https://www.youtube.com/NoureddineElbakhchouche

Noureddine Elbakhchouche, شارع محمد الخامس, Fès (2025)

24/12/2024

قناة نورالدين البخشوش تهتم بكل ما هو مغربي 🇲🇦 مواضيع سياسية / رياضية / تقافية / السفر و الرحلات لترقيبكم من جمالية بلادنا وتاريخ المدن المغربية الشريفة ?...

18/12/2024

عزيز غالي يطعن في مغربية الصحراء وهذا هو هدفه #المغرب #الجزائر #ايران #سوريا #لبنان ...

18/12/2024

15/12/2024

غريب أمرنــا..
مؤخرا سعيد الناصري نشر فيلم جديد 'نايضة' وسطر ليا على كلمة 'نايضة' غادي تكون هاد الكلمة من خمسة أحرف وراء نجاحه 😊

فيلم سعيد الناصري عجب بزاف ديال المواطنين وفي الساعات الأولى حقق الملايين ديال المشاهدات واحتل رتبة مشرفة على صفحة المحتوى الرائج ، يعني الفيلم انتشر في المغرب والعالم العربي والدولي ، وبسيف عليك وعليا وعلى سعيد الناصري نفسه ، لأن اليوتيوب رفعته لفووووق باش اي واحد يدخل لليوتيوب يطلع ليه الفيلم في الرائج 😏 ولحد هنا كولشي خرج شكر الفيلم وعجب الناس.
دبا اجي تفهم وانا هنا كنهضر معاك بلغة الميديا ولغة الأرقام وابجديات هاد الزمر كامل ديال المواقع الإجتماعية وكيفاش الروبوت ديالها.... ركز معايا الله يرضي عليك ابا..
فيلم نايضة نوض (فيق) الباحثين عن المحتويات الرائجة والتسلق على الحدث ، علااااش (لأن الجمهور المغربي فركع محرك البحث على الفيلم) إذا مال الباحثين عن المحتويات الرائجة ، دخلوا على الخط ، بلاتي شكون هوما هدو ، اودي راني كنقصد الصفحات والقناة على اليوتيوب و و و لي فين ما بان شي موضوع خضر (جديد) كيدخلو على الخط للتعليق عليه ، و فهاد الناس كاين لي تكلم بإعجاب وبما أن السباقين تكلموا بإعجاب ، غادي يجي دور المنتقدين يعني المعارضة 😄 ايه كاين المعارضة في الانترنت وكاين الحكومة وكاين القضاء وكاين المحاميين والمغرقين وأصحاب شهادة الزور 🤷😆 خرجوا قالك الفيلم مسروق ، قلنا ليهم برافوووو... ولكن ماعليش المهم سرق فيلم ورقعوا والسيد خدام على راسو هداك شغالو الله يعاونو راه خونا مغربي 🇲🇦 قالك الا اصاحبي ، ايه مالك ، وراه قال كلام خطير جدا 🙄 لي هو .. راه طلب من المغاربة يشتركوا يوصلوه لـ 5M مليون مشترك ، ايه مزيان الله يسر ليه فين المشكل ، ولا اصاحبي راه غادي يدير قناة فضائية 🛰️ اااااه اوا هدي فكرة زوينة يساهم بيها في الاقتصاد الوطني ويخدم لينا الناس ماعليش فكرة زوينة هدي ، واااااع ولا ، ومالك خرج من روندتك ، قالك باغي يسمي القناة ولد الشعب ، اهاااا فين كاين المشكل ، وراه يتلاعب بمشاعر المغاربة من أجل تحقيق هدفه ، صافي صافي فهمت ، اوا ونتوما لا تستغلون المغاربة من أجل تحقيق أهدافكم كقنوات على منصة يوتيوب... ؟
ولا اصاحبي راه كلمة ولد الشعب فيها عيب ، بلاتي بلاتي شكون انا ياك مغربي ، ياك ولد الشعب وهو الشعب يعني جزء من الشعب ، فين المشكل خليه يقول لي بغا ، ااااه انت مشكوك في أمرك انورالدين... علاش اخويا فين كاين العيب في كلامي واش بغيتي نوض مثلا نسب السيد أو نقولو انت خائن ، السيد مغربي وماشي من حقي نخون اي شخص أو نوزع الوطنية على أي شخص ، ومن التالي إلى كان باغي يدير قناة فضائية بإسم ولد الشعب راه اولا خاصو يمشي يفتح شركة ، و يعطيهم ثلاث أسماء من أجل اختيار اسم واحد ، وفي النهاية الدولة غادي ترخص أو رفض ، مالي انا راه كاين قانون في البلاد اصاحبي..
اجي بلاتي... الفيلم قبل ثلاث اشهر وهو يعرض على السينما المغربية في مدن مختلفة في المغرب ، إذا كان عندو ترخيص ، واخا ، علاش ما شفناش منتقدين للفيلم لا من أفراد الشعب ولا الإعلام ، علاش حتى تعرض في اليوتيوب عاد ناضت البلبلة على الفيلم... ؟ لأن الفيلم طلع في الطوندونس من التالي والمتسلقين بغاو نصيبهم من المشاهدات في قنواتهم في النهاية كلكم تستغلون مشاعر المغاربة وكاين لي استحمر المغاربة وهذا عيب ثم عيب وكاين لي ساهم في إعطاء صورة خايبة على الممثلين المغاربة أمام الدول العربية بأنهم شفارة وزيد ابو زيد.. للأسف.

دبا ركز.. فيلم نايضة خلق الجدل ولينا ندخلو نسمعو نايضة بين سعيد الناصري وفولان على فيلم نايضة ، نايضة بسبب فيلم نايضة ، نايضة نايضة نايضة ، هاد الكلمة المفتاحية لي كررها شحاااااال من واحد كانت سبب رواج فيلم نايضة وفي الاخير كولشي غادي يسكت وينسا وغادي تكون الفلوس نايضة نيت في جيب سعيد الناصري 😆 مبروك عليه وبصحته الملايين من المشاهدات لي وصلت دبا دبا أزيد من 16M مليون ، السؤال شكون مزال ما تفرج ديرو يديكم نوصلوه لـ 20M مليون نايضة عفوا مشاهدة 🤣🤣

دبا واش حتى انا خاصني نسرق باش تردوني مشهور 🤔 خاصني نفكر مزيان شنو نسرق بصراحة 😆 المهم غادي نسرق منكم شي لايك وتعليق عطيني رأيك بعدا وخليوني نفكر في شي سرقة فاعلة تاركة 🤷