26/01/2025
7 خطوات باش تطلق إشهار Sponsorisé ناجح فـ Meta (Facebook/Instagram/Messenger):
1- حدّد الهدف ديالك:
قبل ما تبدى، خاصك تعرف شنو الهدف من الإشهار ديالك. واش باغي تزيد الـReach؟ ولا الـEngagement؟ ولا تحقق مبيعات مباشرة؟
2- ختار الجمهور المستهدف:
دير استهداف واضح ودقيق، شكون الناس اللي بغيتهم يشوفو الإشهار ديالك؟ العمر؟ الجنس؟ الاهتمامات؟ الموقع الجغرافي؟
3- حدد الميزانية والمدة:
ختار شحال بغيت تصرف يوميا أو على الحملة كاملة و شحال المدة ديالها، وفين بغيتي الإشهار ديالك يبان.
4- وجد محتوى جذاب:
الإشهار خاص يكون فيه صورة أو فيديو بجودة عالية مع نص قصير، واضح، ومقنع. الناس خاصهم يقدروا يفهمو الفكرة ديالك فثواني.
5- استعمل CTA (Call to Action):
خلي رسالة واضحة للمتابعين. مثلا: "شري دابا"، "تواصل معنا"، "جرب مجانا".
6- جرب و احكم:
ما تبقاش على طريقة وحدة ديال الإشهار، جرب أكثر من إعلان بصيغ مختلفة وشوف شنو اللي كيعطي النتائج المزيانة.
7- حلل النتائج وعدّل:
استعمل الـInsights باش تعرف شحال من واحد شاف الإشهار، تفاعل معه، أو قام بشي إجراء. بناءً على هادشي، عدّل الحملة ديالك باش تزيد النتائج ديالها.
نصيحة مهمة و مهمة بزاف:
النجاح غالبا ما كيجيش من أول حملة، خاصك تجرب وتتعلم من النتائج باش تطور الإعلانات ديالك وتوصل لأهدافك.
ما عرفت واش هاد الشي كيهمك... ولكن إلى محتاج مساعدة باش تطلق إشهار Sponsorisée ناجح، تواصل معانا، ونديرو ليك خطة مزيانة تخدم الأهداف ديالك! 😉
