HUSA Inside

HUSA Inside HUSA Inside, bringing glory to HUSA again ⚪🔴

{ ولا تهنوا ولا تحزنوا وأنتم الأعلون إن كنتم مؤمنين }

14/05/2026

لظروف طارئة ، سيتم تجميد نشاط الصفحة إلى إشعار آخر ✅⌛️⚪️🔴

🔥✅⚪️🔴 عندنا جوج نقاط غنوجهوهم بلا لغة خشب :اللولة هي للمرة الرابعة ، سي محند أهربا نتا ناطق خاص بالجمعية الرياضية يعني م...
14/05/2026

🔥✅⚪️🔴 عندنا جوج نقاط غنوجهوهم بلا لغة خشب :

اللولة هي للمرة الرابعة ، سي محند أهربا نتا ناطق خاص بالجمعية الرياضية يعني منصبك كيخول ليك تناقش مشاكل الفئات السنية ( لي اصلا كتعاني التهميش إعلاميا و تسويقيا و تا من ناحية الماتيريال ) يعني لا يحق لك تهضر فمسائل الفريق الأول و تهضر كمسؤول فيه … هذا ماشي اتهام بل رسالة واضحة كل واحد و التخصص ديالو .

الثانية ، رد على منشور إحدى الصفحات لي حاشا تكون تشجيعية ، قضية حجي لي طرحتوها فيها مغالطة كبيرة وهي كيفاش أن المحادثات لي قلتو كانت مع الشركة الرياضية ووافقو ولكن كيتسناو المكتب المسير يمشي باش يسنيو معاه ؟

اشمن منطق قانوني فهاد المعلومة ؟ المكتب المسير تشريعيا و تنفيذيا وخا كاع يبقا ( وحنا باغيين كلشي يمشي اصلا ) مغيكون عندو تا تأثير فقرارات الشركة الرياضية ! بمعنى آخر لو كانو بغاو يسنيو معاه كون سناو معاه من قبل ( مرة أخرى حنا ماشي مع وماشي ضد حجي و المشروع ديالو ومكنثيقو فتا واحد تقريبا ) .

ميساج لبحال هاد الصفحات ، متكونوش بوق الكوبي كولي ولا غا لي قالو ليكم تكتبو تكتبوها .

ولاد الباطرون فيهم جوج أنواع ، لول عاض فالمنصب و الثاني كيسرح بنادم بتغيير الواجهة كل عام بزيرو نتيجة ✅🔥⚪️🔴
13/05/2026

ولاد الباطرون فيهم جوج أنواع ، لول عاض فالمنصب و الثاني كيسرح بنادم بتغيير الواجهة كل عام بزيرو نتيجة ✅🔥⚪️🔴

🔥✅⚪️🔴 لا حشومة متنتاقدوش اللاعبين مساكن غيتقصحو نفسيا ، ايه و اشنو نديرو … قولو الحمرا لي خداها أوناجم بسبب " ظلم الحكم ...
07/05/2026

🔥✅⚪️🔴 لا حشومة متنتاقدوش اللاعبين مساكن غيتقصحو نفسيا ، ايه و اشنو نديرو … قولو الحمرا لي خداها أوناجم بسبب " ظلم الحكم " هي سبب النتيجة !!!

اشتاون من زمان ونتوما كتلحسو للاعبين و كتعطيوهم فالكادوات ( يامات رضا حكم ) و ديما كتكبرو ليهم البعرة ، و المشكل نتوما براسكم قلتو ils sont des salariés ، اذا نورمالمون خاصهم يلعبو على قد صالير لي كيشدو .

الوقت لي حنا كنتعصبو ، هما صاليرهم دايز و بخير ، المحنة و التبيديق لي ربيتو عليهم الجمهور مبقاش خدام ، و ملي كنتاقدو و كتقولو خطابنا " عدمي / سوداوي " حيت هذا هو الواقع من 23 عام .

و مرة اخرى كنعاودوها " القاصح حسن من كذاب " ، لا ادارة لا جمهور لا لاعبين لا منخرطين لا مستثمرين لا صحافة ( مع استثناء العامة من الجماهير و بعض المنابر الصحفية المحترمة ) و لا صفحات ، حيت اغلبيتهم كيسرحو بنادم بالساركازم و الطاليعة و التطبيل .

07/05/2026

ملي كتجيب لاعب غير محترف ففريق غير محترف مع ادارة غير محترفة و جمهور ضعيف هكا كتكون النتيجة التراكمية … المشكل لعاب خاتر و شابع القاب يعني خاص يكون طايب فالتعامل مع الخصم ولكن للأسف محيط الفريق يؤثر ✅⚪️🔴

🔥✅⚪️🔴 بالنسبة للناس لي كتقول ، كل الادعاءات ديالنا بوجود فساد عميق فهاد الكيان كذوب و بغض النظر على أننا قلنا مع الوقت ل...
05/05/2026

🔥✅⚪️🔴 بالنسبة للناس لي كتقول ، كل الادعاءات ديالنا بوجود فساد عميق فهاد الكيان كذوب و بغض النظر على أننا قلنا مع الوقت ليام غتبين ( و بغض النظر عن داكشي لي وقع داك العام من صراع السكاتير و هاد العام بسبب تجميد دون ويست و الفرح و حتى الا رجعو مغيتبدلش الواقع )

مرة اخرى كنقولها انا ولد هاد المجموعة و لي للأسف تا انا مشيت غالط ، هذا جزء صغير من التناقضات و الاكاذيب ، واش لي كيسرح بنادم و بلي كيباشي بالباش الرسمي في حين هو غا مقلد ( الباش الرسمي هو لي تباشا فالإنبعاث هنا و هو لي رجعو كيباشيو بيه منذ سنوات )

السؤال علاش بين 2017 و 2019 كنتو قليل فاش كتباشيو فأدرار بالباش الرسمي الحقيقي ( لي فالانبعاث ) و علاش كنتو درتو جوج بيشان حمرين ف 2017 وهو نفسو لي كنتو باشيتو بيه ضد يوسوفية برشيد فأول عام ليها فالبطولة ؟ واش ماشي الخلافات و الصراعات الداخلية هي لي خلاتكم توقعو فهادشي ؟ و واش ماشي تحكم زون على حساب زون اخرى ؟ و كيفاش تا رجعتو الصفحة الرسمية للسونطر د أكادير سنة 2021 من بعد ما كانت عند زون أخرى لي كنتو تاهمتوها بالفساد نيت !!! و كانو خرجو ناسها قالو نيت بلي نتوما لي فاسدين ؟ و كيفاش تا رجعتو القناة الرسمية من بعد ما كنتو ستاعملتو Media UI 2006 فألبوم Keep It Real ؟

للعلم هاد التصاور بجوج مكانوش ففترة الظرفية / المنع بل كانت رجعات الإلتراس بشكل عادي ، و لي كذب فحاجة بسيطة غيكذب فكثر ⏳⏳🔥✅

🔥✅⚪️🔴 سي عزيز أخنوش ، شتي هادشي ولا مشتيهش غيشوفوه دوك البيادق لاخرين ، على أي ، لي نطولوه نقصروه الحسنية ماشي حزب و ماش...
05/05/2026

🔥✅⚪️🔴 سي عزيز أخنوش ، شتي هادشي ولا مشتيهش غيشوفوه دوك البيادق لاخرين ، على أي ، لي نطولوه نقصروه الحسنية ماشي حزب و ماشي رقعة سياسية تدير فيها لي بغيتي غا حيت الواليد ديالك كان من المؤسسين …

دوزتي بينا انتخابات 2021 و قبلها و الى يومنا هذا كتعطي الفلوس بلا مراقبة و بلا محاسبة و حيت عارفين بنادم غيجي غيقول عزيز اخنوش الدور ديالو منحصر فالفلوس و التمويل ، لا ثم لا ، عزيز لا مكانش راضي عليك مغاديش تشد الرئاسة و بلا مندخلو فالتفاصيل ولكن من بين أبرز الأدلة هي حادثة رفع التمويل و حذف إشهار شركة أفريقيا سنة 2012/13 بسبب سخط المحتضن الرسمي على المكتب المديري فديك الوقت ، إضافة لأنه كان عراب المكتب و مجلس الإدارة التوافقي بين أمين الضور و الحبيب سيدينو .

من هادشي كولو و بعيدا على داك الخرطي د راه " كون ما هو كون طاحت الحسنية " ، الفلوس خاصها مراقبة و موراها خاصها محاسبة فعلية حقيقية ماشي " موجهة غضب لحظية " …. نفس المنخرطين سنوات هادي و نفس الوجوه فالتسيير و نفس الوجوه فمحيط الحسنية يعني اشنو القيمة المضافة ؟ هادو ورثو الحسنية و ولاو كيتحكمو فيها من لخر و تا دوك 95 واحد لي دخلتي تقريبا معندهم تا دور حاليا .

حاجة اخرى ، ما ستاثمرتي فالحسنية مزيان و نقيتيها وفق معايير و ظروف الاستثمار الفعلي ( بحال بن صالح و بوزوبع ) و نقيتي محيط الفريق و درتي حرب مفتوحة ضد هاد المسيرين د الشركة و الجمعية ، ضد إيمازيغن ، ضد المنخرطين ، ضد الصحافة الفاسدة ما نتا حليتي باب الإستثمار لشركات أخرى لأسباب معروفة .

من لخر ، الصبر طال و الهيكلة الاحترافية ميمكنش تدار اذا كنتي نتا اول واحد كتوقف ضدها سواء بشكل متعمد أو غير متعمد ، من لخر خاص محاسبة شاملة ( فعلية حقيقية ) لجميع رؤساء الحسنية و مختلف أعضاء المكاتب و مجالس الإدارة لي دازت من 2013 و كل مسيري التراس إيمازيغن " السابقين " و الحاليين ، حسابات مسيري سوبراس ريبلز أيضا و أيضا كل المنخرطين القدماء د حسنية أكادير ، بالتفصيل الممل و يتدار تحقيق و تدقيق صارم فحساباتهم المصرفية ، تمويل المشاريع الشخصية منين جا وواش قانوني ولا غير قانوني !!! العلاقات المشبوهة بين بعض الصحفيين ووكلاء اللاعبين و المدربين لي سناو فيهم شي وحدين فالحسنية ، العلاقات ايضا بين الادارات و بعض الاطراف الإعلامية .

كلشي خاصو المحاسبة من لخر و لي غيعتارض خايف ، و لي غيحاول يقلب على تبريرات لطرف معين باش ميكونش فالمحاسبة خايف ، و كيما كيقول المثل المغربي " مديرش متخافش " …. بمعنى ، ياك نتا عارف راسك نزيه اوا معندكش لاش تخاف من المحاسبة و ديك الهضرة د لا المحتضن الرسمي معارف والو غا كيوصلو ليه الخبر غالط كذوب .

المحتضن الرسمي عزيز أخنوش خاصو يتحمل مسؤولية تدخله فعدة فترات فالشأن الداخلي للفريق و خاصو يتحمل مسؤولية تسييس الفريق و خاص يا تحاسب الجميع بشكل قوي صارم يا تحاسب تا نتا و هذا ماشي تهديد ولكن نداء واضح حيت بنادم طلع ليه هادشي فراسو من لخر .

🔥✅⚪️🔴 المثل المغربي كيقول " القاصح حسن من كذاب " ، هادشي بالضبط لي كنطبقوه ، ربما الأغلبية مكيعجبهاش الخط التحريري د الص...
04/05/2026

🔥✅⚪️🔴 المثل المغربي كيقول " القاصح حسن من كذاب " ، هادشي بالضبط لي كنطبقوه ، ربما الأغلبية مكيعجبهاش الخط التحريري د الصفحة و الهضرة هنا ماشي على المرايقية و الخونة ولكن على العامة .

ربما بنادم كيبغي المعلومة و الاحترافية عوض سياسة التصعيد و الهجوم ، ربما بنادم تصدم واحد الوقت بالتغيير لي وقع من الإحترافية فالهوية البصرية ، ديزاينات ، الفيديوات و التحليل ، لأسلوب الهجوم المفتوح ضد أي طرف ماشي كيبان لينا ولكن متيقنين بلي راه فاسد .

الناس ماشي مطالبة تكون فصفنا فكل هجوم ولا تافق معانا و مكنتسناوش شي واحد يقبل بينا ولكن على الأقل موقعنا واضح وعندنا يا بيض يا كحل ، مكنبغيوش لازون گغيز ، ماشي بالضرورة تيقنا اليوم… ملي كنقولو الأيام غتجيب الأدلة على فساد الأطراف لي تجبدات فهذا هو عين المصداقية بحيت كنتحملو مسؤولية الإدعاءات ديالنا من A تال Z و بنادم لي داوي خاوي مغاديش يجازف بمسيرة ومصداقية ثمان سنوات كأشخاص و مصداقية سنتين فهاد الصفحة على شي حاجة ممضموناش و مغنكونوش متأكدين من حتمية سقوط الفاسدين … " شي حاجة لا مكانتش باينة مكتعنيش بلي مكيناش " ، و ملي كنقولو الكيان عوض أشخاص محددين تا هي عندها سبب وضحناه فتعاليق المنشورات السابقة .

ندوزو لنقطة الفرح و الاحتفال ، علاش مع سالا الماتش تيرينا فالمعني بالأمر ( لي بلوكانا ) و غيره من العامة لي فرحو بهاد الرباح ماشي حيت مبغيناش البيبليك يفرح ولا بغيناه يبقى عايش مغبون ، ولكن مبغيناكم تكونو مسروحين ، حنان ، دراوش ولا غالباكم العاطفة حيت هادشي باش ديما كيسرحوكم كل عام بديك الهضرة د :

" دعمو الفريق حاليا غي تا نصوفيو و نضمنو البقاء ولا نوصلو ل 33 نقطة ومنبعد نتحاسبو و لا غتشوفو فريق تنافسي "

بالله عليكم شحال من عام سمعتو هاد الجملة و مكنهضرش غا ف post-2019 period ولكن من 2007 ، صبر سمعتوها :

2010 - 2011 - 2012 - 2013 - 2014 - 2016 - 2019 - 2020 - 2021 - 2022 - 2023 - 2024 - 2025 - 2026

واش ربعطاش عام مكافياش باش تفهمو القالب ؟ واش هاد الألم مكافيكمش ؟ واش هاد المعاناة ممقنعاكمش ؟ كاع الاطراف خاصهم شراسة سوية و محاسبة كاملة و دقيقة على الفلوس فين كتمشي ، على المشروع الرياضي ، على الصفقات ، على التسويق ، على الأداء ، على التعيينات ، على عدم مراقبة مسار التمويل ، على التناقضات فالسرديات !!!!!!

واش بغيتو تكونو ديما لي جا كيدي الفلوس على ظهركم و على ظهر الفرقة ولا ديما صداعات ونتوما لي جا كيعفط عليكم و كيمسح صباطو فيكم ، جمهور درويش و حنين اوا راه نورمال يلعبو عليكم ماشي غا العشرة ولكن يطحنوكم بالكذوب و النفاق وراه وصلو ليها اصلا .

واش هادي سنوات نفس الدوامة كتعاود :

" وعود > مشروع وهمي > مدرب جديد > لاعبين جدد > حماس و تشجييع وهمي > خلافات داخلية > فتنة و تصفية حسابات عبر الاعلام > وقفات احتجاجية > تغيير ظاهري > وعود "

نفس الدوامة كتعاود و باقي مفهمتوش القالب ، باقي مبانتليكم بلي المشكل ممحصوش عند هاد الفاشلين فمجلس الادارة و المكتب ؟ و ماشي غا فالمنخرطين ولكن فمنظومة كاملة ، واش شتو الفرق بين بوزوبع و القجع و بن صالح و عزيز أخنوش ؟ واش شتو الفرق بين الفاطال تايغرز و ايمازيغن ؟ واش شتو الفرق بين منخرطي بركان ، الماص ، الرجاء ، الوداد و منخرطي الحسنية ؟ واش شتو الفرق بين اعلام الماص ، الجيش ، الوداد ، الرجاء ، بركان و الحسنية ؟

فيقو بالخاطر قبل متفيقو بالصدمة ⚠️🚨

اجي بعدا ، واش كاين شي قرش كيغرق 🦈😉😂✅واش باقي معييتيش من السريح ؟ هكا درتي مع رضا حكم ، مع أمير عبدو ، مع الشبيل ، مع ال...
04/05/2026

اجي بعدا ، واش كاين شي قرش كيغرق 🦈😉😂✅

واش باقي معييتيش من السريح ؟ هكا درتي مع رضا حكم ، مع أمير عبدو ، مع الشبيل ، مع السكتيوي … و اشنو تبدل الوضع ؟ و الهضرة ماشي غا عليك …

04/05/2026

✅🔥⚪️🔴 راه غا ماتش و دايز بلا كثرة التطبال ، بحال هكا فرحتو ضد السوالم ف 2022 و ضد بني ملال ف 2025 و قبلها ف 2024 و 2021 و 2020 و قبل 2017 ، ميسرحكمش تاني بنادم و المرايقية .

Address

Agadir

Website

Alerts

Be the first to know and let us send you an email when HUSA Inside posts news and promotions. Your email address will not be used for any other purpose, and you can unsubscribe at any time.

Contact The Business

Send a message to HUSA Inside:

Shortcuts

Share