإيحاء هذا

واللي هو دور الزوج والأب / ودور الزوجة والأم

ديما تلقوا أن الزوج حلقة أضعف والزوجة هي الواعرة واللي شخصيتّها أقوى وهي اللي تاخذ في الكلام في المجامع منه والكلمة الأخيرة ليها، وتستقبل وتمشي تقابل في رجال بحجج الشغل والصداقة وغيره

طبعًا هو على أساس يُبدي استياءه شوية لكن بعدين يرضى ويقبل ويرنّب.

لدرجة أن في جملة في واحد من المسلسلات في مشهد من المشاهد انقالت حرفيا زي توا :
" هو ليه دايمًا الراجل بيتهزأ ؟ "

وغيرها من اللقطات والإيحاءات الخبيثة اللي الغرض منها طمس دور القوَامة وتطبيع الحاجات هذه وهدم الفِطرة السليمة وقلبها وتغيير الأدوار وتدمير الأُسرة.

لو أنت شخص واعي ومتابع حتعرف الكلام هذا كويس

ولو أنت شخص قاعد تشوف في الحاحات هذه وحاط في بالك أنها عادية ومجرّد تمثيل وجو المؤامرة هذا مافيش منه

فسامحنا ياصديقي راك مُغفّل وأنت اللي جو النيّة هذا مافيش منه

والدليل هلبا حاجات كانت قبل سنوات غريبة ونقولوا ولو يرجع بينا الزمن نقولوا مستحيل هذا مافيش ونستغربوها

توا اهي أمر واقع وتم وجارِ تطبيعها وبدت عادي

الخوف كل الخوف عالصغار اللي حيشوفوا الحاجات هذه وتُزرع في عقولهم ويتبرمجوا على أن هذا الصح ويبدو يطبقوا فيه ويبدا عقيدة ليهم

ردوا بالكم من روحكم ومن صغاركم
هذا اسمه حرص وأمانة مش تقييد وحرمان.

21/11/2025

صديقة تحكي قصتها مع الدراسة والشغل وطالبة رأي، ولو أنتم في مكانها شن حديروا :

[ نبي نستشيركم في شيء
انا نشتغل من زمان بكل واشتغلت في حاجات واجد وكنت نقرأ ونخدم بس وقفت قراية سنة2017 عشان الظروف، والدي ووالدتي أنا معاهم في الحوش ونخدم فيهم والحمدلله إن شاء الله نكون أديت واجبي معاهم 🤲🏼

وليت للدراسة من فترة وكملت المواد ووصلنا في نقطة التخرج 🎓 حفل التخرج قريب، أهلي مايبونش نشارك في الحفلة عشان أنا كبيرة عمري 38 وبجد معاهم حق يعني منضري مش حلو مع شباب وبنات خريجين صغار 🥲

بس صاحبتي قالتلي إن هذي فرحة العمر أقل شي نمشي نستلم الدرع بس، مع إن خاطري نصور بالكاب 🥹

أنتم ومتابعيكم ناس واعية وعاقلة وديما نحب نتابع منشوراتكم وتفكيركم، فحبيت نعرف رأيكم وشن تشوروا عليا 💕

20/11/2025

وأنتم خاشين لقروبات وحسابات على صوابع رجليكم 👀

ردو بالكم من صوابع يديكم 👋🏼
لأنّ الضغطة مرتين عالصور بدت تعطي في تفاعل زي نظام الانستقرام ♥️

فكونا من الفلايط والفضايح 👍🏼

من جامعة النفسيّات نُحييكم لايف وصباح الخيرات 👋🏼ريتو الأجواء اليوم 🤩 ❄️ ماشية مع الجامعة 👀
20/11/2025

من جامعة النفسيّات
نُحييكم لايف وصباح الخيرات 👋🏼

ريتو الأجواء اليوم 🤩 ❄️
ماشية مع الجامعة 👀

Address

Tripoli

Website

Alerts

Be the first to know and let us send you an email when The Marketista - الماركيتيستا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category