23/10/2025
معلومة عامة
فيه فن تطريز اسمه التطريز الفرنساوي او تطريز التامبور أو تطريز لونيفيل
هذا التطريز توا نشوفو فيه بالخرز و العدس و مخدومة علي تول و اورجانزا او الشيفون او اي قماش شفاف خفيف .
تعالوا نقوللكم أصل هذا التطريز
مجموعة من الحرفيين في فرنسا استقروا في مدينة لونيفيل في شمال شرق فرنسا ، و داروا ورش للتطريز على التول السداسي النسيج و كانوا يطرزوا بالابرة العادية بغرزة السلسلة و بخيوط قطنية و حريرية للحصول على تأثير الدانيل الغالي بطريقة غير مكلفة .
الصور اللي قدامكم نموذج للتطريز الاصلي .
بعدين فيه حد شاف الشغل لتطريز الزاردوز في آسيا و انهم يشتغلوا بإبرة خطاف ف قال نبدو نخدمو بيها في فرنسا ، و فعلا خدمو بيها و اصبحت الابرة الفرنسية ابرة التانبور ، التامبور للعلم معناها طبل بالفرنساوي و هو الاطار او القرقاف اللي يخدمو بيه .
بعدين فيه شخص قال نبي نخدم التطريز بالخرز و العدس ، و دخل هذه الخامات و غيرها للتطريز الفرنساوي
و استمر بالشكل اللي نشوفوا فيه ليومنا هذا .
يعني تطريز لونوفيل تطور و لم يكن بالشكل الذي نراه اليوم
شكله الأصلي تطريز بخيوط قطنية و حريرية على قماش التول السداسي الخانات بإبرة عادية بإستعمال غرزة السلسلة .
للعلم في ورشة تطريز لونوفيل اللي بنقدمها قريبا بعون الله ، بنخدمو رشمة بنفس الاسلوب القديم في الحصة الأولى ، بعدين بنخدمو رشمة بالأسلوب الجديد اللي نعرفوه .
للتسجيل كلميني على البريد الخاص للصفحة
الورشة حضور شخصي في تاحوراء ، طريق السبعين
