Souad Nova Saidi

Souad Nova Saidi ولا غالب إلا الله
🇲🇦 🇲🇦

27/06/2026

الثلاثاء الموعد.. والرباط غادي تولّي حمرا! 🇲🇦

ناس الرباط، كونو فالموعد نهار الثلاثاء فـ Rabat Live Arena ف تيران مولاي الحسن باش نشجعو منتخبنا ضد هولندا ونعيشو أجواء ما كتعاودش. الماتش ماشي غير 90 دقيقة، راه عرس كروي كامل، وزيد عليها السهرة مع زينة الداودية والحجيب اللي غادي يشعلو المنصة قبل وبعد المواجهة.

لبس التوني ديال المنتخب، جيب صحابك، وخلّيو التيران يتهتز بصوت: ديما مغرب! 🇲🇦❤️

الموعد الثلاثاء على 2:00 ديال ليل... والحضور ديالك هو اللي غادي يصنع الفرق. يلا مازال ماخديتيش التذكرة، هادي فرصتك باش تكون جزء من الفرجة والدعم. 🔥💪
https://rla.ma/?fbclid=IwVERDUASs5_RleHRuA2FlbQIxMABzcnRjBmFwcF9pZAwzNTA2ODU1MzE3MjgAAR6G6S4l5uMrYWlll7CoYT2I67JWLb0ulRyX_QqaMQsDC6lUhb_8_NiZksg1Mg_aem_Nt42960yEv31S4bVk_XDjg

🚨 الإعلام الفرنسي مازال ما تسرطش المغرب!جابو جواد الزايري كمحلل مغربي، ولكن ملي وصل الدور على إسماعيل الصيباري، تقطعات ل...
26/06/2026

🚨 الإعلام الفرنسي مازال ما تسرطش المغرب!

جابو جواد الزايري كمحلل مغربي، ولكن ملي وصل الدور على إسماعيل الصيباري، تقطعات ليهم النفس! رفضو حتى يدخلوه فلائحة هدافي المونديال، مع أن الأرقام واضحة وما فيها لا نقاش لا تأويل: الصيباري عندو 3 أهداف، وكريستيانو رونالدو وهاري كين عندهم غير جوج!

إلى كانت الأرقام ما كتعجبكمش، فالمشكل ماشي فالصيباري... المشكل فلي مازال ما قادرش يهضم أن المغرب ولى كينافس الكبار وولادو كيتألقو فوق أكبر المنصات.

الحقيقة مرة... والمغرب باقي واقف ليهم فالحلاقم! 🇲🇦🔥
#صمكها

🚨 كاملين شايفين الحملة الممنهجة ضد منتخبنا، سواء من إعلام خارجي ولا من جيوش السوشيال ميديا.إيوا الجواب ديالنا بسيط: #صم...
25/06/2026

🚨 كاملين شايفين الحملة الممنهجة ضد منتخبنا، سواء من إعلام خارجي ولا من جيوش السوشيال ميديا.

إيوا الجواب ديالنا بسيط: #صمكوها.

من اليوم، ماتعطيوهمش القيمة، ماتجاوبوش، ماتشاركو حتى منشور ديالهم وما تستهلكوش طاقتكم فالنقاشات الفارغة. هاد الناس عايشين على التفاعل، وكل تعليق وكل مشاركة كتعطيهم أكثر من الحجم ديالهم.

حنا دابا خاصنا نكونو فظهر المنتخب، نساندوه ونركزو على الهدف الحقيقي: الإنجازات، الانتصارات والتتويج بالبطولة.

أما لي بغا يهضر، ينتاقد، ولا يخترع القصص… خليوه يهضر بوحدو.

أعطيوهم النخال، وخليو الرد الحقيقي يجي من الملعب. 🇲🇦🦁🔥

لقجع داخل "البام".. وبداية الزلزال السياسي؟حسب الصحفي عبد الإله بوسحابة، دخول فوزي لقجع لحزب الأصالة والمعاصرة ما دازش م...
24/06/2026

لقجع داخل "البام".. وبداية الزلزال السياسي؟

حسب الصحفي عبد الإله بوسحابة، دخول فوزي لقجع لحزب الأصالة والمعاصرة ما دازش مرور الكرام، بل خلق نقاش واسع داخل الحزب وفتح الباب أمام تساؤلات كثيرة حول موازين القوى فالمرحلة المقبلة.

لقجع ماشي اسم عادي فالساحة الوطنية. الرجل راكم تجربة كبيرة فالتدبير وتحقيق النتائج، ونجح فبناء صورة ديال مسؤول كيربط الوعود بالإنجازات، وهاد الشي بالضبط هو اللي خلا دخولو للحزب يثير اهتمام كبير، وفي نفس الوقت يخلق نوع من التوجس عند بعض الأطراف اللي تعودات على طرق قديمة فالتسيير والحسابات السياسية.

حسب بوسحابة، كاينين أصوات داخل الحزب بدات كتطرح أسئلة حول التأثير اللي غادي يكون عندو مستقبلاً، خصوصاً وأن المرحلة المقبلة غادي تعرف رهانات انتخابية وسياسية مهمة. وهاد الشي كيزيد من حدة النقاش حول التزكيات، اختيار المرشحين، وطريقة تدبير الملفات الكبرى داخل الحزب.

اللي كيبان اليوم هو أن دخول لقجع ما جابش غير قيمة مضافة انتخابية وتنظيمية، بل جاب معاه كذلك ثقافة جديدة مبنية على الفعالية والنتائج والمحاسبة. وهي الثقافة اللي كتشكل مصدر إزعاج لكل من تعود على منطق المصالح الضيقة أو استغلال المواقع الحزبية لتحقيق مكاسب شخصية.

الرسالة اللي ولات واضحة هي أن المرحلة المقبلة ما غاديش تكون سهلة على بعض الوجوه اللي كانت كتعتبر مواقعها مضمونة. لأن حضور شخصية بحجم لقجع كيعني أن معايير جديدة بدات كتفرض راسها، وأن الكفاءة والقدرة على الإنجاز غادي يكون عندهم وزن أكبر فصنع القرار.

واليوم، كيبقى السؤال المطروح: واش دخول فوزي لقجع غادي يشكل نقطة تحول حقيقية داخل "البام" ويعطي نفس جديد للحزب؟ ولا غادي يواجه مقاومة من طرف اللوبيات اللي مستافدة من الوضع الحالي؟

الأكيد أن اسم لقجع ولى رقم صعب فالمعادلة، وأن مجرد التحاقه بالحزب خلا الكواليس السياسية كتغلي، وخلا بزاف ديال الحسابات القديمة تتراجع أمام واقع جديد عنوانه: زمن النتائج بدا كيقرب، وزمن الامتيازات السهلة ما بقاش مضمون.

ناس الرباط و النواحي... الموعد قرب! مركب مولاي الحسن غادي يتحول لبركان ديال التشجيع، آلاف المغاربة غادي يجتمعو بصوت واحد...
22/06/2026

ناس الرباط و النواحي... الموعد قرب! مركب مولاي الحسن غادي يتحول لبركان ديال التشجيع، آلاف المغاربة غادي يجتمعو بصوت واحد باش يساندو الأسود فواحد الأجواء استثنائية فيها الفرجة، الموسيقى، الحماس وعشق القميص الوطني. جيبو الرايات، لبسو الحمر وديرو النية نعيشو ليلة كروية ما كتنساش. المغرب محتاج لصوتكم من المدرجات والفان زون غادي تكون مشتعلة من أول دقيقة حتى لآخر صفارة. 🇲🇦🔥

ديما مغرب... وموعدنا يوم الأربعاء فمولاي الحسن! 🇲🇦🐅⚽
نتلاقاو تما 😉😉
التداكر فالموقع ادناه ..
https://feverup.com/m/663956/en

21/06/2026

البوليزاريو بحال الى حسات بالصهد..
تابعونا على صفحتي الجديدة Alpha Lima

صحافة ولا محاولة تشويش رخيصة؟إلى كان الصحفي جاي لندوة رياضية من بعد ماتش مهم، فأبسط قواعد المهنة تقتضي أنه يسول على الما...
20/06/2026

صحافة ولا محاولة تشويش رخيصة؟
إلى كان الصحفي جاي لندوة رياضية من بعد ماتش مهم، فأبسط قواعد المهنة تقتضي أنه يسول على الماتش، على الأداء، وعلى الاختيارات التقنية. أما أنك تتجاهل الحدث كامل وتقفز مباشرة لموضوع ما عندوش حتى علاقة بالمقابلة، فهنا كنخرجو من إطار العمل الصحفي وكنقربو أكثر لمحاولة صناعة الجدل والتشويش.
دومينيك سيفيراك، الصحفي ديال لو باريزيان، بان وكأنه ما كانش مهتم لا بالماتش لا باللاعبين لا بما وقع فوق أرضية الميدان. كل ما كان يهمه هو جر محمد وهبي لموضوع أشرف حكيمي، وكأن الندوة تحولت فجأة لمحكمة إعلامية. هاد النوع ديال الأسئلة ما كيضيف حتى قيمة رياضية للنقاش، وإنما كيعكس هوس بعض الأطراف بأي نجاح مغربي ورغبتها الدائمة فخلق الضجيج حوله.
والأكثر إثارة للسخرية هو أن هاد المحاولات كتجي كل مرة كيتحقق فيها إنجاز جديد للكرة المغربية. مازال ما هضمواش أن المغرب ولى قوة كروية محترمة، ومازال ما تقبلوش أن مواهب كبيرة بحال يانيس بوعدي اختارت مشروع المغرب على حساب مشاريع أخرى. لذلك كيبقاو يقلبو على أي موضوع جانبي باش يبعدو الأنظار على ما يقع داخل الملعب.
للأسف، ملي كيولي الصحفي داخل لندوة وهو جايب السؤال ديالو مسبقاً بغض النظر على الماتش والحدث الرياضي، فراه ما بقيناش قدام صحافة كتبحث على المعلومة، بل قدام شخص جاي ينفذ أجندة معروفة: التشويش، خلق البوز، ومحاولة ضرب صورة المنتخب وقائده. لكن المشكل بالنسبة ليهم هو أن الجماهير ولات كتفرق بين الصحفي المهني وبين اللي كيدخل للندوة فقط باش يدير الاستفزاز.

ولدنا حنا عارفينو مزيان كيف داير ماشفنا عليه صور ماسخة ماشفناه فسهرات كيف شي وحدين.. مثال لشاب لي بعقلو و هاز راية المغر...
19/06/2026

ولدنا حنا عارفينو مزيان كيف داير ماشفنا عليه صور ماسخة ماشفناه فسهرات كيف شي وحدين.. مثال لشاب لي بعقلو و هاز راية المغرب عاليا مرضي وليديه و أطفالنا دايرينو مثل أعلى ..
ادن حنا عارفين هاد الفيلم لي راهم دايرين علاش دايرينو و كلنا مع ولدنا لاخر نفس..

19/06/2026

حزب لحمامة.. قوة الوعود و التطبيق والو

18/06/2026

📢🇲🇦 ناس الرباااااط كونو فالموعد غدا فملعب مولاي الحسن باش نشجعو منتخبنا الوطني ضد اسكتلندا فـ FIFA World Cup 2026™ Fan Zone! الأجواء غتكون نار، الشاشات العملاقة، الموسيقى، واللومبيونس ديال الجماهير المغربية لي غادي تعيش الماتش بحال إلى كنتو فالمدرجات. ما تضيعوش الفرصة وجيو نساندو الأسود ونبينو للعالم كامل شكون هو الجمهور المغربي! 🦁🇲🇦

🎟️ وعندنا ليكم حتى كود برومو فيه تخفيض 40 درهم على التذاكر:

TVX3EZLRYES7RN3

استعملوه فالتطبيق ديال Fever وخدو التخفيض ديالكم قبل ما يسالاو البلايص.

Address

Rabat
12030

Website

Alerts

Be the first to know and let us send you an email when Souad Nova Saidi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category