أبو عثمان

أبو عثمان ✅ إشهار لمنتج أو خدمة في فيديو كوميدي
✅ منشور تعريفي لمشروعكم
✅ حملات ترويج قصيرة أو طويلة
✅ تعاونات مستمرة مع عروض خاصة
(3)

13/01/2026

🇲🇦🇲🇦🇲🇦🇲🇦🤍🤍🇩🇿🇩🇿

🇩🇿🇩🇿
🫂🫂🫂🫂

#منقولخوتي راجلي قبل مانتزوج بيه كان خاطب بنت خالتو و شد عليها شي حاجة و صافي فسخ معاها الخطبة من بعد عاد تعارفنا و تزو...
13/01/2026

#منقول
خوتي راجلي قبل مانتزوج بيه كان خاطب بنت خالتو و شد عليها شي حاجة و صافي فسخ معاها الخطبة من بعد عاد تعارفنا و تزوجنا عن حب
اليوم صباح صونات ليا عكوزتي قالت لي عشية انا جاية نشرب اتاي مهم نضت انا شمرت على دراعي صايبت طبلة هماوية تحمر لوجه المهم دقات الباب مشيت نحل تا نتفاجئ بيها جايبة ختها و بنت ختها معاها لي كان خاطب راجلي زعما ،دوزتها بجغيمة د الماء مزيان كنت موجدة طبلة زوينة
اذن العصر قالت لي عكوزتي بغات تصلي مشات ل بيت ضياف زعما تبعاتها خالت راجلي فإذا بهم مامشاوش ل بيت ضيافة و انما دخلو ليا لبيتي حيت لاصقين لبيوت نضت تا انا نتوضا تا دزت من حدا البيت مالقيتهم كايصليو دخل بزربة لبيتي لقيتهم حالين الماريو ديالي و عكوزتي كاترش شي حاجة فوق الناموسية ايوا أنا تصدمت وقفات ليا الهضرة و ركابيا فشلو عليا حيحت عليهم مزيان و غوت وجات بنت خالتو تجري من صالون شداتني من شعري و طيحاتني الارض و ضرباتني لكرشي و انا حاملة دابا 4 شهور درت راسي غيبت و هوما يتخلعو غير حسيت بيهم تفافاو نضت كنجري حليت الباب و جريت عليهم قلت لهم الا ماخرجتوش غانجمع عليكم جيران صافي تمو خارجين و موو قالت ليا الا ماطلقتكمش انا ماشي فلانة (سميتها زعما ) خرجو كايتجاراو
انا كلست بينما دازني لوجع سيري نتي صوني ليه و قوليليه مراتك جرات علينا حيت جبت معايا ختي و بنت ختي و عمراتو عليا مزيان
جا كايجري للدار السيد عينيه حمرين لقاني كانبكي و هو الصراحة عمرو غوت عليا ولا ضربني بالعكس كايبغيني بزاف
فاش لقاني ماهزيتش طبلة و وجهي صفر بحال الا تهدن وقالي بشويا علاش جريت على مي و خالتي و عاودت ليه داك شي لي طرا كلو ، ناض صونا ليهم و كذبوني و مو دارت راسها كاتبكي و هو يقطع، انا درت راسي بلاصتو صعيبة انك ماتيقش ف ماماك بالاخص الا كانت كاتبكي ، المهم باش نحايد ليه الشك قررت نعتارف ليه ب شي حاجة لي مكانتش فخبارو هي انني دايرة كاميرة ف دار حيت فاش كنا كنسافرو على قبل ديبلاسمو (هو كوميسير ) كان يخلي ساروت ديال دار لمو و انا من بكري مكنتيقش فيها واخا كنسد الباب ديال بيتي، زاد عليا الحال و داني لكلينيك و رجعنا دابا شويا و شاف الفيديو ديال داك شي لي طرا و تكشكش مزيااان صونا لمو قالها واش خالتي و بنتها باقيين تما يعني عندها ف دار قالتلو اه قطع عليها و قالي والله تا نقتلها
صونيت ماجاوبنيش خفت يدير شي فضيحة😭

مرت خويا ساكنة فطبقة بوحدها وهي خدامة وكاترمي لينا ولدها عندو عماين ودبا زادت ولدات تاني وناوية تجيب البيبي حتا هو نقاب...
13/01/2026

مرت خويا ساكنة فطبقة بوحدها وهي خدامة وكاترمي لينا ولدها عندو عماين ودبا زادت ولدات تاني وناوية تجيب البيبي حتا هو نقابلوه ليها . وأختي كانت ساكنة فمدينة تانية وهاد العام جاها الإنتقال عندنا هنا فين كاينين وحتا هي خدامة وناوية تخلي ولادها بجوج(3 سنين وعام ونص) عندنا.
وماما ماعندهاش مشكل المهم عندها يبقاو على خاطرهم وهي أصلاً مكاتقابلهمش وأنا اللي من 6 ديال صباح وانا هازة دار بكولشي واليوم جمعتهم كاملين وقلت لهم كل والد غادي نقبلو تعطيو فيه 300 درهم فشهر ولا شفو فين تحطوهوم ناضو كلهم قالو ليا هادي دار جدهم الي ماعجبو حال يضرب راسو مع الحيط قلتلهم صافي حتى دبا خليو لحيوط ديال دار جدهم يقابلوهم انا اصلا غادي نوض نخدم على راسي ولا نخرج ندور ونتساره مع راسي ونفوج ماشي غادي ندوز حياتي خدامة مع ولادكم مقابلاهم ودبا كلهم مخاصميني وقلبو وجهم عليا وحتا ماما الا بابا هو الوحيد الي وقف معايا وعطاني الحق وقاليهم بنتي ماخدامة عند حد واش انا غلط جاوبو بصراحة ؟

عرس خويا مور رمضان تزوج بواحد خيتي كبيرة عليه فايتاه ب4 سنين والله ماراني فرحانة بقى فيا خويا مسكين مغايعيش حياتو فحال ...
13/01/2026

عرس خويا مور رمضان تزوج بواحد خيتي كبيرة عليه فايتاه ب4 سنين والله ماراني فرحانة بقى فيا خويا مسكين مغايعيش حياتو فحال كاع لعزارة خداو بنات صغر منهم ،ماكرهتش يتراجع قبل مايفوت لفوت ولكن ماعرفتش كيفاش نقنعو 😔

13/01/2026

#قصص وحكايات #كل يوم قصة #ريلز #فيسبوك

يله الحدكات بانو ايلا عطيتك هد 100 درهم او قلت ليك وجدي الغدا الضياف راه جين عندك شنو عتوجدي ليهوم بيها 🤔 غير الحدكات ل...
13/01/2026

يله الحدكات بانو ايلا عطيتك هد 100 درهم او قلت ليك وجدي الغدا الضياف راه جين عندك شنو عتوجدي ليهوم بيها 🤔 غير الحدكات لي عيخرجو راسهوم ..

لوستي كبيرة عليا فالسن ساكنين مره شوفو شنو دارت مشكيل بسيط بزاف كنت غادي نعجن وحطيت الما يسخنو على البوطة وملي ولدي بدا ...
13/01/2026

لوستي كبيرة عليا فالسن ساكنين مره شوفو شنو دارت مشكيل بسيط بزاف كنت غادي نعجن وحطيت الما يسخنو على البوطة وملي ولدي بدا يبكي مشيت نرضعو فاش نضت لكوزينة هي يالله داخلة من الحانوت هزات مقراج أداتني بيه ليدي قالت ليا واش هدا مسخونش لي مخلياه كايغلي فوق لبوطة كضيعي بوطة انا غير نسيتو حينت ولدي كان كيبكي شنو ندير معاها راجلي مكاينش معانا راهو على برا الله يعمرها دار قال صبري ماعرفتش شنو ندير واش نمشي دارنا

ليوم مشيت لدارنا على غفلة لقيتهم حتى حاجة ماعندهم تلاجة خاوية كتصفر فيها لقرعة دلما ومحمصة طايبه تخيليو واحد عمي مزوج سا...
13/01/2026

ليوم مشيت لدارنا على غفلة لقيتهم حتى حاجة ماعندهم تلاجة خاوية كتصفر فيها لقرعة دلما ومحمصة طايبه تخيليو واحد عمي مزوج ساكن تحت منهم كايسخر من كل خير وخويا صغير كايبقى غير كايشوف كاتعرفو بنادم صغير ماشي فحال لي كبير كايصبر وانا كانت معايا غير 100 درهم اوا خرجت مشيت بعت خاتم ديال زواج لعادية اقسم بالله العضيم جبتها كامله مصروف لخوتي دجاج لحم لقطاني عجائن زيت لخضرة دسير من كل خير وشحال فرحو 🥹ماما شحال فرحانة بقات غير كتدعيلي تهلاو في والديكم المشكل دبا كانخاف راجلي يرد لبال لخاتم ،واش نقوليه طاحليا ولا توضر ماعرفتش 😥

13/01/2026

#قصص وحكايات #رسائلكم #ريلز #إكسبلور

12/01/2026

#قصة متابعة
#حكايات #ريلز #فيسبوك

راجلي جاب ليا هدا بنين بزااااف 🥰🥰🥰 اول مرة نشوفو معرفتوش اشناهو حشمت نقوليه معرفتوش يضحك عليا حيت هو ميسور الى عرفتوه قو...
12/01/2026

راجلي جاب ليا هدا بنين بزااااف 🥰🥰🥰 اول مرة نشوفو معرفتوش اشناهو حشمت نقوليه معرفتوش يضحك عليا حيت هو ميسور الى عرفتوه قولوها ليا باش نقوليه يجيب ليا تاني منو

القصة ديالنا وقعات فمدينة فاس سنة 2013، وكتهم واحد العائلة معروفة وميسورة الحال.الأب سميتو عبد الله، كان كزّار وعندو بزا...
12/01/2026

القصة ديالنا وقعات فمدينة فاس سنة 2013، وكتهم واحد العائلة معروفة وميسورة الحال.
الأب سميتو عبد الله، كان كزّار وعندو بزاف ديال المحلات، يعني مادياً كان عايش مزيان.
الأم سميتها صالحة، امرأة بسيطة ومطيعة، وربات دار.
وعندهم جوج بنات توأم: حسنة وإيمان، كانوا كيحيرو اللي يشوفهم من شدة الشبه بيناتهم.

المشكل الكبير فهاد العائلة ما كانش فالفلوس، ولكن فالأب.
عبد الله كان مبلي بالشراب بشكل خطير، كان كيخرج وكيغيب حتى لـ2 ولا 3 ديال الصباح، وشي مرات ما كيدخل حتى مع الفجر. صالحة كانت مولفة بهد الحال، وكتسكت حفاظاً على الدار والبنات.

فالأول، حسنة وإيمان كانوا متفوقات فقرايتهم، خداو الباك ودخلو للجامعة، ولكن من تما تبدلات حياتهم.
بداو السهر، الخروج، والتأخر فالليل. مع 8 ولا 9 د الليل يلبسو ويمشيو، وما كيرجعوش حتى لـ2 ولا 3، وشي مرات حتى مع 7 د الصباح.
ملي كتسولهم أمهم، كان الجواب ديما واحد:

“راه حنا مع صاحبتنا إيمان” (واحدة أخرى).

الأب عبد الله ما كانش كيهتم، حيث غالباً كيكون هو حتى سكران وما داخل حتى متأخر، وما عارفش واش البنات فالدار ولا لا.

حتى جا واحد النهار مختلف…
عبد الله دخل للدار بكري شوية، مع 12 د الليل، وكان فوعيه.
سول مراتو:

“صالحة، فين مشاو حسنة وإيمان؟”
جاوباتو:
“خرجو مع 9 د الليل ومازال ما رجعو”.

هنا شعل العافية فالدار. عبد الله بدا كيغوت ويعيّط، وكيعاتب مراتو والخدامة علاش خلاو البنات يخرجو فديك الوقيتة.
صالحة حتى هي ما بقاتش ساكتة، وقالت ليه بحرقة:

“أنت حتى اليوم عاد تفكرتي بناتك؟ فين كنتي شحال هادي وانت سكران وكتدخل غير مع نص الليل؟!”

من بعد هاد الشجار، خرج عبد الله بوجهه، ركب فالموطور ومشى يقلب عليهم.
مشاو لدار صاحبتهم “إيمان”، ولكن العساس قال ليهم بلي البنت مريضة وهادي يومين ما خرجاتش من الدار.
حتى هي خرجات للبلكون وأكدات ليهم بلي ما شافتش حسنة وإيمان نهائياً.

هنا بدا الخوف الحقيقي.
عبد الله عيط لبناتو… التليفونات بجوج طافيين.
رجع هو ومراتو للدار، وبقاو كيتسناو حتى الصباح، ومع 8 د مشاو ديرو بلاغ عند البوليس باختفاء بناتهم.

ما دازت حتى 30 ساعة…
حتى توصلات الشرطة بإخبارية صادمة:
لقاو جثة ديال بنت شابة وسط واحد الطوموبيل فواحد التجزئة خاوية.

ملي وصلو لعين المكان، لقاو بنت، وجهها مشوّه، آثار الدم والطعنات باينة على عنقها وحوايجها.
ولكن الصدمة الأكبر كانت ملي فتحو “الكوفر”…
لقاو جثة بنت أخرى، حتى هي مطعونة ومشوّهة!

البنات كانوا كيتشابهو بزاف…
ومن بعد المعاينة، تأكدات الشرطة أن الجثتين كيرجعو لـحسنة وإيمان، بنات الكزّار عبد الله.

الشرطة العلمية كشفت بلي البنات تعرّضو للتعذيب قبل القتل، ووجوههم تشوّهات بآلة حادة.
الوثائق ديالهم وحتى ديال الطوموبيل كانت معاهم، وهاد الشي أكد أن الجريمة وقعات فبلاصة أخرى، ومن بعد جابو الجثث ورماوهم فداك المكان.

المدينة كاملة دخلات فالذهول…
شكون اللي قتل حسنة وإيمان بهاد الوحشية؟
وعلاش؟
واش القضية عندها علاقة بحياتهم الليلية؟
ولا تصفية حسابات؟
ولا سرّ أخطر مخبي فالظلام؟

الحقيقة… كانت أقسى مما كيتصوّر أي واحد.
(إلى بغيتي الجزء الثاني، خلّي “تم” أو ❤️

#عبرة #قصصواقعية #تحقيقات #جريمة #المغرب #غموض

Address

تارجيست
Casablanca
20000

Website

Alerts

Be the first to know and let us send you an email when أبو عثمان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category