SABER CHAWNI

01/08/2026

شعب مع شعب

31/07/2026

30/07/2026

السلام عليكم،
بحكم أنني ولد الشمال، وولد بني أحمد بالضبط، بغيت نهضر معاكم من القلب. ما كنظنش كاين شي جبلي ولا شي ولد الشمال ما كيفكرش شي مرة يمشي للغربة، سواء بطريقة قانونية ولا غير قانونية. وبحكم أنني كبرت وعايش فالشمال، ديما كنشوف هاد الواقع قدام عيني.
أنا وراسي، واحد النهار كنت كنفكر فالحريق، ماشي مرة ماشي جوج حاولت ولكن ما قدرتش! يمكن كان كيجيني الخوف، يمكن ما كانش مكتوب عليا نمشي بديك الطريقة. ومن بعد رزقني الله ودفعت لفيزا ديالي ومشيت، ودورت وشفت شنو كاين تما. وأنا عمرني ما كنشجع على الهجرة السرية ولا غنشجع عليها.
أنا هنا ماشي باش نكسب التعاطف ديالكم.. أنا هنا باش نشرح لكم باللي أنا واحد بحالي بحالكم، ما خلقتش با وزير ولا خلقني الله فشي بلاصة بالذهب، خلقت فبلاصة كيقطع فيها الضو ربع أيام! وهادشي اللي كيوقع دابا حتى أنا كيحرقني وحتى أنا كيبقى فيا الحال، لأن الأغلبية ديال الناس اللي مشاو، كنت فواحد الوقت فنفس الظروف ديالهم تماماً.
تقاتلت كثر من سبع سنين وأنا كنجري، ما خليت بني، ما خليت زليج، ما خليت جبص، خدمت كاع الخدامي اللي يطيحو لك فبالك غير باش نعتق راسي. والقصة ديالي ماشي حياة وردية، باقي فيها تمارة، ولكن حسن من ديك الحياة اللي كانت كاملة قسوة وماشي كلشي يقدر يعيشها ويصبر ليها.
وفهاد الأسبوع مشاو كثر من 1000 شاب بالهجرة السرية لسبتة! هادشي كيطرح سؤال كبير: واش هاد الألف كاملين قاصرين؟ واش كلهم ما عندهمش العقل ولا غير مسؤولين؟ لا طبعاً.. هاد الناس ما لقاو حتى فرصة هنا، ومشاو يقلبو عليها فجهة أخرى. الطريقة واش مزيانة ولا ما مزياناش، هما بوحدهم اللي عارفين ظروفهم، ولكن هاد الناس خص اللي يسمع ليهم ويهتم بيهم.
وكنحلف لكم بالله إلا النصف د الناس اللي كنعرفهم مشاو! من بني أحمد بوحدها مشاو كثر من سبعة د الدراري.. وهادو هما التصاور ديالهم. وحتى "الرميلي" الشاب من طنجة اللي كنت ديما نتلاقى معاه فـ"مراقبة" وكنعرفو مزيان، حتى هو لقيتو مشى فالهجرة السرية!
عاونوا هاد الناس، عاونوا هاد الشباب، واتقوا الله فأنفسكم واتقوا الله فالشباب المغربي! راه الناس ماشي غير فبني أحمد، الناس راه فالغرب كامل كيعانيو، إلا ضربتي دورة فالشاون، فباب برد، وفكاع الجبال والمدن، تلقى بنادم فقد الأمل.
ما يمكنش المغرب يمشي بسرعتين: ما يمكنش نكونوا حنا السادسين عالمياً فالكرة، وحنا الـ120 ولا الـ130 فالتعليم وفالخدمة! خصنا نكونوا السادسين فكلشي باش شبابنا يلقى فين يعيش بكرامتو.
الله يسهل على أي واحد، وردوا البال لروسكم❤️

29/07/2026

أسرار أشهر شاطئ في العالم كل ما خاصك تعرف على شاطئ وايكيكي في هانولولو 🌺🌊

29/07/2026

كيفاش جاتني هاواي؟ 🌺 ها شحال خلصت في الفندق ورأيي بكل صراحة! 💸

28/07/2026

الإخوان السلام عليكم! بغيت نسولكم ونعرف رأيكم فواحد القضية.. كنصور لكم دابا من الشمال، ولاحظت واحد الحجة: واش الشمال هاد العام خاوي ومبرد، ولا غير كايتهيأ ليا؟
عافاكم قولوا ليا كيدايرا الأجواء فالمدن اللي نتوما فيها دابا؟ واش عامرين ولا حتى نتوما كيبان لكم باقي خاوي لحد الآن؟ شاركوني الرأي ديالكم

28/07/2026

الصدمة في هاواي! دخلت لأفخم فندق وزرت أشهر مول.. أشنو وقع؟ 😱🌴

27/07/2026

أغنى بحر في العالم؟ نزلت الغواصة في هاواي وشفت العجب

26/07/2026

100 يوم في أمريكا دازت بحال شي حلم جميل وما كرهتش ما نفيقش منه.. ولكن دابا العودة للواقع ولبلادنا الغالية باش نديروا حوايج زوينين بزاف ونوجدوا للشيء الكبير! 🇲🇦✨
> رحلة أسطورية تسالات بـ 450 مليون مشاهدة بفضل الله ودعمكم الخرافي اللي ديما كيزيدني طاقة. شكراً من القلب لأي واحد كان جزء من هذه المغامرة. ❤️
> التحدي الجاي غيكون أكبر وأقوى.. رحلة العام الجاي هدفها المليار مشاهدة بإذن الله! 🔥
القادم أجمل بكثير! ❤️

25/07/2026

📌 توضيح🙏