بيع وشراء في مدينة أكادير و انزكان وما جاورهما

25/03/2025

له فضل كبير حيث هو مزال كيتعامل بالمصداقية والمعقول يقضي ليك الغراض تدي لولادك ماياكلو تايحن الله بلا ضمانات وبلا مقابل ولا فوائد..وراه ماكاينش لي غيدير معاك هدشي.!
إلى تقديتي عندو وخا غير 20 درهم تايدير ليك كولشي فساشية لي هو أصلا شاريها من جييو . وإلى خصاتك عشرة دريال تيقول إلى مكايناش الله اسامح..!! وسير تقدا فالأسواق التجارية الكبرى وخا تدي عندهم 1000 درهم والله وماخلصتي صاك أو ساشية مايعقلوش عليك تاتخلص كولشي
كتبيع ليه الشركات المنتوجات (الماء .حليب...) وكايديرهم ف الثلاجة باش تجي نتا تلقاهم باردين... رابح معاك 6 دريال ومخلص فالضوء 10 لاف ريال...
تايدي فالبوطا غير شي باراكة أو أقل ويخرج عندك ويصاوبها ويوسخ إديه باش تكون على خاطرك وما يطلب منك ثمن الخدمة..
شحال من واحد كلا ليه رزقو وكتلقا الدفتر فيه الملايين... ومع ذلك باقي تايقضي الغرض وتايعتق الفقراء..
كاين لي تايخلي ليه السوارت حتا اجي من المدرسة حيت هو مصدر الثقة.
: تاجر حر وصبور يستحق كل التقدير
*كيوقفوا عليه صحاب الشركات (لحليب لبوطا لمونادا) مايعقلوش عليه إخلص فالبلاصة ! تجي نتا تاخد لي بغيتي ومول الحانوت إقيد فالكناش ومع ذالك ثايق فيك.. وصابر تا تخلص ليه رزقو يتعامل معاك بالكريدي بدون فوائد ولا مقابل...!
تحية لجميع لبقالا أين ما كانوا ✌✌❤❤
#منقول

10/10/2024

04/10/2024

مرة الأولى : كايتقدا او يخلص
المرة الثانية: كايتقدا او يخلص مع ضحيكة
المرة الثالتة : كايتقدا او يخلص كايولي مول لحانوت يهضر معاه لاباس بيخير
المرة الرابعة : شحال عندي 44dh .. هاك ها 35dh شحال بقات 9dh غدا ندوزها ليك ييه صافي ماشي مشكل..
المرة الخامسة : كايخلصك ديك 9dh لي بقات او يتقدا تاني كايخلص كلشي
المرة السادسة: واحد نص لترو حليب او شي فرماج او واحد لانشون هاني هابط دابا ..
المرة السابعة : كايخلصك داكشي لي بقا عندو ..
المرة الثامنة : عرفتي نلقاو الحل دير تما شي كارني او دير فيه سميتي "هاهو جاي ياكل رزقك "طبعا راه ماشي كلشي 👌
#منقول

02/10/2024

**💰 نصائح ذهبية للتجارة والبيع والشراء 💰**

1. **الثقة هي رأس المال ديالك**:
فالتجارة، الناس كيشريو من اللي كيثقو فيه. ديما كونو واضحين وصادقين فالتعاملات ديالكم، راه السمعة الزوينة هي اللي كتجيب الكليان 👌🤝.

2. **الزبون راه ملك**:
ديما خدم مصلحة الزبون، حتى إلا كان الطلب ديالو صعيب. كن مرن فالتعامل ودير ليه قيمة، راه رضى الزبون كيجيب زبائن جداد 💼👑.

3. **السعر راه ماشي كلشي**:
ماشي ضروري يكون أرخص سعر هو اللي كيربح. اللي مهم هو الجودة ديال السلعة وخدمة ما بعد البيع. دير السلعة اللي كتدير الفرق وتعطي للزبون تجربة مميزة 📈✨.

4. **التوقيت كيلعب دور كبير**:
عارف وقتاش تعرض السلعة ديالك. كاين أوقات كيكون فيها الطلب زايد، بحال المناسبات والأعياد، استغل هاد الفرص وزيد فالترويج ديالك ⏳🎯.

5. **التواصل المستمر مع الزبائن**:
بقى على تواصل مع الزبائن ديالك، سوا عن طريق الهاتف ولا فيسبوك، عطاهم أخبار على العروض والجديد، هادشي كيخليهم ديما مهتمين 👂📱.

6. **التفاوض فن ماشي حرب**:
التفاوض راه جزء من البيع والشراء، ولكن حاولو تخليوه بطريقة مريحة. ديما نقّص شوية فالربح باش ترضي الزبون، وخليه يرجع عندك مرة أخرى 💬🤝.

7. **المعاملة الطيبة كتعمر الجيب**:
ديما كون هاني فالتعامل مع الناس، وبكلمات زوينة وبسمة على الوجه، راه الزبون كيرتاح وكيرجع ليك ديما 💡😊.

هادو نصائح بسيطة ولكن فعالة، غادي يعاونوك فالتجارة ديالك باش تكبر وتربح الكليان وتبني سمعة زوينة فالسوق. 💼📊
بالتوفيق للجميع
#بارطاجي #بيع #البيع #الشراء #شراء #سوق #السوق

01/10/2024

بغيت نعاود ليكم واحد البلان وقع عا دابا أقسم بالله يلا بورشني .
مهم أنا خدام ليفرور مع واحد الشركة لا داعي لدكر إسمها.
نورمالمون كنسالي مع 10:30 جا قاليا الشاف .. كاينة واحد الكومونض فطريقك واش تديها معاك قلتلو شناهي قاليا واحد السيد باغي البنان و كيطلب و كيزاوݣ . قلت ليه مرحبا مشيت كانقلب بزز لقيت واحد فهاد الوقيتة و صلاااني نيييييييت فالثمن 2 كيلو ب 35 درهم ولكن بانان صراحة ماشي ديال هنا و مالقيتش غيرو . مهم فاش صونيت للسيد باش يقوليا فين ندوز ليه الكومونض ديالو .قاليا بشحال لقيتيه بعدا . بديت كنفكر حشمت نقوليه داك الثمن حيت كنشوف راسي أنا بزاف عليا بقا فيا و قلت حشومة تقدر تكون مرتو كاتوحم ولا شي حاجة و الثمن غالي عليه حسبو ليه قاصح . وانا نقوليه 25 درهم .
هديك 10 دراهم نحيدها من عندي . أصلا طريقي هديك نعتابرها غا مساعدة . ...
فاش وصلت للبلاصة لي غانتلاقة معاه فيها خدا البنان ... عطاني 100 درهم جيت نخشي يدي فالصاك نرد ليه الصرف قاليا غا بالصحة .. بالصدمة وقفتو بيدي قلت ليه واش سمعتيني شحال قلت ليك فتيليفون راه غي 25 درهم
قاليا واراه عارف الصرف خليه ليك
قلت ليه واش متأكد ... هو يبدا يضحك و زاد فحالو .
الخلاصة .. ديما دير نية و حاول ما أمكن دير الخير ربي مغاينساك
على نياتكم ترزقون ❤️❤️❤️

#منقول للعبرة
#صورة

01/10/2024

تخيل معايا هنا كاينة 142 درهم 💶

السكر 6 دراهم 🪙
الكونفيتير فريز : 16 درهم 🪙
الزبدة ليليا : كبيرة 14 درهم🪙
أتاي كمنجة : 14 درهم🪙
زيت الزيتون الحرة🫒 : 92 درهم🪙

أقسم بالله حتى المعيشة غالية في المغرب واخا تعياو ماتزوقو الواقع مر مع الأسف...
#منقول #المغرب #صورة

25/09/2024

بسم الله الرحمن الرحيم
قل هو الله أحد الـله الصمد لم يلد ولم يولد ولم يكن له كفوا أحد

25/09/2024

17/08/2024

>>> بعد فشله في أولمبياد باريس 2024
>>> بعد ممارسة الابتزاز للصحافة الوطنية النزيهة
>>> بعد قطع الإشهارات على المواقع الإخبارية النزيهة
>>> بعد بيع البيانات الشخصية للزبناء لشركات التبغ..

وبصفتي مواطن مغربي حر اساهم بكل طواعية في #حملة لإقالة ومحاسبة عبد السلام #أحيزون على تبذير الملايير من ميزانية الدولة مقابل 0️⃣ حصيلة...

✅️ اطلب من الجميع الانضمام الينا في هذه الحملة ✌️
انشر هذا على نطاق واسع

#أحيزون #المغرب #منقول

12/08/2024

فنادق تحتل مرابد السيارات بشوارع أكادير