اسيف_المال assif_elmal

19/09/2025

واش مكاينش لي يوقف هاد البراهش عند حدهم واش أعباد الله البنات ولات كيخافو إمشيو للمؤسسة ديالهم واش هاد البراهش مراض أولا مالهم ... نصيحة لأي بنت كيتعرضو ليها هاد البراهش ماتسكتيش قوليها للوالد ديالك قوليها للمدير د المؤسسة قوليها لشي أستاذ لي كايبان ليك فيه الخير المهم ماتسكتيش راه السكات ديالكم هو لي ضسرهوم

08/09/2025

مرت سنتان على زلزال الحوز، وسنتان كافيتان لأي دولة أن تعيد بناء مدن، لا فقط بيوت. ومع ذلك، ما زال عدد كبير من المتضررين يعيشون في الخيام، في ظروف لا تليق بكرامة الإنسان، خصوصًا مع أول قطرة مطر، حيث تتحول الخيام إلى مستنقعات من البؤس والصبر المكسور.

لسنا هنا لنجلد أحدًا ولا لنعزف على أوتار الألم لكننا نسأل بكل هدوء ووضوح:
أين وصلت الوعود؟ وأين ذهبت الميزانيات؟ وأين اختفت الشعارات التي ملأت الإعلام في الأيام الأولى؟

الناس في شيشاوة والحوز وتارودانت لا يحتاجون إلى خطابات، بل إلى سقف يقيهم من البرد، ومدرسة لأطفالهم، وحياة يشعرون فيها بأنهم ما زالوا ينتمون لوطن يرعاهم لا ينسى وجودهم بعد انتهاء الكاميرات ...

هذا نداء صادق، هادئ، لكنه موجع موجه لكل مسؤول يرى ويسمع:
من حق المتضررين أن يعيشوا بكرامة ومن واجب الدولة أن توفّر ذلك دون تأخير ولا أعذار ..

27/08/2025

اش هاد المهزلة أ عباد الله .. جماعة أداسيل طلبنا ليهم 10 عقود الإزدياد ديال واحد السيدة توفات قالو لينا غانعطيوكم غير 5 باش ديبانيو حيت البيسي خاسر او الوراق مكاينينش .. غاديبانيني واش أنا كنطلبك ؟؟ واش أ عباد الله بغيتو تحمقونا اش هاد البلاد اش هاد الزمر واش حتى عقود الازدياد نوحلو فيهم تفُا على التسيير لي عندكم تفا على خدمتكم إلى كانت كلها هاكا حادكين غير ف المهرجانات أو تريكت الشيخات
حسبنا الله ونعم الوكيل في كل مسؤول مكايديرش خدمتو

20/08/2025

17/08/2025

مهرجان إمينتانوت
سير نتا دافع عليهم اوغوت اوعرض نفسك للمساءلة لا خاصنا السبيطار لا خاصينا طرقان لا الشباب مخدامينش 😥
خويا، أختي...
واش عمرك سولتي راسك علاش كنمشي نضيع وقتي وبعض المرات فلوسي فمهرجانات كلها موسيقى صاخبة، اختلاط، وتبرّج، وشيخات ...
واش بصّح كتخرج من تما وانت مرتاح؟ فرحان؟ ولا كتحس بشي فراغ داخلي، وبالذنب؟
راك تقدر تضحك وتغوّت وتتصوّر، ولكن قلبك من داخل باقي خاوي باقي كتحس بالفراغ
راه ديك "المتعة" لي كتشوفها اداك الغوات كدام اودادن والشطيح والفرحة راها متعة زائفة… كتدوم ساعات، ولكن كتخلّي وراها أذى كبير
كتولي تحس بالندم، بالضياع، بالوحدة، وحتى الاكتئاب والمشكلة ماكتفمش منين جاك داكشي ، حيت كتغذّي الجسم ديالك بالصوت والضوء، ولكن كتجوع الروح.

الشيطان زوّق لينا الحرام وسمّاه "حرية" "نشاط"و"ترفيه"، ولكن راه الهدف ديالو واضح:
"يبعدنا على طريق الله ، ويفرّغ قلوبنا من النور والمعنى."

ماشي عيب تفرح، ولكن الفرح الحقيقي كيجي من الطاعة، من الصحبة النقية، من راحة الضمير، من الضحك لي ما فيه لا ذنب لا خجل واش ضروري الحرام
أنا بغيت ليك غير الخير بغيتك تكون مرتاح مع راسك ، مع سيدي ربي أوماطيحش فالفخ ديال متعة لحظية وراها حسرة و حزن طويل
حياتك ثمينة، وقلبك كبير على هاد البلايص ديال الضياع والفسق والفجور دير قيمة لراسك خليك أعلى وأنقى من هاد الوسخ
الله يرد بينا كاملين 🤲
أخبار إقليم شيشاوة
@أبرز المعجبين أخبار مزوضة مزوضة الحرة إمينتانوت الدروب imintanout ibrdan شيشاوة كود Akhbar Mzouda أخبار مزوضة

14/08/2025

إلى السيد حسن منكوف رئيس جماعة أسيف المال غالبا غايقتارحو عليك مهرجان أسيف المال كون راجل اوتبت راسك ماتبيعش دينك رخيص اوماتقبلش ليهم هاد الفسق راه كنحسنو بيك الظن ماتخيبش أمالنا فيك نسأل الله عز وجل لك التوفيق 🤲
بارطاجي باش توصل الرسالة ولك الأجر جزاكم الله خيرا

13/08/2025

مهرجان إمينتانوت، مهرجان إمين الدونيت، مهرجان مزوضة، مهرجان شيشاوة ...
واش مزال مابغيتوش تفيقو

02/08/2025

نصيحة
مقدرتيش أنك متخسرش الهدرة على الأقل متخسرهاش قدام الناس لي جداد عليك ؛ واحد ماتعرفو مايعرفك وقف معك دقيقة اوكايخسر فالهدرة

23/07/2025

هاد الكلام كتبتو 6 أكتوبر 2024 لما خرج الشيخ الددو بهذه الفتوى ها نحن مازلنا على نفس المنوال فأردت أن أذكركم ونفسي ...
لي ماكايعرفش هاد السيد لي قال هاد الكلام خصو يعرفو... معليش الشيخ الددو حفظه الله هو عالم من علماء الأمة الإسلامية المعتبرين بمعنى يجوز له الإجتهاد ... خلاصة كلامه كالتالي :
أنه لي قادر إدير شي حاجة للإخوان ديالنا في فلسطين من مقاطعة وتبرع ونشر ودعاء ... وجبت عليه بمعنى عدم فعلها يترتب عليه إثم .. وختم هذه التدوينة ب : كل مقدور عليه لا يسقط إلا بأدائه
غنشرح ليك هاد الكلام بالخشيبات بمعنى أي حاجة قدرتي أنك تديرها اومادرتيهاش لا تسقط عليك أي غتبقى فوق رقبتك إلى أن تلقى الله عزوجل وكلامه هذا يوحي إلى أن كوكاكولا حررررااام بحالها بحال الخمر وهذا كلام عالم ماشي كلامي أنا ، وقِس على ذلك كل المنتوجات
إوا سمع مزيان اسيدي نتا قادر أنك تقاطع كوكاكولا وامقاطعتيهاش عندك إثم .. نتا قادر أنك تبارطاجي منشورات اوتدير السطوريات اومادرتيهمش عندك إثم اوغتسول على هادشي كدام سيدي ربي .. نتا قادر تدعي مع خوتك ولكن ديما كتنساهم غتحاسب على هادشي ، اوسول راسك متى اخر مرة دعيتي ليهم ... نزيدك هادي قاسحة شويا إمتى فكرتي أنك تصيفت وخا غير 100 درهم لخوتك فغزة مع العلم أن الأمر ساهل جدا كاينين جمعيات ذات ثقة درهم إلى عطيتيها كتتبعها حتى تشوفها وصلات لخوتك فغزة ولكن للأسف قليل لي كايدير هادشي
اوخليكم من ديك الهدرة ديال اش غندير إلى قاطعت بوحدي باش نافعة كاع هاد المقاطعة اوهاد المنشورات ديالنا .. نجيكم من اللخر هادي هدرة ديال الجهال المكلخين المنافقين نتا غتسول على راسك مغاديش تسول على فلسطين واش تم تحريرها اولا لا .. قاطع إلى قدرتي تقاطع إلى مقدرتيش كول غلبتني الشهوة ديالي اوماقديتش اوخليك من الهدرة الخاوية 😠
ردوا البال الله اجازيكم بخير 🤲الأمر ليس بالهين راه بعدنا بزاف والله، نحاولو نرجعو شويا لطريق الحق براكا من الدنيا .. الخدمة، القهاوي ، الدار ، القراية ، البحر ، الفلوس ،الزواج، الوليدات ، المنصب ... متخليش هادشي إلهيك على طريق الحق ، اييه عطيه حقو ولكن ماشي بالزايد
✍️عمر لعديد الله ارد بينا 🇵🇸🤲

19/07/2025

سؤال في محله ... يحق لكل مواطن أن يسأل وينبغي لرئيس جماعة إمين الدونيت أن يجيب

17/07/2025

بث مباشر اليوم عن مهرجان إمين الدونيت بعد صلاة العشاء إن شاء الله
كونوا في الموعد
صفحة اسيف_المال assif_elmal

16/07/2025

إنا لله وإنا إليه راجعون وفاة صالح الباشا اللهم ارحمه واغفر له واجعل مثواه الجنة 🤲 ... لكل من يحب صالح الباشا حقيقة حاول حذف أغانيه من هاتفك لاتذكره بالشر اذكره بالخير فالله غفور رحيم ، قم بالدعاء له في سجودك .. رحمه الله وجميع المسلمين