YT

20/06/2025

نتحداك تعرف هادي أشمن مدينة 🤔

20/06/2025

البنات أنا تعرفت عليه فواحد التطبيق ديال التعارف و قال ليا هو مهندس و الحلم ديالو يتزوج مغربية و عاوت ليه واحد المشكل عندي قال ليا انا انسان منفتح مكيهمنيش الغشاء و داكشي ، قال ليا اهم حاجة هي جوهر الانسان ، فرحت صراحة ديك الساعة و بديت كنتعرف عليه كثر حتا قرر نمشي نشوفو فمصر ، فواحد العطلة حيت أنا معلمة كنقري الابتدائي ، ملي مشيت السيد تلقى ليا بالورد و الطوموبيل و داني لوطيل ، أنا قلت ليه ياك بغيتيني نتعرف على عائلتك متفقناش على لوطيل ، قال ليا حتال غذا ان شاء الله و نشوفوهم ، صافي جلسنا ديك الليلة فلوطيل و زدنا فيها يومين خرا ملي مشينا نشوفو عائلتو لقيت السيد فواحد العروبية 😭🥺 و هو غا فلاح ماشي مهندس أنا قلت ليه شنو هادشي و قال ليا عجبك الحال مرحبا معجبكش رجعي فحالك ، و رجعت فحالي دبا و محطمة بقات فيا الشمتة دوك 3 دياك دار فيا مبغا و استغلني و وهمني بالحب و ضيعت فلوسي ، مثيقوش البنات فالمصريين و الله مكرهتش ندعيه و لا نشوف شي شوافة تسطيه هادشي لي دار ليا معمري نساه ، خيب آمالي فيه ، و الحمد لله مقلت لنا واحد مشيت لمصر اما كون وليت شوهة #رسائلكم

19/06/2025

19/06/2025

شحال ديال الوقت باش فهمتي 🥲

18/06/2025

انا مدة باش طلقت وطليقي ملي عرفتو ناوي يتزوج بوحدة خرى جاتني الغيرة صراحة ، حيت وخا طلقنا كنتبع فيه كيمشي و شنو كيدير مقدرتش نساه نهائيا ؛ مشيت خديت سميت مو و حوايجو ديال داخل لي بقاو عندي و شويا من الماء ديالو حيت كنت موجودا هادشي و مخبياه و سيفطهم لالة عيشة فمراكش و خدمات ليه خدمة نقية ، حيث عندي معه ولاد و مبغيتش يتزوج و ينسا ولادو ....مهم حنا عايشين برا المغرب انا خدامة فواحد الشركة قريبة الدار ودابا ومن نهار درت دكشي وهو كل مرة خيطي بيطي على البلاصة فين خدامة وهو اصلا ديك الطريق مكيدوزش منها بالمرة, دازت شي يامات مقاد مزال يصبر جاء هو ومو وقفو قدام داري باغين يجيو يصينو فالباب ولكن مقادين كيشوفو ويهضرو وكل نهار كيبقا يدوز من حداايا ومعيقين بزاف بغاو يهضرو معايا ونا درت راسي مكانتسوق لهم مهم داز شي شهر وهو على هاد الحالة من بعد جاو عندي الدار يطلبو فيا ويرغبو نادم وطلب مني سماحة ورجعنا ولا كايحماق علي الحمد لله و الشكر لله 🙏🤲 #رسائلكم

17/06/2025

تناقشت مع خطيبى ديالي فموضوع علاش خرجات مع صحاباتها بلا خباري و كان تلفون ديالها طافي نهار كامل ، و تغاوتنا حدا دارهم حيت مشيت لعندها و تزايدنا شويا فالهضرة و هي تنطق تقول ليا ، سير يا ولد .... لي معارفش شكون باه حيت أنا الام ديالي ولداتني فعلاقة كانت كتبغيه و مكانش بيناتهم عقد و صافي انا معمري سولتها على داك الماضي حيت ضحات و تقاتلات على ودي حتا وصلت ، هاد الكلمة بركات ليا الركابي خصوصا من انسانة مكنتش منتظرها منها ، غا قالتها صافي معوتش الهدرة و خديت طونوبيلتي و زد فحالي تاصل بيا باه و مها و حتا هي تعتاذر على ديك الهدرة و لكن مقدرتش نسمح و غادي نفسح هاد الخطوبة ، واش القرار ديالي صحيح #رسائلكم

17/06/2025

أنا مزوج هادي سبع سنين و مراتي ضحات معيا بالغالي و النفيس ، الذهب ديالها باعتو فالوقيتة لي كنت محتاج فيها و صبرات معيا ، و الحمد لله ربي يسر ليا فالتجارة ديالي و شريت دار من غير لي ساكن فيها ، والديا حتا هما عندهم دار ديالهم ، و انا مشيت بنية حسنة نستاشر مع الوالدة ديالي باش نكتب دار رسميت مراتي ، و تصدمت فالرد ديالها قالت ليا ها السخط ها الرضا ، الى شايطين عليك الديور كتبها اخوتك هما الاولين هكا كان الجواب ديالها بالضبط ، و مقديتش نرد عليها سديت داك الموضوع و ندمت حتا تشاورت معها ، كان عليا ندير لي فراسي و حتا واحد ميجيب الخبار دبا في حيرة من أمري ، باش تعرفوا علاش بغيت نكتبها ليها حيت عندنا غا الدريات و الحمد لله نتعرف شكون السابق فينا ، لنموت و ينوض الخوت على الطمع و لا شي حاجة فضلت نكتبها ليها #رسائلكم

15/06/2025

راجلي ديما كيعاود ليا على البنات لي دوز فحياتو ، و شحال من وحدة ضحك عليها واعدها بالزواج ، ملي كيسولني أنا كنكذب عليه و كنلعب دور البريئة كنقول ليه نتا اول واحد فحياتي ، و كيقول الحمد لله تزوجت وحدة بحالك عمرها عرفات شي واحد ..... شي سبعة البنات عاود ليا عليهم ها لي ضيعها فشرفها ، ها لي طمعها فالزواج ها لي كانت كتبغيه المهم السيد كيعاود و هو مفتاخر ، و سبحان الله العظيم انا مدوزة بالضبط ستة الدراري لي تصاحبت معهم قبل منو و بعض المرات كنقول واش هادشي صدفة و لا جابني ليه الله حيت كيستاهل ، راه فخاطري كنتعصب ملي كيعاود ليا شنو دار و لكن كنبقى مهدنة و نلعب دور البراءة و معرفة والو ، و انا فالحقيقة دوزت الويل الكحل غا بلاصة واحدة لي حافظت عليها و سحاب ليه تزوج شريفة عفيفة ، و خا كنقول هادشي على راسي مبقاش فيا الحال نهائيا و كنظن تزوجت لي كنستاهل و حتا هو تزوج لي كيستاهل ... #رسائلكم