بيت التراث (شعر شعبي ليبي فقط)

29/11/2023

17/09/2023

كلمات الشاعر . محمد عبدالجليل التلماتي الورفلي
مابي مرض غير #درنة النكيبه... جوره غريبة... فواجع تصاريف علام غيبه.
مونتاج وإخراج . م. خليفة خمخم



#عمادرمضان

14/09/2023

لم ولن تكون ليبيا مقسمه ولن تكون الا ليبيا واحده موحدة
خالص التعازي والمواساة الي أهلنا وناسنا وخوتنا في الشرق
عزانا واحد ونقبلو العزاء فيكم لاننا منكم وفيكم
خالص الشكر والتقدير للشاعر نصيب السكوري

#عمادرمضان

24/06/2022

E

30/12/2021

جم اللِّيل يا ليلى ثقيـــل* قصير الدرج في كبد الســما
لا لي لوم يعجل بالرحيــل* ولا لـي لـوم تاتيني اخــرى
صايف فيك مرجاي الطـويل* صيفة جـذر ما طال الثـرى
شلت الصوت في ذيل الرحيـل* لك نـاديت ما جـاب النـدا
جيت نموج مكسور و ذليل* صوتي ضاع في ريح الخـــلا
من فرقاك ودّرت السبيـل* لك بردان كنتــي لي دفــا
لا عــد دل قافلتـي دلليـل * و لا عد شمس ضوّيت لي وطــا
و لا فـي ليل نوّر لي فتيل* و لا عد طير في وذني شــدا
سنين العمـر م الكرب الجليل* ما اسرع كيف ما طارن هبــا
جفّـن كيف يابسة القصيـل* منبهتات بهرجهن طفــــا
كاس الشوق خلاّني هزيـل* نشرب فيه فـي صبح ومسـا
قبلك كنت في النوم العسيل* كيف الطيـر سابح في الهــوا
نرقد وين ما يهجم اللِّيـل* عندي كل ما يجري ســوا
جيتك جـيّ راكبني جفيل* نلعب بين غيطـان العفــا
فجّرتيــه لحسـاس النبيـل* قبلك كان عايش فـي خفـا
فيك لقيت لاحلامي رسيـل* وردّيـات فـاح لهن شــذا
جيتي طيف في عمري دخيل* ماسح كل ما قبله جـــرا
منّيـتيه بالفيض الجزيـل* حلمــي نين في ظلك نمــا
و بين يديـك يا شبه الهميل* صاف صياف بلكل وانتهــى
جيتك مزن باشر بالنزيل* لاطشتيـه بارياحــاً اقسا
طاش انظرك و القيتي خليل* غيري وين في شطّك رســا
غرّك ظل يا ليلـى ظليـل* يامبهاه و معيشة رخـــا
و اللِّي كان عندك مو قليل* طوّحتيه تطّويــحة نـوا
سيّبتيه من غدرك قتيل * بين اللِّيل و اذيـاب الفــلا
يانا اليوم يانا اللِّيى عليـل* عنّي غـاب جيّاب الـدوا
مـايج كيف عالية النخيل* تصفق فـيّ لريـاح القــوا
وين نقـول نستعدل نميـل* نردح كيف ميزان العصـى
راح البين بالحلم الجميـل* قصوري فيه بنيّن ع الخيــا
ع الاطـلال في الدمعه نهيــل* ننادي وين و يرد الصـــدا
لاسمك وين نا نلقى مثيـل* حروفه فيّ نقشن في صفـــا
Emad Ramadhan

29/12/2021

دعوة عامة

Thursday, December 30 at 10:00pm EET with Emad Ramadan. بيت التراث الليبي هو كل ما يخص التراث الليبي من شعر شتاوات مجاريد غناوي العلم أمثال شعبية

21/06/2021

👨‍💻✍️E.m.R.m

27/12/2020

بازين عصري

قال الشاعر عبدالله علي :
كل شي رينا ما قعدشي حاجة ..
بازين اف محل معروض في ثلاجة
__________________

فرد عليه الشاعر عبدالباسط ف*ج :
بيت جميل ..
يحكي علي تبديل جيل ب جيل
واللي كان ع القصعة زمان ايخيل ..
من ايدين حرة ناشطة لوّاجة
اليوم فلبّارز والدهان ايسيل .
وهي حدّها تطلب صدور دجاجة
اللي صار فينا شي موش قليل ..
من يوم خش مُهند مع دبلاجه
تغيّر علينا الحال جانا سيل ..
وتكعّم الماجن صب ف الخرّاجة
وحطّن علينا احمول من بيشيل ..
اللي ايحل فمّه اتجيه في مجماجه
______________

شينك حالة ..
البازين خشّوا غيّروا موّاله
في بورزة محطوط هاهو اقبالة ..
ما اتقول م الشعير الحر كان انتاجه
ولا اتقول حاضر في زمان اعوالة ..
في فرح من صبحه ايثوب عجاجه
بازين توْ امطيباته هالة ..
وايجيك ع الموضة جميل اخراجه
وكانك تبي المزبوط ما ناباله .
تمزريط ب هالشكل فيه فجاجة
المشروب والرطب والتمر ماشي حاله .
وحتى اللبن من شكوته تحتاجه
ولكن املاس العيش فيه رزالة ..
امنين تجبده امصقّع من الثلاجة
_______________

وكان رد الدكتور عبدالسلام الحاج :

ما يوجعكش الخاطر ..
تمرميد و اللي امرمده مش شاطر .
بعد كان بدهانه يجي ايتقاطر ..
ابدي اليوم ما يسواش حتى حاجة ..
اخسارة تعيطير الشعير قناطر ..
و خسارة تعب هاللي شقو بانتاجه ..
و خسارة اللي في الصباح الباكر ..
اتفل رحاها و شي ما تحتاجه ..
و يا خوي راهي اعظامنا تساطر ..
من حطته البازين في الثلاجة .

وختمت المحاورة بقولي :

وقت امخالف
راح وقتها ام الخجل والسالف
وبازينها بدهان جي يدالف
وجبة الراجل .. مونته وعلاجه
بمسلان حولي بشعيره كالف
دواء الجوع بعد العين موش دجاجة
ضلوع وكرايم بوصفي حالف
فحل سمح كان كبير بين نعاجه
راحن نساوينه الوقت تخالف
اليوم بين النت والشكماجه
مكرشم معلب ونصف تالف
شكلايط و البشوط مالي ادراجه
نسوان دارن بالزمان تحالف
وني انقولك ما عاد تفهم حاجة
عليك وقت خالف والمخالف تالف
ضيق علينا لين فش اخراجه

✍ ..فتحي فتحي الاحمر