30/11/2025
أحسن حاجة قريت فهاد الفيسبوك 🤲❤️🇲🇦
بما انكم جبدتو موضوع الكيران والتعامل ديال الكريسونات والشوافرية انا غنعاود لكم قصة غتبدل لكم الرأي ديالكم فيهم.
انا اخويا كنت كنمشي فالكار بزاف تقريبا شي 4 المرات فالسيمانة باش نتعالج فمدينة الدار البيضاء ونرجع لدار فليل.
واحد لمرة مشيت الكازا وفاش بغيت نرجع مبقاش ليا الفلوس كنت عوالة رآه هازة لفلوس بزايد لكن جبتهم ناقصين.
بقيت كنشوف اش ندير اش ندير وليل بدأ كيطيح وضلام وانا بنت راكم عارفين الاحساس كيف غيكون.
حدرت راسي وقصدت شيفور والكريسون ديال الكار لي كنمشي فيه ديما
سلام عليكم السلام
قلت لو : خويا انا جيت معاكم صباح هاهي الورقة وديما كنجي معاكم ولكن دبا مبقاش لي فلوس عفاك الا ممكن تديني حتا نوصل ونخلصك اخويا
بكل صراحة وبلا منكدب عليكم من خلال النظرة لي شفت فيه والملامح ديال وجهو قلت باينة غادي يرفض حيت مكيبانش ضريف داك شيفور
قالي : رآه كنشوفك ديما كتجي معنا عاقل عليك صافي غنديك ولكن بغيت نسولك؟
قلت لو مرحبا!!!
قالي علاش كتجي ديما اش عندك هنا ف كازا
قلت لو الصارحة : كنجي ندير دياليز حيت معندنااش فمدينتنا لله يسترك ويخلي ليك صحيحتك
بقا كيشوف فيا مسكين وقالي أجي اختي نقولك.
"تقليد عليك ديما اجي ركبي معانا مرحبا بك متخلصي تا ريال وصلي وطلعي وريحي مرحبا بك ديما بلا خلاص بلا والو، وقالي وخا تشوفي الكيران متركبيش حتا يجي الكار ديالنا مرحبا بك والله يشفيك اختي"
بقيت كنقول ليه لالالالا
مسكين قالي تقليد عليك انا قلدتك وعطيتك كلمة 😭
كان داك الشيفور قد كلمتو مسكين لحد الان باقي كيديني معاه فابور وفاش كيطلع كيجي يضحك معايا ويهضر معايا ويكبر بيا رغم أنه كيكون معصب غير ميحسسنيش اني متقلة عليه 😭
شفت منشور ديالكم وبغيت نشارك معاكم قصتي عافاك نشرها بغيت اي واحد شاف هاد المنشور يدعي معاه حيت دار فيا خير كبير عمري نساه حيد عليا واحد الحمل كبير وواحد الميزانية كبيرة عافاكم بقاو تعاونو مع المحتاج حيت غديرو خير كبير
والله تا كنقرا وكندمع دبا عافاكم وصلو هادشي لأي مغربي بغيت اي واحد ينشر الإيجابية ويدعى مع هاد سيد عافاكم رحمو بعضكم البعض رآه حنا خووووووووت
❤️❤️❤️🇲🇦❤️🇲🇦🇲🇦🇲🇦🇲🇦❤️❤️
