Quest Bdarija

Quest Bdarija 📩 Pour soutenir et collaborer ⬇️
https://questbdarija.taplink.bio

13/07/2026

ملخص رواية "الليالي البيضاء" لدوستويفسكي في دقيقة من الضحك 😂🎬✨
رواية "الليالي البيضاء" هي من أجمل ما كتب دوستويفسكي، ولكن حنا فسرناها بطريقتنا الخاصة. 😌
حكاية الشاب اللي كايحلم بالحب والزواج من رقية الروسية، وفي الواقع كايجاوب بكلمات متقاطعة إلى سولاتو حليمة مولات الحرشة. 😅
الفيديو فيه جرعة من الكوميديا لتبسيط فكرة الرواية ، تفرج ورد عليا الخبار
#معلومات #المغرب #دوستويفسكي

11/07/2026

سبينوز: كيفاش الحقد كايحش ليك الركابي؟ 🔋
شحال من واحد فينا كالس فـ القهوة وحاضي غير الناس: هادا شري طوموبيلة، هادا سهل عليه الله.. وفالتالي كايصدق هو لي مريض ومهموم! 🤦‍♂️
سبينوزا كايقوليك بلي الحقد 'انفعال حزين' كايحش ليك الركابي وكايفراني ليك حياتك. فاش كاتحقد، كاتولي حياتك فـ يد الناس لي حاقد عليهوم، وهما أصلاً ماجايبينش ليك الخبار.

فالفيديو ديال اليوم، غانفهموا كيفاش نحميو 'الباطري' ديالنا ونشارجيوه بالفرح والعمل، ونبعدوا على تبعية 'فلان وفرتلان'.
تفرجوا وقولوا لينا: شنو هي الحاجة لي كاتشارجيك فرح وتخليك باغي تطير؟ 👇🥜"
#المغرب #فلسفة #سبينوزا #كوميديا

08/07/2026

شحال من واحد فينا دار عرس بـ 20 مليون (و19 منها كريدي 💸) غير باش يرضي العائلة والصحاب، وفالتالي كايقولوا ليه 'الدجاج مالح'؟ 🤦‍♂️
الفيلسوف الوجودي 'جان بول سارتر' كايقوليك بلي المشكلة فدوك العيون لي كايحنززو فيك وكايحولوك من إنسان لـ 'أداة' أو 'شيء'.
فالفيديو ديال اليوم، غانغوصوا فـ عقل سارتر باش نفهموا علاش خاصنا نقطعوا مع عقدة 'حشومة' ونعيشوا حريتنا كما بغينا، ولو يوصل بنا الأمر نصبغوا الدار بألوان مدرسة إلمور! 🎨🏠
تفرجوا فالفيديو وقولوا لينا: شنو هي أكثر حاجة درتوها فـ حياتكم غير باش ترضيو الناس وندمتوا عليها؟ 👇
#فلسفة #المغرب #تقافة #سارتر #كوميديا

05/07/2026

أجي تعلم فن التسلاك
اليوم فيلسوف التسلاك 'زينون الرواقي' جا يوريك كيفاش تبرد دمك وتعيش هاني وسط الروينة
فيديو تعليمي بأسلوب ساخر، كايجمع بين حكمة اليونان وتكرفيس الواقع المغربي. تفرج وبارطاجي مع شي واحد ديما 'معصب!"
#المغرب #فلسفة #تقافة #زينون #كوميديا

02/07/2026

شكرا على كتر من 50k فهاد المدة القصيرة 🙂❤️

30/06/2026

"المكرد" لي صدم الإسكندر الأكبر بـكلمة وحدة! 👑❌ أغرب قصة فـتاريخ الفلسفة
تخيل يوقف عليك "ملك البلاد" ويقول ليك "طلب لي بغيتي".. وبكل برودة دم تقول ليه: "حيد من قدامي مضرق عليا الشمس"! ☀️😲
هادا هو ديوجين، الفيلسوف لي قرر يحارب النفاق والتصنع ويعيش عيشة بسيطة بلا كرا بلا طريطات.
فـهاد الفيديو التعليمي/الساخر، غانشوفو علاش كان الكلب هو "القدوة" ديالو، وكيفاش تقدر تعيش هاني وراسك مرفوع وخا تكون جيوبك خاويين. 🏺🧠

أجي تبرد غدايدك وتضحك على "المتصنعين" لي كايعذبو راسهم غير باش يبانو! 👇🏾🐕
#المغرب #فلسفة

27/06/2026

أكبر "قالب" وقع ليك فـحياتك هو نهار تزاديتي! 😂🌍 اكتشف فلسفة إميل سيوران بالدارجة
إلا كنتي كتحس براسك "مكرد وبيطالير"، ولا مشعبط فـطوبيس مع 7 دالصباح باش تخدم خدمة مكاتحملهاش.. هاد الفيديو مديور ليك! 📉💀
اليوم غانعرفوكم على ملك التشاؤم "إميل سيوران" لي غايقنعك بلي مشاكلك كاملة (وحتى الـ RH لي مابغاتش تعطيك كونجي 😂) راها "والو" فـميزان الزمن.
فيديو تعليمي بطريقة كوميدية طريفة كيشرح ليك علاش الحياة بحال شي فيلم مغربي بلا نهاية.. والحل؟ "ما تقلبش على حل"!

تفرج وشارك الفيديو مع داك صاحبك لي ديما كيشكي من الزحام والمانضا لي مكتكفيش حتى فـسبرديلا
#المغرب #معلومات #فلسفة

26/06/2026

فاش كانت أروبا كاداوي گاع الأمراض بالعصى 🙂
الفيديو كامل غاتلقاوه فالصفحة 🤝🏻
#المغرب #معلومات #كوميديا

25/06/2026

"طاحت الصومعة علقوا الحجام".. هادا هو الشعار لي مشاو بيه الأوروبيين مابين القرن 15 و17. أي حاجة ما فهموهاش كيلصقوها فـالسحر. فيديو جديد كيشرح كيفاش تحولوا عيالات مسكنات لـ"وجبات سريعة" بسباب جارة حسودة ولا بقرة مكاتعطيش الحليب! 😲🤣
#المغرب #معلومات #كوميديا

23/06/2026

ملي كانت أوروبا كاملة مخلوعة من خرافة.. قصة 'هستيريا الفامباير' فالقرن 18! 🇪🇺🧛‍♂️
فداك الوقت، أوروبا عاشت واحد "الهستيريا" غريبة بزاف.. كلشي ولى كيبان ليه جاره فامباير (مصاص دماء). الخوف وصل لدرجة أن الملوك والأطباء ناضوا كيديروا لجان علمية باش يقلبوا على "المصَاصين"! 🧟‍♂️
#المغرب #معلومات #كوميديا

Address

Fes Maroc
Fez
30000

Website

Alerts

Be the first to know and let us send you an email when Quest Bdarija posts news and promotions. Your email address will not be used for any other purpose, and you can unsubscribe at any time.

Shortcuts

Share

Category