09/06/2026
علاش 70% من المتاجر الإلكترونية في ليبيا تفشل من أول سنة؟ (القصة مش ديما تسويق!)
وأنت تقرأ في البوست هذا، جرب ما تلتفتش للإشعارات اللي تنزل ورا بعضها فوق في شاشة تليفونك: تعليق على منشورك الأخير، أو رسالة جديدة على الواتساب. فكّر معاي شوية في آخر مرة خشيت فيها لمتجر إلكتروني محلي تبي تشري لبسة،أو تطلب حاجة لبيتك.
تأمل قداش ساهل إنك تطلع من الموقع وتلغي الفكرة نهائياً لمجرد إن صور المنتجات خذت وقت كبير باش تفتح أو لأنك لما جيت بتدفع و تختار طريقة الدفع (كاش أو بالبطاقة/التطبيق) لقيت الخطوات معقدة وتبي مية ألف إجراء في اللحظة هاذي أنت ما فكرتش قداش البضاعة مليحة ولا قداش الإعلان اللي جابك كان قوي أنت طلعت لسبب واحد الموقع تقنياً تعّبك وكرهك انك تشري
هذي الحقيقة المرة اللي صايرة في سوقنا توا يجيك صاحب المشروع يصرف دم قلبه على الممول يحساب إن مجرد وصول الزبون لصفحته أو موقعه يعني خلاص ضمن انه حيبيع لكن في حاجة اسمها "حرب تجربة المستخدم" التفاصيل البرمجية الصغيرة هي اللي تخليك يا تبيع يا تسكر المتجر
1. ثواني معدودة تطيرلك الزبون (سرعة الموقع)
الزبون مش ديما حيكون عنده خلوق ، والنت مش ديما مساعده. لو كود موقعك ثقيل، وقواعد البيانات متداخلة، والسيرفر تعبان، الزبون حيسكر الصفحة قبل حتى ما يشوف بضاعتك.
2. فخ التليفونات (Mobile-First)
أغلبنا لما يفتح تليفونه نهاية الأسبوع يلقى روحه مقضي ساعات وساعات عليه، ومن التليفون هذا بالذات تجينا النية نشرو لو متجرك مش مهيأ ومريح بنسبة 100% لشاشات الموبايل، والأزرار داخلة بعضها، راهو 80% من زبائنك خسرتهم
3. دوامة خطوات الدفع (Checkout Friction)
توصل بالزبون لصفحة الدفع، وبدل ما تسهلها عليه تطلعله بقوائم طويلة وخيارات معقدة وتصعيب لربط المحافظ الإلكترونية والتطبيقات المصرفية (زي سداد، تداول، إدفع لي وغيرها)
الخلاصة
التسويق الذكي والممول يجيبولك الزبون لّعند باب المحل الرقمي متاعك، لكن البنية التحتية والبرمجة الصح هي اللي تخليه يفتح محفظته، يشري وهو مرتاح، ويرجعلك مرة ثانية.
ما تخليش تجارتك ومشروعك يضيعوا بسبب قالب جاهز وبطيء أو كود مخلبط.
🔗 زور موقعنا وتعرف علينا: 7Layer.ly
#برمجة #لي
