Ibrahim Elmaghriby I Reels & articls

Ibrahim Elmaghriby I Reels & articls .هذه الصفحة خاصة بالمقالات والفيديوهات القصيرة
(6)

ابتدأ الاهتمام الفني والثقافي منذ سنة 2007، آنذاك كنت لا أزال طفلا فتيا تم إقناعه بصعوبة ومشقة من أجل خوض تجارب بعض الاعمال الغنائية والمسرحية فوافقت بتردد وخوف كبيرين، ومنذ ذلك اليوم وأنا أبحث وأعمل من أجل تطوير نفسي كمبدع إنطلاقا من هوتي وثقافتي واستنادا لإنسانيتي... فلم أرد أبدا أن يكون الفن والثقافة مجالين للكسب المادي فقط، بل كانا قنطرة لإدخال البهجة وزرع بذور الخير وتحسين الاوضاع على قدر الم

ستطاع.

أكتب وألحن وأغني وأكتب مسرحيات وقصصا، أمثل وأُخرِج... أحاول دائما أن أدمج كل تلك المواهب من أجل ابتكار أفكار إبداعية جديدة وفعالة آملا التوفيق من الله تعالى والنجاح في تفعيل كل المخططات التي تكبر وتنضج يوما بعد يوم وإبداعا بعد إبداع.

في محصلتي آلاف المقالات في كل المجالات واكثر من 1000 فيديو و3 كتب نُشرت في عديد المكتبات الرقمية العربية ولا زال في جعبتي الكثير...

شكرا لكل من وهبي ثقته ودعمه وصدّق مشروعي الصغير هذا من اجل زرع بعض الايجابية والخير في كوكب نحن مجرد عابرين فيه وسنقضي أيامنا ونرجل، وعزمي هو انني لن ارحل بدون ان اترك بصمات طيبة يذكرني بها من بعدي وأسعد بها عند لقاء ربي.

حبي ومودتي لكم.

25/10/2025

علاش ما بقيناش نجاوبو على المكالمات ؟ 🚨

علاش خطبة الجمعة ولات بحال هكا؟؟ 😱كانظن ان الغالبية متفقين بلي صلاة الجمعة ولات تأدية واجب أكثر من أنها وقيتة للتعبد وال...
24/10/2025

علاش خطبة الجمعة ولات بحال هكا؟؟ 😱

كانظن ان الغالبية متفقين بلي صلاة الجمعة ولات تأدية واجب أكثر من أنها وقيتة للتعبد والاستمتاع في رحاب الله .. فسحة أسبوعية اختارها لينا مولانا سبحانه باش نتجمعو ونسمعو ما تيسر من الوعظ والارشاد والتأطير، ثم نرجعو لحياتنا اليومية .. وحنا المغاربة اعتدنا ان نتعامل مع يوم الجمعة كأنه العيد .. صباح معطر بذكر الله والقرآن، دوش وتطيّب، كانلبسو احسن ما كاين ثم كانمشيو للمسجد بكري نشدو بلاصتنا ونستمتع بما تيسر من الذكر ثم الإصغاء لما سيقوله الخطيب على منبر الحبيب عليه الصلاة والسلام .. بعد ذلك كانتجمعو فالدار على گصعة كسكسو معاه اللبن... يا سلام 😍

فين مشى هادشي؟؟

جدي الله يرحمو كان معلّما وخطيب جمعة أيضا، كانعقل فاش كنت صغير خدا التقاعد من القسم وتفرغ لخطبة الجمعة .. فاش كان كايدير الخطبة يوم الجمعة كان فعلا يوم عيد بالنسبة لينا، هو عندو تقاليد وطقوس خاصة منين كايفيق مع الفجر وهو في استعداد متواصل حتى كاتبقى ساعة ونص لوقت الخطبة، كايكون لابس اللباس التلقيدي الرسمي وحتى حنا معاه (صغارا وكبارا) وكايجي واحد السيد بالطوموبيل لباب الدار كايركب معاه وكايمشي يسبقنا للمسجد يكمل الاستعدادات ديالو .. بعد صلاة الجمعة كايتجمعو عليه الناس يسلمو عليه ويشكروه وكاين لي كايجي يسول او يستشر معاه في أمور خاصة .. بعد الجمعة كايدوز السبت والأحد راحة .. يوم الاثنين كايبدا التحضير لخطبة الجمعة المقبلة، اه من الاثنين وهو كايفكر ويقرا ويقلب على شنو غايقول يوم الجمعة .. كان رحمه الله كايعطي للخطبة صوابها ووقتها وكامل الاهتمام لأنه واعي بحجم المسؤولية .. خاص الخطبة تكون مناسبة للظرفية والوقت والاحداث العالمية والمحلية، وفنفس الوقت خاصها تكون مناسبة للمنطقة لي كايعيشو فيها الناس لي حاضرين للخطبة، ما تكونش بعيدة على مستواهم المعرفي والثقافي وتفاصيل حياتهم اليومية .. شحال من مرة كنت كانجلس معاه نقرا شنو كايكتب – عمري ما كايتعداش 10 سنوات – وكانشوف كيفاش كايجمع الأفكار والنصوص الشرعية لي غايعتمد عليها .. وكان رحمه الله قليل فين كايسافر او يبعد على الدار، حتى الى سافر ما كايتعداش ليلة وحدة باش يرجع ويبقى قريب من كتبه ومكتبته ويلقى المراجع لي تعاونو في بناء خطبته...

علاش اختفت حلاوة يوم الجمعة؟ .. حيت خطبة الجمعة فـ حد ذاتها ما بقاتش بهاد القيمة والاهمية والمحتوى الذي يرقى لما نريده !

فاش ولاو بعض الخطباء كسولين في تحضير خطبة الجمعة حنا كمصلين كانحسو بهادشي طبعا، ثم زاد البرود ديالنا تجاه صلاة الجمعة فاش ولات خطبة الجمعة موحدة من طرف وزارة الأوقاف .. نورمالمون خطبة الجمعة خاصها تبدا وتسالي من خصوصية المنطقة لي فيها المسجد .. وهنا فين خاص تبان براعة واجتهاد الخطباء ويتعطى ليهم المجال للاجتهاد والابداع من اجل توعية وتأطير وتكوين وتوجيه المصلّين .. خصوصا ان بعض الناس ما كايعرفو أمور الدين إلا فداك ربع ساعة د الخطبة كل أسبوع، إذن خاص الخطبة تستجب لهاد الاحتياجات وتخلي المصلي فايق ومركز مع الخطيب، يستمع ويستمتع بما ينصت إليه ويبقى يتسنى شنو غايتقال ليه كل أسبوع .. هادشي كنت كانعيشو مع جدي رحمه الله، وحتى الناس فالمنطقة كانوا كايعيشو نفس الشيء "شنو غايقول لينا سي عبد الرحمن هاد الجمعة؟" .. دابا الوزارة عممت الخطبة بل وولات كاتنشر الخطبة في موقعها الرسمي قبل يومين من الخطبة .. يعني تقدر تقرا موضوع الخطبة من الحمد إلى الدعاء وتمشي يوم الجمعة تراجع مع الخطيب واش كايقرا مزيان او كايدير الأخطاء...

كلنا مع إصلاح وتطوير الخطاب الديني في المغرب باش يتماشى مع الواقع المعيش .. ولكن ماشي بهاد الطريقة لي زادت ضيقت الخناق على الخطباء وحرمتهم من الابداع والاجتهاد لتلبية الحاجيات الدينية والروحية للمصلين !

نتوما شنو رأيكم؟؟

Ibrahim Elmaghriby

من حق المغاربة يفرحوا...- ولكن البلاد غارقة فالفساد والمشاكل، واش الكورة أولى من الصحة والتعليم؟طبعا لا، الألوليات بايني...
22/10/2025

من حق المغاربة يفرحوا...

- ولكن البلاد غارقة فالفساد والمشاكل، واش الكورة أولى من الصحة والتعليم؟

طبعا لا، الألوليات باينين، ولكن هاد الوليدات لعبوا باسم المغرب وحققوا لقب عالمي كايتمناوه الكثير من البلدان والشعوب حول العالم!

- أ خويا انا هادشي كايبانلي غير تخربيق، وزايدها الشعب بالغوات والفرحة

اه من حق الشعب يفرح، ومن حق اي انسان فالدنيا يستغل اي مناسبة ولو تكون صغيرة او بسيطة باش يفرح، حيت العالم عامر ضغوطات وسطريس، ويلا تعاندنا مع هاد السطريس غانجيبوها فـراسنا وصحتنا النفسية والجسدية .. كاين فرق بين العدمية والواقعية، العدمية كاتعني انني نخدّم النظرة السوداوية فـ أي حاجة، ويلا تحققت شي حاجة زوينة نحقّرها ونحكرها، أما الواقعية كاتعني انني نعطي لكل ذي حق حقه، الشباب تبارك الله دارو انجاز عالمي نفرحو معاهم - في حدود المعقول - وفنفس الوقت عارفين وواعيين أولوياتنا وما نريد، كرة القدم جُعلت للمتعة وخاصها تبقى هكاك، ما توصلش لمستوى التخدير والإلهاء على الحقوق والإصلاحات!

هادا البلد يستحق كل خير، وشعبنا يستحق فرصته في كل المجالات باش يبدع وينتج وينجح في احترام تام لحقوقه .. ما نبخسوش اجتهاد حتى واحد وما تحرموش الناس كيفما ما تحرموش راسنا من أسباب الفرح مهما كانت بسيطة: إن لنفسك عليك حقا.

مبروك على شبابنا المجتهد، وعقبى لباقي الشباب في كل القطاعات حتى هوما يلقاو البيئة المناسبة للابداع والتميز، وحتى هوما يكون عندهم نصيب من الاهتمام والاحتفاء والتغطية الإعلامية.

20/10/2025

المغرب بطلا لكأس العالم للشباب U20

التركيز كامل كان على المنتخب الأول شنو غانديرو فـ كأس إفريقيا وشنو غانديرو فـ كأس العالم .. وما كناش كانتصورو ان هاد المنتخب الشاب غايخرج من الجنب ويحقق الكأس العالمية!

هنيئا لنا والحمد لله على كل حال.

عقبى لكل الخير في كل القطاعات وعقبى لفرحات أخرى في مناسبات وقطاعات أخرى إن شاء الله 💙

19/10/2025

هادشي مهم جدا جدا جدا ويبدو ان الملك استجاب فعلا لمطالب شباب GenZ

ولكن...

خاص ضروري ربط المسؤولية بالمحاسبة، حيت هاد الكم الكبير د الفلوس يغري أعين عاشقي الفساد .. ما يمكنش سياسات البلاد تنجح وحنا كانخليو المجال مفتوح دون حسيب ولا رقيب!

تخصيص 15 مليار دولار لقطاعي الصحة والتعليم دفعة واحدة خطوة تستحق التنويه ونتمناو ان الأثر ديالها يبان على المدى القريب ونبنيو عليها إصلاحات أكبر تخدم الصالح العام، خصوصا المواطن البسيط محدود الدخل.

19/10/2025

شنو واقع في غزة ؟ 🇵🇸

أجمل ما في انتصار المنتخب على منتخب فرنسا هو رد دين كأس العالم قطر، والتحرر من عقدة المسـتَـ.عمر!ما عرفتش واش فخبارك ولك...
15/10/2025

أجمل ما في انتصار المنتخب على منتخب فرنسا هو رد دين كأس العالم قطر، والتحرر من عقدة المسـتَـ.عمر!

ما عرفتش واش فخبارك ولكن هادي اول مرة تاريخيا منتخبنا ينجح في التفوق على منتخب فرنسا فـ جميع الفئات السنية!

واحد الأخ كان مغربي قبل ما يمشي لكندا وأصبح معادي للوطن ادعى ان فرنسا لن تسمح بفوز المغرب مهما كلفة الأمر، ويبدو ان "أمنيته" لم تتحقق وفاز منتخبنا رغم كلشي شيء!

هاد الشباب حتى هوما كن جيل Z وحتى هوما يحققون للوطن أمورا جميلة كما يفعل أبناء نفس الجيل هنا، وأي حاجة تخدم مصلحة الوطن وتسعد أبناءه نريدها ونبتغيها ونشجعها، ولا عزاء للحا.قدين الشا.متين ☺️

فكرة واعرة بالجهد .. بما ان البلاد فيها ارتفاع كبير ديال غلاء الأسعار، ناس مراكش دارو جروبات ف واتساب وتيلغرام فيها المش...
14/10/2025

فكرة واعرة بالجهد .. بما ان البلاد فيها ارتفاع كبير ديال غلاء الأسعار، ناس مراكش دارو جروبات ف واتساب وتيلغرام فيها المشترين وفيها حتى بعض أصحاب المحلات التجارية وكايتعاونو بينهم باش كلشي يستافد: المراكشيين يشريو السلع بثمن رخيص والبائعين كايبيعو السلعة بثمن مخفض وبكميات كبيرة 📍

الفكرة لقات نجاح كبير وتوسعت لتشمل آلاف المشاركين فـ مراكش، وواخا وصلت الخبار لبعض السماسرية والشنّاقة وبغاو يوقفوا هاد الفكرة لكنها مستمرة لحدود الساعة، وشخصيا ما كرهتش انها تتعمم اكثر على مدن أخرى...

الى كان البائع قانع بهامش الربح البسيط وكايبيع السلعة بكميات كبيرة علاش مالين الكرش الكبيرة ما عاجبهومش الحال؟ .. ولفو يحتكروا الأسواق ويتكرفسو على المواطن البسيط محدود الدخل 🫤

بما ان مجلس المنافسة ولجان مراقبة الاثمنة ما بغاتش تراقب شنو واقع فـالاسواق كاتبقى هاد الفكرة رائعة جدا، في اطار استغلال السوشل ميديا فشي حاجة د الخير وخدمة الصالح العام.

Ibrahim Elmaghriby

14/10/2025

مقاطعة مباراة المنتخب المغربي؟ ⛔️

صورة صباحية من تسليم أسرى الكيان من طرف رجال المقـا.و.مـة في خان يونس ❗️صورة كاتبان عادية لكنها ليست كذلك نهائيا!تخيل مع...
13/10/2025

صورة صباحية من تسليم أسرى الكيان من طرف رجال المقـا.و.مـة في خان يونس ❗️

صورة كاتبان عادية لكنها ليست كذلك نهائيا!

تخيل معايا ان هاد الموقع بالضبط كان مركز ديال جـيْـش الكـ.ـيان وكان يدعي أنه قام بتمشيطه عشرات المرات وتأكد من عدم تواجد عناصر الـمُقا.و.مـه .. واليوم المـقٰا.و.مة كاتبين انها صاحبة الأرض والميدان وصاحبة القرار والسيطرة .. نفس البلاصة لي قال جيش الكيان انها مؤمنة وفارغة منها خارجين الأسرى رفقة عشرات او ربما المئات من المُـقا.و.مـين فـ سيارات جديدة وسليمة وأنظف من قلوب الخونة والمعـتـ.ـديـن 😁

08/10/2025

هنيئا لـ غزة وأهلها الكرام الأحبة! 🇵🇸

رحمة الله على من ارتقى شهــيدا، ونسأله الشفاء لمن عانى بجروحه النفسية والجسدية .. أهل فلسطين أهل حق، خُذلوا ولكنهم صبروا واحتسبوا وقاوموا، لا نلومهم على شيء لأنهم أصحاب القضية وأدرى بما يناسبهم .. بارك الله فيكم.

أتمنى أن تسامحونا وتعذرونا على تقصيرنا طيلة سنوات مضت 😞

هاد الأيام ديال احتجاجات الشباب كاين فئات كثيرة ومتنوعة حاولت تركب على الموجة وتستغل الأوضاع باش تربح بعض المكاسب السياس...
08/10/2025

هاد الأيام ديال احتجاجات الشباب كاين فئات كثيرة ومتنوعة حاولت تركب على الموجة وتستغل الأوضاع باش تربح بعض المكاسب السياسية، كاين لي بغا يأسس حزب بسميتهم، كاين أحزاب قديمة حاولت تستميل الحركة ككل او بعض المنتسبين إليها باش ترجّع البريق وتربح أصوات انتخابية لان الانتخابات قربت .. وبين هذا وذاك كاين السي عبد الاله بنكيران.

عبد الاله بنكيران، رئيس الحكومة المغربية الأسبق، والرئيس لي ربح انتخابات 2016 باش يكمل ولاية ثانية لكن "البلوكاج الحكومي" لي وقع فرض عليه يتنحى ويخلي بلاصتو لـ صاحبو "سعد الدين العثماني" يكون رئيس حكومة العدالة والتنمية الثانية .. والسي بنكيران خدا التقاعد السياسي مقابل 7 مليون سنتيم شهريا وسيارة بحرس رسمي وصافي قرر يخرج من المشهد السياسي .. لكن كيف كايقولو سيادنا اللوالا "عمّر الشطاح ينسى هزة الكتف" .. السي بنكيران جاه الحنين لهرج ومرج السياسة وتوحش الأيام الخوالي، أيام المعاطية مع المعارضين والعفاريت والتماسيح (كما يحلو له تسميتهم) ورجع كايدير لايفات وفيديوهات ذات طابع سياسي، ويتعامل مع بقية السياسيين كالفقيه المربي والمعلم الذي يمتلك مفاتيح واسرار وخبايا السياسة المغربية، وما يمكنش توقع شي حاجة كيفما كانت إلا وكايخرج يفتي ويتحدث، وحقو هاداك طالما انه مارس السياسة وانتقل بين المعارضة والحكومة وراكم الكثير من الخبرات والتجارب .. لكن الركوب على الأمواج خايب.

بعد تفوق حزب اخنوش فالانتخابات التشريعية الأخيرة وتحالفه مع الاستقلال والاصالة والمعاصرة، المعارضة بقات ضعيفة جدا، أحزاب المعارضة كلها عندها مقاعد قليلة واصوات شبه معدومة بدون تأثير .. هادشي لي عطى الفرصة لأصوات خارج البرلمان هي لي لعبت دور المعارضة (بعض الصحافيين وصانعي المحتوى وغيرهم...) وفوسط هاد الفراغ استغل بنكيران الفرصة باش يرجع للأضواء وحتى هو بدا كايلعب دور المعارضة، ثم بان ليه انه يرجع للحزب ديالو يرمم الاسوار ويصلح الاعطاب ويقوي البناء الداخلي استعدادا لخوض غمار سباق الانتخابات فـ 2026 .. وغير باش نكونو متفقين، بنكيران كايعرف يتلاعب بالعواطف والاوتار الحساسة لمتابعيه، له حظ كبير من الشعبوية وطلاقة اللسان وكايقدر يكسّر لغة الغشب لي كايهدرو بيها اغلب السياسيين، هادشي نيت لي خلاه يكتسح انتخابات 2011 ثم رجع ربح ف2016، وحتى واحد ما ينكر ان واحد من اهم أسباب تفوق حزب العدالة والتنمية فالانتخابات لي ذكرت هو: عبد الاله بنكيران.

ولكن حتى واحد ما ينكر عاوتاني ان عهد بنكيران وقعوا فيه شي حوايج هلكت المواطن المغربي، ونتيجة لقراراته وقرارات حكومته وصلنا لهاد الوضع الصعب فـ قطاعات كثيرة، والوضع المعيشي ديال اغلب المغاربة مكرفس .. بنكيران هو صاحب قرار رفع الدعم على العديد من المنتجات لي كان كايدعمها صندوق المقاصة (خصوصا تحرير أسعار المحروقات) وهو صاحب قرار ان الدولة يجب ان ترفع يدها على قطاعي الصحة والتعليم .. وهادشي غير شويا من بزاف، واحد لي كان سبب فمثل هاد القرارات واش يستاهل الدعم من اجل العودة الى كرسي رئاسة الحكومة؟ .. لا أعتقد

سيقول قائل: ولكن ماشي لي خدا هاد القرارات الكبيرة والصعيبة بوحدو، هادوك قرارات جاية من الدولة العميقة بإملاءات من صندوق النقد الدولي.

اه كاين قرارات كبيرة تم اتخاذها بشكل يتجاوز بنكيران كرئيس للحكومة، ولكن الى كان هو مجرد منفذ ومفعول به علاش كايخرج يدافع ويبرر ويحاول يقنعنا بيها .. هو خدا كرسي المسؤولية لخدمة المواطن، الى كان غايتفرض عليه قرار لا يخدم المواطن يعتذر ويحط السوارت بكرامة ويبقى عزيز عند المواطن لي ثاق فيه ومشى صوت عليه النهار اللول .. اذن هو خان ثقة المواطنين، ولا يستحق يرجع لمنصب المسؤولية مرة أخرى حيت غايدير نفس الشيء عاوتاني.

سيقول نفس القائل عاوتاني: ولكن على الأقل بنكيران احسن من بقية المرشحين لرئاسة الحكومة، انسان نزيه وما كايسرقش وما كايديرش الفساد.

ربما هاد الكلام صحيح، ولكن واش حنا يا اما بنكيران يا اما بقية الوجوه التعيسة التي ركبت المشهد السياسي المغربي منذ عقود ولا تريد إخلاء المنصب لمن يمكن أن يستحقه؟ .. رئيس الحكومة هو قائد فعلي، والقيادة تتطلب النزاهة والشفافية والجرأة والشجاعة، حيت اكبر تحدي عند سعادة رئيس الحكومة هو محاربة الفساد المستشري والمتغول في كل القطاعات والمناصب.

اذن من هادشي كامل، ومع احترامي لجميع الأشخاص، سواء بنكيران او غيره، ولكن المغرب يستحق حكومة برئيس نزيه وشفاف وجريء وشجاع بعيدا عن الشعبوية والشعارات الخاوية ودغدغة العواطف.

رأيكم يا قوم؟ 🚨

Address

Fez

Website

Alerts

Be the first to know and let us send you an email when Ibrahim Elmaghriby I Reels & articls posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ibrahim Elmaghriby I Reels & articls:

Shortcuts

Share

Category