20/09/2025
عزيزي المواطن #الوجدي..ملي شي واحد كيقولك "مكاين والو غي لهوا في التيو"، فإن هذه العبارة ستلمس معناها بشكل جلي في برنامج عمل الجماعة.
برنامج العمل اللي دارتو #الجماعة ليغطي المشاريع التي ستنجزها من 2022 الى 2027..
البرنامج فيه شي 5 ديال أهداف استراتيجية، وكل هدف استراتيجي فيه مشاريع عدة، اليوم مثلا نهضرو على الهدف الاستراتيجي الثاني اللي الموضوع ديالو هو تأهيل وتقوية البنيات التحتية والخدمات االجتماعية والثقافية والرياضية، عبر 4 محاور، وهي تأهيل وتقوية البنيات التحتية ؛ و الخدمات االجتماعية ؛ و الخدمات الثقافية ؛ و الخدمات الرياضية. ويتكون من 34 مشروع بتكلفة اجمالية تقدر بــ 935,34 مليون درهم.
مللي كنتفحصو المشاريع واحد واحد، كنلقاو فعلا "لهوا في التيو"، ماشي لأن المشاريع صعيبة وخيالية..لا لا، بل لأن الجماعة عن طرق أغلبيتها المسيرة معندهاش رؤية ومعندها استراتيجية كيفاش ممكن تنزل هاد المشاريع…
وشي مشاريع بان لي تم اقحامها من باب دغدغة مشاريع الساكنة، زعما باش تبان #وجدة حتى هي كبيرة و من المدن الماضية في التطور، بحال داك مشروع النفق الأرضي و شي مَرَائِب تحت الأرض، واللي في الحقيقة الحاجة ليها ملحة ولكن المالية ديال الجماعة هي اللي كتخلي تحققها ضرب من ضروب الخيال العلمي!
قالك غادي ابنيو مقر جديد للجماعة ومحطة طرقية جديدة، وغادي اديرو مكتبة جهوية ملاعب قرب وقاعات رياضية وزيد وزيد.. ولكن اكثر من تسعين في المائة من المشاريع اللي كاينة في هاد الهدف الاستراتيجي (الثاني) لم تنجز وبقات مجرد كلام، وشي وحدين في الحقيقة نهار صادقو على هاد البرنامج قالو ليهم بلللي راكو ديرو "برنامج وهمي" وداكشي اللي بالي..
المهم التفاصيل ديال هادشي كاين في الفيديو في هاد الحساب اللي بغا اتفرج
