25/02/2023
العالم ديال الغناء والموسيقى والرقص غالبا تيكون مرفوق بالخمور والمخدرات و المجون والموبقات لي على بالكم .. !
من الشعبي وانت جاي وقدما طلعتي النيفو وتشهرتي قدما كتميزي كثر و كتبغي تجرب نشوات جديدة .. كتبداها بالڭارو والشيشا ولحشيش وكتسالي بليكسطازي والكوكايين والهيروين !
وهادشي علاش كيقولو الناس لوالا أن الفلوس تقدر تكون نعمة كيفما تقدر تحول لنقمة وفتنة على اعتبار أن الإنسان بطبعو بالزربة كيمل وكيبغي يجرب أمور جديدة ..@
هادشي لي وقع لسعد لمجرد ماشي استثناء حيت بزاف ديال المشاهير دازوا من نفس الطريق كاين فيهم لي تشد وكاين لي تشلل وكاين لي مات أو انتاحر لأن عالم الشهرة والمال شبعان ستريس و عين بنادم و شياطين الإنس والجن ..
بعض المرات مزيان الواحد يبقى مزلوط ومضارب غا مع الأولويات حيت فاش كتزاد على بنادم غا شي بركة قليلة ما كيبقاش باغي يڭول السلام وكيبدا يتعاند مع لي حسن منو حتى كيجيبها فراسو هادشي علاش الواحد ديما يطلب الله على قد النفع ❤
يقول الله تعالى في سورة الحديد :
﴿ اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرّاً ثُمَّ يَكُونُ حُطَاماً وَفِي الْآخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ ﴾
كازافوبي ✍
#منقول
